ஶ்ரீமத்பாகவதமஹாபுராணம் :: பத்தாம் ஸ்கந்தம் :: அத்யாயம் 69.
தேவ ரிஷிநாரதர் பகவானின் கிருஹசர்யத்தைப் பார்த்தல்
அத2 ஏகோந ஸப்ததிதமோऽத்4யாய:
ஶ்ரீஶுக உவாச -
நரகம் நிஹதம் ஶ்ருத்வா ததோ2த்3வாஹம் ச யோஷிதாம் |
க்ருஷ்ணேனைகேன ப3ஹ்வீனாம் தத்3 தி3த்3ருக்ஷு: ஸ்ம நாரத3: || 1
சித்ரம் ப3தைததே3கேன வபுஷா யுக3பத் ப்ருத2க் |
க்3ருஹேஷு த்3வ்யஷ்டஸாஹஸ்ரம் ஸ்த்ரிய ஏக உதா3வஹத் || 2
இத்யுத்ஸுகோ த்3வாரவதீம் தே3வர்ஷிர் த்3ரஷ்டுமாக3மத் |
புஷ்பிதோபவநாராம த்3விஜாலிகுலநாதி3தாம் || 3
உத்பு2ல்லேந்தீ3வராம்போ4ஜ கஹ்லார குமுதோ3த்பலை: |
சு2ரிதேஷு ஸரஸ்ஸூச்சை: கூஜிதாம் ஹம்ஸ ஸாரஸை: || 4
ப்ராஸாத3 லக்ஷைர் நவபி4ர் ஜுஷ்டாம் ஸ்பா2டிகராஜதை: |
மஹாமரகத ப்ரக்2யை: ஸ்வர்ண ரத்ன பரிச்ச2தை3: || 5
விப4க்த ரத்2யாபத2 சத்வராபணை:
ஶாலாஸபா4பீ4 ருசிராம் ஸுராலயை: |
ஸம்ஸிக்த மார்கா3ங்க3ணவீதி2தே3ஹலீம்
பதத் பதாகா த்4வஜ வாரிதாதபாம் || 6
தஸ்யாமந்த:புரம் ஶ்ரீமத3ர்சிதம் ஸர்வதி4ஷ்ண்யபை: |
ஹரே: ஸ்வகௌஶலம் யத்ர த்வஷ்ட்ரா கார்த்ஸ்ன்யேன த3ர்ஶிதம் || 7
தத்ர ஷோட3ஶபி4: ஸத்3மஸஹஸ்ரை: ஸமலங்க்ருதம் |
விவேஶைகதமம் ஶௌரே: பத்நீநாம் ப4வனம் மஹத் || 8
விஷ்டப்3த4ம் வித்3ருமஸ்தம்பை4: வைதூ3ர்ய ப2லகோத்தமை: |
இந்த்3ரநீலமயை: குட்3யைர் ஜக3த்யா சாஹதத்விஷா || 9
விதானைர் நிர்மிதைஸ் த்வஷ்ட்ரா முக்தாதா3ம விலம்பி3பி4: |
தா3ந்தை ராஸன பர்யங்கை: மண்யுத்தம பரிஷ்க்ருதை: || 10
தா3ஸீபி4ர் நிஷ்க கண்டீ2பி4: ஸுவாஸோபி4ரலங்க்ருதம் |
பும்பி4: ஸகஞ்சுகோஷ்ணீஷ ஸுவஸ்த்ர மணி குண்ட3லை: || 11
ரத்ந ப்ரதீ3ப நிகர த்3யுதிபி4ர் நிரஸ்த-
த்4வாந்தம் விசித்ரவலபீ4ஷு ஶிக2ண்டி3நோऽங்க3 |
ந்ருத்யந்தி யத்ர விஹிதாகு3ருதூ4ப மக்ஷை:
நிர்யாந்த மீக்ஷ்ய க4னபு3த்3த4ய உந்நத3ந்த: || 12
தஸ்மின் ஸமான கு3ண ரூபவயஸ்ஸுவேஷ-
தா3ஸீ ஸஹஸ்ரயுதயாநுஸவம் க்3ருஹிண்யா |
விப்ரோ த3த3ர்ஶ சமர வ்யஜனேன ருக்ம-
த3ண்டே3ன ஸாத்வதபதிம் பரிவீஜயந்த்யா || 13
தம் ஸந்நிரீக்ஷ்ய ப4க3வான் ஸஹஸோத்தி2த: ஶ்ரீ-
பர்யங்கத: ஸகல த4ர்ம ப்4ருதாம் வரிஷ்ட2: |
ஆனம்ய பாத3யுக3ளம் ஶிரஸா கிரீட
ஜுஷ்டேன ஸாஞ்ஜலிரவீவிஶதா3ஸநே ஸ்வே || 14
தஸ்யாவநிஜ்ய சரணௌ தத3ப: ஸ்வமூர்த்4நா
பி3ப்4ரஜ்ஜக3த்3கு3ருதமோऽபி ஸதாம் பதிர்ஹி |
ப்3ரஹ்மண்ய தே3வ இதி யத்3கு3ணநாம யுக்தம்
தஸ்யைவ யச்சரண ஶௌச மஶேஷ தீர்த2ம் || 15
ஸம்பூஜ்ய தே3வருஷிவர்யம்ருஷி: புராணோ
நாராயணோ நரஸகோ2 விதி4நோதி3தேன |
வாண்யாபி4 பா4ஷ்ய மிதயாம்ருத மிஷ்டயா தம்
ப்ராஹ ப்ரபோ4 ப4க3வதே கரவாம ஹே கிம் || 16
ஶ்ரீநாரத3 உவாச -
நைவாத்3பு4தம் த்வயி விபோ4ऽகி2ல லோகநாதே2
மைத்ரீ ஜநேஷு ஸகலேஷு த3ம: க2லாநாம் |
நி:ஶ்ரேயஸாய ஹி ஜக3த்ஸ்தி2திரக்ஷணாப்4யாம்
ஸ்வைராவதார உருகா3ய விதா3ம ஸுஷ்டு2 || 17
த்3ருஷ்டம் தவாங்க்4ரியுக3ளம் ஜனதாபவர்க3ம்
ப்3ரஹ்மாதி3பி4ர் ஹ்ருதி3 விசிந்த்ய மகா3த4 போ3தை4: |
ஸம்ஸார கூப பதிதோத்தரணாவலம்ப3ம்
த்4யாயம்ஶ்சராமி அநுக்3ருஹாண யதா2 ஸ்ம்ருதி: ஸ்யாத் || 18
ததோऽன்யதா3விஶத்3 கே3ஹம் க்ருஷ்ணபத்ன்யா: ஸ நாரத3: |
யோகே3ஶ்வரேஶ்வரஸ்யாங்க3 யோக3மாயா விவித்ஸயா || 19
தீ3வ்யந்த மக்ஷைஸ் தத்ராபி ப்ரியயா ச உத்3த4வேன ச |
பூஜித: பரயா ப4க்த்யா ப்ரத்யுத்தா2ன ஆஸநாதி3பி4: || 20
ப்ருஷ்டஶ்சாவிது3ஷேவாஸௌ கதா3ऽऽயாதோ ப4வாநிதி |
க்ரியதே கிம் நு பூர்ணாநாமபூர்ணைரஸ்மதா3தி3பி4: || 21
அதா2பி ப்3ரூஹி நோ ப்3ரஹ்மன் ஜன்மைதச்சோ2ப4னம் குரு |
ஸ து விஸ்மித உத்தா2ய தூஷ்ணீ மன்யத3கா3த்3 க்3ருஹம் || 22
தத்ராப்யசஷ்ட கோ3விந்த3ம் லாலயந்தம் ஸுதான் ஶிஶூன் |
ததோऽன்யஸ்மின் க்3ருஹேऽபஶ்யத் மஜ்ஜநாய க்ருதோத்3யமம் || 23
ஜுஹ்வந்தம் ச விதாநாக்3நீன் யஜந்தம் பஞ்சபி4ர் மகை2: |
போ4ஜயந்தம் த்3விஜான் க்வாபி பு4ஞ்ஜாநமவஶேஷிதம் || 24
க்வாபி ஸந்த்4யாமுபாஸீனம் ஜபந்தம் ப்3ரஹ்ம வாக்3யதம் |
ஏகத்ர சாஸி சர்மாப்4யாம் சரந்தமஸிவர்த்மஸு || 25
அஶ்வைர் க3ஜை ரதை2: க்வாபி விசரந்தம் க3தா3க்3ரஜம் |
க்வசிச்ச2யானம் பர்யங்கே ஸ்தூயமானம் ச வந்தி3பி4: || 26
மம்த்ரயந்தம் ச கஸ்மிம்ஶ்சித் மம்த்ரிபி4ஶ்சோத்3த4வாதி3பி4: |
ஜலக்ரீடா3ரதம் க்வாபி வாரமுக்2யாப3லாவ்ருதம் || 27
குத்ரசித்3 த்3விஜமுக்2யேப்4யோ த3த3தம் கா3: ஸ்வலங்க்ருதா: |
இதிஹாஸபுராணானி ஶ்ருண்வந்தம் மங்க3ளாநி ச || 28
ஹஸந்தம் ஹாஸ்யகத2யா கதா3சித் ப்ரியயா க்3ருஹே |
க்வாபி த4ர்மம் ஸேவமான மர்த2காமௌ ச குத்ரசித் || 29
த்4யாயந்த மேகமாஸீநம் புருஷம் ப்ரக்ருதே: பரம் |
ஶுஶ்ரூஷந்தம் கு3ரூன் க்வாபி காமைர் போ4கை3: ஸபர்யயா || 30
குர்வந்தம் விக்3ரஹம் கைஶ்சித் ஸந்தி4ம் சான்யத்ர கேஶவம் |
குத்ராபி ஸஹ ராமேண சிந்தயந்தம் ஸதாம் ஶிவம் || 31
புத்ராணாம் து3ஹித்ரூணாம் ச காலே வித்4யுபயாபனம் |
தா3ரைர் வரைஸ்தத்ஸத்3ருஶை: கல்பயந்தம் விபூ4திபி4: || 32
ப்ரஸ்தா2பநோபநயனை: அபத்யாநாம் மஹோத்ஸவான் |
வீக்ஷ்ய யோகே3ஶ்வரேஶஸ்ய யேஷாம் லோகா விஸிஸ்மிரே || 33
யஜந்தம் ஸகலான் தே3வான் க்வாபி க்ரதுபி4ரூர்ஜிதை: |
பூர்தயந்தம் க்வசித்3 த4ர்மம் கூபாராமமடா2தி3பி4: || 34
சரந்தம் ம்ருக3யாம் க்வாபி ஹயமாருஹ்ய ஸைந்த4வம் |
க்4நந்தம் தத: பஶூன் மேத்4யான் பரீதம் யது3புங்க3வை: || 35
அவ்யக்தலிங்க3ம் ப்ரக்ருதிஷ்வந்த:புரக்3ருஹாதி3ஷு |
க்வசிச்சரந்தம் யோகே3ஶம் தத் தத்3பா4வபு3பு4த்ஸயா || 36
அதோ2வாச ஹ்ருஷீகேஶம் நாரத3: ப்ரஹஸந்நிவ |
யோக3மாயோத3யம் வீக்ஷ்ய மாநுஷீ மீயுஷோ க3திம் || 37
விதா3ம யோக3மாயாஸ்தே து3ர்த3ர்ஶா அபி மாயிநாம் |
யோகே3ஶ்வராத்மன் நிர்பா4தா ப4வத்பாத3 நிஷேவயா || 38
அநுஜாநீஹி மாம் தே3வ லோகாம்ஸ்தே யஶஸாऽऽப்லுதான் |
பர்யடாமி தவோத்3கா3யன் லீலாம் பு4வனபாவநீம் || 39
ஶ்ரீப4க3வாநுவாச -
ப்3ரஹ்மன் த4ர்மஸ்ய வக்தாஹம் கர்தா தத3நுமோதி3தா |
தச்சி2க்ஷயன் லோகமிமாஸ்தி2த: புத்ர மா கி2த3: || 40
ஶ்ரீஶுக உவாச -
இத்யாசரந்தம் ஸத்3த4ர்மான் பாவநான் க்3ருஹமேதி4நாம் |
தமேவ ஸர்வகே3ஹேஷு ஸந்தமேகம் த3த3ர்ஶ ஹ || 41
க்ருஷ்ணஸ்யாநந்தவீர்யஸ்ய யோக3மாயா மஹோத3யம் |
முஹுர் த்3ருஷ்ட்வா ருஷிரபூ4த்3 விஸ்மிதோ ஜாதகௌதுக: || 42
இத்யர்த2காம த4ர்மேஷு க்ருஷ்ணேன ஶ்ரத்3தி4தாத்மநா |
ஸம்யக் ஸபா4ஜித: ப்ரீதஸ்தமேவாநுஸ்மரன் யயௌ || 43
ஏவம் மநுஷ்ய பத3வீம் அநுவர்தமானோ
நாராயணோऽகி2ல ப4வாய க்3ருஹீத ஶக்தி: |
ரேமேऽங்க3 ஷோட3ஶ ஸஹஸ்ர வராங்க3நாநாம்
ஸவ்ரீட3ஸௌஹ்ருத3நிரீக்ஷணஹாஸ ஜுஷ்ட: || 44
யாநீஹ விஶ்வ விலயோத்3ப4வ வ்ருத்திஹேது:
கர்மாண்யநன்ய விஷயாணி ஹரீஶ்சகார |
யஸ்த்வங்க3 கா3யதி ஶ்ருணோத்யநுமோத3தே வா
ப4க்திர் ப4வேத்3 ப4க3வதி ஹ்யபவர்க3 மார்கே3 || 45
இதி ஶ்ரீமத்3பா4க3வதே மஹாபுராணே பாரமஹம்ஸ்யாம் ஸம்ஹிதாயாம் த3ஶமஸ்கந்தே4 உத்தரார்தே4 க்ருஷ்ணகா3ர்ஹஸ்த்2ய த3ர்ஶனம் நாம ஏகோந ஸப்ததிதமோऽத்4யாய: || 69
பத்தாம் ஸ்கந்தம் - அறுபத்து ஒன்பதாம் அத்யாயம் முற்றும்.