ஶ்ரீமத்பாகவதமஹாபுராணம் :: பதினொன்றாம் ஸ்கந்தம் :: அத்யாயம் 18.
வானப் பிரஸ்தன் மற்றும் சந்யாசியின் தர்மங்கள்
அத2 அஷ்டாத3ஶோऽத்4யாய:
ஶ்ரீப4க3வாநுவாச -
வனம் விவிக்ஷு: புத்ரேஷு பா4ர்யாம் ந்யஸ்ய ஸஹைவ வா|
வன ஏவ வஸேச்சா2ந்தஸ்த்ருதீயம் பா4க3மாயுஷ:|| 1
கந்த3மூல ப2லைர் வன்யைர் மேத்4யைர் வ்ருத்திம் ப்ரகல்பயேத்|
வஸீத வல்கலம் வாஸஸ் த்ருணபர்ணாஜிநாநி ச|| 2
கேஶ ரோம நக2ஶ்மஶ்ரு மலாநி பி3ப்4ருயாத்3 த3த:|
ந தா4வேத3ப்ஸு மஜ்ஜேத த்ரிகாலம் ஸ்த2ண்டி3லேஶய:|| 3
க்3ரீஷ்மே தப்யேத பஞ்சாக்3நீன் வர்ஷாஸ்வாஸாரஷாட்3 ஜலே|
ஆகண்ட2மக்3ன: ஶிஶிரே ஏவம் வ்ருத்தஸ்தபஶ்சரேத்|| 4
அக்3நிபக்வம் ஸமஶ்நீயாத் கால பக்வமதா2பி வா|
உலூக2லாஶ்மகுட்டோ வா த3ந்தோலூக2ல ஏவ வா|| 5
ஸ்வயம் ஸஞ்சிநுயாத் ஸர்வமாத்மநோ வ்ருத்திகாரணம்|
தே3ஶகால ப3லாபி4ஜ்ஞோ நாத3தீ3தான் யதா3ऽऽஹ்ருதம்|| 6
வன்யைஶ்சருபுரோடா3ஶைர் நிர்வபேத் கால சோதி3தான்|
ந து ஶ்ரௌதேன பஶுநா மாம் யஜேத வநாஶ்ரமீ|| 7
அக்3நிஹோத்ரம் ச த3ர்ஶஶ்ச பூர்ணமாஸஶ்ச பூர்வவத்|
சாதுர்மாஸ்யாநி ச முனே ராம்நாதாநி ச நைக3மை:|| 8
ஏவம் சீர்ணேன தபஸா முனிர் த4மநி ஸந்தத:|
மாம் தபோமய மாராத்4ய ருஷிலோகாது3பைதி மாம்|| 9
யஸ்த்வே தத் க்ருச்ச்2ரத ஶ்சீர்ணம் தபோ நி:ஶ்ரேயஸம் மஹத்|
காமாயால்பீயஸே யுஞ்ஜ்யாத்3 பா3லிஶ: கோऽபரஸ்தத:|| 10
யதா3ஸௌ நியமேऽகல்போ ஜரயா ஜாதவேபது2:|
ஆத்மன்யக்3நீன் ஸமாரோப்ய மச்சித்தோऽக்3நிம் ஸமா விஶேத்|| 11
யதா3 கர்மவிபாகேஷு லோகேஷு நிரயாத்மஸு|
விராகோ3 ஜாயதே ஸம்யங் ந்யஸ்தாக்3நி: ப்ரவ்ரஜேத்தத:|| 12
இஷ்ட்வா யதோ2பதே3ஶம் மாம் த3த்த்வா ஸர்வஸ்வ ம்ருத்விஜே|
அக்3நீன் ஸ்வ ப்ராண ஆவேஶ்ய நிரபேக்ஷ: பரிவ்ரஜேத்|| 13
விப்ரஸ்ய வை ஸம்ந்யஸதோ தே3வா தா3ராதி3ரூபிண:|
விக்4நான் குர்வந்த்யயம் ஹ்யஸ்மாநாக்ரம்ய ஸமியாத் பரம்|| 14
பி3ப்4ருயாச்சேன் முனிர்வாஸ: கௌபீநாச்சா2த3னம் பரம்|
த்யக்தம் ந த3ண்ட3 பாத்ராப்4யா மன்யத் கிஞ்சித3நாபதி3|| 15
த்3ருஷ்டி பூதம் ந்யஸேத் பாத3ம் வஸ்த்ரபூதம் பிபே3ஜ்ஜலம்|
ஸத்யபூதாம் வதே3த்3 வாசம் மன:பூதம் ஸமாசரேத்|| 16
மௌநாநீஹானிலாயாமா த3ண்டா3 வாக்3தே3ஹ சேதஸாம்|
ந ஹ்யேதே யஸ்ய ஸந்த்யங்க3 வேணுபி4ர் ந ப4வேத்3 யதி:|| 17
பி4க்ஷாம் சதுர்ஷு வர்ணேஷு விக3ர்ஹ்யான் வர்ஜயம்ஶ்சரேத்|
ஸப்தாகா3ரான் அஸம்க்ல்ருப்தாம் ஸ்துஷ்யேல்லப்3தே4ன தாவதா|| 18
ப3ஹிர்ஜலாஶயம் க3த்வா தத்ரோபஸ்ப்ருஶ்ய வாக்3யத:|
விப4ஜ்ய பாவிதம் ஶேஷம் பு4ஞ்ஜீதா ஶேஷ மாஹ்ருதம்|| 19
ஏகஶ்சரேன் மஹீமேதாம் நி:ஸங்க3: ஸம்யதேந்த்3ரிய:|
ஆத்மக்ரீட3 ஆத்மரத ஆத்மவான் ஸமத3ர்ஶன:|| 20
விவிக்த க்ஷேம ஶரணோ மத்3பா4வ விமலாஶய:|
ஆத்மானம் சிந்தயேதே3க மபே4தே3ன மயா முனி:|| 21
அன்வீக்ஷேதாத்மநோ ப3ந்த4ம் மோக்ஷம் ச ஜ்ஞாந நிஷ்ட2யா|
ப3ந்த4 இந்த்3ரியவிக்ஷேபோ மோக்ஷ ஏஷாம் ச ஸம்யம:|| 22
தஸ்மாந் நியம்ய ஷட்3வர்க3ம் மத்3பா4வேன சரேன்முனி:|
விரக்த: க்ஷுல்லகாமேப்4யோ லப்3த்4வாऽऽத்மனி ஸுக2ம் மஹத்|| 23
புரக்3ராம வ்ரஜான் ஸார்தா2ன் பி4க்ஷார்த2ம் ப்ரவிஶம்ஶ்சரேத்|
புண்ய தே3ஶ ஸரிச்சை2ல வநாஶ்ரமவதீம் மஹீம்|| 24
வான ப்ரஸ்தா2ஶ்ரம பதே3ஷ்வபீ4க்ஷ்ணம் பை4க்ஷ்யமாசரேத்|
ஸம்ஸித்4யத்யாஶ்வஸம்மோஹ: ஶுத்3த4 ஸத்வ: ஶிலாந்த4ஸா|| 25
நைதத்3 வஸ்துதயா பஶ்யேத்3 த்3ருஶ்யமானம் வினஶ்யதி|
அஸக்தசித்தோ விரமேதி3ஹாமுத்ர சிகீர்ஷிதாத்|| 26
யதே3 ததா3த்மனி ஜக3ன்மநோ வாக் ப்ராணஸம்ஹதம்|
ஸர்வம் மாயேதி தர்கேண ஸ்வஸ்த2ஸ்த்யக்த்வா ந தத் ஸ்மரேத்|| 27
ஜ்ஞானநிஷ்டோ2 விரக்தோ வா மத்3ப4க்தோ வானபேக்ஷக:|
ஸலிங்கா3நாஶ்ரமாம்ஸ் த்யக்த்வா சரேத்3 விதி4 கோ3சர:|| 28
பு3தோ4 பா3லகவத் க்ரீடே3த் குஶலோ ஜட3வச்சரேத்|
வதே3 து3ன்மத்தவத்3 வித்3வான் கோ3சர்யாம் நைக3மஶ்சரேத்|| 29
வேத3 வாத3ரதோ ந ஸ்யாத் ந பாக2ண்டீ3 ந ஹைதுக:|
ஶுஷ்க வாத3 விவாதே3 ந கஞ்சித் பக்ஷம் ஸமாஶ்ரயேத்|| 30
நோத்3விஜேத ஜனாத்3 தீ4ரோ ஜனம் சோத்3 வேஜயேத் ந து|
அதி வாதா3ம்ஸ்திதிக்ஷேத நாவமன் யேத கஞ்சன|
தே3ஹமுத்3தி3ஶ்ய பஶுவத் வைரம் குர்யான் ந கேனசித்|| 31
ஏக ஏவ பரோ ஹ்யாத்மா பூ4தேஷ்வாத்மன்யவஸ்தி2த:|
யதே2ந்த3ருத3பாத்ரேஷு பூ4தான்யேகாத்ம கானி ச|| 32
அலப்3த்4வா ந விஷீதே3த காலே காலேऽஶனம் க்வசித்|
லப்3த்4வா ந ஹ்ருஷ்யேத்3 த்4ருதிமாநுப4யம் தை3வதந்த்ரிதம்|| 33
ஆஹாரார்த2ம் ஸமீஹேத யுக்தம் தத் ப்ராணதா4ரணம்|
தத்த்வம் விம்ருஶ்யதே தேன தத்3 விஜ்ஞாய விமுச்யதே|| 34
யத்3ருச்ச2யோப பன்னான்ன மத்3யாச் ச்2ரேஷ்ட2 முதாபரம்|
ததா2 வாஸஸ்ததா2 ஶய்யாம் ப்ராப்தம் ப்ராப்தம் ப4ஜேன் முனி:|| 35
ஶௌசமாசமனம் ஸ்நாநம் ந து சோத3நயா சரேத்|
அன்யாம்ஶ்ச நியமாஞ்ஜ்ஞாநீ யதா2ஹம் லீலயேஶ்வர:|| 36
ந ஹி தஸ்ய விகல்பாக்2யா யா ச மத்3வீக்ஷயா ஹதா|
ஆதே3ஹாந்தாத் க்வசித் க்2யாதிஸ்தத: ஸம்பத்3யதே மயா|| 37
து3க்கோ2த3ர்கேஷு காமேஷு ஜாதநிர்வேத3 ஆத்மவான்|
அஜிஜ்ஞாஸித மத்3த4ர்மோ கு3ரும் முனிமுபாவ்ரஜேத்|| 38
தாவத் பரிசரேத்3 ப4க்த: ஶ்ரத்3தா4வான் அனஸூயக:|
யாவத்3 ப்3ரஹ்ம விஜாநீயாத் மாமேவ கு3ருமாத்3ருத:|| 39
யஸ்த்வஸம்யத ஷட்3வர்க3: ப்ரசண்டே3ந்த்3ரிய ஸாரதி2:|
ஜ்ஞான வைராக்3ய ரஹித ஸ்த்ரித3ண்ட3முப ஜீவதி|| 40
ஸுராநாத்மான மாத்மஸ்த2ம் நிஹ்நுதே மாம் ச த4ர்மஹா|
அவிபக்வ கஷாயோऽஸ்மாத3 முஷ்மாச்ச விஹீயதே|| 41
பி4க்ஷோர்த4ர்ம: ஶமோ அஹிம்ஸா தப ஈக்ஷா வநௌகஸ:|
க்3ருஹிணோ பூ4தரக்ஷேஜ்யா த்3விஜஸ்யாசார்யஸேவனம்|| 42
ப்3ரஹ்மசர்யம் தப: ஶௌசம் ஸந்தோஷோ பூ4த ஸௌஹ்ருத3ம்|
க்3ருஹஸ்த2ஸ்யாப்ய்ருதௌ க3ந்து: ஸர்வேஷாம் மது3பாஸனம்|| 43
இதி மாம் ய: ஸ்வத4ர்மேண ப4ஜன் நித்யமனன்யபா4க்|
ஸர்வபூ4தேஷு மத்3பா4வோ மத்3ப4க்திம் விந்த3தே த்3ருடா4ம்|| 44
ப4க்த்யோத்3த4வானபாயின்யா ஸர்வலோக மஹேஶ்வரம்|
ஸர்வோத்பத்த்யப்யயம் ப்3ரஹ்ம காரணம் மோபயாதி ஸ:|| 45
இதி ஸ்வத4ர்ம நிர்ணிக்தஸத்வோ நிர்ஜ்ஞாத மத்3க3தி:|
ஜ்ஞான விஜ்ஞான ஸம்பந்நோ நசிராத் ஸமுபைதி மாம்|| 46
வர்ணாஶ்ரம வதாம் த4ர்ம ஏஷ ஆசாரலக்ஷண:|
ஸ ஏவ மத்3ப4க்தியுதோ நி:ஶ்ரேயஸகர: பர:|| 47
ஏதத்தேऽபி4ஹிதம் ஸாதோ4 ப4வான் ப்ருச்ச2தி யச்ச மாம்|
யதா2 ஸ்வத4ர்மஸம்யுக்தோ ப4க்தோ மாம் ஸமியாத் பரம்|| 48
இதி ஶ்ரீமத்3பா4க3வதே மஹாபுராணே பாரமஹம்ஸ்யாம் ஸம்ஹிதாயாம் ஏகாத3ஶஸ்கந்தே4 அஷ்டாத3ஶோऽத்4யாய: || 18 ||
பதினொன்றாம் ஸ்கந்தம் - பதினெட்டாம் அத்யாயம் முற்றும்.