ஶ்ரீமத்பாகவதமஹாபுராணம் :: பத்தாம் ஸ்கந்தம் :: அத்யாயம் 87.
வேதஸ்துதி
அத2 ஸப்தாஶீதிதமோऽத்4யாய:
ஶ்ரீபரீக்ஷிது3வாச -
ப்3ரஹ்மன் ப்3ரஹ்மண்யநிர்தே3ஶ்யே நிர்கு3ணே கு3ணவ்ருத்தய:|
கத2ம் சரந்தி ஶ்ருதய: ஸாக்ஷாத் ஸத3ஸத: பரே|| 01
ஶ்ரீஶுக உவாச
பு3த்3தீ4ந்த்3ரியமன: ப்ராணான் ஜநாநாமஸ்ருஜத் ப்ரபு4:|
மாத்ரார்த2ம் ச ப4வார்த2ம் ச ஆத்மனேऽகல்பநாய ச|| 02
ஸைஷா ஹ்யுபநிஷத்3 ப்3ராஹ்மீ பூர்வேஶாம் பூர்வஜைர் த்4ருதா|
ஶ்ரத்3த4யா தா4ரயேத்3 யஸ்தாம் க்ஷேமம் க3ச்சே2த3கிஞ்சன:|| 03
அத்ர தே வர்ணயிஷ்யாமி கா3தா2ம் நாராயணான்விதாம்|
நாரத3ஸ்ய ச ஸம்வாத3ம் ருஷேர் நாராயணஸ்ய ச|| 04
ஏகதா3 நாரதோ3 லோகான் பர்யடன் ப4க3வத்ப்ரிய:|
ஸநாதநம்ருஷிம் த்3ரஷ்டும் யயௌ நாராயணாஶ்ரமம்|| 05
யோ வை பா4ரதவர்ஷேऽஸ்மின் க்ஷேமாய ஸ்வஸ்தயே ந்ருணாம்|
த4ர்ம ஜ்ஞான ஶமோபேதமாகல்பாதா3ஸ்தி2தஸ்தப:|| 06
தத்ரோபவிஷ்டம் ருஷிபி4: கலாபக்3ராம வாஸிபி4:|
பரீதம் ப்ரணதோऽப்ருச்ச2தி3த3மேவ குரூத்3வஹ|| 07
தஸ்மை ஹ்யவோசத்3 ப4க3வாந் ருஷீணாம் ஶ்ருண்வதாமித3ம்|
யோ ப்3ரஹ்மவாத3: பூர்வேஷாம் ஜனலோக நிவாஸிநாம்|| 08
ஶ்ரீப4க3வாநுவாச
ஸ்வாயம்பு4வ ப்3ரஹ்மஸத்ரம் ஜனலோகேऽப4வத் புரா|
தத்ரஸ்தா2நாம் மானஸாநாம் முனீநாமூர்த்4வரேதஸாம்|| 09
ஶ்வேதத்3வீபம் க3தவதி த்வயி த்3ரஷ்டும் ததீ3ஶ்வரம்|
ப்3ரஹ்மவாத3: ஸுஸம்வ்ருத்த: ஶ்ருதயோ யத்ர ஶேரதே|
தத்ர ஹாயமபூ4த் ப்ரஶ்நஸ்த்வம் மாம் யமநுப்ருச்ச2ஸி|| 10
துல்யஶ்ருததப: ஶீலாஸ்துல்ய ஸ்வீயாரி மத்4யமா:|
அபி சக்ரு: ப்ரவசன மேகம் ஶுஶ்ரூஷவோऽபரே|| 11
ஶ்ரீஸநந்த3ன உவாச
ஸ்வஸ்ருஷ்டமித3மாபீய ஶயானம் ஸஹ ஶக்திபி4:|
தத3ந்தே போ3த4யாஞ்சக்ருஸ்தல்லிங்கை3: ஶ்ருதய: பரம்|| 12
யதா2 ஶயானம் ஸம்ராஜம் வந்தி3நஸ்தத் பராக்ரமை:|
ப்ரத்யூஷே ऽபே4த்ய ஸுஶ்லோகைர் போ3த4யந்த்யனு ஜீவின:|| 13
ஶ்ரீஶ்ருதய ஊசு:
ஜய ஜய ஜஹ்யஜாமஜித தோ3ஷக்3ருபீ4தகு3ணாம்
த்வமஸி யதா3த்மநா ஸமவருத்3த4 ஸமஸ்தப4க3:|
அக3ஜக3தோ3கஸாமகி2ல ஶக்த்யவபோ3த4க தே|
க்வசித3ஜயாऽऽத்மநா ச சரதோऽநுசரேந்நிக3ம:|| 14
ப்3ருஹது3பலப்3த4மேதத3வயந்த்யவஶேஷதயா
யத உத3யாஸ்தமயௌ விக்ருதேர்ம்ருதி3 வாவிக்ருதாத்|
அத ருஷயோ த3து4ஸ்த்வயி மநோவசநாசரிதம்
கத2மயதா2 ப4வந்தி பு4வி த3த்தபதா3நி ந்ருணாம்|| 15
இதி தவ ஸூரயஸ்த்ர்யதி4பதேऽகி2லலோகமல
க்ஷபணகதா2ம்ருதாப்3தி4மவகா3ஹ்ய தபாம்ஸி ஜஹு:|
கிமுத புந: ஸ்வதா4மவிது4தாஶயகாலகு3ணா:
பரம ப4ஜந்தி யே பத3மஜஸ்ரஸுகா2நுப4வம்|| 16
த்3ருதய இவ ஶ்வஸந்த்யஸுப்4ருதோ யதி3 தேऽநுவிதா4
மஹத3ஹமாத3யோऽண்ட3மஸ்ருஜன் யத3நுக்3ரஹத:|
புருஷவிதோ4ऽன்வயோऽத்ர சரமோऽந்நமயாதி3ஷு ய:
ஸத3ஸத: பரம் த்வமத2 யதே3ஷ்வவஶேஷம்ருதம்|| 17
உத3ரமுபாஸதே ய ருஷிவர்த்மஸு கூர்பத்3ருஶ:
பரிஸரபத்3த4திம் ஹ்ருத3யமாருணயோ த3ஹரம்|
தத உத3கா3த3நந்த தவ தா4ம ஶிர: பரமம்
புநரிஹ யத் ஸமேத்ய ந பதந்தி க்ருதாந்தமுகே2|| 18
ஸ்வக்ருதவிசித்ரயோநிஷு விஶந்நிவ ஹேதுதயா
தரதமதஶ்சகாஸ்ஸ்யநலவத் ஸ்வக்ருதாநுக்ருதி:|
அத2 விததா2ஸ்வமூஷ்வவிததா2ம் தவ தா4ம ஸமம்
விரஜதி4யோऽநுயந்த்யபி4விபண்யவ ஏகரஸம்|| 19
ஸ்வக்ருதபுரேஷ்வமீஷ்வப3ஹிரந்தரஸம்வரணம்
தவ புருஷம் வத3ந்த்யகி2லஶக்தித்4ருதோம்ऽஶக்ருதம்|
இதி ந்ருக3திம் விவிச்ய கவயோ நிக3மாவபநம்
ப4வத உபாஸதேऽங்க்4ரிமப4வம் பு4வி விஶ்வஸிதா:|| 20
து3ரவக3மாத்மதத்த்வநிக3மாய தவாத்ததநோ-
ஶ்சரிதமஹாம்ருதாப்3தி4பரிவர்தபரிஶ்ரமணா:|
ந பரிலஷந்தி கேசித3பவர்க3மபீஶ்வர தே
சரணஸரோஜஹம்ஸகுலஸங்க3விஸ்ருஷ்டக்3ருஹா:|| 21
த்வத3நுபத2ம் குலாயமித3மாத்மஸுஹ்ருத்ப்ரியவ
ச்சரதி ததோ2ன்முகே2 த்வயி ஹிதே ப்ரிய ஆத்மநி ச|
ந ப3த ரமந்த்யஹோ அஸது3பாஸநயாऽऽத்மஹநோ
யத3நுஶயா ப்4ரமந்த்யுருப4யே குஶரீரப்4ருத:|| 22
நிப்4ருதமருன்மநோऽக்ஷத்3ருட4யோக3யுஜோ ஹ்ருதி3 ய-
ந்முநய உபாஸதே தத3ரயோऽபி யயு: ஸ்மரணாத்|
ஸ்த்ரிய உரகே3ந்த்3ரபோ4க3பு4ஜத3ண்ட3விஷக்ததி4யோ
வயமபி தே ஸமா: ஸமத்3ருஶோऽங்க்4ரிஸரோஜஸுதா4:|| 23
க இஹ நு வேத3 ப3தாவரஜன்மலயோऽக்3ரஸரம்
யத உத3கா3த்3ருஷிர்யமநு தே3வக3ணா உப4யே|
தர்ஹி ந ஸந்ந சாஸது3ப4யம் ந ச காலஜவ:
கிமபி ந தத்ர ஶாஸ்த்ரமவக்ருஷ்ய ஶயீத யதா3|| 24
ஜநிமஸத: ஸதோ ம்ருதிமுதாத்மநி யே ச பி4தா3ம்
விபணம்ருதம் ஸ்மரந்த்யுபதி3ஶந்தி த ஆருபிதை:|
த்ரிகு3ணமய: புமாநிதி பி4தா3 யத3போ3த4க்ருதா
த்வயி ந தத: பரத்ர ஸ ப4வேத3வபோ3த4ரஸே|| 25
ஸதி3வ மநஸ்த்ரிவ்ருத்த்வயி விபா4த்யஸதா3மநுஜாத்
ஸத3பி4ம்ருஶந்த்யஶேஷமித3மாத்மதயாऽऽத்மவித3:|
ந ஹி விக்ருதிம் த்யஜந்தி கநகஸ்ய ததா3த்மதயா
ஸ்வக்ருதமநுப்ரவிஷ்டமித3மாத்மதயாவஸிதம்|| 26
தவ பரி யே சரந்த்யகி2லஸத்த்வநிகேததயா
த உத பதா3ऽऽக்ரமந்த்யவிக3ணய்ய ஶிரோ நிரॄதே:|
பரிவயஸே பஶூநிவ கி3ரா விபு3தா4நபி தாம்
ஸ்த்வயி க்ருதஸௌஹ்ருதா3: க2லு புநந்தி ந யே விமுகா2:|| 27
த்வமகரண: ஸ்வராட3கி2லகாரகஶக்தித4ர
ஸ்தவ ப3லிமுத்3வஹந்தி ஸமத3ந்த்யஜயாநிமிஷா:|
வர்ஷபு4ஜோऽகி2லக்ஷிதிபதேரிவ விஶ்வஸ்ருஜோ
வித3த4தி யத்ர யே த்வதி4க்ருதா ப4வதஶ்சகிதா:|| 28
ஸ்தி2ரசரஜாதய: ஸ்யுரஜயோத்த2நிமித்தயுஜோ
விஹர உதீ3க்ஷயா யதி3 பரஸ்ய விமுக்த தத:|
ந ஹி பரமஸ்ய கஶ்சித3பரோ ந பரஶ்ச ப4வேத்3
வியத இவாபத3ஸ்ய தவ ஶூன்யதுலாம் த3த4த:|| 29
அபரிமிதா த்4ருவாஸ்தநுப்4ருதோ யதி3 ஸர்வக3தா
ஸ்தர்ஹி ந ஶாஸ்யதேதி நியமோ த்4ரவ நேதரதா2|
அஜநி ச யன்மயம் தத3விமுச்ய நியந்த்ரு ப4வேத்
ஸமமநுஜாநதாம் யத3மதம் மதது3ஷ்டதயா|| 30
ந க4டத உத்3ப4வ: ப்ரக்ருதிபூருஷயோரஜயோர்
உப4யயுஜா ப4வந்த்யஸுப்4ருதோ ஜலபு3த்3பு3த3வத்|
த்வயி த இமே ததோ விவித4நாமகு3ணை: பரமே
ஸரித இவார்ணவே மது4நி லில்யுரஶேஷரஸா:|| 31
ந்ருஷு தவ மாயயா ப்4ரமமமீஷ்வவக3த்ய ப்4ருஶம்
த்வயி ஸுதி4யோऽப4வே த3த4தி பா4வமநுப்ரப4வம்|
கத2மநுவர்ததாம் ப4வப4யம் தவ யத்3 ப்4ருகுடி:
ஸ்ருஜதி முஹுஸ்த்ரிணேமிரப4வச்ச2ரணேஷு ப4யம்|| 32
விஜிதஹ்ருஷீகவாயுபி4ரதா3ந்தமநஸ்துரக3ம்
ய இஹ யதந்தி யந்துமதிலோலமுபாயகி2த3:|
வ்யஸநஶதான்விதா: ஸமவஹாய கு3ரோஶ்சரணம்
வணிஜ இவாஜ ஸந்த்யக்ருதகர்ணத4ரா ஜலதௌ4|| 33
ஸ்வஜநஸுதாத்மதா3ரத4நதா4மத4ராஸுரதை2
ஸ்த்வயி ஸதி கிம் ந்ருணாம் ஶ்ரயத ஆத்மநி ஸர்வரஸே|
இதி ஸத3ஜாநதாம் மிது2நதோ ரதயே சரதாம்
ஸுக2யதி கோ ந்விஹ ஸ்வவிஹதே ஸ்வநிரஸ்தப4கே3|| 34
பு4வி புருபுண்யதீர்த2ஸத3நான்ய்ருஷயோ விமதா3-
ஸ்த உத ப4வத்பதா3ம்பு3ஜஹ்ருதோ3ऽக4பி4த3ங்க்4ரிஜலா:|
த3த4தி ஸக்ருன்மநஸ்த்வயி ய ஆத்மநி நித்யஸுகே2
ந புநருபாஸதே புருஷஸாரஹராவஸதா2ன்|| 35
ஸத இத3ம் உத்தி2தம் ஸதி3தி சேந்நநு தர்கஹதம்
வ்யபி4சரதி க்வ ச க்வ ச ம்ருஷா ந ததோ2ப4யயுக்|
வ்யவஹ்ருதயே விகல்ப இஷிதோऽந்த4பரம்பரயா
ப்4ரமயதி பா4ரதீ த உருவ்ருத்திபி4ருக்த2ஜடா3ன்|| 36
ந யதி3த3மக்3ர ஆஸ ந ப4விஷ்யத3தோ நித4நாத்3
அநு மிதமந்தரா த்வயி விபா4தி ம்ருஷைகரஸே|
அத உபமீயதே த்3ரவிணஜாதிவிகல்பபதை2
ர்விதத2மநோவிலாஸம்ருதமித்யவயந்த்யபு3தா4:|| 37
ஸ யத3ஜயா த்வஜாமநுஶயீத கு3ணாம்ஶ்ச ஜுஷன்
ப4ஜதி ஸரூபதாம் தத3நு ம்ருத்யுமபேதப4க3:|
த்வமுத ஜஹாஸி தாமஹிரிவ த்வசமாத்தப4கோ3
மஹஸி மஹீயஸேऽஷ்டகு3ணிதேऽபரிமேயப4க3:|| 38
யதி3 ந ஸமுத்3த4ரந்தி யதயோ ஹ்ருதி3 காமஜடா
து3ரதி4க3மோऽஸதாம் ஹ்ருதி3 க3தோऽஸ்ம்ருதகண்ட2மணி:
அஸுத்ருபயோகி3நாமுப4யதோऽப்யஸுக2ம் ப4க3வன்ன்
அநபக3தாந்தகாத3நதி4ரூட4பதா3த்3ப4வத:|| 39
த்வத3வக3மீ ந வேத்தி ப4வது3த்த2ஶுபா4ஶுப4யோ-
ர்கு3ணவிகு3ணான்வயாம்ஸ்தர்ஹி தே3ஹப்4ருதாம் ச கி3ர:|
அநுயுக3மன்வஹம் ஸகு3ண கீ3தபரம்பரயா
ஶ்ரவணப்4ருதோ யதஸ்த்வமபவர்க3க3திர்மநுஜை:|| 40
த்3யுபதய ஏவ தே ந யயுரந்தமநந்ததயா
த்வமபி யத3ந்தராண்ட3நிசயா நநு ஸாவரணா:
க2 இவ ரஜாம்ஸி வாந்தி வயஸா ஸஹ யச்ச்2ரुதய
ஸ்த்வயி ஹி ப2லந்த்யதந்நிரஸநேந ப4வந்நித4நா:|| 41
ஶ்ரீப4க3வாநுவாச
இத்யேதத்3ப்3ரஹ்மண: புத்ரா ஆஶ்ருத்யாத்மாநுஶாஸநம்|
ஸநந்த3நமதா2நர்சு: ஸித்3தா4 ஜ்ஞாத்வாऽऽத்மநோ க3திம்|| 42
இத்யஶேஷஸமாம்நாய புராணோபநிஷத்3ரஸ:|
ஸமுத்3த்4ருத: பூர்வஜாதைர்வ்யோமயானைர்மஹாத்மபி4:|| 43
த்வம் சைதத்3 ப்3ரஹ்மதா3யாத3 ஶ்ரத்3த4யாऽऽத்மாநுஶாஸநம்|
தா4ரயம்ஶ்சர கா3ம் காமம் காமாநாம் ப4ர்ஜநம் ந்ருணாம்|| 44
ஶ்ரீஶுக உவாச
ஏவம் ஸ ருஷிணாऽऽதி3ஷ்டம் க்3ருஹீத்வா ஶ்ரத்3த4யாऽऽத்மவான்|
பூர்ண: ஶ்ருதத4ரோ ராஜந்நாஹ வீரவ்ரதோ முநி:|| 45
நாரத3 உவாச
நமஸ்தஸ்மை ப4க3வதே க்ருஷ்ணாயாமலகீர்தயே|
யோ த4த்தே ஸர்வபூ4தாநாமப4வாயோஶதீ: கலா:|| 46
இத்யாத்3யம்ருஷிமாநம்ய தச்சி2ஷ்யாம்ஶ்ச மஹாத்மந:|
ததோऽகா3தா3ஶ்ரமம் ஸாக்ஷாத் பிதுர்த்3வைபாயநஸ்ய மே|| 47
ஸபா4ஜிதோ ப4க3வதா க்ருதாஸநபரிக்3ரஹ:|
தஸ்மை தத்3 வர்ணயாமாஸ நாராயணமுகா2ச்ச்2ரुதம்|| 48
இத்யேதத்3 வர்ணிதம் ராஜன் ப்ரந்ந: ப்ரஶ்ந: க்ருதஸ்த்வயா|
யதா2 ப்3ரஹ்மண்யநிர்தே3ஶ்யே நிர்கு3ணேऽபி மநஶ்சரேத்|| 49
யோऽஸ்யோத்ப்ரேக்ஷக ஆதி3மத்4யநித4நே யோऽவ்யக்தஜீவேஶ்வரோ
ய: ஸ்ருஷ்ட்வேத3மநுப்ரவிஶ்ய ருஷிணா சக்ரே புர: ஶாஸ்தி தா:|
யம் ஸம்பத்3ய ஜஹாத்யஜாமநுஶயீ ஸுப்த: குலாயம் யதா2
தம் கைவல்யநிரஸ்தயோநிமப4யம் த்4யாயேத3ஜஸ்ரம் ஹரிம்|| 50
இதி ஶ்ரீமத்3பா4க3வதே மஹாபுராணே பாரமஹம்ஸ்யாம் ஸம்ஹிதாயாம் த3ஶமஸ்கந்தே4 உத்தரார்தே4 நாரத3நாராயணஸம்வாதே3 வேத3ஸ்துதிர்நாம ஸப்தாஶீதிதமோऽத்4யாய:|| 87
பத்தாம் ஸ்கந்தம் - எண்பத்து ஏழாம் அத்யாயம் முற்றும்.