ஶ்ரீமத்பாகவதமஹாபுராணம் :: நான்காம் ஸ்கந்தம் :: அத்யாயம் 12.
துருவனுக்குக் குபேரன் வரமளித்தலும் மற்றும் துருவன் விஷ்ணுலோகத்தை அடைதலும்
சதுர்த2: ஸ்கந்த4: அத2 த்3வாத3ஶோஅத்4யாய:
மைத்ரேய உவாச
த்4ருவம் நிவ்ருத்தம் ப்ரதிபு3த்3த்4ய வைஶஸாத்
அபேதமன்யும் ப4க3வான் த4நேஶ்வர:|
தத்ராக3தஶ் சாரணயக்ஷ கிந்நரை:
ஸம்ஸ்தூயமாநோ ऽப்4யவத3த் க்ருதாஞ்ஜலிம்|| 01
த4னத3 உவாச
போ4 போ4: க்ஷத்ரியதா3யாத3 பரிதுஷ்டோऽஸ்மி தேऽனக4|
யத்த்வம் பிதாமஹாதே3ஶாத்3 வைரம் து3ஸ்த்யஜ மத்யஜ:|| 02
ந ப4வாநவதீ4த்3 யக்ஷான்ன யக்ஷா ப்4ராதரம் தவ|
கால ஏவ ஹி பூ4தாநாம் ப்ரபு4ரப்யயபா4வயோ:|| 03
அஹம் த்வமித்யபார்தா2 தீ4ரஜ்ஞாநாத் புருஷஸ்ய ஹி|
ஸ்வாப்நீவாபா4த்யதத்3த்4யாநாத்3 யயா ப3ந்த4விபர்யயௌ|| 04
தத்3 க3ச்ச2 த்4ருவ ப4த்3ரம் தே ப4க3வந்தமதோ4க்ஷஜம்|
ஸர்வ பூ4தாத்ம பா4வேன ஸர்வ பூ4தாத்ம விக்3ரஹம்|| 05
ப4ஜஸ்வ ப4ஜநீயாங்க்4ரிமப4வாய ப4வச்சி2த3ம்|
யுக்தம் விரஹிதம் ஶக்த்யா கு3ணமய்யா ऽऽத்மமாயயா|| 06
வ்ருணீஹி காமம் ந்ருப யன்மநோக3தம்
மத்தஸ்த்வமௌத்தாநபதே3 ऽவிஶங்கித:|
வரம் வரார்ஹோऽம்பு3ஜநாப4 பாத3யோ:
அநந்தரம் த்வாம் வயமங்க3 ஶுஶ்ரும|| 07
மைத்ரேய உவாச
ஸ ராஜராஜேன வராய சோதி3தோ
த்4ருவோ மஹா பா4க3வதோ மஹாமதி:|
ஹரௌ ஸ வவ்ரேऽசலிதாம் ஸ்ம்ருதிம் யயா
தரத்யயத்னேன து3ரத்யயம் தம:|| 08
தஸ்ய ப்ரீதேன மநஸா தாம் த3த்த்வைட3விட3ஸ்தத:|
பஶ்யதோऽந்தர்த3தே4 ஸோऽபி ஸ்வபுரம் ப்ரத்யபத்3யத|| 09
அதா2யஜத யஜ்ஞிஶம் க்ரதுபி4ர் பூ4ரித3க்ஷிணை:|
த்3ரவ்யக்ரியா தே3வதாநாம் கர்ம கர்மப2லப்ரத3ம்|| 10
ஸர்வாத்மன்யச்யுதே ऽஸர்வே தீவ்ரௌஶகா4ம் ப4க்தி முத்3வஹன்|
த3த3ர்ஶாத்மனி பூ4தேஷு தமேவாவஸ்தி2தம் விபு4ம்|| 11
தமேவம் ஶீலஸம்பன்னம் ப்3ரஹ்மண்யம் தீ3நவத்ஸலம்|
கோ3ப்தாரம் த4ர்மஸேதூநாம் மேநிரே பிதரம் ப்ரஜா:|| 12
ஷட்த்ரிம்ஶத்3 வர்ஷ ஸாஹஸ்ரம் ஶஶாஸ க்ஷிதிமண்ட3லம்|
போ4கை3: புண்யக்ஷயம் குர்வன் அபோ4கை3: அஶுப4க்ஷயம்|| 13
ஏவம் ப3ஹுஸவம் காலம் மஹாத்மாவிசலேந்த்3ரிய:|
த்ரிவர்கௌ3பயிகம் நீத்வா புத்ராயாதா3ந்ந்ருபாஸனம்|| 14
மன்யமான இத3ம் விஶ்வம் மாயாரசித மாத்மநி|
அவித்3யாரசித ஸ்வப்ந க3ந்த4ர்வ நக3ரோபமம்|| 15
ஆத்மஸ்த்ர்யபத்ய ஸுஹ்ருதோ3 ப3லம்ருத்3த4கோஶம்
அந்த:புரம் பரிவிஹாரபு4வஶ்ச ரம்யா:|
பூ4மண்ட3லம் ஜலதி4மேக2லமாகலய்ய
காலோபஸ்ருஷ்டமிதி ஸ ப்ரயயௌ விஶாலாம்|| 16
தஸ்யாம் விஶுத்3த4கரண: ஶிவவார்விகா3ஹ்ய
ப3த்3த்4வா ऽऽஸனம் ஜிதமருன்மநஸாऽऽஹ்ருதாக்ஷ:|
ஸ்தூ2லே த3தா4ர ப4க3வத் ப்ரதிரூப ஏதத்3
த்4யாயம் ஸ்தத3வ்யவஹிதோ வ்யஸ்ருஜத் ஸமாதௌ4|| 17
ப4க்திம் ஹரௌ ப4க3வதி ப்ரவஹன்னஜஸ்ரம்
ஆநந்த3 பா3ஷ்ப கலயா முஹுரர்த்3யமான:|
விக்லித்3யமாநஹ்ருத3ய: புலகாசிதாங்கோ3
நாத்மானமஸ்மரத3ஸாவிதி முக்தலிங்க3:|| 18
ஸ த3த3ர்ஶ விமாநாக்3ர்யம் நப4ஸோऽவதரத்3 த்4ருவ:|
விப்4ராஜயத்3 த3ஶ தி3ஶோ ராகாபதிமிவோதி3தம்|| 19
தத்ராநு தே3வப்ரவரௌ சதுர்பு4ஜௌ
ஶ்யாமௌ கிஶோராவருணாம்பு3ஜேக்ஷணௌ|
ஸ்தி2தா வவஷ்டப்4ய க3தா3ம் ஸுவாஸஸௌ
கிரீடஹாராங்க3த3 சாருகுண்ட3லௌ|| 20
விஜ்ஞாய தாவுத்தமகா3ய கிங்கராதௌ
அப்4யுத்தி2த: ஸாத்4வஸ விஸ்ம்ருத க்ரம:|
நநாம நாமானி க்3ருணன் மது4த்3விஷ:
பார்ஷத் ப்ரதா4நாவிதி ஸம்ஹதாஞ்ஜலி:|| 21
"தம் க்ருஷ்ணபாதா3பி4நிவிஷ்டசேதஸம்
ப3த்3தா4ஞ்ஜலிம் ப்ரஶ்ரய நம்ர கந்த4ரம்|
ஸுநந்த3 நந்தா3வுபஸ்ருத்ய ஸஸ்மிதம்
ப்ரத்யூசது: புஷ்கரநாப4ஸம்மதௌ|| 22
ஸுநந்த3நந்தா3வூசது:
போ4 போ4 ராஜன் ஸுப4த்3ரம் தே வாசம் நோऽவஹித: ஶ்ருணு|
ய: பஞ்ச வர்ஷ ஸ்தபஸா ப4வான் தே3வ மதீத்ருபத்|| 23
தஸ்யாகி2ல ஜக3த்3தா4துராவாம் தே3வஸ்ய ஶார்ங்கி3ண:|
பார்ஷதா3விஹ ஸம்ப்ராப்தௌ நேதும் த்வாம் ப4க3வத்பத3ம்|| 24
ஸுது3ர்ஜயம் விஷ்ணுபத3ம் ஜிதம் த்வயா
யத் ஸூரயோऽப்ராப்ய விசக்ஷதே பரம்|
ஆதிஷ்ட2 தச்சந்த்3ரதி3வாகராத3யோ
க்3ரஹர்க்ஷதாரா: பரியந்தி த3க்ஷிணம்|| 25
அநாஸ்தி2தம் தே பித்ருபி4ரன்யைரப்யங்க3 கர்ஹிசித்|
ஆதிஷ்ட2 ஜக3தாம் வந்த்3யம் தத்3விஷ்ணோ: பரமம் பத3ம்|| 26
ஏதத்3விமான ப்ரவரம் உத்தமஶ்லோகமௌலிநா|
உபஸ்தா2பித மாயுஷ்மன் அதி4ரோடு4ம் த்வமர்ஹஸி|| 27
மைத்ரேய உவாச
நிஶம்ய வைகுண்ட2 நியோஜ்ய முக்2யயோர்
மது4ச்யுதம் வாசமுருக்ரமப்ரிய:|
க்ருதாபி4ஷேக: க்ருதநித்யமங்க3ளோ
முனீன் ப்ரணம்யாஶிஷ மப்4யவாத3யத்|| 28
பரீத்யாப்4யர்ச்ய தி4ஷ்ண்யாக்3ர்யம் பார்ஷதா3வபி4வந்த்3ய ச|
இயேஷ தத3தி4ஷ்டா2தும் பி3ப்4ரத்3 ரூபம் ஹிரண்மயம்|| 29
ததோ3த்தானபத3: புத்ரோ த3த3ர்ஶாந்தகமாக3தம்|
ம்ருத்யோர் மூர்த்4நிம் பத3ம் த3த்த்வா ஆருரோஹாத்3பு4தம் க்3ருஹம்|| 30
ததா3 து3ந்து3ப4யோ நேது3ர் ம்ருத3ங்க3பணவாத3ய:|
க3ந்த4ர்வ முக்2யா: ப்ரஜகு3: பேது: குஸுமவ்ருஷ்டய:|| 31
ஸ ச ஸ்வர்லோக மாரோக்ஷ்யன் ஸுநீதிம் ஜனனீம் த்4ருவ:|
அன்வஸ்மரத3க3ம் ஹித்வா தீ3நாம் யாஸ்யே த்ரிவிஷ்டபம்|| 32
இதி வ்யவஸிதம் தஸ்ய வ்யவஸாய ஸுரோத்தமௌ|
த3ர்ஶயாமாஸதுர் தே3வீம் புரோ யானேன க3ச்ச2தீம்|| 33
தத்ர தத்ர ப்ரஶம்ஸத்3பி4: பதி2 வைமாநிகை: ஸுரை:|
அவகீர்யமாணோ த3த்3ருஶே குஸுமை: க்ரமஶோ க்3ரஹான்|| 34
த்ரிலோகீம் தே3வயானேன ஸோऽதிவ்ரஜ்ய முனீன் அபி|
பரஸ்தாத்3 யத்3 த்4ருவக3திர் விஷ்ணோ: பத3மதா2ப்4யகா3த்|| 35
யத்3 ப்4ராஜமானம் ஸ்வருசைவ ஸர்வதோ
லோகாஸ்த்ரயோ ஹ்யநு விப்4ராஜந்த ஏதே|
யந் நாவ்ரஜன்ஜந்துஷு யேऽநநுக்3ரஹா
வ்ரஜந்தி ப4த்3ராணி சரந்தி யேऽநிஶம்|| 36
ஶாந்தா: ஸமத்3ருஶ: ஶுத்3தா4: ஸர்வபூ4தாநுரஞ்ஜநா:|
யாந்த்யஞ்ஜஸாச்யுத பத3ம் அச்யுதப்ரிய பா3ந்த4வா:|| 37
இத்யுத்தாநபத3: புத்ரோ த்4ருவ: க்ருஷ்ண பராயண:|
அபூ4த் த்ரயாணாம் லோகாநாம் சூடா3மணிரிவாமல:|| 38
க3ம்பீ4ரவேகோ3ऽநிமிஷம் ஜ்யோதிஷாம் சக்ரமாஹிதம்|
யஸ்மின் ப்4ரமதி கௌரவ்ய மேட்4யாமிவ க3வாம் க3ண:|| 39
மஹிமானம் விலோக்யாஸ்ய நாரதோ3 ப4க3வான் ருஷி:|
ஆதோத்3யம் விதுத3ன் ஶ்லோகான் ஸத்ரே ऽகா3யத் ப்ரசேதஸாம்|| 40
நாரத3 உவாச
நூனம் ஸுநீதே: பதிதே3வதாயா:
தப:ப்ரபா4வஸ்ய ஸுதஸ்ய தாம் க3திம்|
த்3ருஷ்ட்வாப்4யுபாயாநபி வேத3வாதி3நோ
நைவாதி4க3ந்தும் ப்ரப4வந்தி கிம் ந்ருபா:|| 41
ய: பஞ்சவர்ஷோ கு3ருதா3ரவாக்ஷரை:
பி4ன்னேன யாதோ ஹ்ருத3யேன தூ3யதா|
வனம் மதா3தே3ஶகரோऽஜிதம் ப்ரபு4ம்
ஜிகா3ய தத்3ப4க்தகு3ணை: பராஜிதம்|| 42
ய: க்ஷத்ரப3ந்து4ர் பு4வி தஸ்யாதி4ரூட4
மன்வாருருக்ஷேத3பி வர்ஷ பூகை3:|
ஷட்பஞ்சவர்ஷோ யத3ஹோபி4 ரல்பை:
ப்ரஸாத்3ய வைகுண்ட2 மவாப தத்பத3ம்|| 43
மைத்ரேய உவாச
ஏதத்தேऽபி4ஹிதம் ஸர்வம் யத் ப்ருஷ்டோऽஹமிஹ த்வயா|
த்4ருவஸ்யோத்3தா3ம யஶஸ: சரிதம் ஸம்மதம் ஸதாம்|| 44
த4ன்யம் யஶஸ்யமாயுஷ்யம் புண்யம் ஸ்வஸ்த்யயனம் மஹத்|
ஸ்வர்க்3யம் த்4ரௌவ்யம் ஸௌமனஸ்யம் ப்ரஶஸ்யம் அக4மர்ஷணம்|| 45
ஶ்ருத்வைதச்ச்2ரத்3த4யாபீ4க்ஷ்ணம் அச்யுதப்ரியசேஷ்டிதம்|
ப4வேத்3 ப4க்திர் ப4க3வதி யயா ஸ்யாத் க்லேஶ ஸம்க்ஷய:|| 46
மஹத்த்வமிச்ச2தாம் தீர்த2ம் ஶ்ரோது: ஶீலாத3யோ கு3ணா:|
யத்ர தேஜஸ்ததி3ச்சூ2நாம் மாநோ யத்ர மனஸ்விநாம்|| 47
ப்ரயத: கீர்தயேத் ப்ராத: ஸமவாயே த்3விஜன்மநாம்|
ஸாயம் ச புண்யஶ்லோகஸ்ய த்4ருவஸ்ய சரிதம் மஹத்|| 48
பௌர்ணமாஸ்யாம் ஸிநீவால்யாம் த்3வாத3ஶ்யாம் ஶ்ரவணேऽத2வா|
தி3னக்ஷயே வ்யதீபாதே ஸங்க்ரமே ऽர்கதி3னே ऽபி வா|| 49
ஶ்ராவயேத் ஶ்ரத்3த3தா4நாநாம் தீர்த2பாத3 பதா3ஶ்ரய:|
நேச்ச2ம்ஸ் தத்ராத்மநாऽऽத்மானம் ஸந்துஷ்ட இதி ஸித்4யதி|| 50
ஜ்ஞான மஜ்ஞாத தத்த்வாய யோ த3த்3யாத் ஸத்பதே2 ऽம்ருதம்|
க்ருபாளோர் தீ3ந நாத2ஸ்ய தே3வாஸ்தஸ்யாநு க்3ருஹ்ணதே|| 51
இத3ம் மயா தே ऽபி4ஹிதம் குரூத்3வஹ
த்4ருவஸ்ய விக்2யாத விஶுத்3த4 கர்மண:|
ஹித்வார்ப4க: க்ரீட3நகாநி மாது:
க்3ருஹம் ச விஷ்ணும் ஶரணம் யோ ஜகா3ம|| 52
|| இதி ஶ்ரீமத்3பா4க3வதே மஹாபுராணே பாரமஹம்ஸ்யாம் ஸம்ஹிதாயாம்
சதுர்த2ஸ்கந்தே4 த்4ருவ சரிதம் நாம த்3வாத3ஶோऽத்4யாய: || 11
நான்காம் ஸ்கந்தம் - பன்னிரண்டாவது அத்யாயம் முற்றும்.