ஶ்ரீமத்பாகவதமஹாபுராணம் :: பத்தாம் ஸ்கந்தம் :: அத்யாயம் 82.
பகவான் ஸ்ரீ கிருஷ்ணரையும் பலராமரையும் கோப-கோபியர்கள் சந்தித்தல்
அத2 த்வ்யஶீதிதமோऽத்4யாய:
ஶ்ரீஶுக உவாச -
அதை2கதா3 த்3வாரவத்யாம் வஸதோ ராமக்ருஷ்ணயோ: |
ஸூர்யோபராக3: ஸுமஹாநாஸீத் கல்பக்ஷயே யதா2|| 1
தம் ஜ்ஞாத்வா மநுஜா ராஜன் புரஸ்தாதே3வ ஸர்வத:|
ஸமந்த பஞ்சகம் க்ஷேத்ரம் யயு: ஶ்ரேயோவிதி4த்ஸயா|| 2
நி:க்ஷத்ரியாம் மஹீம் குர்வன் ராம: ஶஸ்த்ரப்4ருதாம் வர:|
ந்ருபாணாம் ருதி4ரௌகே4ண யத்ர சக்ரே மஹாஹ்ரதா3ன்|| 3
ஈஜே ச ப4க3வான் ராமோ யத்ராஸ்ப்ருஷ்டோऽபி கர்மணா|
லோகஸ்ய க்3ராஹயந்நீஶோ யதா2ன்யோऽகா4பநுத்தயே|| 4
மஹத்யாம் தீர்த2யாத்ராயாம் தத்ராக3ன் பா4ரதீ: ப்ரஜா:|
வ்ருஷ்ணயஶ்ச ததா2க்ரூர வஸுதே3வாஹுகாத3ய:|| 5
யயுர் பா4ரத தத் க்ஷேத்ரம் ஸ்வமக4ம் க்ஷபயிஷ்ணவ:|
க3த3 ப்ரத்3யும்ந ஸாம்பா3த்3யா: ஸுசந்த்3ர ஶுகஸாரணை:|| 6
ஆஸ்தேऽநிருத்3தோ4 ரக்ஷாயாம் க்ருதவர்மா ச யூத2ப:|
தே ரதை2ர் தே3வ தி4ஷ்ண்யாபை4ர் ஹயைஶ்ச தரளப்லவை:|| 7
க3ஜைர் நத3த்3பி4 ரப்4ராபை4ர் ந்ருபி4ர் வித்3யாத4ர த்3யுபி4:|
வ்யரோசந்த மஹாதேஜா: பதி2 காஞ்சன மாலின:|| 8
தி3வ்யஸ்ரக்3வஸ்த்ர ஸந்நாஹா: கலத்ரை: கே2சரா இவ|
தத்ர ஸ்நாத்வா மஹாபா4கா3 உபோஷ்ய ஸுஸமாஹிதா:|| 9
ப்3ராஹ்மணேப்4யோ த3து3ர் தே4நூர் வாஸ: ஸ்ரக்3 ருக்மமாலிநீ:|
ராம ஹ்ரதே3ஷு விதி4வத் புனராப்லுத்ய வ்ருஷ்ணய:|| 10
த3து3: ஸ்வந்நம் த்3விஜாக்3ர்யேப்4ய: க்ருஷ்ணே நோ ப4க்திரஸ்த்விதி|
ஸ்வயம் ச தத3நுஜ்ஞாதா வ்ருஷ்ணய: க்ருஷ்ண தே3வதா:|| 11
பு4க்த்வோபவிவிஶு: காமம் ஸ்நிக்3த4ச் சா2யாங்க்4ரிபாங்க்4ரிஷு|
தத்ராக3தாம்ஸ்தே த3த்3ருஶு: ஸுஹ்ருத் ஸம்ப3ந்தி4நோ ந்ருபான்|| 12
மத்ஸ்யோஶீனர கௌஶல்ய வித3ர்ப4 குருஸ்ருஞ்ஜயான்|
காம்போ3ஜ கைகயான் மத்3ரான் குந்தீ நாநர்த கேரளான்|| 13
அன்யாம்ஶ்சைவாத்மபக்ஷீயான் பராம்ஶ்ச ஶதஶோ ந்ருப|
நந்தா3தீ3ன் ஸுஹ்ருதோ3 கோ3பான் கோ3பீஶ்சோத் கண்டி2தாஶ்சிரம்|| 14
அன்யோன்ய ஸந்த3ர்ஶன ஹர்ஷரம்ஹஸா
ப்ரோத்பு2ல்லஹ்ருத்3 வக்த்ர ஸரோருஹ ஶ்ரிய:|
ஆஶ்லிஷ்ய கா3ட4ம் நயனை: ஸ்ரவஜ்ஜலா
ஹ்ருஷ்யத் த்வசோ ருத்3த4கி3ரோ யயுர் முத3ம்|| 15
ஸ்த்ரியஶ்ச ஸம்வீக்ஷ்ய மிதோ2ऽதிஸௌஹ்ருத3-
ஸ்மிதாமலாபாங்க3த்3ருஶோऽபி4ரேபி4ரே|
ஸ்தனை: ஸ்தநான் குங்குமபங்கரூஷிதான்
நிஹத்ய தோ3ர்பி4: ப்ரணயாஶ்ருலோசநா:|| 16
ததோऽபி4வாத்3ய தே வ்ருத்3தா4ன் யவிஷ்டை2ரபி4வாதி3தா:|
ஸ்வாக3தம் குஶலம் ப்ருஷ்ட்வா சக்ரு: க்ருஷ்ணகதா2 மித2:|| 17
ப்ருதா2 ப்4ராத்ரூன் ஸ்வஸ்ரூர் வீக்ஷ்ய தத்புத்ரான் பிதராவபி|
ப்4ராத்ரு பத்நீர் முகுந்த3ம் ச ஜஹௌ ஸம்கத2யா ஶுச:|| 18
குந்த்யுவாச -
ஆர்ய ப்4ராதரஹம் மன்யே ஆத்மானமக்ருதா ஶிஷம்|
யத்3 வா ஆபத்ஸு மத்3வார்தாம் நாநுஸ்மரத2 ஸத்தமா:|| 19
ஸுஹ்ருதோ3 ஜ்ஞாதய: புத்ரா ப்4ராதர: பிதராவபி|
நாநுஸ்மரந்தி ஸ்வஜனம் யஸ்ய தை3வ மத3க்ஷிணம்|| 20
ஶ்ரீவஸுதே3வ உவாச -
அம்ப3 மாஸ்மாநஸூயேதா2 தை3வ க்ரீட3நகான் நரான்|
ஈஶஸ்ய ஹி வஶே லோக: குருதே கார்யதேऽத2வா|| 21
கம்ஸ ப்ரதாபிதா: ஸர்வே வயம் யாதா தி3ஶம் தி3ஶம்|
ஏதர்ஹ்யேவ புன: ஸ்தா2னம் தை3வேநாஸாதி3தா: ஸ்வஸ:|| 22
ஶ்ரீஶுக உவாச -
வஸுதே3வோக்3ரஸேநாத்3யைர் யது3பி4ஸ்தேऽர்சிதா ந்ருபா:|
ஆஸந்நச்யுத ஸந்த3ர்ஶ பரமாநந்த3 நிர்வ்ருதா:|| 23
பீ4ஷ்மோ த்3ரோணோऽம்பி3கா புத்ரோ கா3ந்தா4ரீ ஸஸுதா ததா2|
ஸதா3ரா: பாண்ட3வா: குந்தீ ஸருஞ்ஜயோ விது3ர: க்ருப:|| 24
குந்தீபோ4ஜோ விராடஶ்ச பீ4ஷ்மகோ நக்3னஜின்மஹான்|
புருஜித்3 த்3ருபத3: ஶல்யோ த்4ருஷ்டகேது: ஸகாஶிராட்|| 25
த3மகோ4ஷோ விஶாலாக்ஷோ மைதி2லோ மத்3ரகேகயௌ|
யுதா4மன்யு: ஸுஶர்மா ச ஸஸுதா பா3ஹ்லிகாத3ய:|| 26
ராஜாநோ யே ச ராஜேந்த்3ர யுதி4ஷ்டி2ரமநுவ்ரதா:|
ஶ்ரீநிகேதம் வபு: ஶௌரே: ஸஸ்த்ரீகம் வீக்ஷ்ய விஸ்மிதா:|| 27
அத2 தே ராமக்ருஷ்ணாப்4யாம் ஸம்யக் ப்ராப்தஸமர்ஹணா:|
ப்ரஶஶம்ஸுர் முதா3 யுக்தா வ்ருஷ்ணீன் க்ருஷ்ண பரிக்3ரஹான்|| 28
அஹோ போ4ஜபதே யூயம் ஜன்மபா4ஜோ ந்ருணாமிஹ|
யத் பஶ்யதா2ஸக்ருத் க்ருஷ்ணம் து3ர்த3ர்ஶமபி யோகி3நாம்|| 29
யத்3விஶ்ருதி: ஶ்ருதிநுதேத3மலம் புநாதி
பாதா3வனேஜன பயஶ்ச வசஶ்ச ஶாஸ்த்ரம்|
பூ4: கால ப4ர்ஜிதப4கா3பி யத3ங்க்4ரி பத்3ம-
ஸ்பர்ஶோத்த2 ஶக்திரபி4வர்ஷதி நோऽகி2லார்தா2ன்|| 30
தத்3த3ர்ஶன ஸ்பர்ஶன அநுபத2 ப்ரஜல்ப-
ஶய்யாஸநாஶநஸ யௌன ஸபிண்ட3ப3ந்த4:|
யேஷாம் க்3ருஹே நிரயவர்த்மநி வர்ததாம் வ:
ஸ்வர்கா3பவர்க3விரம: ஸ்வயமாஸ விஷ்ணு:|| 31
ஶ்ரீஶுக உவாச -
நந்த3ஸ்தத்ர யதூ3ன் ப்ராப்தான் ஜ்ஞாத்வா க்ருஷ்ண புரோக3மான்|
தத்ராக3மத்3 வ்ருதோ கோ3பைரந: ஸ்தா2ர்தை2ர் தி3த்3ருக்ஷயா|| 32
தம் த்3ருஷ்ட்வா வ்ருஷ்ணயோ ஹ்ருஷ்டா ஸ்தன்வ: ப்ராண மிவோத்தி2தா:|
பரிஷஸ்வஜிரே கா3ட4ம் சிரத3ர்ஶன காதரா:|| 33
வஸுதே3வ: பரிஷ்வஜ்ய ஸம்ப்ரீத: ப்ரேமவிஹ்வல:|
ஸ்மரன் கம்ஸக்ருதான் க்லேஶான் புத்ரன்யாஸம் ச கோ3குலே|| 34
க்ருஷ்ணராமௌ பரிஷ்வஜ்ய பிதராவபி4வாத்3ய ச|
ந கிஞ்சநோசது: ப்ரேம்ணா ஸாஶ்ருகண்டௌ2 குரூத்3வஹ|| 35
தாவாத்மாஸன மாரோப்ய பா3ஹுப்4யாம் பரிரப்4ய ச|
யஶோதா3 ச மஹாபா4கா3 ஸுதௌ விஜஹது: ஶுச:|| 36
ரோஹிணீ தே3வகீ சாத2 பரிஷ்வஜ்ய வ்ரஜேஶ்வரீம்|
ஸ்மரந்த்யௌ தத்க்ருதாம் மைத்ரீம் பா3ஷ்பகண்ட்2யௌ ஸமூசது:|| 37
கா விஸ்மரேத வாம் மைத்ரீமநிவ்ருத்தாம் வ்ரஜேஶ்வரி|
அவாப்யாப்யைந்த்3ரமைஶ்வர்யம் யஸ்யா நேஹ ப்ரதிக்ரியா|| 38
ஏதா வத்3ருஷ்டபிதரௌ யுவயோ: ஸ்ம பித்ரோ:
ஸம்ப்ரீணநாப்4யுத3ய போஷண பாலநாநி|
ப்ராப்யோஷதுர் ப4வதி பக்ஷ்ம ஹ யத்3வத3க்ஷ்ணோ:
ந்யஸ்தாவகுத்ர ச ப4யௌ ந ஸதாம் பர: ஸ்வ:|| 39
ஶ்ரீஶுக உவாச -
கோ3ப்யஶ்ச க்ருஷ்ண முபலப்4ய சிராத3பீ4ஷ்டம்
யத் ப்ரேக்ஷணே த்3ருஶிஷு பக்ஷ்மக்ருதம் ஶபந்தி|
த்3ருக்3பி4ர்ஹ்ருதீ3க்ருதமலம் பரிரப்4ய ஸர்வா:
தத்3பா4வமாபுரபி நித்யயுஜாம் து3ராபம்|| 40
ப4க3வாம்ஸ்தாஸ்ததா2பூ4தா விவிக்த உபஸங்க3த:|
ஆஶ்லிஷ்யாநாமயம் ப்ருஷ்ட்வா ப்ரஹஸந்நித3மப்3ரவீத்|| 41
அபி ஸ்மரத2 ந: ஸக்2ய: ஸ்வாநாமர்த2 சிகீர்ஷயா|
க3தாம்ஶ்சிராயிதான் ஶத்ருபக்ஷ க்ஷபண சேதஸ:|| 42
அப்யவத்4யாயதா2ஸ்மான் ஸ்வித3க்ருதஜ்ஞாவிஶங்கயா|
நூநம் பூ4தாநி ப4க3வான் யுனக்தி வியுனக்தி ச|| 43
வாயுர் யதா2 க4நாநீகம் த்ருணம் தூலம் ரஜாம்ஸி ச|
ஸம்யோஜ்யாக்ஷிபதே பூ4யஸ்ததா2 பூ4தாநி பூ4தக்ருத்|| 44
மயி ப4க்திர்ஹி பூ4தாநாம் அம்ருதத்வாய கல்பதே|
தி3ஷ்ட்யா யதா3ஸீன் மத்ஸ்நேஹோ ப4வதீநாம் மதா3பன:|| 45
அஹம் ஹி ஸர்வபூ4தாநாமாதி3ரந்தோऽந்தரம் ப3ஹி:|
பௌ4திகாநாம் யதா2 க2ம் வார் பூ4ர்வாயுர் ஜ்யோதி ரங்க3நா:|| 46
ஏவம் ஹ்யேதாநி பூ4தாநி பூ4தேஷ்வாத்மாऽऽத்மநா தத:|
உப4யம் மய்யத2 பரே பஶ்யதாபா4த மக்ஷரே|| 47
ஶ்ரீஶுக உவாச -
அத்4யாத்மஶிக்ஷயா கோ3ப்ய ஏவம் க்ருஷ்ணேன ஶிக்ஷிதா:|
தத3நுஸ்மரணத்4வஸ்த ஜீவகோஶாஸ்தமத்4யக3ன்|| 48
ஆஹுஶ்ச தே நளினநாப4 பதா3ரவிந்த3ம்
யோகே3ஶ்வரைர் ஹ்ருதி3 விசிந்த்யமகா3த4 போ3தை4:|
ஸம்ஸாரகூப பதிதோத்தரணாவலம்ப3ம்
கே3ஹஞ்ஜுஷாமபி மனஸ்யுதி3யாத் ஸதா3 ந:|| 49
இதி ஶ்ரீமத்3பா4க3வதே மஹாபுராணே பாரமஹம்ஸ்யாம் ஸம்ஹிதாயாம் த3ஶமஸ்கந்தே4 உத்தரார்தே4 வ்ருஷ்ணீ கோ3ப ஸங்க3மோ நாம த்3வ்யஶீதிதமோऽத்4யாய:|| 82 ||
பத்தாம் ஸ்கந்தம் - எண்பத்து இரண்டாம் அத்யாயம் முற்றும்.