ஶ்ரீமத்பாகவதமஹாபுராணம் :: மூன்றாம் ஸ்கந்தம் :: அத்யாயம் 18.
ஹிரண்யாக்ஷனுடன் வராக பகவானின் யுத்தம்
த்ருதீயஸ்கந்தே4: அத2 அஷ்டாத3ஶோஅத்4யாய:
மைத்ரேய உவாச|
ததே3வமாகர்ண்ய ஜலேஶபா4ஷிதம்
மஹாமநாஸ்தத்3 விக3ணய்ய து3ர்மத3:|
ஹரேர் விதி3த்வா க3திமங்க3 நாரதா3த்3
ரஸாதலம் நிர்விவிஶே த்வரான்வித:|| 1
த3த3ர்ஶ தத்ராபி4ஜிதம் த4ராத4ரம்
ப்ரோந்நீயமாநாவநிமக்3ர த3ம்ஷ்ட்ரயா|
முஷ்ணந்தமக்ஷ்ணா ஸ்வருசோऽருணஶ்ரியா
ஜஹாஸ சாஹோ வனகோ3சரோ ம்ருக3:|| 2
ஆஹைநமேஹ்யஜ்ஞ மஹீம் விமுஞ்ச நோ
ரஸௌகஸாம் விஶ்வஸ்ருஜேயமர்பிதா|
ந ஸ்வஸ்தி யாஸ்யஸ்யநயா மமேக்ஷத:
ஸுராத4மாஸாதி3த ஸூகராக்ருதே|| 3
த்வம் ந: ஸபத்னைரப4வாய கிம் ப்4ருதோ
யோ மாயயா ஹந்த்யஸுரான் பரோக்ஷஜித்|
த்வாம் யோக3மாயாப3லமல்பபௌருஷம்
ஸம்ஸ்தா2ப்ய மூட4 ப்ரம்ருஜே ஸுஹ்ருத் ஶுச:|| 4
த்வயி ஸம்ஸ்தி2தே க3த3யா ஶீர்ணஶீர்ஷ-
ண்யஸ்மத்3பு4ஜச்யுதயா யே ச துப்4யம்|
ப3லிம் ஹரந்தி ருஷயோ யே ச தே3வா:
ஸ்வயம் ஸர்வே ந ப4விஷ்யந்த்யமூலா:|| 5
ஸ துத்3யமாநோऽரிது3ருக்ததோமரை:
த3ம்ஷ்ட்ராக்3ரகா3ம் கா3முபலக்ஷ்ய பீ4தாம்|
தோத3ம் ம்ருஷந்நிரகா3த3ம்பு3மத்4யாத்3
க்3ராஹாஹத: ஸகரேணுர் யதே2ப4:|| 6
தம் நி:ஸரந்தம் ஸலிலாத3நுத்3ருதோ
ஹிரண்யகேஶோ த்3விரத3ம் யதா2 ஜ2ஷ:|
கராலத3ம்ஷ்ட்ரோऽஶநிநி:ஸ்வநோऽப்3ரவீத்3
க3தஹ்ரியாம் கிம் த்வஸதாம் விக3ர்ஹிதம்|| 7
ஸ கா3முத3ஸ்தாத் ஸலிலஸ்ய கோ3சரே
வின்யஸ்ய தஸ்யாமத3தா4த் ஸ்வஸத்த்வம்|
அபி4ஷ்டுதோ விஶ்வஸ்ருஜா ப்ரஸூனை:
ஆ பூர்யமாணோ விபு3தை4: பஶ்யதோ ऽரே:|| 8
பராநுஷக்தம் தபநீயோபகல்பம்
மஹாக3த3ம் காஞ்சன சித்ரத3ம்ஶம்|
மர்மாண்யபீ4க்ஷ்ணம் ப்ரதுத3ந்தம் து3ருக்தை:
ப்ரசண்ட3மன்யு: ப்ரஹஸம்ஸ்தம் ப3பா4ஷே|| 9
ஶ்ரீப4க3வாநுவாச|
ஸத்யம் வயம் போ4 வநகோ3சரா ம்ருகா3
யுஷ்மத்3விதா4ன் ம்ருக3யே க்3ராமஸிம்ஹான்|
ந ம்ருத்யுபாஶை: ப்ரதிமுக்தஸ்ய வீரா
விகத்த2னம் தவ க்3ருஹ்ணந்த்யப4த்3ர|| 10
ஏதே வயம் ந்யாஸஹரா ரஸௌகஸாம்
க3த ஹ்ரியோ க3த3யா த்3ராவிதாஸ்தே|
திஷ்டா2மஹேऽதா2பி கத2ஞ்சிதா3ஜௌ
ஸ்தே2யம் க்வ யாமோ ப3லிநோத்பாத்3ய வைரம்|| 11
த்வம் பத்3ரதா2நாம் கில யூத2பாதி4போ
க4டஸ்வ நோऽஸ்வஸ்தய ஆஶ்வநூஹ:|
ஸம்ஸ்தா2ப்ய சாஸ்மான் ப்ரம்ருஜாஶ்ரு ஸ்வகாநாம்
ய: ஸ்வாம் ப்ரதிஜ்ஞாம் நாதிபிபர்த்யஸப்4ய:|| 12
மைத்ரேய உவாச|
ஸோऽதி4க்ஷிப்தோ ப4க3வதா ப்ரலப்3த4ஶ்ச ருஷா ப்4ருஶம்|
ஆஜஹாரோல்ப3ணம் க்ரோத4ம் க்ரீட்3ய மாநோऽஹிராடி3வ|| 13
ஸ்ருஜந்நமர்ஷித: ஶ்வாஸான் மன்யுப்ரசலிதேந்த்3ரிய:|
ஆஸாத்3ய தரஸா தை3த்யோ க3த3யா ப்4யஹனத்3 ஹரிம்|| 14
ப4க3வாம்ஸ்து க3தா3வேக3ம் விஸ்ருஷ்டம் ரிபுணோரஸி|
அவஞ்சயத் திரஶ்சீநோ யோகா3ரூட4 இவாந்தகம்|| 15
புநர்க3தா3ம் ஸ்வாமாதா3ய ப்4ராமயந்தமபீ4க்ஷ்ணஶ:|
அப்4யதா4வத் ஹரி: க்ருத்3த4: ஸம்ரம்பா4த்3 த3ஷ்ட த3ச்ச2த3ம்|| 16
ததஶ்ச க3த3யாராதிம் த3க்ஷிணஸ்யாம் ப்4ருவி ப்ரபு4:|
ஆஜக்4நே ஸ து தாம் ஸௌம்ய க3த3யா கோவிதோ3ऽஹநத்|| 17
ஏவம் க3தா3ப்4யாம் கு3ர்வீப்4யாம் ஹர்யக்ஷோ ஹரிரேவ ச|
ஜிகீ3ஷயா ஸுஸம்ரப்3தா4 வன்யோன்யமபி4ஜக்4நது:|| 18
தயோ: ஸ்ப்ருதோ4ஸ்திக்3மக3தா3ஹதாங்க3யோ:
க்ஷதாஸ்ரவக்4ராண விவ்ருத்3த4மன்ய்வோ:|
விசித்ரமார்கா3ம்ஶ்சரதோர் ஜிகீ3ஷயா
வ்யபா4தி3லாயாமிவ ஶுஷ்மிணோர் ம்ருத4:|| 19
தை3த்யஸ்ய யஜ்ஞாவயவஸ்ய மாயா
க்3ருஹீதவாராஹதநோர் மஹாத்மன:|
கௌரவ்ய மஹ்யாம் த்3விஷதோர் விமர்த3னம்
தி3த்3ருக்ஷுராகா3த்3 ருஷிபி4ர்வ்ருத: ஸ்வராட்|| 20
ஆஸந்நஶௌண்டீ3ரமபேத ஸாத்4வஸம்
க்ருத ப்ரதீகார மஹார்ய விக்ரமம்|
விலக்ஷ்ய தை3த்யம் ப4க3வான் ஸஹஸ்ரணீ:
ஜகா3த3 நாராயணமாதி3ஸூகரம்|| 21
ப்3ரஹ்மோவாச|
ஏஷ தே தே3வ தே3வாநாமங்க்4ரிமூலமுபேயுஷாம்|
விப்ராணாம் ஸௌரபே4யீணாம் பூ4தாநாமப்யநாக3ஸாம்|| 22
ஆக3ஸ்க்ருத்3 ப4யக்ருத்3 து3ஷ்க்ருத3ஸ்மத்3ராத்3த4வரோऽஸுர:|
அன்வேஷந்நப்ரதிரதோ2 லோகாநடதி கண்டக:|| 23
மைனம் மாயாவினம் த்3ருப்தம் நிரங்குஶமஸத்தமம்|
ஆக்ரீட3 பா3லவத்3 தே3வ யதா2ऽऽஶீவிஷமுத்தி2தம்|| 24
ந யாவதே3ஷ வர்தே4த ஸ்வாம் வேலாம் ப்ராப்ய தா3ருண:|
ஸ்வாம் தே3வ மாயாமாஸ்தா2ய தாவஜ்ஜஹ்யக4மச்யுத|| 25
ஏஷா கோ4ரதமா ஸந்த்4யா லோகச்ச2ம்ப3ட்கரீ ப்ரபோ4|
உபஸர்பதி ஸர்வாத்மன் ஸுராணாம் ஜயமாவஹ|| 26
அது4நைஷோऽபி4ஜிந்நாம யோகோ3 மௌஹூர்திகோ ஹ்யகா3த்|
ஶிவாய நஸ்த்வம் ஸுஹ்ருதா3மாஶு நிஸ்தர து3ஸ்தரம்|| 27
தி3ஷ்ட்யா த்வாம் விஹிதம் ம்ருத்யுமயமாஸாதி3த: ஸ்வயம்|
விக்ரம்யைனம் ம்ருதே4 ஹத்வா லோகாநாதே4ஹி ஶர்மணி|| 28
|| இதி ஶ்ரீமத்3பா4க3வதே மஹாபுராணே பாரமஹம்ஸ்யாம் ஸம்ஹிதாயாம்
த்ருதீயஸ்கந்தே4 ஹிரண்யாக்ஷவதே4 அஷ்டாத3ஶோऽத்4யாய: || 18
மூன்றாம் ஸ்கந்தம் - பதினெட்டாவது அத்யாயம் முற்றும்.