Mêrik pispisand: "Xwedayê min, min re biaxife!" Û çûkekê ser gulîyê darê viçîya, lê mêrik nebihîst.
Dû re mêrik qêriya û got: "Xwedayê min, min re biaxife!" Û ezmanan de birûskek vejiya, lê mêrik ew guhdarî nekir.
Mêrik qaytî dora xwe kir û got: "Îzin bide min ku Te bibînim!" Û ezmanan de stêrek biriqiya. Lê mêrik ew ferq nekir.
Û mêrik qêrîya: "Xwedayê min, mucîzekê nîşanî min bide!" Û li ciyekî zarokek hat dinê. Lê mêrik pê nehesiya.
Dû re mêrik bi dengekî belengaz got: "Xwedayê min, destê xwe li min bide û min bi xwe bihesîne!" Ser vê gotinê Xwedê xwe berda jêr û temaşî mêrik kir. Feqet mêrik perperik bi pişta destê xwe wê de kir û da rê çû.
