ஶ்ரீமத்பாகவதமஹாபுராணம் :: பத்தாம் ஸ்கந்தம் :: அத்யாயம் 41.
ஸ்ரீ கிருஷ்ணர் மதுரையில் பிரவேசித்தல்
அதை2ஏகசத்வாரிம்ஶோऽத்4யாய:
ஶ்ரீஶுக உவாச -
ஸ்துவதஸ்தஸ்ய ப4க3வான் த3ர்ஶயித்வா ஜலே வபு: |
பூ4ய: ஸமாஹரத் க்ருஷ்ணோ நடோ நாட்யமிவாத்மன: || 1 ||
ஸோऽபி சாந்தர்ஹிதம் வீக்ஷ்ய ஜலாத் உன்மஜ்ஜ்ய ஸத்வர: |
க்ருத்வா சாவஶ்யகம் ஸர்வம் விஸ்மிதோ ரத2மாக3மத் || 2 ||
தமப்ருச்ச2த்3 ஹ்ருஷீகேஶ: கிம் தே த்3ருஷ்ட மிவாத்3பு4தம் |
பூ4மௌ வியதி தோயே வா ததா2 த்வாம் லக்ஷயாமஹே || 3 ||
ஶ்ரீஅக்ரூர உவாச -
அத்3பு4தாநீஹ யாவந்தி பூ4மௌ வியதி வா ஜலே |
த்வயி விஶ்வாத்மகே தானி கிம் மேऽத்3ருஷ்டம் விபஶ்யத: || 4 ||
யத்ராத்3பு4தாநி ஸர்வாணி பூ4மௌ வியதி வா ஜலே |
தம் த்வாநுபஶ்யதோ ப்3ரஹ்மன் கிம் மே த்3ருஷ்டமிஹாத்3பு4தம் || 5 ||
இத்யுக்த்வா சோத3யாமாஸ ஸ்யந்த3னம் கா3ந்தி3நீஸுத: |
மது2ராமனயத்3 ராமம் க்ருஷ்ணம் சைவ தி3னாத்யயே || 6 ||
மார்கே3 க்3ராமஜநா ராஜம்ஸ்தத்ர தத்ர உபஸங்க3தா: |
வஸுதே3வஸுதௌ வீக்ஷ்ய ப்ரீதா த்3ருஷ்டிம் ந சாத3து3: || 7 ||
தாவத்3 வ்ரஜௌகஸஸ்தத்ர நந்த3கோ3பாத3யோऽக்3ரத: |
புரோபவன மாஸாத்3ய ப்ரதீக்ஷந்தோऽவதஸ்தி2ரே || 8 ||
தான் ஸமேத்யாஹ ப4க3வான க்ரூரம் ஜக3தீ3ஶ்வர: |
க்3ருஹீத்வா பாணிநா பாணிம் ப்ரஶ்ரிதம் ப்ரஹஸந்நிவ || 9 ||
ப4வான் ப்ரவிஶதாமக்3ரே ஸஹயான: புரீம் க்3ருஹம் |
வயம் த்விஹாவமுச்யாத2 ததோ த்3ரக்ஷ்யாமஹே புரீம் || 10 ||
ஶ்ரீஅக்ரூர உவாச -
நாஹம் ப4வத்3ப்4யாம் ரஹித: ப்ரவேக்ஷ்யே மது2ராம் ப்ரபோ4 |
த்யக்தும் நார்ஹஸி மாம் நாத2 ப4க்தம் தே ப4க்தவத்ஸல || 11 ||
ஆக3ச்ச2 யாம கே3ஹான் ந: ஸநாதா2ன் குர்வதோ4க்ஷஜ |
ஸஹாக்3ரஜ: ஸகோ3பாலை: ஸுஹ்ருத்3பி4ஶ்ச ஸுஹ்ருத்தம || 12 ||
புநீஹி பாத3ரஜஸா க்3ருஹான் நோ க்3ருஹமேதி4நாம் |
யச்சௌ2சேநாநுத்ருப்யந்தி பிதர: ஸாக்3னய: ஸுரா: || 13 ||
அவநிஜ்யாங்க்4ரியுக3ளமாஸீத் ஶ்லோக்யோ ப3லிர் மஹான் |
ஐஶ்வர்யமதுலம் லேபே4 க3திம் சைகாந்திநாம் து யா || 14 ||
ஆபஸ்தேऽங்க்4ர்யவனேஜன்ய: த்ரீன்ஸ்லோகான் ஶுசயோऽபுனன் |
ஶிரஸாத4த்த யா: ஶர்வ: ஸ்வர்யாதா: ஸக3ராத்மஜா: || 15 ||
தே3வதே3வ ஜக3ந்நாத2 புண்யஶ்ரவணகீர்தன |
யதூ3த்தமோத்தமஶ்லோக நாராயண நமோऽஸ்து தே || 16 ||
ஶ்ரீப4க3வநுவாச |
ஆயாஸ்யே ப4வதோ கே3ஹ மஹமார்யஸமன்வித: |
யது3சக்ரத்3ருஹம் ஹத்வா விதரிஷ்யே ஸுஹ்ருத் ப்ரியம் || 17 ||
ஶ்ரீஶுக உவாச -
ஏவ முக்தோ ப4க3வதா ஸோऽக்ரூரோ விமநா இவ |
புரீம் ப்ரவிஷ்ட: கம்ஸாய கர்மாவேத்3ய க்3ருஹம் யயௌ || 18 ||
அதா2பராஹ்ணே ப4க3வான் க்ருஷ்ண: ஸங்கர்ஷணான்வித: |
மது2ராம் ப்ராவிஶத்3 கோ3பைர் தி3த்3ருக்ஷு: பரிவாரித: || 19 ||
த3த3ர்ஶ தாம் ஸ்பா2டிகதுங்க3 கோ3புர-
த்3வாராம் ப்3ருஹத்3 ஹேமகபாடதோரணாம் |
தாம்ராரகோஷ்டா2ம் பரிகா2து3ராஸதா3ம்
உத்3யான ரம்யோபவநோப ஶோபி4தாம் || 20 ||
ஸௌவர்ணஶ்ருங்கா3டக ஹர்ம்ய நிஷ்குடை:
ஶ்ரேணீஸபா4பி4ர் ப4வனைருபஸ்க்ருதாம் |
வைதூ3ர்யவஜ்ராமல நீலவித்3ருமைர்
முக்தாஹரித்3பி4ர் வலபீ4ஷு வேதி3ஷு || 21 ||
ஜுஷ்டேஷு ஜாலாமுக2ரந்த்4ரகுட்டிமேஷ்
வாவிஷ்ட பாராவத ப3ர்ஹிநாதி3தாம் |
ஸம்ஸிக்த ரத்2யாபணமார்க3சத்வராம்
ப்ரகீர்ண மால்யாங்குர லாஜ தண்டு3லாம் || 22 ||
ஆபூர்ண கும்பை4ர் த3தி4சந்த3நோக்ஷிதை:
ப்ரஸூநதீ3பாவலிபி4: ஸபல்லவை: |
ஸவ்ருந்த3ரம்பா4க்ரமுகை: ஸகேதுபி4:
ஸ்வலங்க்ருதத்3வாரக்3ருஹாம் ஸபட்டிகை: || 23 ||
தாம் ஸம்ப்ரவிஷ்டௌ வஸுதே3வநந்த3நௌ
வ்ருதௌ வயஸ்யை: நரதே3வவர்த்மநா |
த்3ரஷ்டும் ஸமீயுஸ்த்வரிதா: புரஸ்த்ரியோ
ஹர்ம்யாணி சைவாருருஹுர் ந்ருபோத்ஸுகா: || 24 ||
காஶ்சித்3 விபர்யக்3 த்4ருத வஸ்த்ர பூ4ஷணா
விஸ்ம்ருத்ய சைகம் யுக3ளேஷ்வதா2பரா: |
க்ருதைகபத்ரஶ்ரவணைக நூபுரா
நாங்க்த்வா த்3விதீயம் த்வபராஶ்ச லோசனம் || 25 ||
அஶ்நந்த்ய ஏகாஸ்தத3பாஸ்ய ஸோத்ஸவா
அப்4யஜ்யமாநா அக்ருதோபமஜ்ஜநா: |
ஸ்வபந்த்ய உத்தா2ய நிஶம்ய நி:ஸ்வனம்
ப்ரபாயயந்த்யோऽர்ப4 மபோஹ்ய மாதர: || 26 ||
மநாம்ஸி தாஸாமரவிந்த3லோசன:
ப்ரக3ல்ப4லீலாஹஸிதாவலோகனை: |
ஜஹார மத்த த்3விரதே3ந்த்3ர விக்ரமோ
த்3ருஶாம் த3த3த் ஶ்ரீரமணாத்மநோத்ஸவம் || 27 ||
த்3ருஷ்ட்வா முஹு: ஶ்ருத மநுத்3ருத சேதஸஸ்தம் |
தத்ப்ரேக்ஷணோத்ஸ்மித ஸுதோ4க்ஷண லப்3த4மாநா: |
ஆனந்த3 மூர்திமுபகு3ஹ்ய த்3ருஶாऽऽத்மலப்3த4ம் |
ஹ்ருஷ்யத் த்வசோ ஜஹுரநந்த மரிந்த3மாதி4ம் || 28 ||
ப்ராஸாத3 ஶிக2ராரூடா4: ப்ரீத்யுத்பு2ல்லமுகா2ம்பு3ஜா: |
அப்4யவர்ஷன் ஸௌமனஸ்யை: ப்ரமதா3 ப3லகேஶவௌ || 29 ||
த3த்4யக்ஷதை: ஸோத3பாத்ரை: ஸ்ரக்3க3ந்தை4ரப்4யுபாயனை: |
தாவாநர்சு: ப்ரமுதி3தாஸ் தத்ர தத்ர த்3விஜாதய: || 30 ||
ஊசு: பௌரா அஹோ கோ3ப்யஸ்தப: கிமசரன் மஹத் |
யா ஹ்யேதாவநுபஶ்யந்தி நரலோக மஹோத்ஸவௌ || 31 ||
ரஜகம் கஞ்சிதா3யாந்தம் ரங்க3காரம் க3தா3க்3ரஜ: |
த்3ருஷ்ட்வாயாசத வாஸாம்ஸி தௌ4தான்யத்யுத்தமானி ச || 32 ||
தே3ஹ்யாவயோ: ஸமுசிதான்யங்க3 வாஸாம்ஸி சார்ஹதோ: |
ப4விஷ்யதி பரம் ஶ்ரேயோ தா3துஸ்தே நாத்ர ஸம்ஶய: || 33 ||
ஸ யாசிதோ ப4க3வதா பரிபூர்ணேன ஸர்வத: |
ஸாக்ஷேபம் ருஷித: ப்ராஹ ப்4ருத்யோ ராஜ்ஞ: ஸுது3ர்மத3: || 34 ||
ஈத்3ருஶான்யேவ வாஸாம்ஸீ நித்யம் கி3ரிவநேசரா: |
பரித4த்த கிமுத்3வ்ருத்தா ராஜத்3ரவ்யாண்யபீ4ப்ஸத2 || 35 ||
யாதாஶு பா3லிஶா மைவம் ப்ரார்த்2யம் யதி3 ஜிஜீவீஷா |
ப3த்4நந்தி க்4நந்தி லும்பந்தி த்3ருப்தம் ராஜகுலாநி வை || 36 ||
ஏவம் விகத்த2மானஸ்ய குபிதோ தே3வகீஸுத: |
ரஜகஸ்ய கராக்3ரேண ஶிர: காயாத3பாதயத் || 37 ||
தஸ்யாநுஜீவின: ஸர்வே வாஸ: கோஶான் விஸ்ருஜ்ய வை |
து3த்3ருவு: ஸர்வதோ மார்க3ம் வாஸாம்ஸி ஜக்3ருஹேऽச்யுத: || 38 ||
வஸித்வாऽऽத்மப்ரியே வஸ்த்ரே க்ருஷ்ண: ஸங்கர்ஷணஸ்ததா2 |
ஶேஷாண்யாத3த்த கோ3பேப்4யோ விஸ்ருஜ்ய பு4வி கானிசித் || 39 ||
ததஸ்து வாயக: ப்ரீதஸ்தயோர் வேஷ மகல்பயத் |
விசித்ரவர்ணைஶ்சைலேயைராகல்பை-ரநுரூபத: || 40 ||
நாநாலக்ஷண வேஷாப்4யாம் க்ருஷ்ணராமௌ விரேஜது: |
ஸ்வலங்க்ருதௌ பா3லக3ஜௌ பர்வணீவ ஸிதேதரௌ ||41||
தஸ்ய ப்ரஸந்நோ ப4க3வான் ப்ராதா3த் ஸாரூப்யமாத்மன: |
ஶ்ரியம் ச பரமாம் லோகே ப3லைஶ்வர்யஸ்ம்ருதீந்த்3ரியம் || 42 ||
தத: ஸுதா3ம்நோ ப4வனம் மாலாகாரஸ்ய ஜக்3மது: |
தௌ த்3ருஷ்ட்வா ஸ ஸமுத்தா2ய நநாம ஶிரஸா பு4வி || 43 ||
தயோராஸனமாநீய பாத்3யம் சார்க்4யார்ஹணாதி3பி4: |
பூஜாம் ஸாநுக3யோஶ்சக்ரே ஸ்ரக்தாம்பூ3லாநுலேபனை: || 44 ||
ப்ராஹ ந: ஸார்த2கம் ஜன்ம பாவிதம் ச குலம் ப்ரபோ4 |
பித்ரு தே3வர்ஷயோ மஹ்யம் துஷ்டா ஹ்யாக3மநேன வாம் || 45 ||
ப4வந்தௌ கில விஶ்வஸ்ய ஜக3த: காரணம் பரம் |
அவதீர்ணாவிஹாம்ஶேன க்ஷேமாய ச ப4வாய ச || 46 ||
ந ஹி வாம் விஷமா த்3ருஷ்டி: ஸுஹ்ருதோ3ர் ஜக3தா3த்மநோ: |
ஸமயோ: ஸர்வபூ4தேஷு ப4ஜந்தம் ப4ஜதோரபி || 47 ||
தாவஜ்ஞாபயதம் ப்4ருத்யம் கிமஹம் கரவாணி வாம் |
பும்ஸோऽத்யநுக்3ரஹோ ஹ்யேஷ ப4வத்3பி4ர் யந்நியுஜ்யதே || 48 ||
இத்யபி4ப்ரேத்ய ராஜேந்த்3ர ஸுதா3மா ப்ரீதமானஸ: |
ஶஸ்தை: ஸுக3ந்தை4: குஸுமைர் மாலா விரசிதா த3தௌ3 || 49 ||
தாபி4: ஸ்வலங்க்ருதௌ ப்ரீதௌ க்ருஷ்ணராமௌ ஸஹாநுகௌ3 |
ப்ரணதாய ப்ரபந்நாய த3த3துர் வரதௌ3 வரான் || 50 ||
ஸோऽபி வவ்ரேऽசலாம் ப4க்திம் தஸ்மின் ஏவாகி2லாத்மனி |
தத்3ப4க்தேஷு ச ஸௌஹார்த3ம் பூ4தேஷு ச த3யாம் பராம் || 51 ||
இதி தஸ்மை வரம் த3த்வா ஶ்ரியம் ச அன்வயவர்தி4நீம் |
ப3லமாயுர் யஶ: காந்திம் நிர்ஜகா3ம ஸஹாக்3ரஜ: || 52 ||
இதி ஶ்ரீமத்3பா4க3வதே மஹாபுராணே பாரமஹம்ஸ்யாம் ஸம்ஹிதாயாம் த3ஶமஸ்கந்தே4 பூர்வார்தே4 புரப்ரவேஶோ நாம ஏகசத்வாரிம்ஶோऽத்4யாய: || 41 ||
பத்தாம் ஸ்கந்தம் - நாற்பத்தி ஒன்றாம் அத்யாயம் முற்றும்.