ஶ்ரீமத்பாகவதமஹாபுராணம் :: ஐந்தாம் ஸ்கந்தம் :: அத்யாயம் 11.
ராஜா ரகுகணனுக்கு பரதரின் உபதேசம்
பஞ்சம: ஸ்கந்த4: அத2 ஏகாத3ஶோऽத்4யாய:
ப்3ராஹ்மண உவாச
அகோவித3: கோவித3வாத3வாதா3ன்
வத3ஸ்யதோ2 நாதிவிதா3ம் வரிஷ்ட2:|
ந ஸூரயோ ஹி வ்யவஹாரமேநம்
தத்த்வாவமர்ஶேன ஸஹாமநந்தி|| 1
ததை2வ ராஜந்நுருகா3ர்ஹமேத4-
விதாந வித்3யோரு விஜ்ரும்பி4தேஷு|
ந வேத3வாதே3ஷு ஹி தத்த்வவாத3:
ப்ராயேண ஶுத்3தோ4 நு சகாஸ்தி ஸாது4:|| 2
ந தஸ்ய தத்த்வ க்3ரஹணாய ஸாக்ஷாத்3
வரீயஸீரபி வாச: ஸமாஸன்|
ஸ்வப்னே நிருக்த்யா க்3ருஹமேதி4ஸௌக்2யம்
ந யஸ்ய ஹேயாநுமிதம் ஸ்வயம் ஸ்யாத்|| 3
யாவன் மநோ ரஜஸா பூருஷஸ்ய
ஸத்த்வேன வா தமஸா வாநுருத்3த4ம்|
சேதோபி4 ராகூதிபி4 ராதநோதி
நிரங்குஶம் குஶலம் சேதரம் வா|| 4
ஸ வாஸநாத்மா விஷயோபரக்தோ
கு3ணப்ரவாஹோ விக்ருத: ஷோட3ஶாத்மா|
பி3ப்4ரத்ப்ருத2ங்நாமபி4 ரூபபே4த3-
மந்தர் ப3ஹிஷ்ட்வம் ச புரைஸ்தநோதி|| 5
து3:க2ம் ஸுக2ம் வ்யதிரிக்தம் ச தீவ்ரம்
காலோபபந்நம் ப2லமாவ்யனக்தி|
ஆலிங்க்3ய மாயாரசிதாந்தராத்மா
ஸ்வதே3ஹினம் ஸம்ஸ்ருதி சக்ரகூட:|| 6
தாவாநயம் வ்யவஹார: ஸதா3வி:
க்ஷேத்ரஜ்ஞ ஸாக்ஷ்யோ ப4வதி ஸ்தூ2லஸூக்ஷ்ம:|
தஸ்மான் மநோ லிங்க3மதோ3 வத3ந்தி
கு3ணாகு3ணத்வஸ்ய பராவரஸ்ய|| 7
கு3ணாநுரக்தம் வ்யஸநாய ஜந்தோ:
க்ஷேமாய நைர்கு3ண்யமதோ2 மன: ஸ்யாத்|
யதா2 ப்ரதீ3போ க்4ருதவர்திமஶ்னன்
ஶிகா2: ஸதூ4மா ப4ஜதி ஹ்யன்யதா3 ஸ்வம்|
பத3ம் ததா2 கு3ணகர்மாநுப3த்3த4ம்
வ்ருத்தீர்மன: ஶ்ரயதேऽன்யத்ர தத்வம்|| 8
ஏகாத3ஶாஸன் மனஸோ ஹி வ்ருத்தய
ஆகூதய: பஞ்ச தி4யோऽபி4மான:|
மாத்ராணி கர்மாணி புரம் ச தாஸாம்
வத3ந்தி ஹைகாத3ஶ வீர பூ4மீ:|| 9
க3ந்தா4க்ருதிஸ்பர்ஶரஸ ஶ்ரவாம்ஸி
விஸர்க3ரத்யர்த்யபி4ஜல்ப ஶில்பா:|
ஏகாத3ஶம் ஸ்வீகரணம் மமேதி
ஶய்யாமஹம் த்3வாத3ஶ மேக ஆஹு:|| 10
த்3ரவ்ய ஸ்வபா4வாஶய கர்ம காலை-
ரேகாத3ஶாமீ மனஸோ விகாரா:|
ஸஹஸ்ரஶ: ஶதஶ: கோடிஶஶ்ச
க்ஷேத்ரஜ்ஞதோ ந மிதோ2 ந ஸ்வத: ஸ்யு:|| 11
க்ஷேத்ரஜ்ஞ ஏதா மனஸோ விபூ4தீர்
ஜீவஸ்ய மாயாரசிதஸ்ய நித்யா:|
ஆவிர்ஹிதா: க்வாபி திரோஹிதாஶ்ச
ஶுத்3தோ4 விசஷ்டே ஹ்யவிஶுத்3த4கர்து:|| 12
க்ஷேத்ரஜ்ஞ ஆத்மா புருஷ: புராண:
ஸாக்ஷாத் ஸ்வயம் ஜ்யோதி ரஜ: பரேஶ:|
நாராயணோ ப4க3வான் வாஸுதே3வ:
ஸ்வமாயயாऽऽத்மன்யவதீ4யமான:|| 13
யதா2நில: ஸ்தா2வரஜங்க3மாநாம்
ஆத்மஸ்வரூபேண நிவிஷ்ட ஈஶேத்|
ஏவம் பரோ ப4க3வான் வாஸுதே3வ:
க்ஷேத்ரஜ்ஞ ஆத்மேத3மநு ப்ரவிஷ்ட:|| 14
ந யாவதே3தாம் தநுப்4ருந் நரேந்த்3ர
விதூ4ய மாயாம் வயுநோத3யேன|
விமுக்த ஸங்கோ3 ஜிதஷட்ஸபத்நோ
வேதா3த்மதத்த்வம் ப்4ரமதீஹ தாவத்|| 15
ந யாவதே3தன்மன ஆத்மலிங்க3ம்
ஸம்ஸார தாபாவபனம் ஜனஸ்ய|
யச்சோ2க மோஹாமய ராக3லோப4-
வைராநுப3ந்த4ம் மமதாம் வித4த்தே|| 16
ப்4ராத்ருவ்யமேனம் தத3த3ப்4ரவீர்ய-
முபேக்ஷயாத்4யேதி4தமப்ரமத்த:|
கு3ரோர்ஹரேஶ்சரணோபாஸநாஸ்த்ரோ
ஜஹி வ்யலீகம் ஸ்வயமாத்மமோஷம்|| 17
இதி ஶ்ரீமத்3பா4க3வதே மஹாபுராணே பாரமஹம்ஸ்யாம் ஸம்ஹிதாயாம் பஞ்சமஸ்கந்தே4 ப்3ராஹ்மணரஹூக3ண ஸம்வாதே3 ஏகாத3ஶோऽத்4யாய:|| 11
பதினொன்றாம் அத்யாயம் முற்றும்.