ஶ்ரீமத்பாகவதமஹாபுராணம் :: பத்தாம் ஸ்கந்தம் :: அத்யாயம் 49.
அக்ரூரர் ஹஸ்தினாபுரத்திற்குச் செல்லுதல்
அத2 ஏகோநபஞ்சாஶத்தமோऽத்4யாய:
ஶ்ரீஶுக உவாச -
ஸ க3த்வா ஹாஸ்தினபுரம் பௌரவேந்த்3ர யஶோऽங்கிதம் |
த3த3ர்ஶ தத்ர ஆம்பி3கேயம் ஸபீ4ஷ்மம் விது3ரம் ப்ருதா2ம் || 1 ||
ஸஹபுத்ரம் ச பா3ஹ்லீகம் பா4ரத்3வாஜம் ஸகௌ3தமம் |
கர்ணம் ஸுயோத4னம் த்3ரௌணிம் பாண்ட3வான் ஸுஹ்ருதோ3ऽபரான் || 2 ||
யதா2வது3பஸங்க3ம்ய ப3ந்து4பி4ர் கா3ந்தி3நீஸுத: |
ஸம்ப்ருஷ்டஸ்தை: ஸுஹ்ருத்3வார்தாம் ஸ்வயம் சாப்ருச்ச2த3வ்யயம் || 3 ||
உவாஸ கதிசின்மாஸான் ராஜ்ஞோ வ்ருத்த விவித்ஸயா |
து3ஷ்ப்ரஜஸ்யால்பஸாரஸ்ய க2லச்ச2ந்தா3நுவர்தின: || 4 ||
தேஜ ஓஜோ ப3லம் வீர்யம் ப்ரஶ்ரயாதீ3ம்ஶ்ச ஸத்3கு3ணான் |
ப்ரஜாநுராக3ம் பார்தே2ஷு ந ஸஹத்3பி4ஶ் சிகீர்ஷிதம் || 5 ||
க்ருதம் ச தா4ர்தராஷ்ட்ரைர் யத்3 க3ரதா3நாத்3யபேஶலம் |
ஆசக்2யௌ ஸர்வமேவாஸ்மை ப்ருதா2 விது3ர ஏவ ச || 6 ||
ப்ருதா2 து ப்4ராதரம் ப்ராப்த மக்ரூரமுபஸ்ருத்ய தம் |
உவாச ஜன்மநிலயம் ஸ்மரந்த்யஶ்ருகலேக்ஷணா || 7 ||
அபி ஸ்மரந்தி ந: ஸௌம்ய பிதரௌ ப்4ராதரஶ்ச மே |
ப4கி3ன்யோ ப்4ராத்ருபுத்ராஶ்ச ஜாமய: ஸக்2ய ஏவ ச || 8 ||
ப்4ராத்ரேயோ ப4க3வான் க்ருஷ்ண: ஶரண்யோ ப4க்தவத்ஸல: |
பைத்ருஷ்வஸேயான் ஸ்மரதி ராமஶ்ச அம்பு3ருஹேக்ஷண: || 9 ||
ஸபத்னமத்4யே ஶோசந்தீம் வ்ருகாணாம் ஹரிணீமிவ |
ஸாந்த்வயிஷ்யதி மாம் வாக்யை: பித்ருஹீநாம்ஶ்ச பா3லகான் || 10 ||
க்ருஷ்ண க்ருஷ்ண மஹாயோகி3ன் விஶ்வாத்மன் விஶ்வபா4வன |
ப்ரபந்நாம் பாஹி கோ3விந்த3 ஶிஶுபி4ஶ்சாவஸீத3தீம் || 11 ||
நான்யத் தவ பதா3ம்போ4ஜாத் பஶ்யாமி ஶரணம் ந்ருணாம் |
பி3ப்4யதாம் ம்ருத்யுஸம்ஸாராதீ3ஶ்வரஸ்யாபவர்கி3காத் || 12 ||
நம: க்ருஷ்ணாய ஶுத்3தா4ய ப்3ரஹ்மணே பரமாத்மனே |
யோகே3ஶ்வராய யோகா3ய த்வாமஹம் ஶரணம் க3தா || 13 ||
ஶ்ரீஶுக உவாச -
இத்யநுஸ்ம்ருத்ய ஸ்வஜனம் க்ருஷ்ணம் ச ஜக3தீ3ஶ்வரம் |
ப்ராருத3த்3 து3:கி2தா ராஜன் ப4வதாம் ப்ரபிதாமஹீ || 14 ||
ஸமது3:க2ஸுகோ2ऽக்ரூரோ விது3ரஶ்ச மஹாயஶா: |
ஸாந்த்வயாமாஸது: குந்தீம் தத்புத்ரோத்பத்தி ஹேதுபி4: || 15 ||
யாஸ்யன் ராஜானமப்4யேத்ய விஷமம் புத்ரலாலஸம் |
அவத3த் ஸுஹ்ருதா3ம் மத்4யே ப3ந்து4பி4: ஸௌஹ்ருதோ3தி3தம் || 16 ||
அக்ரூர உவாச -
போ4 போ4 வைசித்ரவீர்ய த்வம் குரூணாம் கீர்திவர்த4ன |
ப்4ராதர்யுபரதே பாண்டா3வது4நா ऽऽஸனமாஸ்தி2த: || 17 ||
த4ர்மேண பாலயந்நுர்வீம் ப்ரஜா: ஶீலேன ரஞ்ஜயன் |
வர்தமான: ஸம: ஸ்வேஷு ஶ்ரேய: கீர்திமவாப்ஸ்யஸி || 18 ||
அன்யதா2 த்வாசரஞ்ல்லோகே க3ர்ஹிதோ யாஸ்யஸே தம: |
தஸ்மாத் ஸமத்வே வர்தஸ்வ பாண்ட3வேஷ்வாத்மஜேஷு ச || 19 ||
நேஹ சாத்யந்தஸம்வாஸ: கர்ஹிசித் கேனசித் ஸஹ |
ராஜன் ஸ்வேநாபி தே3ஹேன கிமு ஜாயாத்மஜாதி3பி4: || 20 ||
ஏக: ப்ரஸூயதே ஜந்துரேக ஏவ ப்ரலீயதே |
ஏகோऽநுபு4ங்க்தே ஸுக்ருதமேக ஏவ ச து3ஷ்க்ருதம் || 21 ||
அத4ர்மோபசிதம் வித்தம் ஹரந்த்யன்யேऽல்பமேத4ஸ: |
ஸம்போ4ஜநீயாபதே3ஶைர் ஜலாநீவ ஜலௌகஸ: || 22 ||
புஷ்ணாதி யானத4ர்மேண ஸ்வபு3த்3த்4யா தமபண்டி3தம் |
தேऽக்ருதார்த2ம் ப்ரஹிண்வந்தி ப்ராணா ராய: ஸுதாத3ய: || 23 ||
ஸ்வயம் கில்பி3ஷ மாதா3ய தைஸ்த்யக்தோ நார்த2கோவித3: |
அஸித்3தா4ர்தோ2 விஶத்யந்த4ம் ஸ்வத4ர்மவிமுக2ஸ்தம: || 24 ||
தஸ்மால்லோகமிமம் ராஜன் ஸ்வப்நமாயா மநோரத2ம் |
வீக்ஷ்யாயம்யாத்மநாऽऽத்மானம் ஸம: ஶாந்தோ ப4வ ப்ரபோ4 || 25 ||
த்4ருதராஷ்ட்ர உவாச -
யதா2 வத3தி கல்யாணீம் வாசம் தா3நபதே ப4வான் |
ததா2நயா ந த்ருப்யாமி மர்த்ய: ப்ராப்ய யதா2ம்ருதம் || 26 ||
ததா2பி ஸூந்ருதா ஸௌம்ய ஹ்ருதி3 ந ஸ்தீ2யதே சலே |
புத்ராநுராக3விஷமே வித்3யுத் ஸௌதா3மனீ யதா2 || 27 ||
ஈஶ்வரஸ்ய விதி4ம் கோ நு விது4நோத்யன்யதா2 புமான் |
பூ4மேர் பா4ராவதாராய யோऽவதீர்ணோ யதோ3: குலே || 28 ||
யோ து3ர்விமர்ஶபத2யா நிஜமாயயேத3ம்
ஸ்ருஷ்ட்வா கு3ணான் விப4ஜதே தத3நுப்ரவிஷ்ட: |
தஸ்மை நமோ து3ரவபோ3த4 விஹார தந்த்ர-
ஸம்ஸாரசக்ர க3தயே பரமேஶ்வராய || 29 ||
ஶ்ரீஶுக உவாச -
இத்யபி4ப்ரேத்ய ந்ருபதேரபி4ப்ராயம் ஸ யாத3வ: |
ஸுஹ்ருத்3பி4: ஸமநுஜ்ஞாத: புனர் யது3புரீ மகா3த் || 30 ||
ஶஶம்ஸ ராமக்ருஷ்ணாப்4யாம் த்4ருதராஷ்ட்ர விசேஷ்டிதம் |
பாண்ட3வான் ப்ரதி கௌரவ்ய யத3ர்த2ம் ப்ரேஷித: ஸ்வயம் || 31 ||
|| இதி ஶ்ரீமத்3பா4க3வதே மஹாபுராணே பாரமஹம்ஸ்யாம் ஸம்ஹிதாயாம் த3ஶமஸ்கந்தே4 பூர்வார்தே4 ஏகோன பஞ்சாஶோऽத்4யாய: || 49 ||
|| ஸமாப்தமித3ம் த3ஶமஸ்கந்த4ஸ்ய பூர்வார்த4ம் ||
|| ஶ்ரீக்ருஷ்ணார்பணமஸ்து ||
பத்தாம் ஸ்கந்தம் - நாற்பத்தி ஒன்பதாம் அத்யாயம் முற்றும்.