ஶ்ரீமத்பாகவதமஹாபுராணம் :: முதல் ஸ்கந்தம் :: அத்யாயம் 13.
விதுரரின் உபதேசத்தினால் திருதாஷ்டிரனும் காந்தாரியும் வனத்திற்குப் போதல்
அத2 த்ரயோத3ஶऽத்2யாய:
ஸூத உவாச
விது3ரஸ்தீர்த2யாத்ராயாம் மைத்ரேயாதா3த்மநோ க3திம்|
ஜ்ஞாத்வாகா3த்3 ஹாஸ்தினபுரம் தயாவாப்தவிவித்ஸித:|| 01
யாவத: க்ருதவான் ப்ரஶ்நான் க்ஷத்தா கௌஷாரவாக்3ரத:|
ஜாதைக ப4க்திர் கோ3விந்தே3 தேப்4யஶ்சோபரராம ஹ|| 02
தம் ப3ந்து4மாக3தம் த்3ருஷ்ட்வா த4ர்மபுத்ர: ஸஹாநுஜ:|
த்4ருதராஷ்ட்ரோ யுயுத்ஸுஶ்ச ஸூத: ஶாரத்3வத: ப்ருதா2|| 03
கா3ந்தா4ரீ த்3ரௌபதீ3 ப்3ரஹ்மன் ஸுப4த்3ரா சோத்தரா க்ருபீ|
அன்யாஶ்ச ஜாமய: பாண்டோ3ர் ஜ்ஞாதய: ஸஸுதா: ஸ்த்ரிய:|| 04
ப்ரத்யுஜ்ஜக்3மு: ப்ரஹர்ஷேண ப்ராணம் தன்வ இவாக3தம்|
அபி4ஸங்க3ம்ய விதி4வத் பரிஷ்வங்கா3பி4வாத3னை:|| 05
முமுசு: ப்ரேமபா3ஷ்பௌக4ம் விரஹௌத்கண்ட்2யகாதரா:|
ராஜா தமர்ஹயாம் சக்ரே க்ருதாஸந பரிக்3ரஹம்|| 06
தம் பு4க்தவந்தம் விஶ்ராந்த மாஸீநம் ஸுக2மாஸனே|
ப்ரஶ்ரயாவநதோ ராஜா ப்ராஹ தேஷாம் ச ஶ்ருண்வதாம்|| 07
யுதி4ஷ்டி2ர உவாச
அபி ஸ்மரத2 நோ யுஷ்மத் பக்ஷச்சா2யா ஸமேதி4தான்|
விபத்3க3ணாத்3 விஷாக்3ன்யாதே3ர் மோசிதா யத் ஸமாத்ருகா:|| 08
கயா வ்ருத்த்யா வர்திதம் வ: சரத்3பி4: க்ஷிதிமண்ட3லம்|
தீர்த்தா2னி க்ஷேத்ரமுக்2யானி ஸேவிதாநீஹ பூ4தலே|| 09
ப4வத்3விதா4 பா4க3வதாஸ்தீர்த்த2பூ4தா: ஸ்வயம் விபோ4|
தீர்த்தீ2குர்வந்தி தீர்த்தா2னி ஸ்வாந்த:ஸ்தே2ந க3தா3ப்4ருதா|| 10
அபி ந: ஸுஹ்ருத3ஸ்தாத பா3ந்த4வா: க்ருஷ்ணதே3வதா:|
த்3ருஷ்டா: ஶ்ருதா வா யத3வ: ஸ்வபுர்யாம் ஸுக2மாஸதே|| 11
இத்யுக்தோ த4ர்மராஜேன ஸர்வம் தத் ஸமவர்ணயத்|
யதா2நுபூ4தம் க்ரமஶோ விநா யது3குலக்ஷயம்|| 12
நந்வப்ரியம் து3ர்விஷஹம் ந்ருணாம் ஸ்வயமுபஸ்தி2தம்|
நாவேத3யத் ஸகருணோ து3:கி2தான் த்3ரஷ்டுமக்ஷம:|| 13
கஞ்சித் காலமதா2வாத்ஸீத் ஸத்க்ருதோ தே3வவத் ஸுக2ம்|
ப்4ராதுர் ஜ்யேஷ்ட2ஸ்ய ஶ்ரேயஸ்க்ருத் ஸர்வேஷாம் ப்ரீதிமாவஹன்|| 14
அபி3ப்4ரத3ர்யமா த3ண்ட3ம் யதா2வத3க4காரிஷு|
யாவத்3த3தா4ர ஶூத்3ரத்வம் ஶாபாத்3 வர்ஷஶதம் யம:|| 15
யுதி4ஷ்டி2ரோ லப்3த4ராஜ்யோ த்3ருஷ்ட்வா பௌத்ரம் குலந்த4ரம்|
ப்4ராத்ருபி4ர் லோகபாலாபை4ர் முமுதே3 பரயா ஶ்ரியா|| 16
ஏவம் க்3ருஹேஷு ஸக்தாநாம் ப்ரமத்தாநாம் ததீ3ஹயா|
அத்யக்ராமத3விஜ்ஞாத: கால: பரமது3ஸ்தர:|| 17
விது3ரஸ்தத3பி4ப்ரேத்ய த்4ருதராஷ்ட்ரமபா4ஷத|
ராஜந்நிர்க3ம்யதாம் ஶீக்4ரம் பஶ்யேத3ம் ப4யமாக3தம்|| 18
ப்ரதிக்ரியா ந யஸ்யேஹ குதஶ்சித் கர்ஹிசித் ப்ரபோ4|
ஸ ஏவ ப4க3வான் கால: ஸர்வேஷாம் ந: ஸமாக3த:|| 19
யேன சைவாபி4பந்நோऽயம் ப்ராணை: ப்ரியதமைரபி|
ஜன: ஸத்3யோ வியுஜ்யேத கிமுதான்யைர் த4நாதி3பி4:|| 20
பித்ருப்4ராத்ரு ஸுஹ்ருத்புத்ரா ஹதாஸ்தே விக3தம் வயம்|
ஆத்மா ச ஜரயா க்3ரஸ்த: பரகே3ஹமுபாஸஸே|| 21
அஹோ மஹீயஸீ ஜந்தோர்ஜீவிதாஶா யயா ப4வான்|
பீ4மாபவர்ஜிதம் பிண்ட3மாத3த்தே க்3ருஹபாலவத்|| 22
அக்3நிர் நிஸ்ருஷ்டோ த3த்தஶ்ச க3ரோ தா3ராஶ்ச தூ3ஷிதா:|
ஹ்ருதம் க்ஷேத்ரம் த4னம் யேஷாம் தத்3 த3த்தைரஸுபி4: கியத்|| 23
தஸ்யாபி தவ தே3ஹோऽயம் க்ருபணஸ்ய ஜிஜீவிஷோ:|
பரைத்யநிச்ச2தோ ஜீர்ணோ ஜரயா வாஸஸீ இவ|| 24
க3தஸ்வார்த2மிமம் தே3ஹம் விரக்தோ முக்தப3ந்த4ன:|
அவிஜ்ஞாத க3திர் ஜஹ்யாத் ஸ வை தீ4ர உதா3ஹ்ருத:|| 25
ய: ஸ்வகாத் பரதோ வேஹ ஜாதநிர்வேத3 ஆத்மவான்|
ஹ்ருதி3 க்ருத்வா ஹரிம் கே3ஹாத் ப்ரவ்ரஜேத் ஸ நரோத்தம:|| 26
அதோ2தீ3சீம் தி3ஶம் யாது ஸ்வைரஜ்ஞாதக3திர் ப4வான்|
இதோऽர்வாக் ப்ராயஶ: கால: பும்ஸாம் கு3ணவிகர்ஷண:|| 27
ஏவம் ராஜா விது3ரேணாநுஜேன
ப்ரஜ்ஞாசக்ஷுர் போ3தி4த ஆஜமீட4:|
சி2த்வா ஸ்வேஷு ஸ்நேஹபாஶாந்த்3ரடி4ம்நோ
நிஶ்சக்ராம ப்4ராத்ரு ஸந்த3ர்ஶிதாத்4வா|| 28
பதிம் ப்ரயாந்தம் ஸுப3லஸ்ய புத்ரீ
பதிவ்ரதா சாநுஜகா3ம ஸாத்4வீ|
ஹிமாலயம் ந்யஸ்த த3ண்ட3 ப்ரஹர்ஷம்
மனஸ்விநாமிவ ஸத்ஸம்ப்ரஹார:|| 29
அஜாதஶத்ரு: க்ருதமைத்ரோ ஹுதாக்3நி:
விப்ரான் நத்வா திலகோ3பூ4மிருக்மை:|
க்3ருஹம் ப்ரவிஷ்டோ கு3ருவந்த3நாய
ந சாபஶ்யத் பிதரௌ ஸௌப3லீம் ச|| 30
தத்ர ஸஞ்ஜய மாஸீநம் பப்ரச்சோ2த்3விக்3நமானஸ:|
கா3வல்க3ணே க்வ நஸ்தாதோ வ்ருத்3தோ4 ஹீநஶ்ச நேத்ரயோ:|| 31
அம்பா3 ச ஹதபுத்ராऽர்தா பித்ருவ்ய: க்வ க3த: ஸுஹ்ருத்|
அபி மய்யக்ருத ப்ரஜ்ஞி ஹதப3ந்து4: ஸ பா4ர்யயா|
ஆஶம்ஸமான: ஶமலம் க3ங்கா3யாம் து3:கி2தோऽபதத்|| 32
பிதர்யுபரதே பாண்டௌ3 ஸர்வான் ந: ஸுஹ்ருத3: ஶிஶூன்|
அரக்ஷதாம் வ்யஸனத: பித்ருவ்யௌ க்வ க3தாவித:|| 33
ஸூத உவாச
க்ருபயா ஸ்நேஹவைக்லவ்யாத் ஸூதோ விரஹகர்ஶித:|
ஆத்மேஶ்வர மசக்ஷாணோ ந ப்ரத்யாஹாதிபீடி3த:|| 34
விம்ருஜ்யாஶ்ரூணி பாணிப்4யாம் விஷ்டப்4யாத்மாநமாத்மநா|
அஜாதஶத்ரும் ப்ரத்யூசே ப்ரபோ4: பாதா3வநுஸ்மரன்|| 35
ஸஞ்ஜய உவாச
நாஹம் வேத3 வ்யவஸிதம் பித்ரோர்வ: குலநந்த3ன|
கா3ந்தா4ர்யா வா மஹாபா3ஹோ முஷிதோऽஸ்மி மஹாத்மபி4:|| 36
அதா2ஜகா3ம ப4க3வான் நாரத3: ஸஹதும்பு3ரு:|
ப்ரத்யுத்தா2யாபி4வாத்3யாஹ ஸாநுஜோऽப்4யர்சயன்னிவ|| 37
யுதி4ஷ்டி2ர உவாச
நாஹம் வேத3 க3திம் பித்ரோர் ப4க3வன் க்வ க3தாவித:|
அம்பா3 வா ஹதபுத்ராऽऽர்த்தா க்வ க3தா ச தபஸ்விநீ|| 38
கர்ணதா4ர இவாபாரே ப4க3வான் பாரத3ர்ஶக:|
அதா2ப3பா4ஷே ப4க3வான் நாரதோ3 முனிஸத்தம:|| 39
மா கஞ்சந ஶுசோ ராஜன் யதீ3ஶ்வரவஶம் ஜக3த்|
லோகா: ஸபாலா யஸ்யேமே வஹந்தி ப3லிமீஶிது:|
ஸ ஸம்யுநக்தி பூ4தாநி ஸ ஏவ வியுநக்தி ச|| 40
யதா2 கா3வோ நஸி ப்ரோதாஸ்தந்த்யாம் ப3த்3தா4: ஸ்வதா3மபி4:|
வாக்தந்த்யாம் நாமபி4ர் ப3த்3தா4 வஹந்தி ப3லிமீஶிது:|| 41
யதா2 க்ரீடோ3பஸ்கராணாம் ஸம்யோக3 விக3மாவிஹ|
இச்ச2யா க்ரீடி3து: ஸ்யாதாம் ததை2வேஶேச்ச2யா ந்ருணாம்|| 42
யன்மன்யஸே த்4ருவம் லோகமத்4ருவம் வா ந சோப4யம்|
ஸர்வதா2 ந ஹி ஶோச்யாஸ்தே ஸ்நேஹாத3ன்யத்ர மோஹஜாத்|| 43
தஸ்மாஜ்ஜஹ்யங்க3 வைக்லவ்ய மஜ்ஞாநக்ருதமாத்மன:|
கத2ம் த்வநாதா2: க்ருபணா வர்தேரம்ஸ்தே ச மாம் விநா|| 44
காலகர்மகு3ணாதீ4நோ தே3ஹோऽயம் பாஞ்சபௌ4திக:|
கத2மன்யாம்ஸ்து கோ3பாயேத் ஸர்பக்3ரஸ்தோ யதா2 பரம்|| 45
அஹஸ்தானி ஸஹஸ்தாநாமபதா3னி சதுஷ்பதா3ம்|
ப2ல்கூ3னி தத்ர மஹதாம் ஜீவோ ஜீவஸ்ய ஜீவநம்|| 46
ததி3த3ம் ப4க3வான் ராஜந்நேக ஆத்மாऽத்மநாம் ஸ்வத்3ருக்|
அந்தரோऽநந்தரோ பா4தி பஶ்ய தம் மாயயோருதா4|| 47
ஸோऽயமத்3ய மஹாராஜ ப4க3வான் பூ4தபா4வன:|
காலரூபோऽவதீர்ணோऽஸ்யாம் அபா4வாய ஸுரத்3விஷாம்|| 48
நிஷ்பாதி3தம் தே3வக்ருத்யம் அவஶேஷம் ப்ரதீக்ஷதே|
தாவத்3 யூயமவேக்ஷத்4வம் ப4வேத்3 யாவதி3ஹேஶ்வர:|| 49
த்4ருதராஷ்ட்ர: ஸஹ ப்4ராத்ரா கா3ந்தா4ர்யா ச ஸ்வபா4ர்யயா|
த3க்ஷிணேன ஹிமவத ருஷீணாமாஶ்ரமம் க3த:|| 50
ஸ்ரோதோபி4: ஸப்தபி4ர் யா வை ஸ்வர்து4நீ ஸப்ததா4 வ்யதா4த்|
ஸப்தாநாம் ப்ரீதயே நாநா ஸப்தஸ்ரோத: ப்ரசக்ஷதே|| 51
ஸ்நாத்வாநுஸவனம் தஸ்மின் ஹுத்வா சாக்3நீன் யதா2விதி4|
அப்3ப4க்ஷ உபஶாந்தாத்மா ஸ ஆஸ்தே விக3தைஷண:|| 52
ஜிதாஸநோ ஜிதஶ்வாஸ: ப்ரத்யாஹ்ருத ஷடி3ந்த்3ரிய:|
ஹரிபா4வநயா த்4வஸ்த ரஜ:ஸத்த்வதமோமல:|| 53
விஜ்ஞாநாத்மநி ஸம்யோஜ்ய க்ஷேத்ரஜ்ஞே ப்ரவிலாப்ய தம்|
ப்3ரஹ்மண்யாத்மாநமாதா4ரே க4டாம்ப3ர மிவாம்ப3ரே|| 54
த்4வஸ்தமாயாகு3ணோத3ர்கோ நிருத்3த4 கரணாஶய:|
நிவர்திதாகி2லாஹார ஆஸ்தே ஸ்தா2ணுரிவாசல:|
தஸ்யாந்தராயோ மைவாபூ4: ஸம்ன்யஸ்தாகி2ல கர்மண:|| 55
ஸ வா அத்3யதநாத்3 ராஜன் பரத: பஞ்சமேऽஹனி|
களேவரம் ஹாஸ்யதி ஸ்வம் தச்ச ப4ஸ்மீ ப4விஷ்யதி|| 56
த3ஹ்யமாநேऽக்3நிபி4ர் தே3ஹே பத்யு: பத்நீ ஸஹோடஜே|
ப3ஹி: ஸ்தி2தா பதிம் ஸாத்4வீ தமக்3நிமநு வேக்ஷ்யதி|| 57
விது3ரஸ்து ததா3ஶ்சர்யம் நிஶாம்ய குருநந்த3ன|
ஹர்ஷஶோக யுதஸ்தஸ்மாத்3 க3ந்தா தீர்த்த2நிஷேவக:|| 58
இத்யுக்த்வாதா2ருஹத் ஸ்வர்க3ம் நாரத3: ஸஹதும்பு3ரு:|
யுதி4ஷ்டி2ரோ வசஸ்தஸ்ய ஹ்ருதி3 க்ருத்வாऽஜஹாச்சு2ச:|| 59
|| இதி ஶ்ரீமத்3பா4க3வதே மஹாபுராணே பாரமஹம்ஸ்யாம் ஸம்ஹிதாயாம் ப்ரத2மஸ்கந்தே4 நைமிஷீயோபாக்2யாநே த்ரயோத3ஶோऽத்4யாய: || 13
முதல் ஸ்கந்தம் பதிமூன்றாம் அத்யாயம் முற்றும்