EUSKAL HERRIKO MENDIAK —Juan Mari "Txibis" Gabilondo—

20, astelehena Urretxuko Kultur Etxean 20:00etan Astelehenean Juan Mari "Txibis" Gabilondo mendizale zumarragarrak Ostadar Mendi Astean klasiko bihurtu duen "Euskal Herriko Mendiak" diapositiba emanaldia eskainiko du Urretxuko Kultur Etxean. Lehendabizi egin dezagun bere biografiaren laburpen bat, ondoren emanaldia eskainiko dituen irteeren berri emateko. Juan Mari Gabilondo (erdian) Elgetako jaian Juan Mari Gabilondo Zumarragako OARGUI (Organización Atlética Recreativa de Guipúzcoa) elkarteko mendi taldean sartzen da 1963. urtean. 1970ean, elkarteko arduradun lanak hartzen ditu mendi taldean. 1971an, OARGUI-Izaspi mendi taldea sortzen da eta 1971tik 1982ra bitartean zuzendaritzan hartzen du parte. 1982an, Ostadar M. T.-ren sorreran ere parte hartzen du. Egun, bertako ekintzetan partehartzaile aktibo dugu. 1971n lehendabiziko Ehun Gainetako Lehiaketa amaitzen du, garaiko "Hermandad de Centenarios Montañeros Vasco-Navarros de la Federación Vasco-Navarra de Montaña" (orduko Euskal Mendizale Federakundea) delako elkartean sartuz. Egun, —2000ko azaroan— V. Ehun Gainetako Lehiaketa burutzear dago. Juan Mari "Txibis" Gabilondo, orain arteko batean izan ezik, Ostadar Mendi Aste guztietako (17) egitarauetan hartu du parte. Argazkilari iaioa izanik, zenbait sari jaso ditu eta bere helburua Euskal Herriko eta inguruko herrialdeetako gain eta tontor guztiak ezagutzea da. Astelehen honetan, eman beharreko diapositibak honakook dira: Juan Mari Gabilondo (ezkerrean) eta Ostadar M. T.-ko beste kideak hamaiketakoan Pas Bailarako La Marruya artzain-saroian Araba (Montaña Alavesa): Santa Cruz de Fierro - Txulato - Moraza - Urizaharra Bizkaiko Bira (Vuelta a Bizkaia): Sukarrieta - Bakio eta Bakio - Plentzia Gipuzkoa: Agiña - Oleta - Samiño - San Kristobal (Zumarraga) - Travesía Invernal Nafarroa: Urdazubi - Alkurruntz - Amaiur Nafarroa (Iruñerria): Desfiladero de Oskia - Gaztelu Nafarroa (Pirineos): Refugio de Linza - Hiru Errege Mahaia eta Refugio de Belagua - Auñamendi