ஶ்ரீமத்பாகவதமஹாபுராணம் :: பதினொன்றாம் ஸ்கந்தம் :: அத்யாயம் 31.
பகவான் ஸ்ரீகிருஷ்ணர் தன்னுடைய உலகத்திற்குப் போதல்
அத₂ ஏகத்ரிம்ஶோऽத்₄யாய:

ஶ்ரீஶுக உவாச -
அத₂ தத்ராக₃மத்₃ ப்₃ரஹ்மா ப₄வான்யா ச ஸமம் ப₄வ:|
மஹேம்த்₃ர ப்ரமுகா₂ தே₃வா முனய: ஸப்ரஜேஶ்வரா:|| 1

பிதர: ஸித்₃த₄ க₃ந்த₄ர்வா வித்₃யாத₄ர மஹோரகா₃:|
சாரணா யக்ஷரக்ஷாம்ஸி கின்னராப்ஸரஸோ த்₃விஜா:|| 2

த்₃ரஷ்டுகாமா ப₄க₃வதோ நிர்யாணம் பரமோத்ஸுகா:|
கா₃யந்தஶ்ச க்₃ருணந்தஶ்ச ஶௌரே: கர்மாணி ஜன்ம ச|| 3

வவ்ருஷு: புஷ்பவர்ஷாணி விமாநாவலிபி₄ர்நப₄:|
குர்வந்த: ஸங்‌குலம் ராஜன் ப₄க்த்யா பரமயா யுதா:|| 4

ப₄க₃வான் பிதாமஹம் வீக்ஷ்ய விபூ₄தீராத்மநோ விபு₄:|
ஸம்யோஜ்யாத்மநி சாத்மானம் பத்₃மநேத்ரே ந்யமீலயத்|| 5

லோகாபி₄ராமாம் ஸ்வதநும் தா₄ரணாத்₄யான மங்க₃ளம்|
யோக₃ தா₄ரணயாऽऽக்₃நேய்யாத₃க்₃த்₄வா தா₄மாவிஶத் ஸ்வகம்|| 6

தி₃வி து₃ந்து₃ப₄யோ நேது₃: பேது: ஸுமனஸஶ்ச கா₂த்|
ஸத்யம் த₄ர்மோ த்₄ருதிர்பூ₄மே: கீர்தி: ஶ்ரீஶ்சாநு தம் யயு:|| 7

தே₃வாத₃யோ ப்₃ரஹ்ம முக்₂யா ந விஶந்தம் ஸ்வதா₄மநி|
அவிஜ்ஞாதக₃திம் க்ருஷ்ணம் த₃த்₃ருஶுஶ் சாதி விஸ்மிதா:|| 8

ஸௌதா₃மன்யா யதா₂ऽऽகாஶே யாந்த்யா ஹித்வாப்₄ரமண்ட₃லம்|
க₃திர்ந லக்ஷ்யதே மர்த்யைஸ்ததா₂ க்ருஷ்ணஸ்ய தை₃வதை:|| 9

ப்₃ரஹ்ம ருத்₃ராத₃யஸ்தே து த்₃ருஷ்ட்வா யோக₃ க₃திம் ஹரே:|
விஸ்மிதாஸ்தாம் ப்ரஶம்ஸந்த: ஸ்வம் ஸ்வம் லோகம் யயுஸ்ததா₃|| 10

ராஜன் பரஸ்ய தநுப்₄ருஜ்ஜன நாப்ய யேஹா
      மாயாவிட₃ம்ப₃ன மவேஹி யதா₂ நடஸ்ய|
ஸ்ருஷ்ட்வாऽऽத்மநே த₃மநுவிஶ்ய விஹ்ருத்ய சாந்தே
      ஸம்ஹ்ருத்ய சாத்ம மஹி மோபரத: ஸ ஆஸ்தே|| 11

மர்த்யேன யோ கு₃ருஸுதம் யமலோக நீதம்
      த்வாம் சாநயச்ச₂ரணத₃: பரமாஸ்த்ர த₃க்₃த₄ம்|
ஜிக்₃யேऽந்தகாந்தகமபீஶமஸாவநீஶ:
      கிம் ஸ்வாவனே ஸ்வரநயன் ம்ருக₃யும் ஸதே₃ஹம்|| 12

ததா₂ப்ய ஶேஷ ஸ்தி₂தி ஸம்ப₄வாப்யயே-
      ஷ்வநந்ய ஹேதுர்யத₃ ஶேஷ ஶக்தி த்₄ருக்|
நைச்ச₂த் ப்ரணேதும் வபுரத்ர ஶேஷிதம்
      மர்த்யேன கிம் ஸ்வஸ்த₂க₃திம் ப்ரத₃ர்ஶயன்|| 13

ய ஏதாம் ப்ராதருத்தா₂ய க்ருஷ்ணஸ்ய பத₃வீம் பராம்|
ப்ரயத: கீர்தயேத்₃ ப₄க்த்யா தாமேவாப்நோத் யநுத் தமாம்|| 14

தா₃ருகோ த்₃வாரகா மேத்ய வஸுதே₃வோக்₃ரஸேநயோ:|
பதித்வா சரணாவஸ்ரைர் ந்யஷிஞ்சத் க்ருஷ்ண விச்யுத:|| 15

கத₂யாமாஸ நித₄னம் வ்ருஷ்ணீநாம் க்ருத்ஸ்நஶோ ந்ருப|
தச் ச்₂ருத்வோத்₃விக்₃ன ஹ்ருத₃யா ஜநா: ஶோக விர்மூர்ச்சி₂தா:|| 16

தத்ர ஸ்ம த்வரிதா ஜக்₃மு: க்ருஷ்ணவிஶ்லேஷ விஹ்வலா:|
வ்யஸவ: ஶேரதே யத்ர ஜ்ஞாதயோ க்₄நந்த ஆனனம்|| 17

தே₃வகீ ரோஹிணீ சைவ வஸுதே₃வஸ்ததா₂ ஸுதௌ|
க்ருஷ்ணராமாவபஶ்யந்த: ஶோகார்தா விஜஹு: ஸ்ம்ருதிம்|| 18

ப்ராணாம்ஶ்ச விஜஹுஸ்தத்ர ப₄க₃வத்₃விரஹாதுரா:|
உபகு₃ஹ்ய பதீம்ஸ்தாத சிதாமாருருஹு: ஸ்த்ரிய:|| 19

ராமபத்ந்யஶ்ச தத்₃ தே₃ஹமுபகு₃ஹ்யாக்₃நிமாவிஶன்|
வஸுதே₃வ பத்ந்யஸ்தத்₃‍கா₃த்ரம் ப்ரத்₃யும் நாதீ₃ன் ஹரே: ஸ்நுஷா:|
க்ருஷ்ண பத்ந்யோऽவிஶந்நக்₃னிம் ருக்மிண்யாத்₃யாஸ்ததா₃த்மிகா:|| 20

அர்ஜுன: ப்ரேயஸ: ஸக்₂யு: க்ருஷ்ணஸ்ய விரஹாதுர:|
ஆத்மானம் ஸாந்த்வயாமாஸ க்ருஷ்ண கீ₃தை: ஸது₃க்திபி₄:|| 21

ப₃ந்தூ₄நாம் நஷ்ட கோ₃த்ராணாமர்ஜுன: ஸாம்பராயிகம்|
ஹதாநாம் காரயாமாஸ யதா₂வத₃நுபூர்வஶ:|| 22

த்₃வாரகாம் ஹரிணா த்யக்தாம் ஸமுத்₃ரோऽப்லாவயத் க்ஷணாத்|
வர்ஜயித்வா மஹாராஜ ஶ்ரீமத்₃ ப₄க₃வதா₃லயம்|| 23

நித்யம் ஸந்நி ஹிதஸ்தத்ர ப₄க₃வான் மது₄ஸூத₃ன:|
ஸ்ம்ருத்யா ஶேஷாஶுப₄ஹரம் ஸர்வ மங்க₃ள மங்க₃ளம்|| 24

ஸ்த்ரீ பா₃ல வ்ருத்₃தா₄நாதா₃ய ஹதஶேஷான் த₄னஞ்ஜய:|
இந்த்₃ரப்ரஸ்த₂ம் ஸமாவேஶ்ய வஜ்ரம் தத்ராப்₄யஷேசயத்|| 25

ஶ்ருத்வா ஸுஹ்ருத்₃வத₄ம் ராஜந்நர்ஜுநாத்தே பிதாமஹா:|
த்வாம் து வம்ஶ த₄ரம் க்ருத்வா ஜக்₃மு: ஸர்வே மஹாபத₂ம்|| 26

ய ஏதத்₃ தே₃வ தே₃வஸ்ய விஷ்ணோ: கர்மாணி ஜன்ம ச|
கீர்தயேத் ஶ்ரத்₃த₄யா மர்த்ய: ஸர்வ பாபை: ப்ரமுச்யதே|| 27

இத்த₂ம் ஹரேர் ப₄க₃வதோ ருசிராவதார-
      வீர்யாணி பா₃ல சரிதாநி ச ஶந்தமானி|
அன்யத்ர சேஹ ச ஶ்ருதாநி க்₃ருணன் மநுஷ்யோ
      ப₄க்திம் பராம் பரமஹம்ஸக₃தௌ லபே₄த|| 28

இதி ஶ்ரீமத்₃‍பா₄க₃வதே மஹாபுராணே வையாஸிக்யாம் அஷ்டாத₃ஶ ஸாஹஸ்ரயாம் பாரமஹம்ஸ்யாம் ஸம்ஹிதாயாம் ஏகாத₃ஶ ஸ்கந்தே₄ ஏகத்ரிம்ஶோऽத்₄யாய:|| 31 ||
|| இத்யேகாத₃ஶ: ஸ்கந்த₄: ஸமாப்த: ||
|| ஹரி: ௐ தத்ஸத் ||

பதினொன்றாம் ஸ்கந்தம் - முப்பத்தி ஒன்றாம் அத்யாயம் முற்றும்.