ஶ்ரீமத்பாகவதமஹாபுராணம் :: பத்தாம் ஸ்கந்தம் :: அத்யாயம் 64.
ந்ருக ராஜனின் கதை
அத2 சது:ஷஷ்டிதமோऽத4யாய:
ஶ்ரீஶுக உவாச -
ஏகதோ3பவனம் ராஜன் ஜக்3முர் யது3குமாரகா:|
விஹர்தும் ஸாம்ப3 ப்ரத்3யும்ன சாருபா4நுக3தா3த3ய:|| 1
க்ரீடி3 த்வா ஸுசிரம் தத்ர விசிந்வந்த: பிபாஸிதா:|
ஜலம் நிருத3கே கூபே த3த்3ருஶு: ஸத்வமத்3பு4தம்|| 2
க்ருகலாஸம் கி3ரிநிப4ம் வீக்ஷ்ய விஸ்மிதமானஸா:|
தஸ்ய சோத்3த4ரணே யத்நம் சக்ருஸ்தே க்ருயான்விதா:|| 3
சர்மஜைஸ்தாந்தவை: பாஶைர் ப3த்3த்4வா பதிதமர்ப4கா:|
நாஶக்நுவன் ஸமுத்3த4ர்தும் க்ருஷ்ணாயாசக்2யு ருத்ஸுகா:|| 4
தத்ராக3த்யாரவிந்தா3க்ஷோ ப4க3வான் விஶ்வபா4வன:|
வீக்ஷ்யோஜ்ஜஹார வாமேன தம் கரேண ஸ லீலயா|| 5
ஸ உத்தமஶ்லோக கராபி4ம்ருஷ்டோ
விஹாய ஸத்3ய: க்ருகலாஸரூபம்|
ஸந்தப்த சாமீகர சாருவர்ண:
ஸ்வர்க்3யத்3பு4தாலங்கரணாம்ப3ர ஸ்ரக்|| 6
பப்ரச்ச2 வித்3வானபி தந்நிதா3னம்
ஜநேஷு விக்2யாபயிதும் முகுந்த3:|
கஸ்த்வம் மஹாபா4க3 வரேண்யரூபோ
தே3வோத்தமம் த்வாம் க3ணயாமி நூநம்|| 7
த3ஶாமிமாம் வா கதமேன கர்மணா
ஸம்ப்ராபிதோऽஸ்யதத3ர்ஹ: ஸுப4த்3ர|
ஆத்மான மாக்2யாஹி விவித்ஸதாம் நோ
யன்மன்யஸே ந: க்ஷமமத்ர வக்தும்|| 8
ஶ்ரீஶுக உவாச
இதி ஸ்ம ராஜா ஸம்ப்ருஷ்ட: க்ருஷ்ணேநாநந்த மூர்திநா|
மாத4வம் ப்ரணிபத்யாஹ கிரீடேநார்கவர்சஸா|| 9
ந்ருக3 உவாச
ந்ருகோ3 நாம நரேந்த்3ரோ ऽஹமிக்ஷ்வாகுதனய: ப்ரபோ4|
தா3நிஷ்வாக்2யாயமாநேஷு யதி3 தே கர்ணமஸ்ப்ருஶம்|| 10
கிம் நு தேऽவிதி3தம் நாத2 ஸர்வபூ4தாத்ம ஸாக்ஷிண:|
காலேநாவ்யாஹத த்3ருஶோ வக்ஷ்யேऽதா2பி தவாஜ்ஞயா|| 11
யாவத்ய: ஸிகதா பூ4மேர் யாவத்யோ தி3வி தாரகா:|
யாவத்யோ வர்ஷதா4ராஶ்ச தாவதீரத3த3ம் ஸ்ம கா3:|| 12
பயஸ்விநீஸ்தருணீ: ஶீலரூப-
கு3ணோபபந்நா: கபிலா ஹேம ஸ்ருங்கீ3:|
ந்யாயார்ஜிதா ரூப்யகு2ரா: ஸவத்ஸா
து3கூலமாலாப4ரணா த3தா3வஹம்|| 13
ஸ்வலங்க்ருதேப்4யோ கு3ணஶீலவத்3ப்4ய:
ஸீத3த்குடும்பே3ப்4ய ருதவ்ரதேப்4ய:|
தப:ஶ்ருத ப்3ரஹ்மவதா3ன்ய ஸத்3ப்4ய:
ப்ராதா3ம் யுவப்4யோ த்3விஜபுங்க3வேப்4ய:|| 14
கோ3 பூ4 ஹிரண்யாய தநாஶ்வ ஹஸ்தின:
கன்யா: ஸதா3ஸீஸ் தில ரூப்ய ஶய்யா:|
வாஸாம்ஸி ரத்நாநி பரிச்ச2தா3ன் ரதா2-
நிஷ்டம் ச யஞைஶ் சரிதம் ச பூர்தம்|| 15
கஸ்யசித்3 த்3விஜமுக்2யஸ்ய ப்4ரஷ்டா கௌ3ர் மம கோ3த4னே|
ஸம்ப்ருக்தாவிது3ஷா ஸா ச மயா த3த்தா த்3விஜாதயே|| 16
தாம் நீயமாநாம் தத்ஸ்வாமீ த்3ருஷ்ட்வோவாச மமேதி தம்|
மமேதி ப்ரதி க்3ராஹ்யாஹ ந்ருகோ3 மே த3த்தவாநிதி|| 17
விப்ரௌ விவத3மாநௌ மாமூசது: ஸ்வார்த2 ஸாத4கௌ|
ப4வான் தா3தாபஹர்தேதி தச்ச்2ருத்வா மேऽப4வத்3 ப்4ரம:|| 18
அநுநீதாவுபௌ4 விப்ரௌ த4ர்ம க்ருச்ச்2ர க3தேன வை|
க3வாம் லக்ஷம் ப்ரக்ருஷ்டாநாம் தா3ஸ்யாம் யேஷா ப்ரதீ3யதாம்|| 19
ப4வந்தாவநுக்3ருஹ்ணீதாம் கிங்கரஸ்யாவிஜாநத:|
ஸமுத்3த4ரதம் மாம் க்ருச்ச்2ராத் பதந்தம் நிரயேऽஶுசௌ|| 20
நாஹம் ப்ரதீச்சே2 வை ராஜந்நித்யுக்த்வா ஸ்வாம்யபாக்ரமத்|
நான்யத்3 க3வாமப்யயுத மிச்சா2மீத்யபரோ யயௌ|| 21
ஏதஸ்மின் அந்தரே யாமைர் தூ3தைர்நீதோ யமக்ஷயம்|
யமேன ப்ருஷ்டஸ் தத்ராஹம் தே3வதே3வ ஜக3த்பதே|| 22
பூர்வம் த்வமஶுப4ம் பு4ங்க்ஷே உதாஹோ ந்ருபதே ஶுப4ம்|
நாந்தம் தா3னஸ்ய த4ர்மஸ்ய பஶ்யே லோகஸ்ய பா4ஸ்வத:|| 23
பூர்வம் தே3வாஶுப4ம் பு4ஞ்ஜ இதி ப்ராஹ பதேதி ஸ:|
தாவத3த்3ராக்ஷமாத்மானம் க்ருகலாஸம் பதன் ப்ரபோ4|| 24
ப்3ரஹ்மண்யஸ்ய வதா3ன்யஸ்ய தவ தா3ஸஸ்ய கேஶவ|
ஸ்ம்ருதிர் நாத்3யாபி வித்4வஸ்தா ப4வத்ஸந்த3ர்ஶ நார்தி2ன:|| 25
ஸ த்வம் கத2ம் மம விபோ4ऽபித2: பராத்மா
யோகே3ஶ்வரை: ஶ்ருதித்3ருஶாமலஹ்ருத்3 விபா4வ்ய:|
ஸாக்ஷாத3தோ4க்ஷஜ உருவ்யஸநாந்த4 பு3த்3தே4:
ஸ்யான்மேऽநுத்3ருஶ்ய இஹ யஸ்ய ப4வாபவர்க3:|| 26
தே3வதே3வ ஜக3ந்நாத2 கோ3விந்த3 புருஷோத்தம|
நாராயண ஹ்ருஷீகேஶ புண்யஶ்லோகாச்யுதாவ்யய|| 27
அநுஜாநீஹி மாம் க்ருஷ்ண யாந்தம் தே3வக3திம் ப்ரபோ4|
யத்ர க்வாபி ஸதஶ்சேதோ பூ4யான் மே த்வத் பதா3ஸ்பத3ம்|| 28
நமஸ்தே ஸர்வபா4வாய ப்3ரஹ்மணேऽநந்த ஶக்தயே|
க்ருஷ்ணாய வாஸுதே3வாய யோகா3நாம் பதயே நம:|| 29
இத்யுக்த்வா தம் பரிக்ரம்ய பாதௌ3 ஸ்ப்ருஷ்ட்வா ஸ்வமௌலிநா|
அநுஜ்ஞாதோ விமாநாக்3ர்யமாருஹத் பஶ்யதாம் ந்ருணாம்|| 30
க்ருஷ்ண: பரிஜனம் ப்ராஹ ப4க3வான் தே3வகீஸுத:|
ப்3ரஹ்மண்யதே3வோ த4ர்மாத்மா ராஜன்யாநநு ஶிக்ஷயன்|| 31
து3ர்ஜரம் ப3த ப்3ரஹ்மஸ்வம் பு4க்த மக்3நேர் மநாக3பி|
தேஜீயஸோऽபி கிமுத ராஜ்ஞா மீஶ்வரமாநிநாம்|| 32
நாஹம் ஹாலாஹலம் மன்யே விஷம் யஸ்ய ப்ரதிக்ரியா|
ப்3ரஹ்மஸ்வம் ஹி விஷம் ப்ரோக்தம் நாஸ்ய ப்ரதிவிதி4ர் பு4வி|| 33
ஹிநஸ்தி விஷமத்தாரம் வஹ்நிரத்3பி4: ப்ரஶாம்யதி|
குலம் ஸமூலம் த3ஹதி ப்3ரஹ்மஸ் வாரணிபாவக:|| 34
ப்3ரஹ்மஸ்வம் து3ரநுஜ்ஞாதம் பு4க்தம் ஹந்தி த்ரிபூருஷம்|
ப்ரஸஹ்ய து ப3லாத்3 பு4க்தம் த3ஶ பூர்வான் த்3ஶாபரான்|| 35
ராஜாநோ ராஜலக்ஷ்ம்யாந்தா4 நாத்ம பாதம் விசக்ஷதே|
நிரயம் யேऽபி4மன்யந்தே ப்3ரஹ்மஸ்வம் ஸாது4 பா3லிஶா:|| 36
க்3ருஹ்ணந்தி யாவத: பாம்ஸூன் க்ரந்த3தாமஶ்ருபி3ந்த3வ:|
விப்ராணாம் ஹ்ருதவ்ருத்தீநாம் வதா3ன்யாநாம் குடும்பி3நாம்|| 37
ராஜாநோ ராஜகுல்யாஶ்ச தாவதோऽப்3தா3ந் நிரங்குஶா:|
கும்பீ4பாகேஷு பச்யந்தே ப்3ரஹ்மதா3யாப ஹாரிண:|| 38
ஸ்வத3த்தாம் பரத3த்தாம் வா ப்3ரஹ்ம வ்ருத்திம் ஹரேச்ச ய:|
ஷஷ்டி வர்ஷ ஸஹஸ்ராணி விஷ்டா2யாம் ஜாயதே க்ருமி:|| 39
ந மே ப்3ரஹ்மத4னம் பூ4யாத்3 யத்3 க்3ருத்3த்4வால்பாயுஷோ நரா:|
பராஜிதாஶ்ச்யுதா ராஜ்யாத்3 ப4வந்த்யுத்3வேஜிநோऽஹய:|| 40
விப்ரம் க்ருதாக3ஸமபி நைவ த்3ருஹ்யத மாமகா:|
க்4நந்தம் ப3ஹு ஶபந்தம் வா நமஸ்குருத நித்யஶ:|| 41
யதா2ஹம் ப்ரணமே விப்ராநநுகாலம் ஸமாஹித:|
ததா2 நமத யூயம் ச யோऽன்யதா2 மே ஸ த3ண்ட3பா4க்|| 42
ப்3ராஹ்மணார்தோ2 ஹ்யபஹ்ருதோ ஹர்தாரம் பாதயத்யத4:|
அஜானந்தமபி ஹ்யேனம் ந்ருக3ம் ப்3ராஹ்மண கௌ3ரிவ|| 43
ஏவம் விஶ்ராவ்ய ப4க3வான் முகுந்தோ3 த்3வாரகௌகஸ:|
பாவன: ஸர்வ லோகாநாம் விவேஶ நிஜமந்தி3ரம்|| 44
|| இதி ஶ்ரீமத்3பா4க3வதே மஹாபுராணே பாரமஹம்ஸ்யாம் ஸம்ஹிதாயாம் த3ஶமஸ்கந்தே4 உத்தரார்தே4 ந்ருகோ3 பாக்2யானம் நாம சது:ஷஷ்டிதமோऽத்4யாய: || 64
பத்தாம் ஸ்கந்தம் - அறுபத்து நான்காம் அத்யாயம் முற்றும்.