Hindi opisyal na kinikilala ng Task Force Usig (TFU) ang 635 kaso sa mahigit 800 bilang ng pulitikal na pamamaslang na naitala simula nang umupo sa kapangyarihan si Gloria Arroyo, dahil hindi umano pultikal ang motibo ng mga pagpatay.

Sinabi ng TFU, na binuo upang imbestigahan ang mga pagpatay, na 122 lamang ang masasabing “unexplained killings” mula sa tala ng grupong Karapatan simula noong 2001 at maisasama sa listahan ng task force. Samantala, 79 kaso ang patuloy iniimbestigahan ng TFU.

Sa isang pahayag noong Pebrero 3, sinabi ni Danilo Valero, katuwang na kalihim ng Department of Interior and Local Government, na dinadagdagan umano ng Karapatan ang listahan ng mga biktima upang iturong may kinalaman ang militar sa pagpatay.

Ngunit ani Marie Hilao-Enriquez, pangkalahatang kalihim ng Karapatan, pinatutunayan umano ng hindi pagkilala ng TFU sa 635 kaso ng pagpatay ang kawalang-hustisya sa bansa at ang hindi pagkilos ng pamahalaan upang masolusyunan ang mga pagpatay.

Samantala, 219 na biktima ang walang kaugnayan sa mga militanteng grupo at nasa ilalim na ng imbestigasyon ng mga lokal na pulisya, ayon sa TFU. Kinumpirma ng TFU na buhay umano ang limang taong nauna nang naiulat ng Karapatan na mga napatay.

Hindi rin kinilala ng TFU ang 94 kaso na napatay umano sa lehitimong labanan ng militar, 24 na napatay ng New People’s Army (NPA) at 15 na napatay dahil sa trabaho o awayan sa lupa.

Samantala, 28 kaso ang hindi umano naiulat na insidente at 17 ang may “fictitious” na biktima. Inalis din sa listahan ang mga kasong may kinalaman umano sa suicide, rape, robbery, illegal drugs, gambling at squatting.

Kumpirmadong ugnayan
Giit ni Enriquez, kahit tinanggal ng TFU ang mga nasabing kaso, higit na pinagtibay umano ang kaugnayan ng hukbong sandatahan sa serye ng pamamaslang sa mga militante at mamamahayag matapos kumpirmahin ng TFU na mayroon ngang 122 kasong maikakabit sa militar.

“The government is obviously covering it up to displace state responsibility and accountability. It is a lame attempt to prevent the people to know that [extrajudicial killing] is systematic and a national state policy,” ani Enriquez.

Dagdag ni Enriquez, naisasagawa ang pamamaslang sa ilalim ng programang Oplan Bantay Laya, na naglalayon umanong patahimikin ang mga makakaliwang grupo.

Ayon sa internasyunal na batayan, maituturing na pulitikal ang pamamaslang kung isinagawa ito ng hukbong panseguridad ng estado, ani Enriquez. Puna pa niya, pilit umanong sinisira ng pamahalaan ang kredibilidad ng Karapatan sa halip na pangunahan ang imbestigasyon at hulihin ang mga militar na sangkot sa mga pagpatay.

Aniya, nauna na ring natukoy ang pananagutan ng militar sa ulat ni United Nations (UN) special rapporteur Philip Alston, at mga pagdinig ng Permanent People’s Tribunal sa The Netherlands, senado ng Estados Unidos at UN Human Rights Council.

3 bagong kaso ng pagpatay
Sa kabila ng pagpuna ng TFU sa “death list” ng Karapatan, tatlong bagong kaso ng pamamaslang ang naitala ng grupo noong nakaraang buwan. Aabot na sa 891 kaso ng pagpatay ang naitala mula 2001.

Pinatay si Pastor Filomino Catambis, miyembro ng United Church of Christ in the Philippines, ng dalawang hindi pa nakikilalang lalaking sakay ng motorsiklo habang pauwi ang biktima sa kanyang bahay sa Abuyog, Leyte. Nagtamo si Catambis ng siyam na tama mula sa 9mm pistol, ayon sa Karapatan. Dalawang tama naman sa ulo ang pumatay kay Ronald Sendrijas, miyembro ng Samahan ng mga Ex-detainees Laban sa Detensyon at para sa Amnestiya, sa Tagbilaran, Bohol noong Enero 17, na araw din ng kanyang kaarawan.

Matapos dukutin ng apat na araw, pinaghihinalaang pinatay din ng mga pulis si Tildo Rebamonte, isang karpintero, noong Enero 16 sa Claveria, Masbate.

Ayon sa Karapatan, pinaaamin si Rebamonte ng mahigit 20 pulis sa kaalaman niya sa lokasyon ng mga kampo ng NPA. Tinukoy ng pulisya na napatay umano si Rebamonte sa isang labanan sa pagitan ng pulis at mga miyembro ng NPA.# Philippine Collegian

<< back to home

In line with Gloria Arroyo's holiday economics, UP Diliman is set to move its no-class day from Wednesday to Monday to minimize the class days lost due to holidays, according to the Office of the University Registrar (OUR).

University Registrar Pamela Constantino said holiday economics makes majority of holidays movable to Mondays. Holidays falling on a Wednesday shall be celebrated on the Monday of the week, while those falling on a Sunday shall be celebrated on the Monday after, as mandated by Republic Act (RA) 9492.
Arroyo introduced in 2001 through RA 9492 the practice of shifting holiday observances to reduce disruption to business and production schedules, encourage domestic tourism and give employees long weekends.
Critics earlier said economic holidays might diminish the essence of celebrating holidays such as Independence Day and Labor Day. Other “movable holidays” include Bataan Day, National Heroes Day, Bonifacio Day and Rizal Day.

Constantino, meanwhile, said the OUR submitted last semester an academic calendar with Mondays off. Upon the approval of the UP President Emerlinda Roman, the new schedule shall be effective next semester.

All-UP Academic Employees Union President Judy Taguiwalo said that moving regular faculty meetings to Monday to give way to classes on Wednesdays would be more practical considering the number of holidays falling on Mondays.
According to University Student Council Chair Shahana Abdulwahid, the change in class schedule might not serve its original purpose of being a venue for research work and break to students.
"There must be breaks midweek where group meetings could be held. If Monday becomes a no-class day, it will seem to be part of weekend thus less convenient for group meetings," said Brendalyn Javier, a second engineering student.
Miriam College and UP Baguio have already implemented this proposed class schedule, said Constantino.# Philippine Collegian

<< back to home

Allegations, ranging from drinking on duty to immoral conduct, once again hound members of the Special Services Brigade (SSB) designated around UP Diliman (UPD) supposedly to ensure safety in the campus.

In an undated resignation letter obtained by the Collegian, former SSB member Ramil Bayoneta alleged that certain members and officers of the SSB have been found to be drinking alcohol in their areas of duty inside the campus.

The letter also disclosed that on the night of the SSB’s Christmas party on December 23 of last year, two guest relations officers (GRO) were allegedly hired by the group’s officials to dance naked.

Implicated in the allegations are Sgt. Narciso Domino, head of the Supervisory Team for Private Security which handles the SSB, team leader Lawrence Mappala, and SSB Jeffrey Verona. The letter further stated that Domino allegedly handed the payment for the GROs to Verona.

Three other SSB members, who refused to be identified for reasons of security, have corroborated Bayoneta’s claims. Bayoneta also showed to the Collegian a video footage of the incident.

Domino, Mappala,and Verona denied Bayoneta’s claims.

Bayoneta’s resignation came after an altercation on the same night, involving him, Mappala, Verona, and assistant team leader Michael Recopuerto. Police reports show that Bayoneta went uncontrolled upon learning that he is set to be removed from the SSB.

In a Collegian interview, however, Bayoneta denied the reports, saying that Mappala, Verona, and Recopuerto started hitting him when he asked that the GROs be given their payment. The row resulted in Bayoneta stabbing Recopuerto.

Vice Chancellor for Community Affairs Cynthia Gregorio, meanwhile, said she has asked Domino to prepare a full report on the incident,which she has yet to receive as of presstime.

Gregorio added that she will also verify Bayoneta’s claims that some SSB members, including Mappala, report to work while drunk, and that anyone found guilty will immediately be dismissed.

Complaints were earlier raised against SSB from civilians who claimed they were illegaly arrested, beaten up, and threatened against. Student groups also revealed that some SSB members were former Marine soldiers.

The SSB, with members now numbering to about 60, was created in 2005 as a supplementary security agency to the UP Diliman Police. # Philippine Collegian

<< back to home

Kalahati lamang ng P1.23 trilyong pambansang badyet ang magagamit ng gobyerno para sa mga pampublikong proyekto at serbisyo ngayong taon dahil P624.09 bilyon ang awtomatikong ipambabayad sa interes at prinsipal na utang ng bansa.

Pirma na lamang ng Pangulo ang hinihintay upang ganap na maisabatas ang General Appropriations Act ng 2008, na magkahiwalay nang niratipika ng Senado at Kamara noong Enero 28.

Ngayong taon, aabot sa P368.88 bilyon ang kabuuang ilalaan para sa batayang serbisyo, na mas malaki ng 30 porsyento kaysa 2007. Samantala, tatanggap ang UP ng P6 bilyon, ang pinakamalaki sa kasaysayan nito, kung tuluyang maaprubahan ang naunang ipinanukala ng Department of Budget and Management.

Ngunit ani Alvin Peters, pangkalahatang-kalihim ng National Union of Students of the Philippines, “No matter how many times Gloria Arroyo may boast of an increase in the social services budget, any significant increase in the real value remains to be seen. Maaaring nominally ay lumaki nga ang budget, pero malayo ito sa talagang kailangang halaga.”

Badyet ng social services
Sa pinag-isang panukalang badyet ng Senado at Kamara, sektor ng edukasyon ang tatanggap ng pinakamalaking pondo ngayong taon na aabot sa P158.6 bilyon. Naglaan ng P25.84 bilyon para sa sektor ng kalusugan, P29.16 bilyon sa agrikultura, at P94.72 bilyon sa pagtatayo ng mga imprastraktura.

Ayon sa taunang pag-aaral ng Kongreso hinggil sa badyet, sa ikalawang pagkakataon sa ilalim ng rehimeng Arroyo, tatanggap ng mas malaking pondo ang mga sektor ng edukasyon, pabahay at kalusugan, kaysa pambayad sa interes ng utang ng bansa. Nakatakdang magbayad ang gobyerno ngayong taon ng P295.75 bilyon para sa interes ng utang.

Aabot sa P328.34 bilyon ang ipambabayad ng gobyerno sa prinsipal ng utang nito.

Ani Peters, “malinaw namang hindi totoo na wala nang pondo [ang gobyerno]. Sa katunayan ay misappropriated ang pondo.”

Dagdag ni Antonio Tinio, tagapangulo ng Alliance of Concerned Teachers, “kapos na kapos pa rin” ang pondo ng gobyerno sa edukasyon. Aniya, “kailangang doblehin ang badyet sa edukasyon para maabot at matugunan ang mga pangangailangang pang-edukasyon ng mga mamamayan.”

Ani Tinio, itinakda ng United Nations Educational, Scientific and Cultural Organization na katumbas ng anim na porsyento ng pambansang gross domestic product ang halagang dapat ilaan ng gobyerno para sa edukasyon, subalit hanggang 3 porsyento lamang umano ang inilalaan ng Pilipinas para rito.

Subsidyo ng UP, kapos pa rin
Samantala, malaki man ang maaaring tanggapin ng UP ngayong taon (sumangguni sa graph), maliit ito kaysa kailangang P11.54 bilyon ngayong taon ayon sa administrasyon ng UP.

Ayon kay UP President Emerlinda Roman, “Bagama’t malaki ang dagdag, hindi pa rin ito sapat para magawa natin ang lahat upang lalong mapabuti ang ating katayuan bilang [isang] pamantasan.”

Ani Vice President for Planning and Finance Ma. Concepcion Alfiler, “[The budget] is never enough.” Lumaki lamang umano ang panukalang badyet ng UP ngayong taon dahil na rin sa mga proyekto gaya ng National Science Complex at National Engineering Complex.

Patuloy naman ang fundraising ng administrasyon dahil sa kakulangan sa subsidyo, ayon kay Roman. Inaasahan din umano niyang mapagkukunan ng pondo ang science and technology parks sa UP.

Ngunit para kay Student Regent Terry Ridon, “For schools to generate income on its own does not exactly answer the problem of substandard instruction. It is always sufficient state subsidy that will answer the problem.”

Dagdag ni Tinio, “Higit na manganganib ang academic freedom kung nakasalalay ang pondo ng unibersidad sa pribadong sektor, sapagkat ang mga ito ay may pananagutan lamang sa kanilang sarili at sa kanilang pribadong interes.” # Philippine Collegian

<< back to home

Arriving activist groups were pushed and hit with riot sticks in an immediate dispersal by police troops along Roxas Boulevard during the first of the two-day education summit held at the Manila Hotel.

“Walang kahit anumang attempt na makipag-negosasyon [ang mga pulis sa amin],” National Union of Students in the Philippines (NUSP) National President Alvin Peters said. “Basta na lamang kami marahas na dinisperse.”

The groups retreated to Luneta Park and discussed their critique of the ongoing summit, when the police troops again dispersed the demonstration. Injured individuals were taken to the Ospital ng Maynila, while those arrested were taken to the Manila Police District.

Protesters Joanna Rose Adenit and Emmanuel Montano of the Philippine Normal University, Crimson Laglera and Alvin Cerrano of the Polytechnic University of the Philippines, Arlo Cervantes of UP Diliman, and Vic del Rosario from Caloocan were detained for more than a day and were released on February 1 around 3 pm.

“Wala naman kaming intensyong masama dun sa ginawa naming pagpapahayag ng hinaing [ng] sektor ng edukasyon,” Adenit said.

“Ipinakita lamang ng kapulisan ang pagsupil nila sa karapatan ng mamamayan, partikular ‘yung pagsupil sa right to assemble,” Montano added.

In a statement, the organizers said the protest criticized the “non-inclusion of student and teacher representatives in the summit” and the “government’s general thrust of commercialization and privatization of education resulting in yearly budget cuts and deregulated tuition policy.”

Student and teacher groups such as the NUSP, Alliance of Concerned Teachers (ACT), College Editors Guild of the Philippines, Anakbayan, League of Filipino Students, and the Student Christian Movement of the Philippines organized the demonstration.

According to Antonio Tinio, chair of ACT who was also injured in the dispersal, the actions of the police violated provisions of the Batas Pambansa (BP) 880 or the Public Assembly Act of 1985, particularly the provision no maximum tolerance.

While the police claimed that the protesters had no permit to rally from the city government of Manila, Tinio said that BP880 allows assembly without permits on any freedom park, such as the Luneta Park.

“Balak namin mag-file ng administrative case sa Office of the Ombudsman laban sa mga pulis na sangkot sa marahas na pagbuwag sa hanay namin,” Peters said.# Philippine Collegian

<< back to home

Agarang binuwag ng mga pulis ang protesta sa umpisa ng summit, kung saan patuloy na iginiit ng mga progresibong grupo ang kanilang mga panawagan upang matigil ang walang hintong pagtaas ng mga presyo ng mga produktong langis—ang pagpapawalang-bisa sa Oil Deregulation Law (ODL) at ang pagtatanggal ng 12 porsyentong Value Added Tax (VAT) sa mga produktong petrolyo.

Sipatin ang mga talang magpapakita ng walang habas na pagtaas ng presyo ng produktong langis.

Pagtaas ng pamasahe
Presyo ng diesel noong Disyembre 2007: P36.10-P37.48 kada litro
Presyo ng diesel noong Enero 2007: P32.62 kada litro
Presyo ng diesel noong 2001: P13.82 kada litro
Presyo ng unleaded kada litro (Disyembre 2007): P42.65-P44.67
Kasalukuyang presyo ng 11-kg cylinder ng LPG: P594-P650
Kasalukuyang presyo ng langis sa international market: $100 kada bariles

Pamasahe sa jeep noong 2001 para sa unang apat na kilometro: P4
Dagdag sa pamasahe noong 2004: P1.50
Dagdag sa pamasahe noong 2005: P2
Kasalukuyang pamasahe sa jeep para sa unang apat na kilometro: P7.50
Ipinipetisyong bagong pamasahe sa jeep: P9

Tinatayang bilang ng pasahero ng isang jeepney driver kada araw: 300 tao
Kasalukuyang kita ng isang drayber sa isang araw: P2,250
Bilang ng litro ng diesel na nagagamit ng isang drayber ng jeep sa loob ng isang araw: 30 litro
Nagagastos ng isang jeepney driver sa pagpapa-gas sa isang araw (P36.10/litro): P1,083
Pang-araw-araw na ibinabayad ng drayber sa operator ng jeep: P600 hanggang P900
Maiuuwing kita ng drayber ng jeep: P267-P567

Dagdag na buwis
Sa pagtataya ng gobyerno, halagang mababawas sa kita nito kapag inalis ang 12 porsyentong VAT sa mga produktong langis: P52 bilyon
Halaga ng hindi nakokolekta ng gobyerno na corporate tax noong 2006 dahil sa tax evaders: P82 bilyon
Halaga ng hindi nakakalap na VAT ng gobyerno dahil sa hindi maayos na koleksyon: P57 bilyon
Halaga ng nababawas sa kita ng gobyerno dahil sa smuggling: P64 bilyon hanggang P174 bilyon
Hinihinalang halaga ng kickback sa kontrobersyal na ZTE broadband deal: $135 milyon o P5.49 bilyon
Ibababa ng presyo ng LPG pag nawala ang 12 porsyentong VAT: P60 kada 11-kg cylinder
Ibababa ng presyo ng gasolina pag nawala ang 12 porsyentong VAT: P4 kada litro

Deregulasyon sa presyo ng langis
Presyo ng diesel bago ipatupad ang ODL noong 1996: P3.98 kada litro
Presyo ng diesel nang simulang ipatupad ng ODL: P7.03 kada litro
Presyo ng diesel sa simula ng administrasyong Arroyo noong Enero 2001: P13.82
Porsyento ng pagtaas ng presyo ng langis mula nang ipasa ang ODL hanggang sa kasalukuyan: 535%
Overpricing na ginagawa ng mga lokal na kumpanya ng langis sa ilalim ng ODL ayon sa Ibon Foundation: P4.55 kada litro
Porsyento ng lokal na kumpanya ng langis na nananatili sa kontrol ng transnational companies: 90%
Kinikita ng mga lokal na kumpanya ng langis dahil sa overpricing simula noong 2003: P2.2 bilyon

Bagong batas, bagong pahirap?
Porsyento ng biodiesel na dapat ihalo sa langis ayon sa Biofuels Act of 2006: 1%
Porsyento ng bioethanol na dapat ihalo sa langis ayon sa batas: 5%
Bilang ng planta ng ethanol na kailangang itayo upang maabot ang itinakdang porsyento ng ihahalong biodiesel sa langis para sa buong Pilipinas: hindi bababa sa 25 planta
Bilang ng ektarya ng lupain na kailangan umano ng gobyerno para pagtaniman ng jatropha, ang halamang pagkukunan ng kinakailangang biodiesel: 2 milyong ektarya
Halaga na tinatayang gastusin sa pagpapatayo ng isang bioethanol plant: P2 bilyon
Nairatipikang badyet ng Pilipinas para sa 2008: P1.227 trilyon
Badyet na inilaan para sa Departamento ng Enerhiya: P4.3 bilyon # Philippine Collegian

Sanggunian: ibon.org, bulatlat.com, doe.gov.ph, inquirer.net

<< back to home