ஶ்ரீமத்பாகவதமஹாபுராணம் :: மூன்றாம் ஸ்கந்தம் :: அத்யாயம் 14.
திதியின் கர்ப்ப தாரணம்
த்ருதீயஸ்கந்தே4: அத2 சதுர்த3ஶோஅத்4யாய:
ஶ்ரீஶுக உவாச
நிஶம்ய கௌஷாரவிணோபவர்ணிதாம்
ஹரே: கதா2ம் காரண ஸூகராத்மன:|
புன: ஸ பப்ரச்ச2 தமுத்3யதாஞ்ஜலிர்-
ந சாதித்ருப்தோ விது3ரோ த்4ருதவ்ரத:|| 1
விது3ர உவாச
தேனைவ து முனிஶ்ரேஷ்ட2 ஹரிணா யஜ்ஞமூர்திநா|
ஆதி3தை3த்யோ ஹிரண்யாக்ஷோ ஹத இத்யநுஶுஶ்ரும|| 2
தஸ்ய சோத்3த4ரத: க்ஷௌணீம் ஸ்வத3ம்ஷ்ட்ராக்3ரேண லீலயா|
தை3த்யராஜஸ்ய ச ப்3ரஹ்மன் கஸ்மாத்3 ஹேதே4தோரபூ4ன்ம்ருத4:|| 3
மைத்ரேய உவாச
ஸாது4 வீர த்வயா ப்ருஷ்டமவதாரகதா2ம் ஹரே:|
யத் த்வம் ப்ருச்ச2ஸி மர்த்யாநாம் ம்ருத்யுபாஶவிஶாதநீம்|| 4
யயோத்தானபத3: புத்ரோ முனிநா கீ3தயார்ப4க:|
ம்ருத்யோ: க்ருத்வைவ மூர்த்4ன்யங்க்4ரிமாருரோஹ ஹரே: பத3ம்|| 5
அதா2த்ராபீதிஹாஸோऽயம் ஶ்ருதோ மே வர்ணித: புரா|
ப்3ரஹ்மணா தே3வதே3வேன தே3வாநாமநுப்ருச்ச2தாம்|| 6
தி3திர் தா3க்ஷாயணீ க்ஷத்தர் மாரீசம் கஶ்யபம் பதிம்|
அபத்யகாமா சகமே ஸந்த்4யாயாம் ஹ்ருச்ச2யார்தி3தா|| 7
இஷ்ட்வாக்3நிஜிஹ்வம் பயஸா புருஷம் யஜுஷாம் பதிம்|
நிம்லோசத்யர்க ஆஸீநமக்3ன்யகா3ரே ஸமாஹிதம்|| 8
தி3திருவாச
ஏஷ மாம் த்வத்க்ருதே வித்3வன் காம ஆத்தஶராஸன:|
து3நோதி தீ3நாம் விக்ரம்ய ரம்பா4மிவ மதங்க3ஜ:|| 9
தத்3ப4வான் த3ஹ்யமாநாயாம் ஸபத்நீநாம் ஸம்ருத்3தி4பி4:|
ப்ரஜாவதீநாம் ப4த்3ரம் தே மய்யாயுங்க்தா மநுக்3ரஹம்|| 10
ப4ர்தர்யாப்தோருமாநாநாம் லோகாநாவிஶதே யஶ:|
பதிர் ப4வத்3விதோ4 யாஸாம் ப்ரஜயா நநு ஜாயதே|| 11
புரா பிதா நோ ப4க3வான் த3க்ஷோ து3ஹித்ருவத்ஸல:|
கம் வ்ருணீத வரம் வத்ஸா இத்யப்ருச்ச2த ந: ப்ருத2க்|| 12
ஸ விதி3த்வாऽऽத்மஜாநாம் நோ பா4வம் ஸந்தான பா4வன:|
த்ரயோத3ஶாத3தா3த் தாஸாம் யாஸ்தே ஶீலமநுவ்ரதா:|| 13
அத2 மே குரு கல்யாண காமம் கஞ்ஜவிலோசன|
ஆர்தோபஸர்பணம் பூ4மந்நமோக4ம் ஹி மஹீயஸி|| 14
இதி தாம் வீர மாரீச: க்ருபணாம் ப3ஹுபா4ஷிணீம்|
ப்ரத்யாஹாநுநயன் வாசா ப்ரவ்ருத்3தா4னங்க3 கஶ்மலாம்|| 15
ஏஷ தேऽஹம் விதா4ஸ்யாமி ப்ரியம் பீ4ரு யதி3ச்ச2ஸி|
தஸ்யா: காமம் ந க: குர்யாத் ஸித்3தி4ஸ்த்ரைவர்கி3கீ யத:|| 16
ஸர்வாஶ்ரமாநுபாதா3ய ஸ்வாஶ்ரமேண களத்ரவான்|
வ்யஸநார்ணவமத்யேதி ஜலயானைர் யதா2ர்ணவம்|| 17
யாமாஹுராத்மநோ ஹ்யர்த4ம் ஶ்ரேயஸ்காமஸ்ய மானினி|
யஸ்யாம் ஸ்வது4ரமத்4யஸ்ய புமாம்ஶ்சரதி விஜ்வர:|| 18
யாமாஶ்ரித்யேந்த்3ரியாராதீன் து3ர்ஜயாநிதராஶ்ரமை:|
வயம் ஜயேம ஹேலாபி4ர் த3ஸ்யூன் து3ர்க3பதிர் யதா2|| 19
ந வயம் ப்ரப4வஸ்தாம் த்வாமநுகர்தும் க்3ருஹேஶ்வரி|
அப்யாயுஷா வா கார்த்ஸ்ந்யேன யே சான்யே கு3ணக்3ருத்4நவ:|| 20
அதா2பி காமமேதம் தே ப்ரஜாத்யை கரவாண்யலம்|
யதா2 மாம் நாதிவோசந்தி முஹூர்தம் ப்ரதிபாலய|| 21
ஏஷா கோ4ரதமா வேலா கோ4ராணாம் கோ4ரத3ர்ஶநா|
சரந்தி யஸ்யாம் பூ4தாநி பூ4தேஶாநுசராணி ஹ|| 22
ஏதஸ்யாம் ஸாத்4வி ஸந்த்4யாயாம் ப4க3வான் பூ4தபா4வன:|
பரீதோ பூ4தபர்ஷத்3பி4ர் வ்ருஷேணாடதி பூ4தராட்|| 23
ஶ்மஶாநசக்ராநிலதூ4லிதூ4ம்ர-
விகீர்ண வித்3யோதஜடாகலாப:|
ப4ஸ்மாவகு3ண்டா2மலருக்மதே3ஹோ
தே3வஸ்த்ரிபி4: பஶ்யதி தே3வரஸ்தே|| 24
ந யஸ்ய லோகே ஸ்வஜன: பரோ வா
நாத்யாத்3ருதோ நோத கஶ்சித்3 விக3ர்ஹ்ய:|
வயம் வ்ரதைர் யச்சரணாபவித்3தா4-
மாஶாஸ்மஹே ऽஜாம் ப3த பு4க்தபோ4கா3ம்|| 25
யஸ்யாநவத்3யாசரிதம் மநீஷிணோ
க்3ருணந்த்யவித்3யா படலம் பி3பி4த்ஸவ:|
நிரஸ்தஸாம்யாதிஶயோऽபி யத் ஸ்வயம்
பிஶாசசர்யாமசரத்3 க3தி: ஸதாம்|| 26
ஹஸந்தி யஸ்யாசரிதம் ஹி து3ர்ப4கா3:
ஸ்வாத்மன் ரதஸ்யாவிது3ஷ: ஸமீஹிதம்|
யைர்வஸ்த்ர மால்யாப4ரணாநுலேபனை:
ஶ்வபோ4ஜனம் ஸ்வாத்மதயோபலாலிதம்|| 27
ப்3ரஹ்மாத3யோ யத்க்ருதஸேது பாலா
யத்காரணம் விஶ்வமித3ம் ச மாயா|
ஆஜ்ஞாகரீ தஸ்ய பிஶாசசர்யா
அஹோ விபூ4ம்நஶ் சரிதம் விட3ம்ப3னம்|| 28
மைத்ரேய உவாச
ஸைவம் ஸம்விதி3தே ப4ர்த்ரா மன்மதோ2ன்மதி2தேந்த்3ரியா|
ஜக்3ராஹ வாஸோ ப்3ரஹ்மர்ஷேர் வ்ருஷலீவ க3தத்ரபா|| 29
ஸ விதி3த்வாத2 பா4ர்யாயாஸ்தம் நிர்ப3ந்த4ம் விகர்மணி|
நத்வா தி3ஷ்டாய ரஹஸி தயாதோ2பவிவேஶ ஹி|| 30
அதோ2பஸ்ப்ருஶ்ய ஸலிலம் ப்ராணாநாயம்ய வாக்3யத:|
த்4யாயஞ்ஜஜாப விரஜம் ப்3ரஹ்ம ஜ்யோதி: ஸநாதனம்|| 31
தி3திஸ்து வ்ரீடி3தா தேன கர்மாவத்3யேன பா4ரத|
உபஸங்க3ம்ய விப்ரர்ஷிமதோ4முக்2யப்4யபா4ஷத|| 32
தி3திருவாச
மா மே க3ர்ப4மிமம் ப்3ரஹ்மன் பூ4தாநாம்ருஷபோ4 வதீ4த்|
ருத்3ர: பதிர்ஹி பூ4தாநாம் யஸ்யாகரவமம்ஹஸம்|| 33
நமோ ருத்3ராய மஹதே தே3வாயோக்3ராய மீடு4ஷே|
ஶிவாய ந்யஸ்த த3ண்டா3ய த்4ருதத3ண்டா3ய மன்யவே|| 34
ஸ ந: ப்ரஸீத3தாம் பா4மோ ப4க3வாநுர்வநுக்3ரஹ:|
வ்யாத4ஸ்யாப்யநுகம்ப்யாநாம் ஸ்த்ரீணாம் தே3வ: ஸதீபதி:|| 35
மைத்ரேய உவாச
ஸ்வஸர்க3ஸ்யாஶிஷம் லோக்யாமாஶாஸாநாம் ப்ரவேபதீம்|
நிவ்ருத் தஸந்த்4யா நியமோ பா4ர்யாமாஹ ப்ரஜாபதி:|| 36
கஶ்யப உவாச
அப்ராயத்யாதா3த்மனஸ்தே தோ3ஷான் மௌஹூர்திகாது3த|
மந்நிதே3ஶாதிசாரேண தே3வாநாம் சாதிஹேலநாத்|| 37
ப4விஷ்யதஸ்தவாப4த்3ராவப4த்3ரே ஜாட2ராத4மௌ|
லோகான் ஸபாலாம்ஸ்த்ரீம்ஶ்சண்டி3 முஹுராக்ரந்த3யிஷ்யத:|| 38
ப்ராணிநாம் ஹன்யமாநாநாம் தீ3நாநாமக்ருதாக3ஸாம்|
ஸ்த்ரீணாம் நிக்3ருஹ்யமாணாநாம் கோபிதேஷு மஹாத்மஸு|| 39
ததா3 விஶ்வேஶ்வர: க்ருத்3தோ4 ப4க3வான் லோகபா4வன:|
ஹநிஷ்யத்யவதீர்யாஸௌ யதா2த்3ரீன் ஶதபர்வத்4ருக்|| 40
தி3திருவாச
வத4ம் ப4க3வதா ஸாக்ஷாத் ஸுநாபோ4தா3ரபா3ஹுநா|
ஆஶாஸே புத்ரயோர் மஹ்யம் மா க்ருத்3தா4த்3 ப்3ராஹ்மணாத்3 விபோ4|| 41
ந ப்3ரஹ்மத3ண்ட3 த3க்3த4ஸ்ய ந பூ4தப4யத3ஸ்ய ச|
நாரகாஶ்சாநுக்3ருஹ்ணந்தி யாம் யாம் யோநிமஸௌ க3த:|| 42
கஶ்யப உவாச
க்ருதஶோகாநுதாபேன ஸத்3ய: ப்ரத்யவமர்ஶநாத்|
ப4க3வத்யுரு மாநாச்ச ப4வே மய்யபி சாத3ராத்|| 43
புத்ரஸ்யைவ ச புத்ராணாம் ப4விதைக: ஸதாம் மத:|
கா3ஸ்யந்தி யத்3யஶ: ஶுத்3த4ம் ப4க3வத்3யஶஸா ஸமம்|| 44
யோகை3ர் ஹேமேவ து3ர்வர்ணம் பா4வயிஷ்யந்தி ஸாத4வ:|
நிர்வைராதி3பி4ராத்மானம் யச்சீ2லமநுவர்திதும்|| 45
யத்ப்ரஸாதா3தி3த3ம் விஶ்வம் ப்ரஸீத3தி யதா3த்மகம்|
ஸ ஸ்வத்3ருக்3ப4க3வான் யஸ்ய தோஷ்யதே ऽனன்யயா த்3ருஶா|| 46
ஸ வை மஹாபா4க3வதோ மஹாத்மா
மஹாநுபா4வோ மஹதாம் மஹிஷ்ட2:|
ப்ரவ்ருத்3த4ப4க்த்யா ஹ்யநுபா4விதாஶயே
நிவேஶ்ய வைகுண்ட2மிமம் விஹாஸ்யதி|| 47
அலம்பட: ஶீலத4ரோ கு3ணாகரோ
ஹ்ருஷ்ட: பரர்த்3த்4யா வ்யதி2தோ து3:கி2தேஷு|
அபூ4தஶத்ருர் ஜக3த: ஶோகஹர்தா
நைதா3கி4கம் தாபமிவோடு3ராஜ:|| 48
அந்தர்ப3ஹிஶ்சாமலமப்3ஜ நேத்ரம்
ஸ்வபூருஷேச்சா2நுக்3ருஹீத ரூபம்|
பௌத்ரஸ்தவ ஶ்ரீலலநாலலாமம்
த்3ரஷ்டா ஸ்பு2ரத்குண்ட3ல மண்டி3தானனம்|| 49
மைத்ரேய உவாச
ஶ்ருத்வா பா4க3வதம் பௌத்ரமமோத3த தி3திர் ப்4ருஶம்|
புத்ரயோஶ்ச வத4ம் க்ருஷ்ணாத்3 விதி3த்வா ऽऽஸீன் மஹாமநா:|| 50
|| இதி ஶ்ரீமத்3பா4க3வதே மஹாபுராணே பாரமஹம்ஸ்யாம் ஸம்ஹிதாயாம்
த்ருதீயஸ்கந்தே4 சதுர்த3ஶோऽத்4யாய: || 14
மூன்றாம் ஸ்கந்தம் - பதினான்காவது அத்யாயம் முற்றும்.