ஶ்ரீமத்பாகவதமஹாபுராணம் :: ஐந்தாம் ஸ்கந்தம் :: அத்யாயம் 18.
பின்ன பின்ன வர்ஷங்களின் வர்ணனை
பஞ்சம: ஸ்கந்த4: அதா2ஷ்டாத3ஶோऽத்4யாய:
ஶ்ரீஶுக உவாச
ததா2 ச ப4த்3ரஶ்ரவா நாம த4ர்மஸுதஸ்தத்குலபதய: புருஷா ப4த்3ராஶ்வவர்ஷே ஸாக்ஷாத்3 ப4க3வதோ வாஸுதே3வஸ்ய ப்ரியாம் தநும் த4ர்மமயீம் ஹயஶீர் ஷாபி4தா4நாம் பரமேண ஸமாதி4நா ஸந்நிதா4ப்யேத3 மபி4க்3ருணந்த உபதா4வந்தி|| 1
ப4த்3ரஶ்ரவஸ ஊசு:
ௐ நமோ ப4க3வதே த4ர்மாயா ஆத்மவிஶோத4நாய நம இதி|| 2
அஹோ விசித்ரம் ப4க3வத்3 விசேஷ்டிதம்
க்4நந்தம் ஜநோऽயம் ஹி மிஷந்ந பஶ்யதி|
த்4யாயந்நஸத்3 யர்ஹி விகர்ம ஸேவிதும்
நிர்ஹ்ருத்ய புத்ரம் பிதரம் ஜிஜீவிஷதி|| 3
வத3ந்தி விஶ்வம் கவய: ஸ்ம நஶ்வரம்
பஶ்யந்தி ச அத்4யாத்மவிதோ3 விபஶ்சித:|
ததா2பி முஹ்யந்தி தவாஜ மாயயா
ஸுவிஸ்மிதம் க்ருத்யமஜம் நதோऽஸ்மி தம்|| 4
விஶ்வோத்3ப4வஸ்தா2ந நிரோத4 கர்ம தே
ஹ்யகர்துரங்கீ3க்ருதமப்யபாவ்ருத:|
யுக்தம் ந சித்ரம் த்வயி கார்ய காரணே
ஸர்வாத்மனி வ்யதிரிக்தே ச வஸ்துத:|| 5
வேதா3ன் யுகா3ந்தே தமஸா திரஸ்க்ருதான்
ரஸாதலாத்3யோ ந்ருதுரங்க3விக்3ரஹ:|
ப்ரத்யாத3தே3 வை கவயேऽபி4யாசதே
தஸ்மை நமஸ்தே ऽவிததே2ஹிதாய இதி|| 6
ஹரிவர்ஷே சாபி ப4க3வாந் நரஹரிரூபேணாஸ்தே|
தத்3ரூபக்3ரஹண நிமித்த முத்தரத்ராபி4-தா4ஸ்யே| தத்3த3யிதம் ரூபம் மஹாபுருஷ கு3ணபா4ஜநோ மஹாபா4க3வதோ தை3த்யதா3னவ-குலதீர்தீ2கரணஶீலாசரித: ப்ரஹ்லாதோ3ऽவ்யவதா4ந அனன்ய ப4க்தியோகே3ன ஸஹ தத்3வர்ஷபுருஷை ருபாஸ்தே இத3ம் சோதா3ஹரதி|| 7
ௐ நமோ ப4க3வதே நரஸிம்ஹாய நமஸ்தேஜஸ்தேஜஸே ஆவிராவிர்ப4வ வஜ்ரநக2 வஜ்ரத3ம்ஷ்ட்ர கர்மாஶயான் ரந்த4ய ரந்த4ய தமோ க்3ரஸ க்3ரஸ ௐ ஸ்வாஹா| அப4யமப4யமாத்மனி பூ4யிஷ்டா2 ௐ க்ஷ்ரௌம்|| 8
ஸ்வஸ்த்யஸ்து விஶ்வஸ்ய க2ல: ப்ரஸீத3தாம்
த்4யாயந்து பூ4தாநி ஶிவம் மிதோ2 தி4யா|
மனஶ்ச ப4த்3ரம் ப4ஜதாத3தோ4க்ஷஜே
ஆவேஶ்யதாம் நோ மதிரப்யஹைதுகீ|| 9
மா கா3ரதா3ராத்மஜ வித்த ப3ந்து4ஷு
ஸங்கோ3 யதி3 ஸ்யாத்3 ப4க3வத்ப்ரியேஷு ந:|
ய: ப்ராணவ்ருத்த்யா பரிதுஷ்ட ஆத்மவான்
ஸித்3த்4யத்யதூ3ராந்ந ததே2ந்த்3ரிய ப்ரிய:|| 10
யத்ஸங்க3லப்3த4ம் நிஜவீர்ய வைப4வம்
தீர்த2ம் முஹு: ஸம்ஸ்ப்ருஶதாம் ஹி மானஸம்|
ஹரத்யஜோऽந்த: ஶ்ருதிபி4ர்க3தோऽங்க3ஜம்
கோ வை ந ஸேவேத முகுந்த3விக்ரமம்|| 11
யஸ்யாஸ்தி ப4க்திர் ப4க3வத்யகிஞ்சநா
ஸர்வைர் கு3ணைஸ்தத்ர ஸமாஸதே ஸுரா:|
ஹராவப4க்தஸ்ய குதோ மஹத்3கு3ணா
மநோரதே2நாஸதி தா4வதோ ப3ஹி:|| 12
ஹரிர்ஹி ஸாக்ஷாத்3 ப4க3வான் ஶரீரிணா-
மாத்மா ஜ2ஷாணாமிவ தோயமீப்ஸிதம்|
ஹித்வா மஹாம்ஸ்தம் யதி3 ஸஜ்ஜதே க்3ருஹே
ததா3 மஹத்த்வம் வயஸா த3ம்பதீநாம்|| 13
தஸ்மாத்3 ரஜோ ராக3 விஷாத3மன்யு
மான ஸ்ப்ருஹா ப4யதை3ன்யாதி4மூலம்|
ஹித்வா க்3ருஹம் ஸம்ஸ்ருதி சக்ரவாலம்
ந்ருஸிம்ஹபாத3ம் ப4ஜதாகுதோப4யமிதி|| 14
கேதுமாலேऽபி ப4க3வான் காமதே3வஸ்வரூபேண லக்ஷ்ம்யா: ப்ரியசிகீர்ஷயா ப்ரஜாபதேர் து3ஹித்ரூணாம் புத்ராணாம் தத்3வர்ஷபதீநாம் புருஷாயுஷாஹோராத்ர-பரிஸங்க்2யாநாநாம் யாஸாம் க3ர்பா4 மஹாபுருஷ மஹாஸ்த்ர-தேஜஸோத்3வேஜிதமனஸாம் வித்4வஸ்தா வ்யஸவ: ஸம்வத்ஸராந்தே விநிபதந்தி|| 15
அதீவ ஸுலலித க3திவிலாஸ விலஸித ருசிரஹாஸ லேஶாவலோகலீ-லயா கிஞ்சிது3த்தம்பி4த ஸுந்த3ர ப்4ரூமண்ட3ல ஸுப4க3-வத3நாரவிந்த3ஶ்ரியா ரமாம் ரமயந்நிந்த்3ரியாணி ரமயதே|| 16
தத்3ப4க3வதோ மாயாமயம் ரூபம் பரமஸமாதி4யோகே3ன ரமா தே3வீ ஸம்வத்ஸரஸ்ய ராத்ரிஷு ப்ரஜாபதேர் து3ஹித்ருபி4ருபேதாஹ:ஸு ச தத்3ப4ர்த்ருபி4 ருபாஸ்தே இத3ம் ச உதா3ஹரதி|| 17
ௐ ஹ்ராம் ஹ்ரீம் ஹ்ரூம் ௐ நமோ ப4க3வதே ஹ்ருஷீகேஶாய ஸர்வகு3ணவிஶேஷைர் விலக்ஷிதாத்மநே ஆகூதீநாம் சித்தீநாம் சேதஸாம் விஶேஷாணாம் சாதி4பதயே ஷோட3ஶ-கலாயச்ச2ந்தோ3மயாய அந்நமயாயஅம்ருதமயாய ஸர்வமயாய ஸஹஸே ஓஜஸே ப3லாய காந்தாய காமாய நமஸ்தே உப4யத்ர பூ4யாத்|| 18
ஸ்த்ரியோ வ்ரதைஸ்த்வா ஹ்ருஷீகேஶ்வரம் ஸ்வதோ
ஹ்யாராத்4ய லோகே பதிமாஶாஸதேऽன்யம்|
தாஸாம் ந தே வை பரிபாந்த்யபத்யம்
ப்ரியம் த4நாயூம்ஷி யதோऽஸ்வதந்த்ரா:|| 19
ஸ வை பதி: ஸ்யாத3குதோப4ய: ஸ்வயம்
ஸமந்தத: பாதி ப4யாதுரம் ஜனம்|
ஸ ஏக ஏவேதரதா2 மிதோ2 ப4யம்
நைவாத்மலாபா4த3தி4 மந்யதே பரம்|| 20
யா தஸ்ய தே பாத3ஸரோருஹார்ஹணம்
நிகாமயேத் ஸாகி2ல காமலம்படா|
ததே3வ ராஸீப்ஸித மீப்ஸிதோऽர்சிதோ
யத்3ப4க்3நயாச்ஞா ப4க3வன் ப்ரதப்யதே|| 21
மத்ப்ராப்தயே அஜேஶ ஸுராஸுராத3ய
ஸ்தப்யந்த உக்3ரம் தப ஐந்த்3ரியே தி4ய:|
ருதே ப4வத்பாத3பராயணாந்ந மாம்
விந்த3ந்த்யஹம் த்வத்3 த்4ருத3யா யதோऽஜித|| 22
ஸ த்வம் மமாப்யச்யுத ஶீர்ஷ்ணி வந்தி3தம்
கராம்பு3ஜம் யத்த்வத3தா4யி ஸாத்வதாம்|
பி3ப4ர்ஷி மாம் லக்ஷ்ம வரேண்ய மாயயா
க ஈஶ்வரஸ்யேஹித மூஹிதும் விபு4ரிதி|| 23
ரம்யகே ச ப4க3வத: ப்ரியதமம் மாத்ஸ்ய மவதாரரூபம் தத்3வர்ஷபுருஷஸ்ய மநோ: ப்ராக்ப்ரத3ர்ஶிதம் ஸ இதா3நீமபி மஹதா ப4க்தியோகே3நாராத4யதீத3ம் சோதா3ஹரதி|| 24
ௐ நமோ ப4க3வதே முக்2யதமாய நம: ஸத்த்வாய ப்ராணாயௌஜஸே ஸஹஸே ப3லாய மஹாமத்ஸ்யாய நம இதி|| 25
அந்தர் ப3ஹிஶ்சாகி2ல லோகபாலகை
ரத்3ருஷ்டரூபோ விசரஸ்யுருஸ்வன:|
ஸ ஈஶ்வரஸ்த்வம் ய இத3ம் வஶேऽநயத்
நாம்நா யதா2 தா3ருமயீம் நர: ஸ்த்ரியம்|| 26
யம் லோகபாலா: கில மத்ஸரஜ்வரா
ஹித்வா யதந்தோऽபி ப்ருத2க் ஸமேத்ய ச|
பாதும் ந ஶேகுர் த்3விபத3ஶ்சதுஷ்பத3:
ஸரீஸ்ருபம் ஸ்தா2ணு யத3த்ர த்3ருஶ்யதே|| 27
ப4வான் யுகா3ந்தார்ணவ ஊர்மிமாலிநி
க்ஷோணீமிமாமோஷதி4 வீருதா4ம் நிதி4ம்|
மயா ஸஹோரு க்ரமதே ऽஜ ஓஜஸா
தஸ்மை ஜக3த் ப்ராண க3ணாத்மநே நம இதி|| 28
ஹிரண்மயேऽபி ப4க3வாந்நிவஸதி கூர்மதநும் பி3ப்4ராணஸ்தஸ்ய தத்ப்ரியதமாம் தநு-மர்யமா ஸஹ வர்ஷபுருஷை: பித்ருக3ணாதி4பதி ருபதா4வதி மந்த்ரமிமம் சாநுஜபதி|| 29
ௐ நமோ ப4க3வதே அகூபாராய ஸர்வஸத்வ கு3ணவிஶேஷணாய அநுபலக்ஷித-ஸ்தா2நாய நமோ வர்ஷ்மணே நமோ பூ4ம்னே நமோ நமோऽவஸ்தா2நாய நமஸ்தே|| 30
யத்3ரூப மேதந் நிஜமாயயார்பித
மர்த2ஸ்வரூபம் ப3ஹுரூபரூபிதம்|
ஸங்க்2யா ந யஸ்யாஸ்த்யயதோ2பலம்ப4நாத்
தஸ்மை நமஸ்தே ऽவ்யபதே3ஶ ரூபிணே|| 31
ஜராயுஜம் ஸ்வேத3ஜ மண்ட3 ஜோத்3பி4த3ம்
சராசரம் தே3வர்ஷி பித்ரு பூ4த மைந்த்3ரியம்|
த்3யௌ: க2ம் க்ஷிதி: ஶைல ஸரித் ஸமுத்3ர
த்3வீப க்3ரஹர்க்ஷேத்யபி4தே4ய ஏக:|| 32
யஸ்மின்னஸங்க்2யேய விஶேஷநாம
ரூபாக்ருதௌ கவிபி4: கல்பிதேயம்|
ஸங்க்2யா யயா தத்த்வத்3ருஶாபநீயதே
தஸ்மை நம: ஸாங்க்2ய நித3ர்ஶநாய தே இதி|| 33
உத்தரேஷு ச குருஷு ப4க3வான் யஜ்ஞபுருஷ: க்ருதவராஹரூப ஆஸ்தே தம் து தே3வீ ஹைஷா பூ4: ஸஹ குருபி4ரஸ்க2லித ப4க்தியோகே3நோபதா4வதி இமாம் ச பரமா முபநிஷத3 மாவர்தயதி|| 34
ௐ நமோ ப4க3வதே மந்த்ர தத்வலிங்கா3ய யஜ்ஞக்ரதவே மஹாத்4வராவயவாய மஹாபுருஷாய நம: கர்மஶுக்லாய த்ரியுகா3ய நமஸ்தே|| 35
யஸ்ய ஸ்வரூபம் கவயோ விபஶ்சிதோ
கு3ணேஷு தா3ருஷ்விவ ஜாதவேத3ஸம்|
மத்2நந்தி மத்2நா மனஸா தி3த்3ருக்ஷவோ
கூ3ட4ம் க்ரியார்தை2ர் நம ஈரிதாத்மனே|| 36
த்3ரவ்ய க்ரியா ஹேத்வயநேஶ கர்த்ருபி4ர்
மாயாகு3ணைர் வஸ்துநிரீக்ஷிதாத்மநே|
அன்வீக்ஷயாங்கா3திஶயாத்ம பு3த்3தி4பி4ர்
நிரஸ்த மாயாக்ருதயே நமோ நம:|| 37
கரோதி விஶ்வஸ்தி2தி ஸம்யமோத3யம்
யஸ்யேப்ஸிதம் நேப்ஸித மீக்ஷிதுர் கு3ணை:|
மாயா யதா2யோ ப்4ரமதே ததா3ஶ்ரயம்
க்3ராவ்ணோ நமஸ்தே கு3ணகர்ம ஸாக்ஷிணே|| 38
ப்ரமத்2ய தை3த்யம் ப்ரதிவாரணம் ம்ருதே4
யோ மாம் ரஸாயா ஜக3தா3தி3ஸூகர:|
க்ருத்வாக்3ரத3ம்ஷ்ட்ரே நிரகா3து3த3ன்வத:
க்ரீட3ந்நிவேப4: ப்ரணதாஸ்மி தம் விபு4மிதி|| 39
||இதி ஶ்ரீமத்3பா4க3வதே மஹாபுராணே பாரமஹம்ஸ்யாம் ஸம்ஹிதாயாம் பஞ்சமஸ்கந்தே4 பு4வனகோஶ வர்ணநம் நாம அஷ்டாத3ஶோऽத்4யாய:|| 18
பதினெட்டாம் அத்யாயம் முற்றும்.