ஶ்ரீமத்பாகவதமஹாபுராணம் :: நான்காம் ஸ்கந்தம் :: அத்யாயம் 24.
ப்ருதுவின் வம்ச பரம்பரையும் மற்றும் ப்ரசேதஸ்களுக்கு பகவான் ருத்ரரின் உபதேசமும்
சதுர்த₂: ஸ்கந்த₄: அத₂ சதுர்விம்ஶோஅத்₄யாய:

மைத்ரேய உவாச
விஜிதாஶ்வோऽதி₄ராஜா ऽऽஸீத் ப்ருது₂புத்ர: ப்ருது₂ஶ்ரவா:|
யவீயோப்₄யோऽத₃தா₃த்காஷ்டா₂ ப்₄ராத்ருப்₄யோ ப்₄ராத்ருவத்ஸல:|| 01

ஹர்யக்ஷாயாதி₃ஶத் ப்ராசீம் தூ₄ம்ரகேஶாய த₃க்ஷிணாம்|
ப்ரதீசீம் வ்ருகஸஞ்ஜ்ஞாய துர்யாம் த்₃ரவிணஸே விபு₄:|| 02

அந்தர்தா₄னக₃திம் ஶக்ராத் லப்₃த்₄வாந்தர்தா₄னஸஞ்ஜ்ஞித:|
அபத்யத்ரய மாத₄த்த ஶிக₂ண்டி₃ன்யாம் ஸுஸம்மதம்|| 03

பாவக: பவமானஶ்ச ஶுசிரித்யக்₃நய: புரா|
வஸிஷ்ட₂ஶாபாது₃த்பந்நா: புனர்யோக₃க₃திம் க₃தா:|| 04

அந்தர்தா₄நோ நப₄ஸ்வத்யாம் ஹவிர்தா₄னமவிந்த₃த|
ய இந்த்₃ரமஶ்வஹர்தாரம் வித்₃வாநபி ந ஜக்₄நிவான்|| 05

ராஜ்ஞாம் வ்ருத்திம் கராதா₃ன த₃ண்ட₃ஶுல்காதி₃தா₃ருணாம்|
மன்யமாநோ தீ₃ர்க₄ஸத்ர வ்யாஜேன விஸஸர்ஜ ஹ|| 06

தத்ராபி ஹம்ஸம் புருஷம் பரமாத்மான மாத்மத்₃ருக்|
யஜம்ஸ்தல்லோகதாமாப குஶலேன ஸமாதி₄நா|| 07

ஹவிர்தா₄நாத்₃ ஹவிர்தா₄நீ விது₃ராஸூத ஷட் ஸுதான்|
ப₃ர்ஹிஷத₃ம் க₃யம் ஶுக்லம் க்ருஷ்ணம் ஸத்யம் ஜிதவ்ரதம்|| 08

ப₃ர்ஹிஷத் ஸுமஹாபா₄கோ₃ ஹாவிர்தா₄னி: ப்ரஜாபதி:|
க்ரியாகாண்டே₃ஷு நிஷ்ணாதோ யோகே₃ஷு ச குரூத்₃வஹ|| 09

யஸ்யேத₃ம் தே₃வயஜனமநு யஜ்ஞம் விதன்வத:|
ப்ராசீநாக்₃ரை: குஶைராஸீதா₃ஸ்த்ருதம் வஸுதா₄தலம்|| 10

ஸாமுத்₃ரீம் தே₃வதே₃வோக்தா முபயேமே ஶதத்₃ருதிம்|
யாம் வீக்ஷ்ய சாருஸர்வாங்கீ₃ம் கிஶோரீம் ஸுஷ்ட்₂வலங்க்ருதாம்|
பரிக்ரமந்தீ முத்₃வாஹே சகமே ऽக்₃நி: ஶுகீமிவ|| 11

விபு₃தா₄ஸுரக₃ந்த₄ர்வ முநிஸித்₃த₄ நரோரகா₃:|
விஜிதா: ஸூர்யயா தி₃க்ஷு க்வணயந்த்யைவ நூபுரை:|| 12

ப்ராசீன ப₃ர்ஹிஷ: புத்ரா: ஶதத்₃ருத்யாம் த₃ஶாப₄வன்|
துல்யநாமவ்ரதா: ஸர்வே த₄ர்மஸ்நாதா: ப்ரசேதஸ:|| 13

பித்ரா ऽऽதி₃ஷ்டா: ப்ரஜாஸர்கே₃ தபஸே ऽர்ணவமாவிஶன்|
த₃ஶவர்ஷ ஸஹஸ்ராணி தபஸா ऽऽர்சம்ஸ்தபஸ்பதிம்|| 14

யது₃க்தம் பதி₂ த்₃ருஷ்டேன கி₃ரிஶேன ப்ரஸீத₃தா|
தத்₃ த்₄யாயந்தோ ஜபந்தஶ்ச பூஜயந்தஶ்ச ஸம்யதா:|| 15

விது₃ர உவாச
ப்ரசேதஸாம் கி₃ரித்ரேண யதா₂ऽऽஸீத்பதி₂ ஸங்க₃ம:|
யது₃தாஹ ஹர: ப்ரீதஸ்தந்நோ ப்₃ரஹ்மன் வதா₃ர்த₂வத்|| 16

ஸங்க₃ம: க₂லு விப்ரர்ஷே ஶிவேநேஹ ஶரீரிணாம்|
து₃ர்லபோ₄ முனயோ த₃த்₄யு ரஸங்கா₃த்₃யம் அபீ₄ப்ஸிதம்|| 17

ஆத்மாராமோऽபி யஸ்த்வஸ்ய லோக கல்பஸ்ய ராத₄ஸே|
ஶக்த்யா யுக்தோ விசரதி கோ₄ரயா ப₄க₃வான் ப₄வ:|| 18

மைத்ரேய உவாச
ப்ரசேதஸ: பிதுர்வாக்யம் ஶிரஸா ऽऽதா₃ய ஸாத₄வ:|
தி₃ஶம் ப்ரதீசீம் ப்ரயயுஸ்தபஸ்யாத்₃ருதசேதஸ:|| 19

ஸமுத்₃ரமுப விஸ்தீர்ணமபஶ்யன் ஸுமஹத் ஸர:|
மஹன்மன இவ ஸ்வச்ச₂ம் ப்ரஸந்நஸலிலாஶயம்|| 20

நீலரக்தோத்பலாம்போ₄ஜ கஹ்லாரேந்தீ₃வராகரம்|
ஹம்ஸ ஸாரஸ சக்ராஹ்வ காரண்ட₃வ நிகூஜிதம்|| 21

மத்தப்₄ரமர ஸௌஸ்வர்ய ஹ்ருஷ்டரோம லதாங்க்₄ரிபம்|
பத்₃மகோஶரஜோ தி₃க்ஷு விக்ஷிபத் பவநோத்ஸவம்|| 22

தத்ர கா₃ந்த₄ர்வமாகர்ண்ய தி₃வ்யமார்க₃ மநோஹரம்|
விஸிஸ்ம்யூ ராஜபுத்ராஸ்தே ம்ருத₃ங்க₃பணவாத்₃யநு|| 23

தர்ஹ்யேவ ஸரஸஸ்தஸ்மாத் நிஷ்க்ராமந்தம் ஸஹாநுக₃ம்|
உபகீ₃யமான மமர ப்ரவரம் விபு₃தா₄நுகை₃:|| 24

தப்தஹேம நிகாயாப₄ம் ஶிதிகண்ட₂ம் த்ரிலோசனம்|
ப்ரஸாத₃ ஸுமுக₂ம் வீக்ஷ்ய ப்ரணேமுர் ஜாதகௌதுகா:|| 25

ஸ தான் ப்ரபந்நார்திஹரோ ப₄க₃வான் த₄ர்மவத்ஸல:|
த₄ர்மஜ்ஞான் ஶீல ஸம்பந்நான் ப்ரீத: ப்ரீதாநுவாச ஹ|| 26

ஶ்ரீருத்₃ர உவாச
யூயம் வேதி₃ஷத₃: புத்ரா விதி₃தம் வஶ்சிகீர்ஷிதம்|
அநுக்₃ரஹாய ப₄த்₃ரம் வ ஏவம் மே த₃ர்ஶனம் க்ருதம்|| 27

ய: பரம் ரம்ஹஸ: ஸாக்ஷாத் த்ரிகு₃ணாஜ்ஜீவஸம்ஜ்ஞிதாத்|
ப₄க₃வந்தம் வாஸுதே₃வம் ப்ரபன்ன: ஸ ப்ரியோ ஹி மே|| 28

ஸ்வத₄ர்மநிஷ்ட₂: ஶதஜன்மபி₄: புமான்
விரிஞ்சதாமேதி தத: பரம் ஹி மாம்|
அவ்யாக்ருதம் பா₄க₃வதோऽத₂ வைஷ்ணவம்
பத₃ம் யதா₂ஹம் விபு₃தா₄: கலாத்யயே|| 29

அத₂ பா₄க₃வதா யூயம் ப்ரியா: ஸ்த₂ ப₄க₃வான் யதா₂|
ந மத்₃ பா₄க₃வதாநாம் ச ப்ரேயான் அன்யோऽஸ்தி கர்ஹிசித்|| 30

இத₃ம் விவிக்தம் ஜப்தவ்யம் பவித்ரம் மங்க₃ளம் பரம்|
நி:ஶ்ரேயஸகரம் சாபி ஶ்ரூயதாம் தத்₃ வதா₃மி வ:|| 31

மைத்ரேய உவாச
இத்யநுக்ரோஶ ஹ்ருத₃யோ ப₄க₃வாநாஹ தான் ஶிவ:|
ப₃த்₃தா₄ஞ்ஜலீன் ராஜபுத்ரான் நாராயணபரோ வச:|| 32

ஶ்ரீருத்₃ர உவாச
ஜிதம் த ஆத்மவித்₃ துர்ய ஸ்வஸ்தயே ஸ்வஸ்திரஸ்து மே|
ப₄வதா ராத₄ஸா ராத்₃த₄ம் ஸர்வஸ்மா ஆத்மனே நம:|| 33

நம: பங்கஜநாபா₄ய பூ₄தஸூக்ஷ்மேந்த்₃ரியாத்மனே|
வாஸுதே₃வாய ஶாந்தாய கூடஸ்தா₂ய ஸ்வரோசிஷே|| 34

ஸங்கர்ஷணாய ஸூக்ஷ்மாய து₃ரந்தாயாந்தகாய ச|
நமோ விஶ்வ ப்ரபோ₃தா₄ய ப்ரத்₃யும்நாயாந்தராத்மனே|| 35

நமோ நமோऽநிருத்₃தா₄ய ஹ்ருஷீகேஶேந்த்₃ரியாத்மனே|
நம: பரமஹம்ஸாய பூர்ணாய நிப்₄ருதாத்மனே|| 36

ஸ்வர்கா₃பவர்க₃ த்₃வாராய நித்யம் ஶுசிஷதே₃ நம:|
நமோ ஹிரண்யவீர்யாய சாதுர்ஹோத்ராய தந்தவே|| 37

நம ஊர்ஜ இஷே த்ரய்யா: பதயே யஜ்ஞரேதஸே|
த்ருப்திதா₃ய ச ஜீவாநாம் நம: ஸர்வரஸாத்மனே|| 38

ஸர்வஸத்வாத்மதே₃ஹாய விஶேஷாய ஸ்த₂வீயஸே|
நமஸ் த்ரைலோக்ய பாலாய ஸஹ ஓஜோ ப₃லாய ச|| 39

அர்த₂லிங்கா₃ய நப₄ஸே நமோऽந்தர்ப₃ஹிராத்மனே|
நம: புண்யாய லோகாய அமுஷ்மை பூ₄ரிவர்சஸே|| 40

ப்ரவ்ருத்தாய நிவ்ருத்தாய பித்ருதே₃வாய கர்மணே|
நமோऽத₄ர்மவிபாகாய ம்ருத்யவே து₃:க₂தா₃ய ச|| 41

நமஸ்த ஆஶிஷாமீஶ மனவே காரணாத்மனே|
நமோ த₄ர்மாய ப்₃ருஹதே க்ருஷ்ணாயாகுண்ட₂ மேத₄ஸே|
புருஷாய புராணாய ஸாங்க்₂ய யோகே₃ஶ்வராய ச|| 42

ஶக்தி த்ரயஸமேதாய மீடு₄ஷே ऽஹங்க்ருதாத்மனே|
சேத ஆகூதிரூபாய நமோ வாசோ விபூ₄தயே|| 43

த₃ர்ஶனம் நோ தி₃த்₃ருக்ஷூணாம் தே₃ஹி பா₄க₃வதார்சிதம்|
ரூபம் ப்ரியதமம் ஸ்வாநாம் ஸர்வேந்த்₃ரியகு₃ணாஞ்ஜனம்|| 44

ஸ்நிக்₃த₄ ப்ராவ்ருட்₃க₄னஶ்யாமம் ஸர்வஸௌந்த₃ர்ய ஸங்க்₃ரஹம்|
சார்வாயத சதுர்பா₃ஹு ஸுஜாத ருசிராநனம்|| 45

பத்₃மகோஶ பலாஶாக்ஷம் ஸுந்த₃ரப்₄ரு ஸுநாஸிகம்|
ஸுத்₃விஜம் ஸுகபோலாஸ்யம் ஸமகர்ணவிபூ₄ஷணம்|| 46

ப்ரீதிப்ரஹஸிதாபாங்க₃ மலகை ருபஶோபி₄தம்|
லஸத்பங்கஜ கிஞ்ஜல்க து₃கூலம் ம்ருஷ்டகுண்ட₃லம்|| 47

ஸ்பு₂ரத் கிரீடவலய ஹாரநூபுரமேக₂லம்|
ஶங்க₂சக்ர க₃தா₃பத்₃ம மாலா மண்யுத்தமர்த்₃தி₄மத்|| 48

ஸிம்ஹஸ்கந்த₄த்விஷோ பி₃ப்₄ரத் ஸௌப₄க₃க்₃ரீவ கௌஸ்துப₄ம்|
ஶ்ரியானபாயின்யா க்ஷிப்த நிகஷாஶ்மோரஸோல்லஸத்|| 49

பூர ரேசக ஸம்விக்₃ன வலிவல்கு₃த₃லோத₃ரம்|
ப்ரதிஸங்க்ராமயத்₃ விஶ்வம் நாப்₄யாவர்தக₃பீ₄ரயா|| 50

ஶ்யாமஶ்ரோண்யதி₄ரோசிஷ்ணு து₃கூல ஸ்வர்ண மேக₂லம்|
ஸமசார்வங்க்₄ரி ஜங்கோ₄ரு நிம்ன ஜாநுஸுத₃ர்ஶனம்|| 51

பதா₃ ஶரத்பத்₃ம பலாஶ ரோசிஷா
நக₂த்₃யுபி₄ர்நோऽந்தரக₄ம் விது₄ன்வதா|
ப்ரத₃ர்ஶய ஸ்வீய மபாஸ்த ஸாத்₄வஸம்
பத₃ம் கு₃ரோ மார்க₃கு₃ருஸ்தமோஜுஷாம்|| 52

ஏதத்₃ ரூப மநுத்₄யேய மாத்ம ஶுத்₃தி₄மபீ₄ப்ஸதாம்|
யத்₃ப₄க்தியோகோ₃ऽப₄யத₃: ஸ்வத₄ர்மமநுதிஷ்ட₂தாம்|| 53

ப₄வான் ப₄க்திமதா லப்₄யோ து₃ர்லப₄: ஸர்வதே₃ஹிநாம்|
ஸ்வாராஜ்யஸ்யாப்யபி₄மத ஏகாந்தேநாத்மவித்₃க₃தி:|| 54

தம் து₃ராராத்₄ய மாராத்₄ய ஸதாமபி து₃ராபயா|
ஏகாந்தப₄க்த்யா கோ வாஞ்சே₂த் பாத₃ மூலம் விநா ப₃ஹி:|| 55

யத்ர நிர்விஷ்டம் அரணம் க்ருதாந்தோ நாபி₄மன்யதே|
விஶ்வம் வித்₄வம்ஸயன் வீர்ய ஶௌர்யவிஸ்பூ₂ர்ஜிதப்₄ருவா|| 56

க்ஷணார்தே₄நாபி துலயே ந ஸ்வர்க₃ம் நாபுனர்ப₄வம்|
ப₄க₃வத்ஸங்கி₃ ஸங்க₃ஸ்ய மர்த்யாநாம் கிமுதாஶிஷ:|| 57

அதா₂னகா₄ங்க்₄ரேஸ்தவ கீர்திதீர்த₂யோ:
அந்தர் ப₃ஹி: ஸ்நாநவிதூ₄தபாப்மநாம்|
பூ₄தேஷ்வநுக்ரோஶ ஸுஸத்த்வஶீலிநாம்
ஸ்யாத் ஸங்க₃மோऽநுக்₃ரஹ ஏஷ நஸ்தவ|| 58

ந யஸ்ய சித்தம் ப₃ஹிரர்த₂ விப்₄ரமம்
தமோகு₃ஹாயாம் ச விஶுத்₃த₄மாவிஶத்|
யத்₃ப₄க்தியோகா₃நுக்₃ருஹீத மஞ்ஜஸா
முனிர் விசஷ்டே நநு தத்ர தே க₃திம்|| 59

யத்ரேத₃ம் வ்யஜ்யதே விஶ்வம் விஶ்வஸ்மிந்நவபா₄தி யத்|
தத் த்வம் ப்₃ரஹ்ம பரம் ஜ்யோதிராகாஶமிவ விஸ்த்ருதம்|| 60

யோ மாயயேத₃ம் புருரூபயாஸ்ருஜத்₃
பி₃ப₄ர்தி பூ₄ய: க்ஷபயத்யவிக்ரிய:|
யத்₃ பே₄த₃பு₃த்₃தி₄: ஸதி₃வாத்மது₃:ஸ்த₂யா
தமாத்மதந்த்ரம் ப₄க₃வன் ப்ரதீமஹி|| 61

க்ரியாகலாபைரித₃மேவ யோகி₃ன:
ஶ்ரத்₃தா₄ன்விதா: ஸாது₄ யஜந்தி ஸித்₃த₄யே|
பூ₄தேந்த்₃ரியாந்த:கரணோபலக்ஷிதம்
வேதே₃ ச தந்த்ரே ச த ஏவ கோவிதா₃:|| 62

த்வமேக ஆத்₃ய: புருஷ: ஸுப்தஶக்தி:
தயா ரஜ:ஸத்த்வதமோ விபி₄த்₃யதே|
மஹாநஹம் க₂ம் மருத₃க்₃நிவார்த₄ரா:
ஸுரர்ஷயோ பூ₄தக₃ணா இத₃ம் யத:|| 63

ஸ்ருஷ்டம் ஸ்வஶக்த்யேத₃மநுப்ரவிஷ்ட:
சதுர்வித₄ம் புரமாத்மாம்ஶகேன|
அதோ₂ விது₃ஸ்தம் புருஷம் ஸந்தமந்த:
பு₄ங்க்தே ஹ்ருஷீகைர் மது₄ ஸாரக₄ம் ய:|| 64

ஸ ஏஷ லோகாநதிசண்ட₃வேகோ₃
விகர்ஷஸி த்வம் க₂லு காலயான:|
பூ₄தானி பூ₄தைரநுமேயதத்த்வோ
க₄நாவலீர் வாயுரிவாவிஷஹ்ய:|| 65

ப்ரமத்தமுச்சைரிதி க்ருத்யசிந்தயா
ப்ரவ்ருத்₃த₄லோப₄ம் விஷயேஷு லாலஸம்|
த்வமப்ரமத்த: ஸஹஸாபி₄பத்₃யஸே
க்ஷுல்லேலிஹாநோऽஹிரிவாகு₂ மந்தக:|| 66

கஸ்த்வத் பதா₃ப்₃ஜம் விஜஹாதி பண்டி₃தோ
யஸ்தே ऽவமானவ்யயமான கேதன:|
விஶங்கயாஸ்மத்₃ கு₃ருரர்சதி ஸ்ம யத்₃
விநோபபத்திம் மனவஶ்சதுர்த₃ஶ|| 67

அத₂ த்வமஸி நோ ப்₃ரஹ்மன் பரமாத்மன் விபஶ்சிதாம்|
விஶ்வம் ருத்₃ரப₄யத்₄வஸ்தமகுதஶ்சித்₃ ப₄யா க₃தி:|| 68

இத₃ம் ஜபத ப₄த்₃ரம் வோ விஶுத்₃தா₄ ந்ருபநந்த₃நா:|
ஸ்வத₄ர்மமநுதிஷ்ட₂ந்தோ ப₄க₃வத்யர்பிதாஶயா:|| 69

தமேவாத்மான மாத்மஸ்த₂ம் ஸர்வ பூ₄தேஷ்வவஸ்தி₂தம்|
பூஜயத்₄வம் க்₃ருணந்தஶ்ச த்₄யாயந்தஶ்சாஸக்ருத்₃ ஹரிம்|| 70

யோகா₃தே₃ஶ முபாஸாத்₃ய தா₄ரயந்தோ முனிவ்ரதா:|
ஸமாஹித தி₄ய: ஸர்வ ஏத த₃ப்₄யஸதாத்₃ருதா:|| 71

இத₃மாஹ புராஸ்மாகம் ப₄க₃வான் விஶ்வஸ்ருக்பதி:|
ப்₄ருக்₃வாதீ₃நா மாத்மஜாநாம் ஸிஸ்ருக்ஷு: ஸம்ஸிஸ்ருக்ஷதாம்|| 72

தே வயம் நோதி₃தா: ஸர்வே ப்ரஜாஸர்கே₃ ப்ரஜேஶ்வரா:|
அனேன த்₄வஸ்ததமஸ: ஸிஸ்ருக்ஷ்மோ விவிதா₄: ப்ரஜா:|| 73

அதே₂த₃ம் நித்யதா₃ யுக்தோ ஜபந்நவஹித: புமான்|
அசிராச்ச்₂ரேய ஆப்நோதி வாஸுதே₃வ பராயண:|| 74

ஶ்ரேயஸாமிஹ ஸர்வேஷாம் ஜ்ஞானம் நி:ஶ்ரேயஸம் பரம்|
ஸுக₂ம் தரதி து₃ஷ்பாரம் ஜ்ஞானநௌர் வ்யஸநார்ணவம்|| 75

ய இமம் ஶ்ரத்₃த₄யா யுக்தோ மத்₃கீ₃தம் ப₄க₃வத்ஸ்தவம்|
அதீ₄யாநோ து₃ராராத்₄யம் ஹரிமாராத₄யத்யஸௌ|| 76

விந்த₃தே புருஷோऽமுஷ்மாத்₃ யத்₃யத் இச்ச₂த்யஸத்வரம்|
மத்₃கீ₃த கீ₃தாத் ஸுப்ரீதாத் ஶரேயஸாமேக வல்லபா₄த்|| 77

இத₃ம் ய: கல்ய உத்தா₂ய ப்ராஞ்ஜலி: ஶ்ரத்₃த₄யான்வித:|
ஶ்ருணுயாச்ச்₂ராவயேன் மர்த்யோ முச்யதே கர்ம ப₃ந்த₄னை:|| 78

கீ₃தம் மயேத₃ம் நரதே₃வ நந்த₃நா:
பரஸ்ய பும்ஸ: பரமாத்மன: ஸ்தவம்|
ஜபந்த ஏகாக்₃ரதி₄யஸ்தபோ மஹத்
சரத்₄வமந்தே தத ஆப்ஸ்யதே₂ப்ஸிதம்|| 79

|| இதி ஶ்ரீமத்₃பா₄க₃வதே மஹாபுராணே பாரமஹம்ஸ்யாம் ஸம்ஹிதாயாம்
சதுர்த₂ஸ்கந்தே₄ ருத்₃ரகீ₃தம் நாம சதுர்விம்ஶோऽத்₄யாய: || 24

நான்காம் ஸ்கந்தம் - இருபத்தி நான்காவது அத்யாயம் முற்றும்.