ஶ்ரீமத்பாகவதமஹாபுராணம் :: பன்னிரெண்டாம் ஸ்கந்தம் :: அத்யாயம் 6.
பரீக்ஷித்தின் பரமகதி, ஜனமேஜயனின் சர்ப்ப யாகம், மற்றும் வேதங்களின் சாகை பேதங்கள்
அத2 ஷஷ்டோ2ऽத்4யாய:
ஶ்ரீஶுக உவாச –
எதந் நிஶம்ய முனிநாபி4ஹிதம் பரீக்ஷித்3
வ்யாஸாத்மஜேன நிகி2லாத்மத்3ருஶா ஸமேன|
தத்பாத3மூல முபஸ்ருத்ய நதேன மூர்த்4நா
ப3த்3தா4ஞ்ஜலிஸ்தமித3மாஹ ஸ விஷ்ணுராத:|| 1
ராஜோவாச|
ஸித்3தோ4ऽஸ்ம்யநுக்3ருஹீதோऽஸ்மி ப4வதா கருணாத்மநா|
ஶ்ராவிதோ யச்ச மே ஸாக்ஷாத3நாதி3நித4நோ ஹரி:|| 2
நாத்யத்3பு4த மஹம் மன்யே மஹதாமச்யுதாத்மநாம்|
அஜ்ஞேஷு தாபதப்தேஷு பூ4தேஷு யத3நுக்3ரஹ:|| 3
புராணஸம்ஹிதா மேதாமஶ்ரௌஷ்ம ப4வதோ வயம்|
யஸ்யாம் க2லூத்தமஶ்லோகோ ப4க3வாநநுவர்ண்யதே|| 4
ப4க3வன் தக்ஷகாதி3ப்4யோ ம்ருத்யுப்4யோ ந பி3பே4ம்யஹம்|
ப்ரவிஷ்டோ ப்3ரஹ்ம நிர்வாணம் அப4யம் த3ர்ஶிதம் த்வயா|| 5
அநுஜாநீஹி மாம் ப்3ரஹ்மன் வாசம் யச்சா2ம்யதோ4க்ஷஜே|
முக்த காமாஶயம் சேத: ப்ரவேஶ்ய விஸ்ருஜாம்யஸூன்|| 6
அஜ்ஞானம் ச நிரஸ்தம் மே ஜ்ஞான விஜ்ஞான நிஷ்ட2யா|
ப4வதா த3ர்ஶிதம் க்ஷேமம் பரம் ப4க3வத: பத3ம்|| 7
ஸூத உவாச|
இத்யுக்தஸ் தமநுஜ்ஞாப்ய ப4க3வான் பா3த3ராயணி:|
ஜகா3ம பி4க்ஷுபி4: ஸாகம் நரதே3வேன பூஜித:|| 8
பரீக்ஷித3பி ராஜர்ஷிராத்மன்யாத்மான மாத்மநா|
ஸமாதா4ய பரம் த3த்4யாவஸ்பந்தா3ஸுர் யதா2 தரு:|| 9
ப்ராக்கூலே ப3ர்ஹிஷ்யாஸீனோ க3ங்கா3கூல உத3ங்முக2:|
ப்3ரஹ்மபூ4தோ மஹாயோகீ3 நிஸ்ஸங்க3ஶ் சி2ன்னஸம்ஶய:|| 10
தக்ஷக: ப்ரஹிதோ விப்ரா: க்ருத்3தே4ன த்3விஜஸூநுநா|
ஹந்துகாமோ ந்ருபம் க3ச்ச2ன் த3த3ர்ஶ பதி2 கஶ்யபம்|| 11
தம் தர்பயித்வா த்3ரவிணைர் நிவர்த்ய விஷஹாரிணம்|
த்3விஜரூப ப்ரதிச்ச2ன்ன: காமரூபோऽத3ஶந்ந்ருபம்|| 12
ப்3ரஹ்மபூ4தஸ்ய ராஜர்ஷேர் தே3ஹோऽஹிக3ரலாக்3நிநா|
ப3பூ4வ ப4ஸ்மஸாத் ஸத்3ய: பஶ்யதாம் ஸர்வதே3ஹிநாம்|| 13
ஹாஹா காரோ மஹாநாஸீத்3 பு4வி கே2 தி3க்ஷு ஸர்வத:|
விஸ்மிதா ஹ்யப4வன் ஸர்வே தே3வாஸுர நராத3ய:|| 14
தே3வது3ந்து3ப4யோ நேது3ர் க3ந்த4ர்வாப்ஸரஸோ ஜகு3:|
வவ்ருஷு: புஷ்பவர்ஷாணி விபு3தா4: ஸாது4வாதி3ன:|| 15
ஜனமேஜய: ஸ்வபிதரம் ஶ்ருத்வா தக்ஷக ப4க்ஷிதம்|
யதா2 ஜுஹாவ ஸம்க்ருத்3தோ4 நாகா3ன் ஸத்ரே ஸஹ த்3விஜை:|| 16
ஸர்பஸத்ரே ஸமித்3தா4க்3நௌ த3ஹ்யமாநான் மஹோரகா3ன்|
த்3ருஷ்ட்வேந்த்3ரம் ப4ய ஸம்விக்3நஸ் தக்ஷக: ஶரணம் யயௌ|| 17
அபஶ்யம்ஸ்தக்ஷகம் தத்ர ராஜா பாரீக்ஷிதோ த்3விஜான்|
உவாச தக்ஷக: கஸ்மான்ன த3ஹ்யேதோரகா3த4ம:|| 18
தம் கோ3பாயதி ராஜேந்த்3ர ஶக்ர: ஶரணமாக3தம்|
தேன ஸம்ஸ்தம்பி4த: ஸர்பஸ்தஸ்மாந்நாக்3நௌ பதத்யஸௌ|| 19
பாரீக்ஷித இதி ஶ்ருத்வா ப்ராஹர்த்விஜ உதா3ரதீ4:|
ஸஹேந்த்3ரஸ் தக்ஷகோ விப்ரா நாக்3நௌ கிமிதி பாத்யதே|| 20
தச் ச்2ருத்வாऽऽஜுஹுவுர் விப்ரா: ஸஹேந்த்3ரம் தக்ஷகம் மகே2|
தக்ஷகாஶு பதஸ்வேஹ ஸஹேந்த்3ரேண மருத்வதா|| 21
இதி ப்3ரஹ்மோதி3தாக்ஷேபை: ஸ்தா2நாதி3ந்த்3ர: ப்ரசாலித:|
ப3பூ4வ ஸம்ப்4ராந்தமதி: ஸவிமான: ஸதக்ஷக:|| 22
தம் பதந்தம் விமானேன ஸஹ தக்ஷகமம்ப3ராத்|
விலோக்யாங்கி3ரஸ: ப்ராஹ ராஜானம் தம் ப்3ருஹஸ்பதி:|| 23
நைஷ த்வயா மநுஷ்யேந்த்3ர வத4மர்ஹதி ஸர்பராட்|
அனேன பீதமம்ருதமத2 வா அஜராமர:|| 24
ஜீவிதம் மரணம் ஜந்தோர் க3தி: ஸ்வேனைவ கர்மணா|
ராஜம்ஸ்ததோऽன்யோ நாஸ்த்யஸ்ய ப்ரதா3தா ஸுக2 து3:க2யோ:|| 25
ஸர்பசௌராக்3நிவித்3யுத்3ப்4ய: க்ஷுத்த்ருட்3வ்யாத்4யாதி3பி4ர் ந்ருப|
பஞ்சத்வம் ருச்ச2தே ஜந்துர் பு4ங்க்த ஆரப்3த4கர்ம தத்|| 26
தஸ்மாத் ஸத்ரமித3ம் ராஜன் ஸம்ஸ்தீ2யேதாபி4சாரிகம்|
ஸர்பா அநாக3ஸோ த3க்3தா4 ஜனைர் தி3ஷ்டம் ஹி பு4ஜ்யதே|| 27
ஸூத உவாச|
இத்யுக்த: ஸ ததே2த்யாஹ மஹர்ஷேர்மானயன் வச:|
ஸர்பஸத்ராது3பரத: பூஜயாமாஸ வாக்பதிம்|| 28
ஸைஷா விஷ்ணோர் மஹாமாயா பா3த்4யயாலக்ஷணா யயா|
முஹ்யந்த்யஸ்யைவாத்மபூ4தா பூ4தேஷு கு3ணவ்ருத்திபி4:|| 29
ந யத்ர த3ம்பீ4த்யப4யா விராஜிதா
மாயாऽऽத்மவாதே3ऽஸக்ருதா3த்ம வாதி3பி4:|
ந யத்3 விவாதோ3 விவித4ஸ் ததா3ஶ்ரயோ
மனஶ்ச ஸங்கல்ப விகல்ப வ்ருத்தி யத்|| 30
ந யத்ர ஸ்ருஜ்யம் ஸ்ருஜதோப4யோ: பரம்
ஶ்ரேயஶ்ச ஜீவஸ் த்ரிபி4ரந்விதஸ்த்வஹம்|
ததே3தது3த்ஸாதி3த பா3த்4ய பா3த4கம்
நிஷித்4ய சோர்மீன் விரமேத் ஸ்வயம் முனி:|| 31
பரம் பத3ம் வைஷ்ணவ மாமநந்தி தத்3
யந்நேதி நேதீத்யதது3த்ஸிஸ்ருக்ஷவ:|
விஸ்ருஜ்ய த்3ரௌராத்ம்ய மனன்யஸௌஹ்ருதா3
ஹ்ருதோ3பகு3ஹ்யாவஸிதம் ஸமாஹிதை:|| 32
த எதத3தி4க3ச்ச2ந்தி விஷ்ணோர் யத் பரமம் பத3ம்|
அஹம் மமேதி த்3ரௌர்ஜன்யம் ந யேஷாம் தே3ஹ கே3ஹஜம்|| 33
அதி வாதா3ம்ஸ்திதிக்ஷேத நாவமன்யேத கஞ்சன|
ந சேமம் தே3ஹமாஶ்ரித்ய வைரம் குர்வீத கேனசித்|| 34
நமோ ப4க3வதே தஸ்மை க்ருஷ்ணாயாகுண்ட2 மேத4ஸே|
யத்பாதா3ம்பு3ருஹ த்4யாநாத் ஸம்ஹிதாமத்4யகா3மிமாம்|| 35
ஶ்ரீஶௌனக உவாச|
பைலாதி3பி4ர் வ்யாஸஶிஷ்யைர் வேதா3சார்யைர் மஹாத்மபி4:|
வேதா3ஶ்ச கதி2தா வ்யஸ்தா எதத் ஸௌம்யாபி4தே4ஹி ந:|| 36
ஸூத உவாச|
ஸமாஹிதாத்மநோ ப்3ரஹ்மன் ப்3ரஹ்மண: பரமேஷ்டி2ன:|
ஹ்ருத்3யாகாஶாத3பூ4ந் நாதோ3 வ்ருத்திரோதா4த்3 விபா4வ்யதே|| 37
யது3பாஸனயா ப்3ரஹ்மன் யோகி3நோ மலமாத்மன:|
த்3ரவ்யக்ரியா காரகாக்2யம் தூ4த்வா யாந்த்யபுனர்ப4வம்|| 38
ததோऽபூ4த்த்ரிவ்ருதோ3ங்காரோ யோऽவ்யக்தப்ரப4வ: ஸ்வராட்|
யத் தல்லிங்க3ம் ப4க3வதோ ப்3ரஹ்மண: பரமாத்மன:|| 39
ஶ்ருணோதி ய இமம் ஸ்போ2டம் ஸுப்தஶ்ரோத்ரே ச ஶூன்யத்3ருக்|
யேன வாக்3 வ்யஜ்யதே யஸ்ய வ்யக்திராகாஶ ஆத்மன:|| 40
ஸ்வதா4ம்நோ ப்3ராஹ்மண: ஸாக்ஷாத்3 வாசக: பரமாத்மன:|
ஸ ஸர்வமந்த்ரோபநிஷத்3 வேத3பீ3ஜம் ஸநாதநம்|| 41
தஸ்ய ஹ்யாஸம்ஸ்த்ரயோ வர்ணா அகாராத்3யா ப்4ருகூ3த்3வஹ|
தா4ர்யந்தே யைஸ்த்ரயோ பா4வா கு3ணநாமார் த2 வ்ருத்தய:|| 42
ததோऽக்ஷர ஸமாம்நாய மஸ்ருஜத்3 ப4க3வாநஜ:|
அந்த:ஸ்தோ2ஷ்ம ஸ்வரஸ்பர்ஶ ஹ்ரஸ்வதீ3ர்கா4தி3லக்ஷணம்|| 43
தேநாஸௌ சதுரோ வேதா3ம்ஶ் சதுர்பி4ர் வத3னைர் விபு4:|
ஸவ்யாஹ்ருதிகான் ஸோங்காராம்ஶ் சாதுர் ஹோத்ர விவக்ஷயா|| 44
புத்ராநத்4யாபயத் தாம்ஸ்து ப்3ரஹ்மர்ஷீன் ப்3ரஹ்மகோவிதா3ன்|
தே து த4ர்மோபதே3ஷ்டார: ஸ்வபுத்ரேப்4ய: ஸமாதி3ஶன்|| 45
தே பரம்பரயா ப்ராப்தாஸ்தத் தச்சி2ஷ்யைர் த்4ருதவ்ரதை:|
சதுர்யுகே3ஷ்வத2 வ்யஸ்தா த்3வாபராத்3ரௌ மஹர்ஷிபி4:|| 46
க்ஷீணாயுஷ: க்ஷீணஸத்த்வான் து3ர்மேதா4ன் வீக்ஷ்ய காலத:|
வேதா3ன் ப்3ரஹ்மர்ஷயோ வ்யஸ்யன் ஹ்ருதி3ஸ்தா2ச்யுத சோதி3தா:|| 47
அஸ்மின்நப்யந்தரே ப்3ரஹ்மன் ப4க3வான் லோக பா4வன:|
ப்3ரஹ்மேஶாத்3யைர் லோகபாலைர் யாசிதோ த4ர்மகு3ப்தயே|| 48
பராஶராத் ஸத்யவத்யாம் அம்ஶாம்ஶ கலயா விபு4:|
அவதீர்ணோ மஹாபா4க3 வேத3ம் சக்ரே சதுர்வித4ம்|| 49
ருக3த2ர்வயஜு:ஸாம்நாம் ராஶீருத்3த்4ருத்ய வர்க3ஶ:|
சதஸ்ர: ஸம்ஹிதாஶ்சக்ரே மந்த்ரைர் மணிக3ணா இவ|| 50
தாஸாம் ஸ சதுர: ஶிஷ்யாநுபாஹூய மஹாமதி:|
எகைகாம் ஸம்ஹிதாம் ப்3ரஹ்மந்நேகைகஸ்மை த3தௌ3 விபு4:|| 51
பைலாய ஸம்ஹிதா மாத்3யாம் ப3ஹ்வ்ருசாக்2யா முவாச ஹ|
வைஶம்பாயன ஸம்ஜ்ஞாய நிக3தா3க்2யம் யஜுர்க3ணம்|| 52
ஸாம்நாம் ஜைமினயே ப்ராஹ ததா2 ச2ந்தோ3க3 ஸம்ஹிதாம்|
அத2ர்வாங்கி3ரஸீம் நாம ஸ்வஶிஷ்யாய ஸுமந்தவே|| 53
பைல: ஸ்வஸம்ஹிதாமூசே இந்த்3ரப்ரமிதயே முனி:|
பா3ஷ்கலாய ச ஸோऽப்யாஹ ஶிஷ்யேப்4ய: ஸம்ஹிதாம் ஸ்வகாம்|| 54
சதுர்தா4 வ்யஸ்ய போ3த்4யாய யாஜ்ஞவல்க்யாய பா4ர்க3வ|
பராஶராயாக்3நிமித்ர இந்த்3ரப்ரமிதி ராத்மவான்|| 55
அத்4யாபயத் ஸம்ஹிதாம் ஸ்வாம் மாண்டூ3கேயம்ருஷிம் கவிம்|
தஸ்ய ஶிஷ்யோ தே3வமித்ர: ஸௌப4ர்யாதி3ப்4ய ஊசிவான்|| 56
ஶாகல்யஸ் தத்ஸுத: ஸ்வாம் து பஞ்சதா4 வ்யஸ்ய ஸம்ஹிதாம்|
வாத்ஸ்ய முத்3க3ல ஶாலீய கோ3க2ல்ய ஶிஶிரேஷ்வதா4த்|| 57
ஜாதூகர்ண்யஶ்ச தச்சி2ஷ்ய: ஸநிருக்தாம் ஸ்வஸம்ஹிதாம்|
ப3லாகபைஜ வைதால விரஜேப்4யோ த3தௌ3 முனி:|| 58
பா3ஷ்கலி: ப்ரதிஶாகா2ப்4யோ பா3லகி2ல்யாக்2ய ஸம்ஹிதாம்|
சக்ரே பா3லாயநிர் ப4ஜ்ய: காஸாரஶ்சைவ தாம் த3து4:|| 59
ப3ஹ்வ்ருசா: ஸம்ஹிதா ஹ்யேதா எபி4ர் ப்3ரஹ்மர்ஷிபி4ர் த்4ருதா:|
ஶ்ருத்வைதச் ச2ந்த3ஸாம் வ்யாஸம் ஸர்வபாபை: ப்ரமுச்யதே|| 60
வைஶம்பாயநஶிஷ்யா வை சரகாத்4வர்யவோऽப4வன்|
யச் சேருர் ப்3ரஹ்மஹத்யாம் ஹ: க்ஷபணம் ஸ்வகு3ரோர் வ்ரதம்|| 61
யாஜ்ஞவல்க்யஶ்ச தச்சி2ஷ்ய ஆஹாஹோ ப4க3வன் கியத்|
சரிதேநால்பஸாராணாம் சரிஷ்யேऽஹம் ஸுது3ஶ்சரம்|| 62
இத்யுக்தோ கு3ருரப்யாஹ குபிதோ யாஹ்யலம் த்வயா|
விப்ராவ மந்த்ரா ஶிஷ்யேண மத3தீ4தம் த்யஜாஶ்விதி|| 63
தே3வராதஸுத: ஸோऽபிச்ச2ர்தி3த்வா யஜுஷாம் க3ணம்|
ததோ க3தோऽத2 முனயோ த3த்3ருஶுஸ்தான் யஜுர்க3ணான்|| 64
யஜூம்ஷி தித்திரா பூ4த்வா தல்லோலுபதயாऽऽத3து3:|
தைத்திரீயா இதி யஜு: ஶாகா2 ஆஸன் ஸுபேஶலா:|| 65
யாஜ்ஞவல்க்யஸ்ததோ ப்3ரஹ்மன் ச2ந்தா3ம்ஸ்யதி4க3வேஷயன்|
கு3ரோரவித்3யமாநாநி ஸூபதஸ்தே2ऽர்க மீஶ்வரம்|| 66
ஶ்ரீயாஜ்ஞவல்க்ய உவாச|
ௐ நமோ ப4க3வதே ஆதி3த்யாயாகி2ல ஜக3தாமாத்மஸ்வரூபேண
காலஸ்வரூபேண சதுர்வித4 பூ4த நிகாயாநாம்
ப்3ரஹ்மாதி3ஸ்தம்ப3-பர்யந்தாநாமந்தர்ஹ்ருத3யேஷு ப3ஹிரபி சாகாஶ
இவோபாதி4நாவ்யவதீ4ய மாநோ ப4வானேக எவ க்ஷண லவ
நிமேஷாவயவோபசித ஸம்வத்ஸரக3ணே-நாபாமாதா3ன
விஸர்கா3ப்4யாமிமாம் லோகயாத்ரா மநுவஹதி|| 67
யது3 ஹ வாவ விபு3த4ர்ஷப4 ஸவித ரத3ஸ்தபத்யநுஸவனம் அஹர் அஹராம்நாய விதி4நோபதிஷ்ட2மாநாநாம் அகி2ல து3ரித வ்ருஜின பீ3ஜாவப4ர்ஜன ப4க3வத: ஸமபி4தீ4மஹி தபன மண்ட3லம்|| 68
ய இஹ வாவ ஸ்தி2ர சர நிகராணாம் நிஜநிகேதநா-நாம் மன இந்த்3ரியாஸு க3ணாநநாத்மன: ஸ்வய மாத்மாந்தர்யாமீ ப்ரசோத3யதி|| 69
ய எவேமம் லோக மதிகரால வத3நாந்த4கார ஸம்ஜ்ஞாஜக3ர க்3ரஹ கி3லிதம் ம்ருதகமிவ விசேதன மவலோக்யாநு கம்பயா பரமகாருணிக ஈக்ஷயை வோத்தா2ப்யா ஹரஹரநுஸவநம் ஶ்ரேயஸி ஸ்வத4ர்மா க்2யாத்மாவ ஸ்த2னே ப்ரவர்த-யத்யவநி-பதிரிவாஸாதூ4நாம் ப4யமுதீ3ரயந்நடதி || 70
பரித ஆஶாபாலைஸ் தத்ர தத்ர கமல கோஶாஞ்ஜலிபி4 ருபஹ்ருதார்ஹண:|| 71
அத2 ஹ ப4க3வம்ஸ்தவ சரணநளின யுக3ளம் த்ரிபு4வன கு3ருபி4ர் வந்தி3தம்|
அஹமயாதயாம யஜு:காம உபஸராமீதி|| 72
ஸூத உவாச|
எவம் ஸ்துத: ஸ ப4க3வான் வாஜிரூபத4ரோ ஹரி:|
யஜூம் ஷ்யயாதயாமாநி முனயேऽதா3த் ப்ரஸாதி3த:|| 73
யஜுர்பி4 ரகரோச்சா2கா2 த3ஶ பஞ்ச ஶதைர் விபு4:|
ஜக்3ருஹுர்வாஜ ஸன்யஸ்தா: காண்வமாத்4யந்தி3நாத3ய:|| 74
ஜைமிநே: ஸாமக3ஸ்யாஸீத் ஸுமந்துஸ்தநயோ முனி:|
ஸுன்வாம்ஸ்து தத்ஸுதஸ்தாப்4யா மேகைகாம் ப்ராஹ ஸம்ஹிதாம்|| 75
ஸுகர்மா சாபி தச்சி2ஷ்ய: ஸாமவேத3தரோர் மஹான்|
ஸஹஸ்ர ஸம்ஹிதாபே4த3ம் சக்ரே ஸாம்நாம் ததோ த்3விஜ|| 76
ஹிரண்யநாப4: கௌஶல்ய: பௌஷ்யஞ்ஜிஶ்ச ஸுகர்மண:|
ஶிஷ்யௌ ஜக்3ருஹதுஶ்சான்ய ஆவந்த்யோ ப்3ரஹ்மவித்தம:|| 77
உதீ3ச்யா: ஸாமகா3: ஶிஷ்யா ஆஸன் பஞ்சஶதாநி வை|
பௌஷ்யஞ்ஜ்யாவந்த்யயோஶ்சாபி தாம்ஶ்ச ப்ராச்யான் ப்ரசக்ஷதே|| 78
லௌகா3க்ஷிர் மாங்க3லி: குல்ய: குஸீத3: குக்ஷிரேவ ச|
பௌஷ்யஞ்ஜி ஶிஷ்யா ஜக்3ருஹு: ஸம்ஹிதாஸ்தே ஶதம் ஶதம்|| 79
க்ருதோ ஹிரண்யநாப4ஸ்ய சதுர்விம்ஶதி ஸம்ஹிதா:|
ஶிஷ்ய ஊசே ஸ்வஶிஷ்யேப்4ய: ஶேஷா ஆவந்த்ய ஆத்மவான்|| 80
இதி ஶ்ரீமத்3பா4க3வதே மஹாபுராணே பாரமஹம்ஸ்யாம் ஸம்ஹிதாயாம் த்3வாத3ஶஸ்கந்தே4 வேத3 ஶாகா2ப்ரணயனம் நாம ஷஷ்டோ2ऽத்4யாய:|| 6
பன்னிரெண்டாம் ஸ்கந்தம் - ஆறாம் அத்யாயம் முற்றும்.