Dibe ew spêdeyê pesna tiştekî bide û êvarê henekên xwe pê bike. Û nerîna xwe ya dawîn tek nerîna rast dipejirîne.
Alexander Pope
Dikarî rê li artêşan bigirî lê nikarî li ramanan bigirî.
Victor Hugo
Serekaniya bextiyariya mirovî ne di dewlemendiya diyar û derveyî de lê di zengîniya nediyar û hindirrîn de ye.
Anakharsis
Guman dikim ango diramim. Diramim ango heme.
René Descartes
Em çend di ramana abstrakt de pêş bikevin, em kêmtir hene.
Soren Kierkegaard
Min hevokek bêwate ya fîlosofekî dubare dikir: Diramim ango heme, ta ku jinekê ez fêrî vê gotinê kirim: Heme lew diramim.
George Bernard Shaw
Jîn ramîn e.
Marcus Tullius Cicero
Jiyan raman e.
Marcus Aurelius
Raman siriştek nediyar e; sirişt ramanek nediyar e.
Heinrich Heine
Raman koleya jiyanê ye.
William Shakespeare
Mirov canek biçûk e ku leşê xwe bi xwe re digerrîne.
Epiktetos
Cihê ramanê di kuncikek biçûk ya hindî kefa destê mirovî de heye lê di ramanê de cihê hemû dinyayê heye.
Yedaya Bedersî
Ew nikare bêyî kumê xwe birame.
Samuel Beckett
Mirov mekîneyek e ku em maddeyek bi navê xwarin didinê û em navên berhemên vê mekîneyê dikin raman.
Robert Ingersoll
Mirovê qenc ne mekîne ye.
Konfuçe
Şeytaniya mekîneyê ew e ku me jî dike mekîne.
Oscar Wilde
Rêya ramanên me ji leza wan giringtir e.
Joseph Joubert
Raman kolîn û pîvan e. Pirr kesan hêz nîne bikolin, gelekan jî wêrekî nîne pîvank kûriyê jî bipîve.
Rahel Levin Varnhagen
Mirov hemû rêyan dicerribînin daku xwe ji ramana rastiyê biparêzin.
Thomas Alva Edison
Dijwartirîn tiştê dinyayê çi ye? Raman e.
Ralph Waldo Emerson
Hingê zewqek kêmpeyda serbest bû: qanûnê rê dida çi bixwazî wê biramî û çi biramî wê bibêjî.
Cornelius Tacitus
Berê kesî nediwêrî bi azadî birame; niha destûr heye lê êdî kes nikare.
Oswald Spengler
Raman tîrek li kevanê şidandî ye.
Veda
Rengîntir zewq nîne ji ramanê.
Jorge Luis Borges
Nikarî bi asanî ramanê kontrol bikî. Ew sivik e û kû ve bixwaze, wirve difirre. Lew dixwazim wê kedî bikim çiku kedîkirî ew dê bextiyariyê bîne.
Dhammapada
Herdem ku tê dikoşim dirûvek baş bidim ramanekê, êdî ramanek din derdibim.
Paul Valéry
Tişta hemû xelk qet bêyî raman dubare dikin, zehmettirîn tişta dinyayê ye ku bi raman bêt derbirin.
Alain (Émile-Auguste Chartier)
Ti raman ne wa kevnar e ku carekê ne nûjen bûbe. Û ti raman ne wa nûjen in jî ku rojekê nebin kevnar.
Ellen Glasgow
Ger raman ne talûke be, baştir e hema qet jê re neyê gotin raman.
Elbert Hubbard
Jana ramanek nû tîne yek ji janên herî mezin e ku mirov pêrgî hatine.
Walter Bagehot
Afirandin tek rewş e ku canê me tê de hem vedihewe û hem jî dilive.
Veikko Antero Koskenniemi
Ji artêşên xurt bihêztir pêş dikeve raman ya dema wê hatiye.
nenas
Ger ramanekê ji min bistînî, min kêmtir nakî. Eynî wek ger fanosa xwe ji fanosa min hilbikî, min li ber tariyê nahêlî.
Thomas Jeffersson
Tenê ew, yên li ser ramanan ava dikin, avaniyên wan bo herherî ne.
Ralph Waldo Emerson
Pirrî caran ne wa diramim wek xelk dirame.
Euripides
Ji zanînê baştir ew e fêr bibî ne wek xelkê bibînî û biramî.
David Bohm
Raman azad e û çi bixwaze derdibe.
Marcus Tullius Cicero
Raman saf û serbest e.
John Skelton
Bila Xeyal hevrêvinga me be lê Raman rêberê me be.
Samuel Johnson
Ger xeyal serî ji hişî bistîne, mesele şêtî ye.
Samuel Johnson
Bawerî helbestiya jiyanê ne.
Johann Wolfgang von Goethe
Raman dilê giyanê ye.
Joseph Joubert
Serdarê mirovan ramanên wan in.
Napoleon Bonaparte
Ti tişt ne hindî ramanê talûke ye ger xwedî tenê ramanekê bî.
Alain (Émile-Auguste Chartier)
Dîtin û ramanên wî bi xwe qanûn bû.
William Shakespeare
Bi ramanên xwe ravedikim ka çima divê hemû dinya wek min birame.
John Selden
Ger axa bêje ku qirrereşk spî ye, nabe xulam bêje ku ew reş e.
pendek ewropî
Li wan hişyar be yên tenê pirtûkek xwendiye.
Isaac D'Israeli
Berê mirovan baweriyek hebû, niha me tenê helwest hene.
Heinrich Heine
Her kes tijî nerînên xwe ye.
François Rabelais
Hertim herdu aliyên pirsê dibînim; ango hem aliyê şaş û hem jî yê xwe.
nenas
Guherrandina helwestê ne hejokî ye ger bingeha wê li ser zanînê be.
Marcus Tullius Cicero
Yê ti car helwesta xwe neguherrîne, mîna ava genî ye.
William Blake
Yên ti car li helwesta xwe baş napûnijin, ji rastiyê zêdetir ji xwe hez dikin.
Joseph Joubert
Tenê yên mirî û yên ehmeq ti car helwesta xwe naguherrînin.
James Russell Lowell
Baweriya bi helwesta cemidî alîkarî ti kesî nekiriye ku tek bend û zincîrê bişkîne yan giyanek mirovî azad bike.
Mark Twain
Helwest serkêşiya mirovan dike wek yê kor rêberiya yê kor dike.
Samuel Butler
Mirov ji xwe re helwestan dikirrin wek goşt yan şîr bêt kirrîn. Jixwe ew ji xwedîkirina çêlekê erzantir e. Lê ma ew şîr bi avê nehatiye bêtamkirin?
Samuel Butler
Tek awayê rast biaxivî ew e ku wiha dest bi peyivîna xwe bikî: - Niha tê bawerkirin ku...
Jan Blomstedt
Wa pirr asan e ku mirov xwe bide aliyê pirraniyê.
Lucius Annaeus Seneca
Helwesta giştî ew e ya ku mirov bawer dikin ku xelk bawer dike.
Alfred Austen
Dema helwesta giştî diguherre, ew bi leza ramanê diguherre.
Thomas Jefferson
Wa dixwiye ku helwesta xwe wek xelk kumê xwe zû diguherrînî.
John Lyly
Helwestên camêrî hindî xwetewandinên wî çemok bûn.
Fanny Burney
Dema mirovan ti zordarên din nebin, helwesta wan ya giştî wan zeft dike.
Edward Bulwer-Lytton
Helwesta giştî wek êşekê belav dibe û zû hejmarek mezin ji mirovan digire.
Leo Tolstoy
Ger kesek bi nakokiyên min bihese jî, ez dê bibêjim: Gerçi ez carekê şaş bûm jî, ez dê hertim li ser baweriya xwe ya şaş nemînim.
Luc de Clapiers de Vauvenargues
Ma ez ramanên nakok pêşkêş dikim? Bila, ger wa be, di min de nakokî heye.
Walt Whitman
Mirovê qenc ew e yê helwest û kirinên wî bi dilê desthilatdaran in.
Bertrand Russell
Pare gotinên aqilane dike bi zimanek wa ku hemû gel tê digihin.
Aphra Behn
Pîvana rastî û çewtiyê dikare herdem helwesta pirraniyê be. Di wê de jî xirabiyê pirranî li aliyê xwe heye.
John Norris
Helwesta pirraniyê rastiya mijarê diyar nake.
Friedrich von Schiller
Ew îdare, ya ku lê hêz di dest pirraniyê de ye, ti car nikare wijdana hemû gel razî bike.
Henry David Thoreau
Dijwartirîn dijminê rastî û azadiyê yê di nav me de pirraniya hevgirtî ye.
Henrik Ibsen
Eh, nebêje ku tu jî li gel min hevbîr î. Hevbîrî wa dike bawer bikim ku dîsan jî şaş im.
Oscar Wilde
Mejiyê me hin ramanan qebûl nake tam wek dilê me jî naçe hin cûn xwarinan.
William Hazlitt
Her ramana nû serê pêşîn helwestek kêmaniyekê ye ku ji kesekî pêk tê.
Thomas Carlyle
Edetê min e wê bibêjim ya diramim tevî ku xwiya bibe ku ez dê bimînim kêmaniyek biçûk, ta belkî kêmaniyek yekkesî.
Herbert Spencer
Dema mirov di kêmaniyek yekkesî de be, em deriyan lê dadixin.
Oliver Wendell Holmes
Dijbêj dibe tovavêjê kerb û kînê.
Ptah-Hotep
Pesîmîst ew e yê rastiyê dibêje hê ku dema wê nehatiye.
Cyrano de Bergerac
Li ser her tiştî dijî te diramim lê ta dawiyê jî ez dê tê bikoşim daku tu bikarî cudabîr bî.
Voltaire
Li her pirsê dikare ji du aliyan ve bêt nerîn.
Protagoras
Mirov dikare xelkê bide bawerkirin lê nikarî wan bêdilî wan razî bike.
Samuel Johnson
Rastbûna me me razî nake ger em nikarin diyar bikin ku xelk xelet e.
William Hazlitt
Helwest û bîreweriyên me çi bin bila lê rastî her ji atoman û valahiyê pêk hatiye.
Demokritos
