ஶ்ரீமத்பாகவதமஹாபுராணம் :: முதல் ஸ்கந்தம் :: அத்யாயம் 1.
சௌனகர் முதலிய முனிவர்களின் கேள்வி
ப்ரத₂ம: ஸ்கந்த₄: அத₂ ப்ரத₂மோஅத்₄யாய:

ஜன்மாத்₃யஸ்ய யதோऽன்வயாதி₃தரதஶ்சார்தே₂ஷ்வபி₄ஜ்ஞ: ஸ்வராட்
      தேநே ப்₃ரஹ்ம ஹ்ருதா₃ ய ஆதி₃கவயே முஹ்யந்தி யத் ஸூரய:|
தேஜோவாரிம்ருதா₃ம் யதா₂ விநிமயோ யத்ர த்ரிஸர்கோ₃ऽம்ருஷா
      தா₄ம்நா ஸ்வேந ஸதா₃ நிரஸ்த குஹகம் ஸத்யம் பரம் தீ₄மஹி|| 01

த₄ர்ம: ப்ரோஜ்ஜி₂த கைதவோऽத்ர பரமோ நிர்மத்ஸராணாம் ஸதாம்
      வேத்₃யம் வாஸ்தவமத்ர வஸ்து ஶிவத₃ம் தாபத்ரயோன்மூலனம்|
ஶ்ரீமத்₃ பா₄க₃வதே மஹாமுநிக்ருதே கிம் வா பரைரீஶ்வர:
      ஸத்₃யோ ஹ்ருத்₃யவருத்₄யதேऽத்ர க்ருதிபி₄: ஶுஶ்ரூஷுபி₄ஸ்தத்க்ஷணாத்|| 02

நிக₃ம கல்பதரோர் க₃ளிதம் ப₂லம்
      ஶுகமுகா₂த₃ம்ருதத்₃ரவ ஸம்யுதம்|
பிப₃த பா₄க₃வதம் ரஸமாலயம்
      முஹுரஹோ ரஸிகா பு₄வி பா₄வுகா:|| 03

நைமிஷேऽநிமிஷ க்ஷேத்ரே ருஶய: ஶௌனகாத₃ய:|
ஸத்ரம் ஸ்வர்கா₃ய லோகாய ஸஹஸ்ர ஸம மாஸத|| 04

த ஏகதா₃ து முனய: ப்ராதர் ஹுதஹுதாக்₃னய:|
ஸத்க்ருதம் ஸூதமாஸீநம் பப்ரச்சு₂ரித₃மாத₃ராத்|| 05

ருஷயஊசு:
த்வயா க₂லு புராணாநி ஸேதிஹாஸாநி சானக₄|
ஆக்₂யாதான்யப்யதீ₄தாநி த₄ர்ம ஶாஸ்த்ராணி யான்யுத|| 06

யாநி வேத₃ விதா₃ம் ஶ்ரேஷ்டோ₂ ப₄க₃வான் பா₃த₃ராயண:|
அன்யே ச முனய: ஸூத பராவர விதோ₃ விது₃:|| 07

வேத்த₂ த்வம் ஸௌம்ய தத்ஸர்வம் தத்த்வதஸ் தத₃நுக்₃ரஹாத்|
ப்₃ரூயு: ஸ்நிக்₃த₄ஸ்ய ஶிஷ்யஸ்ய கு₃ரவோ கு₃ஹ்யமப்யுத|| 08

தத்ர தத்ராஞ்ஜஸாऽऽயுஷ்மன் ப₄வதா யத்₃ விநிஶ்சிதம்|
பும்ஸா மேகாந்தத: ஶ்ரேயஸ் தந்ந: ஶம்ஸிது மர்ஹஸி|| 09

ப்ராயேணால்பாயுஷ: ஸப்₄ய கலாவஸ்மின் யுகே₃ ஜநா:|
மந்தா₃: ஸுமந்த₃மதயோ மந்த₃பா₄க்₃யா ஹ்யுபத்₃ருதா:|| 10

பூ₄ரீணி பூ₄ரிகர்மாணி ஶ்ரோதவ்யாநி விபா₄க₃ஶ:|
அத: ஸாதோ₄அத்ர யத்ஸாரம் ஸமுத்₃த்₄ருத்ய மநீஷயா|
ப்₃ரூஹி ந: ஶ்ரத்₃த₃ தா₄னானாம் யேநாத்மா ஸுப்ரஸீத₃தி|| 11

ஸூத ஜாநாஸி ப₄த்₃ரம் தே ப₄க₃வான் ஸாத்வதாம் பதி:|
தே₃வக்யாம் வஸுதே₃வஸ்ய ஜாதோ யஸ்ய சிகீர்ஷயா|| 12

தந்ந: ஶுஶ்ரூஷமாணாநா மர்ஹஸ்யங்கா₃நுவர்ணிதும்|
யஸ்யாவதாரோ பூ₄தாநாம் க்ஷேமாய ச ப₄வாய ச|| 13

ஆபந்ந: ஸம்ஸ்ருதிம் கோ₄ராம் யந்நாம விவஶோ க்₃ருணன்|
தத: ஸத்₃யோ விமுச்யேத யத்₃பி₃பே₄தி ஸ்வயம் ப₄யம்|| 14

யத்பாத₃ஸம்ஶ்ரயா: ஸூத முனய: ப்ரஶமாயநா:|
ஸத்₃ய: புநந்த்யுபஸ்ப்ருஷ்டா: ஸ்வர்து₄ன்யாபோऽநுஸேவயா|| 15

கோ வா ப₄க₃வதஸ் தஸ்ய புண்ய ஶ்லோகேட்₃ய கர்மண:|
ஶுத்₃தி₄காமோ ந ஶ்ருணுயாத்₃யஶ: கலிமலாபஹம்|| 16

தஸ்ய கர்மாண்யுதா₃ராணி பரிகீ₃தாநி ஸூரிபி₄:|
ப்₃ரூஹி ந: ஶ்ரத்₃த₃தா₄நாநாம் லீலயா த₃த₄த: கலா:|| 17

அதா₂க்₂யாஹி ஹரேர் தீ₄மந் அவதாரகதா₂: ஶுபா₄:|
லீலா வித₃த₄த: ஸ்வைரமீஶ்வரஸ்யாத்ம மாயயா|| 18

வயம் து ந வித்ருப்யாம உத்தமஶ்லோக விக்ரமே|
யச் ச்₂ருண்வதாம் ரஸஜ்ஞாநாம் ஸ்வாது₃ ஸ்வாது₃ பதே₃ பதே₃|| 19

க்ருதவான் கில வீர்யாணி ஸஹ ராமேண கேஶவ:|
அதிமர்த்யானி ப₄க₃வான் கூ₃ட₄: கபடமாநுஷ:|| 20

கலி மாக₃த மாஜ்ஞாய க்ஷேத்ரேऽஸ்மிந் வைஷ்ணவே வயம்|
ஆஸீநா தீ₃ர்க₄ஸத்ரேண கதா₂யாம் ஸக்ஷணா ஹரே:|| 21

த்வம் ந: ஸந்த₃ர்ஶிதோ தா₄த்ரா து₃ஸ்தரம் நிஸ்திதீர்ஷதாம்|
கலிம் ஸத்வ ஹரம் பும்ஸாம் கர்ணதா₄ர இவார்ணவம்|| 22

ப்₃ரூஹி யோகே₃ஶ்வரே க்ருஷ்ணே ப்₃ரஹ்மண்யே த₄ர்மவர்மணி|
ஸ்வாம் காஷ்டா₂ மது₄நோபேதே த₄ர்ம: கம் ஶரணம் க₃த:|| 23

இதி ஶ்ரீமத்₃பா₄க₃வதே மஹாபுராணே
பாரமஹம்ஸ்யாம் ஸம்ஹிதாயாம் ப்ரத₂மஸ்கந்தே₄
நைமிஷீயோபாக்₂யாநே ப்ரத₂மோஅத்₄யாய: ॥1॥

முதல் ஸ்கந்தம் முதல் அத்யாயம் முற்றும்