Serokkomarê Sûriyê Beşar Esad di heftê (7) meha 1ê ya sala 2004ê de hat
Tirkiyê. Ew ji hêla girêgiran ve, hate pêşwazî kirin. Wezîrê Karê Derve yê
Tirkiyeyê Abdullah Gul, tevî Serokomar Ahmet Necdet Sezer digel Esadî
rûniştin û gotûbêj li ser Başurê Kurdistanê û Iraqê kirin.
Em wekî partî têkilîyên her du dewletan ku li ser plana tekçûna dewleta
Federal a Kurdistanê, plan dikin. Têkiliyên ku di navbera her du welatên
dagirker de çêbûye, dê ji bo yekitîya dewleta Iraqê be û ji bo plana
têkçûna dewleta Kurdistanê be.
Em PDK-Bakur, liqê Swêdê gazî hemû hevwelatîyên Kurd û Kurdistanê dikin û
dibêjin divê Kurd li seranserê Kurdistanê yekitîya neteweyî pêk bihînin û
hêzên xwe ji dijî Tirkiyê kom bikin û diji Tirkiyeyê li welatên Ewrupayê kar
bikin; politika dewleta Tirk vala derbixin.
Divê hemû Kurd, bêî ku ferqîyên siyasî û perçeyî bikin, bi hevre hêzên xwe
li dijî Tirkiyeyê bikin yek û berê xwe bidin dijminên xwe...
Em wek partî hemû Kurdên Ewrûpayê doza amadekirina komîteyekê dikin, ji bo ku
Yekitîya Ewrupayî, FN û Amerikaya Yekbûyî diji politikayên dewleta Tirk kar bikin û mafên çarenûsa Kurdan bihînin zimên. Abdullah Gul, tevî Serokomar Ahmet Necdet Sezer û Bişar Esad, her sêyan jî, di axaftina xwe de, dilxweşîya xwe ya ji bo pûçkirina pirsa avakirina Dewleta Kurdistanê ya federal hanîn zimên.
1. Em wekî partî pêwendîyên ku di navbera Tirkîyeyê û Surîyeyê de çêbûne, ku li ser
bazara têkçûna Dewleta Federal ya Kurdistanê ava bûne tawanbar dikin.
2. Kurd ji wekî hemû neteweyên din, mafê carenûsa xwe heye.
3. Em wekî parti têkilîyên wisan tawanbar dikin û doza hevkarîya hêzên
siyasî dikin.
Em ji bilî neteweyê Kurd bangî Yekitîya Neteweyan, Yekitîya Ewropayî û
Amerîkaya Yekbûyî jî dikin, ku piştgirîya Başurê Kurdistanê bikin.
Rojên serkeftina neteweyê Kurd nêzik in. Ew dê welatê xwe, ji dijminî
rizgar bike, bigihije azadî û biratîyê, demokrasî û jîyaneka nuh saz bike.
