ஶ்ரீமத்பாகவதமஹாபுராணம் :: முதல் ஸ்கந்தம் :: அத்யாயம் 10.
ஸ்ரீகிருஷ்ணர் த்வாரகைக்குப் போதல்
அத2 த3ஶமோऽத்2யாய:
ஶௌநக உவாச
ஹத்வா ஸ்வரிக்த2ஸ்ப்ருத4 ஆததாயிநோ
யுதி4ஷ்டி2ரோ த4ர்மப்4ருதாம் வரிஷ்ட2:|
ஸஹாநுஜை: ப்ரத்யவருத்3த4 போ4ஜன:
கத2ம் ப்ரவ்ருத்த: கிமகாரஷீத் தத:|| 1
ஸூத உவாச
வம்ஶம் குரோர் வம்ஶத3வாக்3நி நிர்ஹ்ருதம்
ஸம்ரோஹயித்வா ப4வபா4வநோ ஹரி:|
நிவேஶயித்வா நிஜராஜ்ய ஈஶ்வரோ
யுதி4ஷ்டி2ரம் ப்ரீதமனா ப3பூ4வ ஹ|| 2
நிஶம்ய பீ4ஷ்மோக்தமதா2ச்யுதோக்தம்
ப்ரவ்ருத்த விஜ்ஞான விதூ4தவிப்4ரம:|
ஶஶாஸ கா3மிந்த்3ர இவாஜிதாஶ்ரய:
பரித்4யுபாந்தாமநுஜாநுவர்த்தித:|| 3
காமம் வவர்ஷ பர்ஜன்ய: ஸர்வகாமது3கா4 மஹீ|
ஸிஷிசு: ஸ்ம வ்ரஜான் கா3வ: பயஸோத4ஸ்வதீர் முதா3|| 4
நத்3ய: ஸமுத்3ரா கி3ரய: ஸவநஸ்பதிவீருத4:|
ப2லந்த்யோஷத4ய: ஸர்வா: காமமன்வ்ருது தஸ்ய வை|| 5
நாத4யோ வ்யாத4ய: க்லேஶா தை3வபூ4தாத்ம ஹேதவ:|
அஜாதஶத்ராவப4வன் ஜந்தூநாம் ராஜ்ஞி கர்ஹிசித்|| 6
உஷித்வா ஹாஸ்திநபுரே மாஸான் கதிபயான் ஹரி:|
ஸுஹ்ருதா3ம் ச விஶோகாய ஸ்வஸுஶ்ச ப்ரியகாம்யயா|| 7
ஆமந்த்ர்ய சாப்4யநுஜ்ஞாத: பரிஷ்வஜ்யாபி4வாத்3ய தம்|
ஆருரோஹ ரத2ம் கைஶ்சித்பரிஷ்வக்தோऽபி4வாதி3த:|| 8
ஸுப4த்3ரா த்3ரௌபதீ3 குந்தீ விராடதநயா ததா2|
கா3ந்தா4ரீ த்4ருதராஷ்ட்ரஶ்ச யுயுத்ஸுர் கௌ3தமோ யமௌ|| 9
வ்ருகோத3ரஶ்ச தௌ4ம்யஶ்ச ஸ்த்ரியோ மத்ஸ்யஸுதாத3ய:|
ந ஸேஹிரே விமுஹ்யந்தோ விரஹம் ஶார்ங்க3த4ன்வன:|| 10
ஸத்ஸங்கா3ன் முக்த து3:ஸங்கோ3 ஹாதும் நோத்ஸஹதே பு3த4:|
கீர்த்யமாநம் யஶோ யஸ்ய ஸக்ருதா3கர்ண்ய ரோசநம்|| 11
தஸ்மின் ந்யஸ்ததி4ய: பார்த்தா2: ஸஹேரன் விரஹம் கத2ம்|
த3ர்ஶநஸ்பர்ஶஸம்லாப ஶயநாஸந போ4ஜனை:|| 12
ஸர்வே தேऽநிமிஷைரக்ஷைஸ்தமநு த்3ருத சேதஸ:|
வீக்ஷந்த: ஸ்நேஹஸம்ப3த்3தா4 விசேலுஸ்தத்ர தத்ர ஹ|| 13
ந்யருந்த4ந்நுத்3க3லத்3பா3ஷ்பமௌத்கண்ட்2யாத்3 தே3வகீஸுதே|
நிர்யாத்யகா3ராந்நோऽப4த்3ரமிதி ஸ்யாத்3 பா3ந்த4வஸ்த்ரிய:|| 14
ம்ருத3ங்க3 ஶங்க2பே4ர்யஶ்ச வீணாபணவகோ3முகா2:|
து4ந்து4ர்யானக க4ண்டாத்3யா நேது3ர் து3ந்து3ப4யஸ்ததா2|| 15
ப்ராஸாத3ஶிக2ராரூடா4: குருநார்யோ தி3த்3ருக்ஷயா|
வவ்ருஷு: குஸுமை: க்ருஷ்ணம் ப்ரேமவ்ரீடா3ஸ்மிதேக்ஷணா:|| 16
ஸிதாதபத்ரம் ஜக்3ராஹ முக்தாதா3மவிபூ4ஷிதம்|
ரத்ன த3ண்ட3ம் கு3டா3கேஶ: ப்ரிய: ப்ரியதமஸ்ய ஹ|| 17
உத்3த4வ: ஸாத்யகிஶ்சைவ வ்யஜநே பரமாத்3பு4தே|
விகீர்யமாண: குஸுமை ரேஜே மது4பதி: பதி2|| 18
அஶ்ரூயந்தாஶிஷ: ஸத்யாஸ்தத்ர தத்ர த்3விஜேரிதா:|
நாநுரூபாநுரூபாஶ்ச நிர்கு3ணஸ்ய கு3ணாத்மந:|| 19
அன்யோன்யமாஸீத் ஸஞ்ஜல்ப உத்தமஶ்லோக சேதஸாம்|
கௌரவேந்த்3ரபுரஸ்த்ரீணாம் ஸர்வஶ்ருதிமநோஹர:|| 20
ஸ வை கிலாயம் புருஷ: புராதநோ
ய ஏக ஆஸீத3விஶேஷ ஆத்மனி|
அக்3ரே கு3ணேப்4யோ ஜக3தா3த்மநீஶ்வரே
நிமீலிதாத்மந்நிஶி ஸுப்த ஶக்திஷு|| 21
ஸ ஏவ பூ4யோ நிஜவீர்ய சோதி3தாம்
ஸ்வஜீவமாயாம் ப்ரக்ருதிம் ஸிஸ்ருக்ஷதீம்|
அநாமரூபாத்மனி ரூபநாமனீ
விதி4த்ஸமாநோऽநுஸஸார ஶாஸ்த்ரக்ருத்|| 22
ஸவா அயம் யத்பத3மத்ர ஸூரயோ
ஜிதேந்த்3ரியா நிர்ஜிதமாதரிஶ்வன:|
பஶ்யந்தி ப4க்த்யுத்கலிதாமலாத்மநா
நன்வேஷ ஸத்வம் பரிமார்ஷ்டுமர்ஹதி|| 23
ஸ வா அயம் ஸக்2யநுகீ3தஸத்கதோ2
வேதே3ஷு கு3ஹ்யேஷு ச கு3ஹ்யவாதி3பி4:|
ய ஏக ஈஶோ ஜக3தா3த்மலீலயா
ஸ்ருஜத்யவத்யத்தி ந தத்ர ஸஜ்ஜதே|| 24
யதா3 ஹ்யத4ர்மேண தமோதி4யோ ந்ருபா
ஜீவந்தி தத்ரைஷ ஹி ஸத்வத: கில|
த4த்தே ப4க3ம் ஸத்யம்ருதம் த3யாம் யஶோ
ப4வாய ரூபாணி த3த4த்3யுகே3 யுகே3|| 25
அஹோ அலம் ஶ்லாக்4யதமம் யதோ3: குலம்
அஹோ அலம் புண்யதமம் மதோ4ர்வனம்|
யதே3ஷ பும்ஸாம் ருஷப4: ஶ்ரிய: பதி:
ஸ்வஜன்மநா சங்க்ரமணேன சாஞ்சதி|| 26
அஹோ ப3த ஸ்வர்யஶஸஸ்திரஸ்கரீ
குஶஸ்த2லீ புண்ய யஶஸ்கரீ பு4வ:|
பஶ்யந்தி நித்யம் யத3நுக்3ரஹேஷிதம்
ஸ்மிதாவலோகம் ஸ்வபதிம் ஸ்ம யத்ப்ரஜா:|| 27
நூநம் வ்ரதஸ்நாந ஹுதாதி3நேஶ்வர:
ஸமர்ச்சிதோ ஹ்யஸ்ய க்3ருஹீத பாணிபி4:|
பிப3ந்தி யா: ஸக்2யத4ராம்ருதம் முஹுர்-
வ்ரஜஸ்த்ரிய: ஸம்முமுஹுர் யதா3ஶயா:|| 28
யா வீர்யஶுல்கேன ஹ்ருதா: ஸ்வயம்வரே
ப்ரமத்2ய சைத்3யப்ரமுகா2ன் ஹி ஶுஷ்மிண:|
ப்ரத்3யும்ந ஸாம்பா3ம்ப3ஸுதாத3யோऽபரா
யாஶ்சாஹ்ருதா பௌ4மவதே4 ஸஹஸ்ரஶ:|| 29
ஏதா: பரம் ஸ்த்ரீத்வமபாஸ்த பேஶலம்
நிரஸ்தஶௌசம் ப3த ஸாது4 குர்வதே|
யாஸாம் க்3ருஹாத் புஷ்கரலோசந: பதிர்
ந ஜாத்வபைத்யாஹ்ருதிபி4ர் ஹ்ருதி3 ஸ்ப்ருஶன்|| 30
ஏவம்விதா4 க3த3ந்தீநாம் ஸ கி3ர: புரயோஷிதாம்|
நிரீக்ஷணேநாபி4நந்த3ன் ஸஸ்மிதேன யயௌ ஹரி:|| 31
அஜாதஶத்ரு: ப்ருதநாம் கோ3பீதா2ய மது4த்3விஷ:|
பரேப்4ய: ஶங்கித: ஸ்நேஹாத் ப்ராயுங்க்த சதுரங்கி3ணீம்|| 32
அத2 தூ3ராக3தான் ஶௌரி: கௌரவான் விரஹாதுரான்|
ஸந்நிவர்த்ய த்3ருட4ம் ஸ்நிக்3தா4ன் ப்ராயாத் ஸ்வநக3ரீம் ப்ரியை:|| 33
குருஜாங்க3ல பாஞ்சாலான் ஶூரஸேநான் ஸயாமுநான்|
ப்3ரஹ்மாவர்தம் குருக்ஷேத்ரம் மத்ஸ்யான் ஸாரஸ்வதாநத2|| 34
மருத4ன்வ மதிக்ரம்ய ஸௌவீராபீ4ரயோ: பரான்|
ஆநர்தான் பா4ர்க3வோபாகா3த் ஶ்ராந்தவாஹோ மநாக்3விபு4:|| 35
தத்ர தத்ர ஹ தத்ரத்யைர் ஹரி: ப்ரத்யுத்3யதார்ஹண:|
ஸாயம் பே4ஜே தி3ஶம் பஶ்சாத்3 க3விஷ்டோ2 கா3ம் க3தஸ்ததா3|| 36
|| இதி ஶ்ரீமத்3பா4க3வதே மஹாபுராணே பாரமஹம்ஸ்யாம் ஸம்ஹிதாயாம் ப்ரத2மஸ்கந்தே4 நைமிஷீயோபாக்2யாநே ஶ்ரீக்ருஷ்ணாத்3வாரகாக3மநம் நாம த3ஶமோஅத்4யாய: || 10
முதல் ஸ்கந்தம் பத்தாம் அத்யாயம் முற்றும்