EUSKAL HERRIKO MENDIAK —Juan Mari "Txibis" Gabilondo—

25, osteguna Urretxuko Kultur Etxean 20:00etan Ostegunean Juan Mari "Txibis" Gabilondo mendizale zumarragarrak Ostadar Mendi Astean klasiko bihurtu duen "Euskal Herriko Mendiak" diapositiba emanaldia eskainiko du Urretxuko Kultur Etxean. Lehendabizi egin dezagun bere biografiaren laburpen bat, ondoren emanaldia eskainiko dituen irteeren berri emateko. Juan Mari Gabilondo (erdian) Elgetako jaian Juan Mari Gabilondo Zumarragako OARGUI (Organización Atlética Recreativa de Guipúzcoa) elkarteko mendi taldean sartzen da 1963. urtean. 1970ean, elkarteko arduradun lanak hartzen ditu mendi taldean. 1971an, OARGUI-Izaspi mendi taldea sortzen da eta 1971tik 1982ra bitartean zuzendaritzan hartzen du parte. 1982an, Ostadar M. T.-ren sorreran ere parte hartzen du. Egun, bertako ekintzetan partehartzaile aktibo dugu. 1971n lehendabiziko Ehun Gainetako Lehiaketa amaitzen du, garaiko "Hermandad de Centenarios Montañeros Vasco-Navarros de la Federación Vasco-Navarra de Montaña" (orduko Euskal Mendizale Federakundea) delako elkartean sartuz. Egun, —1999ko azaroan— V. Ehun Gainetako Lehiaketa burutzear dago. Juan Mari "Txibis" Gabilondo, orain arteko batean izan ezik, Ostadar Mendi Aste guztietako (16) egitarauetan hartu du parte. Argazkilari iaioa izanik, zenbait sari jaso ditu eta bere helburua Euskal Herriko eta inguruko herrialdeetako gain eta tontor guztiak ezagutzea da. Asteazken honetan, honako ibilaldien diapositibak ikusteko aukera izango dugu: Gipuzkoa: Berastegi - Tolosa (IPULIÑO - UZTURRE) Iparralde: Mendiondo - URTSUMENDI - Kanbo Juan Mari Gabilondo (ezkerrean) eta Ostadar M. T.-ko beste kideak hamaiketakoan Pas Bailarako La Marruya artzain-saroian Bizkaiko Kosta: Lekeito - Elantxobe - Urdaibai (OGOÑO) Trebiño (Araba): Laño-ko nekropolis eremitikoa (Trebiño) - Markinez (BELABIA) Nafarroa: Izko Mendia (ANTXURDA) Gipuzkoa: Altzania Mendian eskiz egindako neguko zeharkaldia (Otzaurte - TXURRUKOPUNTA) Gipuzkoa: Angiozar eta Elgeta (INTXORTA gainetarako igoera) Nafarroa: SARBIL Mendia (Ostadar M. T.-ren 1998 azkeneko irteera) Nafarroa: ORHI