ஶ்ரீமத்பாகவதமஹாபுராணம் :: ஆறாம் ஸ்கந்தம் :: அத்யாயம் 8.
நாராயண கவசத்தின் உபதேசம்
அத2 அஷ்டமோऽத்2யாய:
ஶ்ரீராஜோவாச
யயா கு3ப்த: ஸஹஸ்ராக்ஷ: ஸவாஹான் ரிபுஸைநிகான்|
க்ரீட3ந்நிவ விநிர்ஜித்ய த்ரிலோக்யா பு3பு4ஜே ஶ்ரியம்|| 1
ப4க3வம்ஸ்தன் மமாக்2யாஹி வர்ம நாராயணாத்மகம்|
யதா2 ஆததாயின: ஶத்ரூன் யேன கு3ப்தோऽஜயன் ம்ருதே4|| 2
ஶ்ரீஶுக உவாச
வ்ருத: புரோஹிதஸ்த்வாஷ்ட்ரோ மஹேந்த்3ராயாநுப்ருச்ச2தே|
நாராயணாக்2யம் வர்மாஹ ததி3ஹைகமநா: ஶ்ருணு|| 3
ஶ்ரீவிஶ்வரூப உவாச
தௌ4தாங்க்4ரிபாணி ராசம்ய ஸபவித்ர உத3ங்முக2:|
க்ருதஸ்வாங்க3 கரன்யாஸோ மந்த்ராப்4யாம் வாக்3யத: ஶுசி:|| 4
நாராயணபரம் வர்ம ஸந்நஹ்யேத்3 ப4ய ஆக3தே|
பாத3யோர் ஜாநுநோரூர்வோருத3ரே ஹ்ருத்3யதோ2ரஸி|| 5
முகே2 ஶிரஸ்யாநு பூர்வ்யாத3 ௐகாராதீ3நி வின்யஸேத்|
ௐ நமோ நாராயணாயேதி விபர்யயமதா2பி வா 6
கரன்யாஸம் தத: குர்யாத்3 த்3வாத3ஶாக்ஷர வித்3யயா|
ப்ரணவாதி3 யகாராந்த மங்கு3ல்யங்கு3ஷ்ட2பர்வஸு|| 7
ந்யஸேத்3 ஹ்ருத3ய ஓங்காரம் விகாரமநு மூர்த4னி|
ஷகாரம் து ப்4ருவோர் மத்4யே ணகாரம் ஶிக2யா தி3ஶோத் 8
வேகாரம் நேத்ரயோர் யுஞ்ஜ்யாந் நகாரம் ஸர்வஸந்தி4ஷு|
மகார மஸ்த்ர முத்3தி3ஶ்ய மந்த்ரமூர்திர் ப4வேத்3 பு3த4: 9
ஸவிஸர்க3ம் ப2ட3ந்தம் தத் ஸர்வதி3க்ஷு விநிர்தி3ஶேத்|
ௐ விஷ்ணவே நம இதி|| 10
ஆத்மானம் பரமம் த்4யாயேத்3 த்4யேயம் ஷட்ஶக்திபி4ர் யுதம்|
வித்3யா தேஜஸ் தபோ மூர்திமிமம் மந்த்ரமுதா3ஹரேத்|| 11
ௐ ஹரிர் வித3த்4யான் மம ஸர்வரக்ஷாம்
ந்யஸ்தாங்க்4ரிபத்3ம: பதகே3ந்த்3ர ப்ருஷ்டே2|
த3ராரிசர்மாஸி க3தே3ஷு சாப-
பாஶான் த3தா4நோऽஷ்டகு3ணோऽஷ்டபா3ஹு:|| 12
ஜலேஷு மாம் ரக்ஷது மத்ஸ்ய மூர்திர்
யாதோ3 க3ணேப்4யோ வருணஸ்ய பாஶாத்|
ஸ்த2லேஷு மாயாவடுவாமநோऽவ்யாத்-
த்ரிவிக்ரம: கே2ऽவது விஶ்வரூப:|| 13
து3ர்கே3ஷ்வடவ்யாஜி முகா2தி3ஷு ப்ரபு4:
பாயாந்ந்ருஸிம்ஹோऽஸுரயூத2பாரி:|
விமுஞ்சதோ யஸ்ய மஹாட்டஹாஸம்
தி3ஶோ விநேது3ர் ந்யபதம்ஶ்ச க3ர்பா4:|| 14
ரக்ஷத்வஸௌ மாத்4வநி யஜ்ஞகல்ப:
ஸ்வத3ம்ஷ்ட்ரயோந்நீதத4ரோ வராஹ:|
ராமோऽத்3ரி கூடேஷ்வத2 விப்ரவாஸே
ஸலக்ஷ்மணோऽவ்யாத்3 ப4ரதாக்3ரஜோऽஸ்மான்|| 15
மாமுக்3ர த4ர்மாத3கி2லாத் ப்ரமாதா3ந்
நாராயண: பாது நரஶ்ச ஹாஸாத்|
த3த்தஸ்த்வயோகா3த் அத யோக3நாத2:
பாயாத்3 கு3ணேஶ: கபில: கர்மப3ந்தா4த்|| 16
ஸநத்குமாரோऽவது காமதே3வாத்
ஹயஶீர்ஷா மாம் பதி2 தே3வஹேலநாத்|
தே3வர்ஷிவர்ய: புருஷார்சநாந்தராத்
கூர்மோ ஹரிர் மாம் நிரயாத3ஶேஷாத்|| 17
த4ன்வந்தரிர் ப4க3வான் பாத்வபத்2யாத்3
த்3வந்த்3வாத்3 ப4யாத்3 ருஷபோ4 நிர்ஜிதாத்மா|
யஜ்ஞஶ்ச லோகாத3வதாஜ்ஜநாந்தாத்3
ப3லோ க3ணாத் க்ரோத4வஶாத3ஹீந்த்3ர:|| 18
த்3வைபாயநோ ப4க3வாநப்ரபோ3தா4த்3
பு3த்3த4ஸ்து பாக2ண்ட3க3ணாத் ப்ரமாதா3த்|
கல்கி: கலே: காலமலாத் ப்ரபாது
த4ர்மாவநாயோரு க்ருதாவதார:|| 19
மாம் கேஶவோ க3த3யா ப்ராதரவ்யாத்3
கோ3விந்த3 ஆஸங்க3வ மாத்தவேணு:|
நாராயண: ப்ராஹ்ண உதா3த்தஶக்திர்
மத்4யந்தி3னே விஷ்ணுரரீந்த்3ரபாணி:|| 20
தே3வோऽபராஹ்ணே மது4ஹோக்3ரத4ன்வா
ஸாயம் த்ரிதா4மாவது மாத4வோ மாம்|
தோ3ஷே ஹ்ருஷீகேஶ உதார்த4ராத்ரே
நிஶீத2 ஏகோऽவது பத்3மநாப4:|| 21
ஶ்ரீவத்ஸதா4மாபரராத்ர ஈஶ:
ப்ரத்யூஷ ஈஶோऽஸித4ரோ ஜநார்த3ன:|
தா3மோத3ரோऽவ்யாத3நு ஸந்த்4யம் ப்ரபா4தே
விஶ்வேஶ்வரோ ப4க3வான் கால மூர்த்தி:|| 22
சக்ரம் யுகா3ந்தாநலதிக்3மநேமி
ப்4ரமத் ஸமந்தாத்3 ப4க3வத் ப்ரயுக்தம்|
த3ந்த3க்3தி4 த3ந்த3க்3த்4யரி ஸைன்யமாஶு
கக்ஷம் யதா2 வாதஸகோ2 ஹு தாஶ:|| 23
க3தே3ऽஶநிஸ்பர்ஶன விஸ்பு2லிங்கே3
நிஷ்பிண்டி4 நிஷ்பிண்ட்4யஜிதப்ரியாஸி|
கூஷ்மாண்ட3வைநாயகயக்ஷரக்ஷோ
பூதக்3ரஹாம்ஶ்சூர்ணய சூர்ணயாரீன்|| 24
த்வம் யாதுதா4னப்ரமத2ப்ரேதமாத்ரு-
பிஶாசவிப்ரக்3ரஹகோ4ரத்3ருஷ்டீன்|
த3ரேந்த்3ர வித்3ராவய க்ருஷ்ணபூரிதோ
பீ4மஸ்வநோऽரேர் ஹ்ருத3யானி கம்பயன்|| 25
த்வம் திக்3மதா4ராஸி வராரிஸைன்ய-
மீஶப்ரயுக்தோ மம சி2ந்தி4 சி2ந்தி4|
சக்ஷூம்ஷி சர்மன் ஶதசந்த்3ர சா2த3ய
த்3விஷாமகோ4நாம் ஹர பாபசக்ஷுஷாம்|| 26
யந்நோ ப4யம் க்3ரஹேப்4யோऽபூ4த் கேதுப்4யோ ந்ருப்4ய ஏவ ச|
ஸரீஸ்ருபேப்4யோ த3ம்ஷ்ட்ரிப்4யோ பூ4தேப்4யோம்ऽஹோப்4ய ஏவ ச|| 27
ஸர்வாண்யேதாநி ப4க3வந்நாம ரூபாஸ்த்ர கீர்தநாத்|
ப்ரயாந்து ஸங்க்ஷயம் ஸத்3யோ யே ந: ஶ்ரேய:ப்ரதீபகா:|| 28
க3ருடோ3 ப4க3வான் ஸ்தோத்ரஸ்தோப4ஶ்ச2ந்தோ3மய: ப்ரபு4:|
ரக்ஷத்வஶேஷக்ருச்ச்2ரேப்4யோ விஷ்வக்ஸேந: ஸ்வநாமபி4:|| 29
ஸர்வாபத்3ப்4யோ ஹரேர் நாம ரூபயாநாயுதா4நி ந:|
பு3த்3தீ4ந்த்3ரியமன: ப்ராணான் பாந்து பார்ஷத3 பூ4ஷணா:|| 30
யதா2 ஹி ப4க3வானேவ வஸ்துத: ஸத3ஸச்ச யத்|
ஸத்யேநாநேந ந: ஸர்வே யாந்து நாஶமுபத்3ரவா:|| 31
யதை2காத்ம்யாநுபா4வாநாம் விகல்பரஹித: ஸ்வயம்|
பூ4ஷணாயுத4 லிங்கா3க்2யா த4த்தே ஶக்தீ: ஸ்வமாயயா|| 32
தேனைவ ஸத்யமானேன ஸர்வஜ்ஞோ ப4க3வான் ஹரி:|
பாது ஸர்வை: ஸ்வரூபைர் ந: ஸதா3 ஸர்வத்ர ஸர்வக3:|| 33
விதி3க்ஷு தி3க்ஷூர்த்4வமத4: ஸமந்தா-
த3ந்தர்ப3ஹிர் ப4க3வான் நாரஸிம்ஹ:|
ப்ரஹாபயம்ல்லோகப4யம் ஸ்வநேந
ஸ்வதேஜஸா க்3ரஸ்த ஸமஸ்த தேஜா:|| 34
மக4வந்நித3மாக்2யாதம் வர்ம நாராயணாத்மகம்|
விஜேஷ்யஸ்யஞ்ஜஸா யேன த3ம்ஶிதோऽஸுர யூத2பான்|| 35
ஏதத்3 த4ரயமாணஸ்து யம் யம் பஶ்யதி சக்ஷுஷா|
பதா3 வா ஸம்ஸ்ப்ருஶேத் ஸத்3ய: ஸாத்4வஸாத் ஸ விமுச்யதே|| 36
ந குதஶ்சித்3 ப4யம் தஸ்ய வித்3யாம் தா4ரயதோ ப4வேத்|
ராஜத3ஸ்யு க்3ரஹாதி3ப்4யோ வ்யாத்4யாதி3ப்4யஶ்ச கர்ஹிசித்|| 37
இமாம் வித்3யாம் புரா கஶ்சித் கௌஶிகோ தா4ரயன் த்3விஜ:|
யோக3 தா4ரணயா ஸ்வாங்க3ம் ஜஹௌ ஸ மருத4ன்வனி|| 38
தஸ்யோபரி விமானேன க3ந்த4ர்வபதிரேகதா3|
யயௌ சித்ரரத2: ஸ்த்ரீபி4ர் வ்ருதோ யத்ர த்3விஜக்ஷய:|| 39
க3க3நான்ன்யபதத் ஸத்3ய: ஸவிமாநோ ஹ்யவாக்ஶிரா:|
ஸ வாலகி2ல்ய வசநாத3ஸ்தீ2ன்யாதா3ய விஸ்மித:|
ப்ராஸ்ய ப்ராசீஸரஸ்வத்யாம் ஸ்நாத்வா தா4ம ஸ்வமன்வகா3த்|| 40
ஶ்ரீஶுக உவாச
ய இத3ம் ஶ்ருணுயாத் காலே யோ தா4ரயதி சாத்3ருத:|
தம் நமஸ்யந்தி பூ4தாநி முச்யதே ஸர்வதோ ப4யாத்|| 41
ஏதாம் வித்3யாமதி4க3தோ விஶ்வரூபாச்ச2தக்ரது:|
த்ரைலோக்ய லக்ஷ்மீம் பு3பு4ஜே விநிர்ஜித்ய ம்ருதே4ऽஸுரான்|| 42
|| இதி ஶ்ரீமத்3பா4க3வதே மஹாபுராணே பாரமஹம்ஸ்யாம் ஸம்ஹிதாயாம்
ஷஷ்ட2ஸ்கந்தே4 நாராயணவர்ம கத2நம் நாம அஷ்டமோऽத்4யாய: || 8 ||
ஆறாம் ஸ்கந்தம் - எட்டாம் அத்யாயம் முற்றும்.