Софтвер на Неделата! Дали сте љубители на малите компјутерски програмчиња кои имаат големи и моќни функции потребни за вашиот PC, ако сте љубители видете ги следниве програмчиња кои се надеваме дека ќе ви се допаднат. Дел од нив се позајмени од веб сајтот на On.net.mk.
Ако барате алатка која вашиот Outlook и Outlook Express ќе ви го штити од се понападниот спам, пробајте го ова. Моќта на SPAMfighter-от лежи во преку 486 000 луѓе од 159 земји од светот кои инстантно праќаат рапорти за меилот кој содржи спам. Откако неколкумина ќе известат за ист спам, тој автоматски се филтрира за сите корисници на SPAMfighter-от. Постои и посилна верзија на овој програм (SPAMfighter Pro) за кој по 30 дневниот тест период ќе треба да платите 25 долари. Програмот е лесен за користење и сосема безболно се интегрира во Outlook или Outlook Express. Ако сте заборавиле, даунлодот оди на 'повеќе'.
'Starter v5.6.1.38' е бесплатна алатка која детално ќе ги прегледа сите програми кои се стартуваат при подигнување на оперативниот систем на вашиот компјутер (слично на msconfig) . Нивната бројност може значајно да ја успори работата на компјутерот а многу од нив се подигнуваат и без ваше знаење. Со овој програм можете да ги проучите сите програми кои автоматски се стартуваат (со описни имиња и други детали) и по своја проценка да ги вклучувате и исклучувате. Претпазливоста се подразбира, за да не ги исклучите корисните програми (антивирусите и заштитните ѕидови). Во секој случај, со едно кликнување грешката секогаш можете да ја поправите. Ако ви се срка (485 КB), на 'повеќе'
Програм кој ќе ги открие и отстрани тнр spyware срања сте ги закачиле додека сурфате. За ова намена досега го користевме програмот Ad-aware ама Spybot-от се покажа како многу поефикасен од него. Ако досега не сте направиле скенирање на вашиот компјутер за spyware ѓубре, мора тоа да го сторите! Ќе се изненадите што се не се упикало во вашата машина. Откако ќе подзачистете, таа ќе работи многу побрзо и полесно. Spybot - Search and Destroy тежи 4,15 MB i е бесплатен. Сркајте!
И сами знаете дека многу седите на компјутер. Но, колку многу? Mouse Odometer ги следи движењата на вашето глувче и ви кажува колку километража имате поминато со него. Башка, колку копчиња сте стиснале со апликациите кои ги користите и уште дузина интересни заебанции. Ќе се расплачете кога ќе видите колку пат ака вашето глувче. Тежи 2,21 MB и бесплатно е.
Од објективни причини, ова програмче не го пробав на себе. Но, авторот тврди дека на жените може да им заврши голема работа. Тежи само 1,38 MB и работи прилично дискретно.
Не е лошо да го имате ова. Се работи за метеролошки извештај кој го имате постојано во долниот десен агол на вашиот монитор. Одете, регистрирајте се на сајтот и симнете го егзето.
AM-DeadLink ги наоѓа мртвите линкови и дупликатите во вашиот фејворит/букмарк. Значи ќе ги провери сите линкови кои некогаш ги имате обележано како омилени и потоа ќе можете да си го подзачистите менито. Бесплатно. Програмот тежи само 533 кила.
Токму така: Drempels го нудат како психотерапевтски скринсејвер и декстоп подобрајзер! Всушност, на вашиот монитор добивате некакви шарени и лелујави патерни. Додека чекавме да почне да делува терапијата, испивме 16 кафиња, испушивме 457 цигари и изгризавме безброј нокти. А потоа навистина почна да делува. Мислам, кафето. Енивеј, ако сте за даунлод, кликајте.
