ஶ்ரீமத்பாகவதமஹாபுராணம் :: நான்காம் ஸ்கந்தம் :: அத்யாயம் 4.
சதியின் அக்னிப்பிரவேசம்
சதுர்த2: ஸ்கந்த4: அத2 சதுர்தோ2அத்4யாய:
மைத்ரேய உவாச
ஏதாவது3க்த்வா விரராம ஶங்கர:
பத்ன்யங்க3நாஶம் ஹ்யுப4யத்ர சிந்தயன்|
ஸுஹ்ருத்3தி3த்3ருக்ஷு: பரிஶங்கிதா ப4வாந்
நிஷ்க்ராமதீ நிர்விஶதீ த்3விதா4ऽऽஸ ஸா|| 01
ஸுஹ்ருத்3தி3த்3ருக்ஷா ப்ரதிகா4த து3ர்மநா:
ஸ்நேஹாத்3ருத3த்யஶ்ருகலாதிவிஹ்வலா|
ப4வம் ப4வான்யப்ரதிபூருஷம் ருஷா
ப்ரத4க்ஷ்யதீவைக்ஷத ஜாத வேபது2:|| 02
ததோ விநி:ஶ்வஸ்ய ஸதீ விஹாய தம்
ஶோகேன ரோஷேண ச தூ3யதா ஹ்ருதா3|
பித்ரோரகா3த் ஸ்த்ரைண விமூட4தீ4ர் க்3ருஹான்
ப்ரேம்ணா ऽऽத்மநோ யோऽர்த4மதா3த் ஸதாம் ப்ரிய:|| 03
தாமன்வக3ச்ச2ன் த்3ருத விக்ரமாம் ஸதீம்
ஏகாம் த்ரிநேத்ராநுசரா: ஸஹஸ்ரஶ:|
ஸபார்ஷத3யக்ஷா மணிமன்மதா3த3ய:
புரோவ்ருஷேந்த்3ராஸ்தரஸா க3தவ்யதா2:|| 04
தாம் ஸாரிகாகந்து3க த3ர்பணாம்பு3ஜ
ஶ்வேதாதபத்ர வ்யஜனஸ்ரகா3தி3பி4:|
கீ3தாயனைர் து3ந்து3பி4 ஶங்க2 வேணுபி4ர்
வ்ருஷேந்த்3ர மாரோப்ய விடங்கிதா யயு:|| 05
ஆப்3ரஹ்மகோ4ஷோர்ஜித யஜ்ஞ வைஶஸம்
விப்ரர்ஷிஜுஷ்டம் விபு3தை4ஶ்ச ஸர்வஶ:|
ம்ருத்3தா3ர்வய: காஞ்சன த3ர்ப4 சர்மபி4ர்
நிஸ்ருஷ்ட பா4ண்ட3ம் யஜனம் ஸமாவிஶத்|| 06
தாம் ஆக3தாம் தத்ர ந கஶ்சநாத்3ரியத்3
விமாநிதாம் யஜ்ஞக்ருதோ ப4யாஜ்ஜன:|
ருதே ஸ்வஸ்ரூர்வை ஜனனீம் ச ஸாத3ரா:
ப்ரேமாஶ்ருகண்ட்2ய: பரிஷஸ்வஜுர் முதா3|| 07
ஸௌத3ர்ய ஸம்ப்ரஶ்ந ஸமர்த2வார்தயா
மாத்ரா ச மாத்ருஷ்வஸ்ருபி4ஶ்ச ஸாத3ரம்|
த3த்தாம் ஸபர்யாம் வரமாஸனம் ச ஸா
நாத3த்த பித்ராப்ரதிநந்தி3தா ஸதீ|| 08
அருத்3ரபா4க3ம் தமவேக்ஷ்ய சாத்4வரம்
பித்ரா ச தே3வே க்ருதஹேலனம் விபௌ4|
அநாத்3ருதா யஜ்ஞஸத3ஸ்யதீ4ஶ்வரீ
சுகோப லோகாநிவ த4க்ஷ்யதீ ருஷா|| 09
ஜக3ர்ஹ ஸாமர்ஷவிபந்நயா கி3ரா
ஶிவத்3விஷம் தூ4மபத2ஶ்ரம ஸ்மயம்|
ஸ்வ தேஜஸா பூ4தக3ணான் ஸமுத்தி2தான்
நிக்3ருஹ்ய தே3வீ ஜக3தோ ऽபி4ஶ்ருண்வத:|| 10
தே3வ்யுவாச
ந யஸ்ய லோகேऽஸ்த்யதிஶாயன: ப்ரிய:
ததா2ப்ரியோ தே3ஹப்4ருதாம் ப்ரியாத்மன:|
தஸ்மின் ஸமஸ்தாத்மனி முக்தவைரகே
ருதே ப4வந்தம் கதம: ப்ரதீபயேத்|| 11
தோ3ஷான் பரேஷாம் ஹி கு3ணேஷு ஸாத4வோ
க்3ருஹ்ணந்தி கேசின்ன ப4வாத்3ருஶோ த்3விஜ|
கு3ணாம்ஶ்ச ப2ல்கூ3ன் ப3ஹுலீகரிஷ்ணவோ
மஹத்தமாஸ்தேஷ்வவித3த்3 ப4வானக4ம்|| 12
நாஶ்சர்யமேதத்3 யத3ஸத்ஸு ஸர்வதா3
மஹத்3விநிந்தா3 குணபாத்மவாதி3ஷு|
ஸேர்ஷ்யம் மஹாபூருஷ பாத3பாம்ஸுபி4ர்
நிரஸ்த தேஜ:ஸு ததே3வ ஶோப4னம்|| 13
யத்3 த்3வயக்ஷரம் நாம கி3ரேரிதம் ந்ருணாம்
ஸக்ருத்ப்ரஸங்கா3த3க4மாஶு ஹந்தி தத்|
பவித்ரகீர்திம் தமலங்க்4ய ஶாஸனம்
ப4வாநஹோ த்3வேஷ்டி ஶிவம் ஶிவேதர:|| 14
யத்பாத3பத்3மம் மஹதாம் மநோऽலிபி4ர்
நிஷேவிதம் ப்3ரஹ்மரஸாஸவார்தி2பி4:|
லோகஸ்ய யத்3வர்ஷதி சாஶிஷோऽர்தி2ன:
தஸ்மை ப4வான் த்3ருஹ்யதி விஶ்வப3ந்த4வே|| 15
கிம் வா ஶிவாக்2ய மஶிவம் ந விது3ஸ்த்வத3ன்யே
ப்3ரஹ்மாத3யஸ்தமவகீர்ய ஜடா: ஶ்மஶானே|
தன்மால்ய ப4ஸ்ம ந்ருகபால்யவஸத் பிஶாசைர்
யே மூர்த4பி4ர் த3த4தி தச்சரணாவஸ்ருஷ்டம்|| 16
கர்ணௌ பிதா4ய நிரயாத்3 யத3கல்ப ஈஶே
த4ர்மாவிதர்யஸ்ருணிபி4ர் ந்ருபி4ரஸ்யமானே|
சி2ந்த்3யாத் ப்ரஸஹ்ய ருஶதீமஸதீம் ப்ரபு4ஶ்சேத்
ஜிஹ்வாமஸூநபி ததோ விஸ்ருஜேத்ஸ த4ர்ம:|| 17
அத ஸ்தவோத்பன்னமித3ம் கலேவரம்
ந தா4ரயிஷ்யே ஶிதிகண்ட2க3ர்ஹிண:|
ஜக்3த4ஸ்ய மோஹாத்3தி4 விஶுத்3தி4மந்த4ஸோ
ஜுகு3ப்ஸிதஸ்யோத்3த4ரணம் ப்ரசக்ஷதே|| 18
ந வேத3வாதா3நநுவர்ததே மதி:
ஸ்வ ஏவ லோகே ரமதோ மஹாமுநே:|
யதா2 க3திர் தே3வ மநுஷ்யயோ: ப்ருத2க்
ஸ்வ ஏவ த4ர்மே ந பரம் க்ஷிபேத் ஸ்தி2த:|| 19
கர்ம ப்ரவ்ருத்தம் ச நிவ்ருத்தமப்ய்ருதம்
வேதே3 விவிச்யோப4யலிங்க3மாஶ்ரிதம்|
விரோதி4 தத்3யௌக3பதை3க கர்தரி த்3வயம்
ததா2 ப்3ரஹ்மணி கர்ம நர்ச்ச2தி|| 20
மா வ: பத3வ்ய: பிதரஸ்மதா3ஸ்தி2தா யா
யஜ்ஞஶாலாஸு ந தூ4மவர்த்மபி4:|
தத3ந்ந த்ருப்தைரஸுப்4ருத்3பி4ரீடி3தா
அவ்யக்தலிங்கா3 அவதூ4தஸேவிதா:|| 21
நைதேந தே3ஹேன ஹரே க்ருதாக3ஸோ
தே3ஹோத்3ப4வேநாலமலம் குஜன்மநா|
வ்ரீடா3 மமாபூ4த் குஜன ப்ரஸங்க3தஸ்
தஜ்ஜன்ம தி4க்3 யோ மஹதாமவத்3யக்ருத்|| 22
கோ3த்ரம் த்வதீ3யம் ப4க3வான் வ்ருஷத்4வஜோ
தா3க்ஷாயணீத்யாஹ யதா3 ஸுது3ர்மநா:|
வ்யபேதநர்மஸ்மித மாஶு ததா3ஹம்
வ்யுத்ஸ்ரக்ஷ்ய ஏதத் குணபம் த்வத3ங்க3ஜம்|| 23
மைத்ரேய உவாச
இத்யத்4வரே த3க்ஷமநூத்3ய ஶத்ருஹன்
க்ஷிதாவுதீ3சீம் நிஷஸாத3 ஶாந்தவாக்|
ஸ்ப்ருஷ்ட்வா ஜலம் பீதது3கூல ஸம்வ்ருதா
நிமீல்ய த்3ருக்3யோக3பத2ம் ஸமாவிஶத்|| 24
க்ருத்வா ஸமாநாவநிலௌ ஜிதாஸநா
ஸோதா3ந முத்தா2ப்ய ச நாபி4சக்ரத:|
ஶனைர் ஹ்ருதி3 ஸ்தா2ப்ய தி4யோரஸி ஸ்தி2தம்
கண்டா2த்3 ப்4ருவோர் மத்4யமநிந்தி3தாநயத்|| 25
ஏவம் ஸ்வதே3ஹம் மஹதாம் மஹீயஸா
முஹு: ஸமாரோபித மங்க மாத3ராத்|
ஜிஹாஸதீ த3க்ஷருஷா மநஸ்விநீ த3தா4ர
கா3த்ரேஷ்வநிலாக்3நிதா4ரணாம்|| 26
தத: ஸ்வப4ர்துஶ்சரணாம்பு3ஜாஸவம்
ஜக3த்3கு3ரோஶ்சிந்தயதீ ந சாபரம்|
த3த3ர்ஶ தே3ஹோ ஹதகல்மஷ: ஸதீ ஸத்3ய:
ப்ரஜஜ்வால ஸமாதி4ஜாக்3னினா|| 27
தத் பஶ்யதாம் கே2 பு4வி சாத்3பு4தம் மஹத்3
ஹாஹேதி வாத3: ஸுமஹாந ஜாயத|
ஹந்த ப்ரியா தை3வதமஸ்ய தே3வீ
ஜஹாவஸூன் கேந ஸதீ ப்ரகோபிதா|| 28
அஹோ அநாத்ம்யம் மஹத3ஸ்ய பஶ்யத
ப்ரஜாபதேர் யஸ்ய சராசரம் ப்ரஜா:|
ஜஹாவஸூன் யத்3விமதா ऽऽத்மஜா ஸதீ
மனஸ்விநீ மானமபீ4க்ஷ்ண மர்ஹதி|| 29
ஸோऽயம் து3ர்மர்ஷஹ்ருத3யோ ப்3ரஹ்மத்4ருக் ச
லோகேऽபகீர்திம் மஹதீமவாப்ஸ்யதி|
யத3ங்க3ஜாம் ஸ்வாம் புருஷத்3விடு3த்3யதாம்
ந ப்ரத்யஷேத4ன் ம்ருதயே ऽபராத4த:|| 30
வத3த்யேவம் ஜனே ஸத்யா த்3ருஷ்ட்வாஸுத்யாக3 மத்3பு4தம்|
த3க்ஷம் தத்பார்ஷதா3 ஹந்து முத3திஷ்ட2ந்நுதா3யுதா4:|| 31
தேஷாமாபததாம் வேக3ம் நிஶாம்ய ப4க3வான் ப்4ருகு3:|
யஜ்ஞக்4நக்4நேந யஜுஷா த3க்ஷிணாக்3நௌ ஜுஹாவ ஹ|| 32
அத்4வர்யுணா ஹூயமாநே தே3வா உத்பேதுரோஜஸா|
ருப4வோ நாம தபஸா ஸோமம் ப்ராப்தா: ஸஹஸ்ரஶ:|| 33
தைரலாதாயுதை4: ஸர்வே ப்ரமதா2: ஸஹகு3ஹ்யகா:|
ஹன்யமாநா தி3ஶோ பே4ஜுருஶத்3பி4ர் ப்3ரஹ்ம தேஜஸா|| 34
|| இதி ஶ்ரீமத்3பா4க3வதே மஹாபுராணே பாரமஹம்ஸ்யாம் ஸம்ஹிதாயாம்
சதுர்த2ஸ்கந்தே4 ஸதீதே3ஹோத்ஸ்ர்கோ3 நாம சதுர்தோ2ऽத்4யாய: || 4
நான்காம் ஸ்கந்தம் - நான்காம் அத்யாயம் முற்றும்.