ஶ்ரீமத்பாகவதமஹாபுராணம் :: நான்காம் ஸ்கந்தம் :: அத்யாயம் 31.
ப்ரசேதஸ்களுக்கு ஸ்ரீநாரதரின் உபதேசமும் அவர்கள் பரமபதமடைதலும்
சதுர்த2: ஸ்கந்த4: அத2 ஏகத்ரிம்ஶோஅத்4யாய:
மைத்ரேய உவாச
தத உத்பந்நவிஜ்ஞாநா ஆஶ்வதோ4க்ஷஜபா4ஷிதம்|
ஸ்மரந்த ஆத்மஜே பா4ர்யாம் விஸ்ருஜ்ய ப்ராவ்ரஜன் க்3ருஹாத்|| 01
தீ3க்ஷிதா ப்3ரஹ்மஸத்ரேண ஸர்வபூ4தாத்ம மேத4ஸா|
ப்ரதீச்யாம் தி3ஶி வேலாயாம் ஸித்3தோ4ऽபூ4த்3 யத்ர ஜாஜலி:|| 02
தாந்நிர்ஜித ப்ராணமநோவசோத்3ருஶோ
ஜிதாஸநான் ஶாந்தஸமான விக்3ரஹான்|
பரேऽமலே ப்3ரஹ்மணி யோஜிதாத்மன:
ஸுராஸுரேட்3யோ த3த்3ருஶே ஸ்ம நாரத3:|| 03
தமாக3தம் த உத்தா2ய ப்ரணிபத்யாபி4நந்த்3ய ச|
பூஜயித்வா யதா2தே3ஶம் ஸுகா2ஸீந மதா2ப்3ருவன்|| 04
ப்ரசேதஸ ஊசு:
ஸ்வாக3தம் தே ஸுரர்ஷேऽத்3ய தி3ஷ்ட்யா நோ த3ர்ஶனம் க3த:|
தவ சங்க்ரமணம் ப்3ரஹ்மன் அப4யாய யதா2 ரவே:|| 05
யதா3தி3ஷ்டம் ப4க3வதா ஶிவேநாதோ4க்ஷஜேன ச|
தத்3 க்3ருஹேஷு ப்ரஸக்தாநாம் ப்ராயஶ: க்ஷபிதம் ப்ரபோ4|| 06
தன்ன: ப்ரத்3யோதயாத்4யாத்ம ஜ்ஞானம் தத்வார்த2 த3ர்ஶனம்|
யேநாஞ்ஜஸா தரிஷ்யாமோ து3ஸ்தரம் ப4வஸாக3ரம்|| 07
மைத்ரேய உவாச
இதி ப்ரசேதஸாம் ப்ருஷ்டோ ப4க3வாந்நாரதோ3 முனி:|
ப4க3வத்யுத்தமஶ்லோக ஆவிஷ்டாத்மாப்3ரவீந் ந்ருபான்|| 08
நாரத3 உவாச
தஜ்ஜன்ம தானி கர்மாணி ததா3யுஸ்தன்மநோ வச:|
ந்ருணாம் யேநேஹ விஶ்வாத்மா ஸேவ்யதே ஹரிரீஶ்வர:|| 09
கிம் ஜன்மபி4ஸ்த்ரிபி4ர்வேஹ ஶௌக்ர ஸாவித்ர யாஜ்ஞிகை:|
கர்மபி4ர் வா த்ரயீப்ரோக்தை: பும்ஸோऽபி விபு3தா4யுஷா|| 10
ஶ்ருதேன தபஸா வா கிம் வசோபி4ஶ்சித்தவ்ருத்திபி4:|
பு3த்3த்4யா வா கிம் நிபுணயா ப3லேநேந்த்3ரியராத4ஸா|| 11
கிம் வா யோகே3ன ஸாங்க்2யேன ந்யாஸஸ்வாத்4யாயயோரபி|
கிம் வா ஶ்ரேயோபி4ரன்யைஶ்ச ந யத்ராத்மப்ரதோ3 ஹரி:|| 12
ஶ்ரேயஸாமபி ஸர்வேஷாமாத்மா ஹ்யவதி4ரர்த2த:|
ஸர்வேஷாமபி பூ4தாநாம் ஹரிராத்மாऽऽத்மத3: ப்ரிய:|| 13
யதா2 தரோர் மூல நிஷேசநேன
த்ருப்யந்தி தத்ஸ்கந்த4 பு4ஜோபஶாகா2:|
ப்ராணோபஹாராச்ச யதே2ந்த்3ரியாணாம்
ததை2வ ஸர்வார்ஹணமச்யுதேஜ்யா|| 14
யதை2வ ஸூர்யாத் ப்ரப4வந்தி வார:
புனஶ்ச தஸ்மின் ப்ரவிஶந்தி காலே|
பூ4தானி பூ4மௌ ஸ்தி2ரஜங்க3மானி
ததா2 ஹராவேவ கு3ணப்ரவாஹ:|| 15
ஏதத் பத3ம் தஜ்ஜக3தா3த்மன: பரம்
ஸக்ருத்3 விபா4தம் ஸவிதுர் யதா2 ப்ரபா4|
யதா2ஸவோ ஜாக்3ரதி ஸுப்தஶக்தயோ
த்3ரவ்யக்ரியாஜ்ஞான பி4தா3ப்4ரமாத்யய:|| 16
யதா2 நப4ஸ்யப்4ரதம: ப்ரகாஶா
ப4வந்தி பூ4பா ந ப4வந்த்யநுக்ரமாத்|
ஏவம் பரே ப்3ரஹ்மணி ஶக்தயஸ்த்வமூ
ரஜஸ்தம: ஸத்த்வமிதி ப்ரவாஹ:|| 17
தேனைகமாத்மான மஶேஷ தே3ஹிநாம்
காலம் ப்ரதா4னம் புருஷம் பரேஶம்|
ஸ்வதேஜஸா த்4வஸ்தகு3ண ப்ரவாஹம்
ஆத்மைக பா4வேன ப4ஜத்4வமத்3தா4|| 18
த3யயா ஸர்வபூ4தேஷு ஸந்துஷ்ட்யா யேன கேன வா|
ஸர்வேந்த்3ரியோபஶாந்த்யா ச துஷ்யத்யாஶு ஜநார்த3ன:|| 19
அபஹத ஸகலைஷணாமலாத்மனி
அவிரத மேதி4த பா4வநோபஹூத:|
நிஜஜனவஶக3த்வ மாத்மநோऽயன்
ந ஸரதி சி2த்3ரவத3க்ஷர: ஸதாம் ஹி|| 20
ந ப4ஜதி குமநீஷிணாம் ஸ இஜ்யாம்
ஹரிரத4நாத்மத4ன ப்ரியோ ரஸஜ்ஞ:|
ஶ்ருதத4நகுலகர்மணாம் மதை3ர் யே
வித3த4தி பாபமகிஞ்சநேஷு ஸத்ஸு|| 21
ஶ்ரியமநுசரதீம் தத3ர்தி2நஶ்ச
த்3விபத3பதீன் விபு3தா4ம்ஶ்ச யத்ஸ்வபூர்ண:|
ந ப4ஜதி நிஜப்4ருத்ய வர்க3தந்த்ர:
கத2மமுமுத்3விஸ்ருஜேத் புமான் க்ருதஜ்ஞ:|| 22
மைத்ரேய உவாச
இதி ப்ரசேதஸோ ராஜந்நன்யாஶ்ச ப4க3வத்கதா2:|
ஶ்ராவயித்வா ப்3ரஹ்மலோகம் யயௌ ஸ்வாயம்பு4வோ முனி:|| 23
தேऽபி தன்முக2நிர்யாதம் யஶோ லோகமலாபஹம்|
ஹரேர் நிஶம்ய தத்பாத3ம் த்4யாயந்தஸ்தத்3க3திம் யயு:|| 24
ஏதத்தேऽபி4ஹிதம் க்ஷத்தர் யன்மாம் த்வம் பரிப்ருஷ்டவான்|
ப்ரசேதஸாம் நாரத3ஸ்ய ஸம்வாத3ம் ஹரிகீர்தனம்|| 25
ஶ்ரீஶுக உவாச
ய ஏஷ உத்தானபதோ3 மானவஸ்யாநு வர்ணித:|
வம்ஶ: ப்ரியவ்ரதஸ்யாபி நிபோ3த4 ந்ருபஸத்தம|| 26
யோ நாரதா3தா3த்மவித்3யா மதி4க3ம்ய புனர்மஹீம்|
பு4க்த்வா விப4ஜ்ய புத்ரேப்4ய ஐஶ்வரம் ஸமகா3த் பத3ம்|| 27
இமாம் து கௌஷார விணோபவர்ணிதாம்
க்ஷத்தா நிஶம்யாஜிதவாத3ஸத்கதா2ம்|
ப்ரவ்ருத்3த4பா4வோऽஶ்ருகலாகுலோ முநே:
த3தா4ர மூர்த்4நா சரணம் ஹ்ருதா3 ஹரே:|| 28
விது3ர உவாச
ஸோऽயமத்3ய மஹாயோகி3ன் ப4வதா கருணாத்மநா|
த3ர்ஶிதஸ்தமஸ: பாரோ யத்ர அகிஞ்சநகோ3 ஹரி:|| 29
ஶ்ரீஶுக உவாச
இத்யானம்ய தமாமந்த்ர்ய விது3ரோ க3ஜஸாஹ்வயம்|
ஸ்வாநாம் தி3த்3ருக்ஷு: ப்ரயயௌ ஜ்ஞாதீநாம் நிர்வ்ருதாஶய:|| 30
ஏதத்3ய: ஶ்ருணுயாத்3 ராஜன் ராஜ்ஞாம் ஹர்யர்பிதாத்மநாம்|
ஆயுர்த4னம் யஶ: ஸ்வஸ்தி க3திமைஶ்வர்ய மாப்நுயாத்|| 31
|| இதி ஶ்ரீமத்3பா4க3வதே மஹாபுராணே பாரமஹம்ஸ்யாம் ஸம்ஹிதாயாம்
சதுர்த2ஸ்கந்தே4 ப்ரசேத உபாக்2யானம் நாம ஏக த்ரிம்ஶோऽத்4யாய: || 31
நான்காம் ஸ்கந்தம் - முப்பத்தொன்றாம் அத்யாயம் முற்றும்.
நான்காம் ஸ்கந்தம் முற்றும்.
|| சதுர்த2: ஸ்கந்த4: ஸமாப்த: ||
|| ஹரி: ௐ தத்ஸத் ||