談天說地
自我介紹 談情說愛 Forever Friends 天地 商品介紹 文章分享 談天說地 留言天地 禮物相記 小虎妹篇
2006 年 10 月 21 日 (SAT) 拍拖五週年
唔經唔覺巳經拍左五年。時間真係過得好快！
2006 年 8 月 9 日 (WED) 睇左"龍虎門"
2006 年 8 月 9 日 (WED) 睇左"龍虎門"
最近一係唔睇，一係就睇左兩套劇！上星期三他的朋友買埋戲票，約埋係九龍灣德幅廣場一同食飯！
食飯地點係；德幅廣場"翡翠拉麵"
至於套戲好唔好睇.........我覺得這套時代與武俠交錯！好奇怪！不過鐘意睇動作片都可以不妨一看！港產片來說都可算唔錯！
2006 年 8 月 1 日 (TUE) 睇左"超人"啦
近排終於有好戲上，上星期日睇左"超人-強戰回歸！這套電影，足足睇左兩個半鐘有多！至於你話好唔好睇，就見仁見智啦。不過我覺得超人好靚仔！好有型！
2006 年 7 月 10 日 (MON) FLORA的生日記
這天我咁岩放假！夜晚所以約會她們到觀堂APM慶祝！
吃晚飯的地點：Italian Tomato café
我們叫左幾個餐，每個餐都包一件蛋糕！最後選擇左三種不同的味道一齊吃。我地七點幾食.......唔覺唔覺一齊就傾到十點幾先走！
最近一係唔睇，一係就睇左兩套劇！上星期三他的朋友買埋戲票，約埋係九龍灣德幅廣場一同食飯！
食飯地點係；德幅廣場
近排，我公司又開始作出變動啦！由一開始係長沙灣跟開既經理係"曾生"，，跟住他就掉左去旺角！咁其後就一真跟一位"周生"。好奇怪，我自從四月掉過旺角之後，直至到現在最近，所有既分行經理都要互掉，其中我係長沙灣跟開既經理"周生"，將會掉過來旺角！而"憎生"經過幾年後又掉番到長沙灣了！
唉！自從新副總裁DR.張"加入左之後，我地公司成日就要經歷好多的變動。無計啦！為搵食！尤其現在這一代的人更加搵食艱難！
希望，你都能夠早日搵到一份理想的工作吧！
2006 年 6 月 21 日 (WED) 男朋友的生日....
今年知道海洋公園做週年的優惠！今年只要是那天生日到海洋公園，有身份證明就可以換票！而我就提早到工聯會買左一張票，6月21日就特登放假，同他一起渡過生日。今次是我和他第一次去海洋公園，他話對上一次係六七年前既事！好啦，今次我們就玩個夠本吧。
這天我約左九點半於統一中心那處出口等，最後決擇左大家槳一起食早餐。跟住乘搭海洋公園專車巴士到達集古村門口落車！由尾玩到正門果邊。次次玩親滑浪飛船，都好多人排隊，今次不用了，可能我們由尾玩上啦.......玩啦！玩啦！好緊張！原來他是第一次玩這個機動遊戲！他坐前頭而我坐後面，一沖而下...........好啦他濕左少少啦......而我就無乜點濕！哈哈！佢咁高"傘檔"左我囉。
跟著就睇下其它表演，玩左越礦飛車..........韆鞦........睇左水母！不過個地方唔係太大！多人少少就好逼！到最後其實我地兩個無食午飯，起初本來食架！但我話唔係咁肚餓！跟住就無食，直至五點就出番去金鐘果邊既大家樂食下午荼！
食完下午荼之後，又飽飽了！於是為有搭地鐵到觀塘APM........逛一陣街先！逛下逛下大家都好疲倦！於是他就提意睇下有乜好戲睇！不過今期無乜好戲睇！唉..........咁到左七點幾！他就提意左上佢屋企樓下果間餐廳食晚飯！食完晚飯，跟住就上左佢屋企睇BALL。
簡單請左他一餐晚飯同去左海洋公園！希望他今年的生日，他會覺得開心快樂啦！
2006 年 6 月 3 日 (SAT) 男朋友的慶祝....
今年他同我去一間餐廳食飯！起初，到左旺角都未決定在那兒食好！最後他話去雅蘭隔離有一間名叫"新加坡餐廳"，食既野我覺得類似花園餐廳！但格調就那間比較好！食完飯..........跟住他就送我返屋企了！雖然簡單一餐飯，沒有甚麼特別，但有他一齊食餐飯，我巳經覺得心滿意足！也許，我都知他工作壓力大，又辛苦工作，又辛苦供樓！如此的壓力，難道自己還不體諒他？
2006 年 6 月 2 日 (FRI) 朋友的慶祝....
哈哈又大一歲啦！咪就係我的生日囉！六月三日的前一天，朋友們同我一齊慶祝生日，而他本來都話一齊出，但後來因為他話自己太過頭痛：唔出啦.....咁我為有嚷著叫他好好休息啦！佢話六月三日先同我慶祝！
起初，大家都唔知去那兒地方慶祝食飯！到最後我話不如去金太郎食，揀左近家樂商場大間D果間！我放左去到，她們還未等到位，都幾多人啦！不過都好快有位！我們揀左食飯枱既位，因為方便傾計。
飯後，跟住我們去左一間SNOPPY咖啡店食CAKE既地方，都係近住家樂對面！個感覺就好似STARBUCKS，很多人都買左杯飲品坐在梳化上傾計談天！而我們果晚就揀選左一杯焦糖燉蛋(GI GI)、一杯咖啡慕絲(FLORA)同埋一個藍梅芝士蛋糕(IVY)。我們食之前當然影番夠本先食晒佢啦！食完野之後，她們開始送禮物給我：係一套很可愛的HELLO KITTY夏天睡衣同埋一把靚靚HELLO KITTY傘。
而那晚亦好高興KELLEY SEND過短信比我！雖然唔能夠一起渡過，但亦感激她的一番心意，又係"留言板"到留左首生日歌比我！在此THANK YOU 咁多位朋友的慶祝！
2006 年 5 月 18 日 (THU) GI GI 的生日記
那天放左工之後，她約埋其中一位朋友仔出來，一同慶祝。
慶祝地點 : 樓上CAFE。我們叫左幾個餐，餐裏面包埋一件CAKE！
食完野之後，跟住就去左家樂商場影下相！
其後我們就各散東西，她就跟男朋友仔一同慶祝。
2006 年 5 月 13 日 (SAT) 實施長週返九...短週返十
由於老細知我們每日返九點跟住放工至少都要放七點........所以最後實施這個方案： 實施長週果一組；那星期返九點！而短週果一組：那星期就返十點！但個個都覺得最慘既係返九點果一星期的人，唔可以請大假！如果要請的話就要搵另外一組別的同事替你！你知啦！好麻煩，唔係個個都喜歡掉架麻........真的很麻煩啊！
唉！不知實施了，又會如何！自從改左制之後，係最近果次先有一日六點半先放工！真的無陰功呀！在實施左之後，有得走六點半巳經叫好！其餘每日都差唔多放七點幾！有時遇著假期前夕就放差唔多八點。這個改革，簡直係令到員工喘不過氣！由朝做到晚.......除左LUNCH時間！跟住其餘時間就今本都未停過！還暗示叫我們員工每個鐘至少要打到廿五份！簡直既辛苦又大壓力。
不過我都知出來打工就係咁，鬼叫打佢工咩！辛苦命！要捱下啦！現在搵食艱難，為左生活捱都要！唔堅持都堅持左咁耐啦！要加爸爹喔....
2006 年 5 月 13 日 (SAT) 睇左MI-III" (職業特工隊III)
很久沒有睇戲！對上一次睇係二月十幾號。等左好久，終於上映既MI-III，很期待這套戲的來臨！
上星期日終於睇左了！這套戲睇左成兩個鐘，比我的感覺係有D感人，亦有D刺激，亦好WARM！點解咁講..........哈哈你地睇完就知架啦！
講真........男主角湯告魯斯比我的感覺，真係好MAN！但最近的報章，影到他很肥腫！最近又多不利新聞！講真.........如果只係講佢個樣，我就覺得幾MAN，但肥左之後就唔係咁好睇啦！希望他會繼續KEEP住，唔好咁肥就好。還有，如果他唔理自己既形象，還繼續亂咁講野........我就覺得會影響他的形象。
2006 年 4 月 14 日 (THU) 去馬鞍山"白石"燒烤
他約左幾位朋友四點半一齊係沙田火車站出面等！一行九人於沙田大會堂停車場外穿梭巴士停泊區，一起乘搭免費車到達馬鞍山"白石"燒烤場。到達都差唔多五點半！
那兒係以一磅磅計，所以我們揀定野食！叫左一個八人的餐，散叫少少野食。如果超過五百蚊就包開爐費事$80，OK啦，我們都巳經超左！開爐費包括兩包炭、紙碟紙杯、蜜糖及燒烤餐具各十份！
| 八人燒烤包 | HK$500 |
| 豬扒 | 8件 |
| 雞扒 | 8件 |
| 叉燒 | 8件 |
| 金沙骨 | 8件 |
| 雞肉香腸 | 20條 |
| 雞中翼 | 32隻 |
| 牛丸 | 32粒 |
| 魚蛋 | 32粒 |
| 1.25公升汽水及700毫升蒸餾水 | 各2支 |
跟住我們每人夾左一百蚊比其中一位攪手負責"佢叫阿YAN"！她攪掂訂左燒烤野食之後，我們跟住等果度D人開爐，等左一陣，好啦！好肚餓！開始燒.......燒燒下越來越大風！我們燒果度咁岩係無蓋，另外一處有野擋風又有蓋既巳經無位！咁岩這晚又大風又轉涼喎。好啦.......我們個個唯有向住個火爐取曖！食下野，咁咪無咁凍囉。燒燒下連最後果三個朋友仔都到埋。燒下燒下，我們仲未燒完，但D炭就差唔多燒完，唯有要買多包炭燒不過成三十蚊，蜜糖又要買.........好啦！咁都買！由果位負責人用公家錢幫我們買！有人話口喝，跟住用公家錢買左一大堆野欴。
到燒到差唔多八點幾九點，有人話去沙田果班穿梭巴士最遲去九點，而去馬鞍山就十點。其中有個朋友仔話我們都未燒完，搭十點都好趕！最後我們搭的士，初時我們以為綠的可以去沙田市中心，但原來唔得，咁問的士司機，烏溪沙可以嗎？可以，咁我們分三部的士一齊到烏溪沙馬鐵站！到左之後，那攪手話用"公家錢"比番的士錢。比完晒錢之後，跟住原來仲有一百九十蚊，攪手就提意去食糖水，好啦！經大家贊成之後，我們一行十二人！最後選擇左沙田新城市入面有間"西貢滿記"糖水。那時差唔多十一點！最後結賬，我們還要夾多幾蚊比"攪手"。我都知要超出預算，因為"西貢滿記"糖水舖都唔平，至少都起碼十六蚊左右。我們每人叫親果D糖水都要廿幾蚊！咁緊係超出預算啦。
最後這旅程，我們每人用左一百零幾蚊左右吧。我第一次去這個"馬鞍山白石"場地燒烤，感覺一般啦！因為第一、我都覺一位位計算抵D！第二、不用就住食野！可以燒乜都得！第三、那兒枱位又無乜，攪到我食完野既紙碟唔知放去邊到好！不過，我最欣賞果位"攪手"負責人！佢做得唔錯，乜野都安排比我地！嘻嘻！唔知下次佢會唔會攪下其它活動呢？
2006 年 4 月 13 日 (THU) 好慘呀..
陰功........今晚仲更加夜！做到差唔多九點先走！由開始話想實施這個工作程序！我巳經覺得唔可行！每個分行派一個，其實真好唔掂，起碼派兩個人啦。其實所有分行SCAN晒過來旺角做，BRANCH SCAN晒過來就走得！而我地就做到死死下都未就得！真可憐呀！返了好幾日旺角，做做下個膊頭就開始痛！希望放完個復活假唔係咁啦。
2006 年 4 月 10 日 (MON) 好累呀..
今天比之前做得更夜！做到差唔多八點先走得！好累啊！
2006 年 4 月 9 日 (SUN) 玩麻雀！
那天他去完拜婆婆之後！跟住就諗住約我出去！後來我提意玩打麻雀，跟住就約埋GI GI，同他其中一個朋友，就去到他的家打麻雀！他的屋企正好沒有人！所以可以在他的家打麻雀.......。
上到去巳經兩點幾........好啦！急不及待就開始了！一玩就玩到五點幾，叫左下午茶！吃完之後又繼續！嘩........時間真係過得好快！我地叫左食PIZZA HUT........八點幾其實都不是太肚餓！因此吃完之後.......很飽很飽啊！吃完又坃過..........直至到十一點先完結！最後結果完來係他是大嬴家！但可是他嬴的卻補貼不到我所輸的..........哈哈！又交學徒費！GI GI 嬴左廿幾蚊；而另外一位朋友就嬴左廿蚊囉！不經不過，我們又玩左大半日！歡樂的時間總是過得很快啊！
2006 年 4 月 8 日 (SAT) 返深圳食"小肥羊"
很早前他的朋友巳經提意話去深圳食"小肥羊"。直至到這刻，終於兌現啦！
我們一起約左幾個朋友一同到籃田，直接乘搭直巴到黃崗。另外幾個朋友就另外一齊上去！我們分批各自去其它地方！一批就去左深圳書城，而們就去左打保齡！起初都唔知那兒有地方打保齡！後來其中有個朋友知道"女人世界"附近有！最後就乘的士去尋覓！好啦，幸運地我們四個好快就搵到了。玩左兩局！但係我成日打左個保齡落坑！我都知姿勢唔正碓吧，但一踏出去，就好似唔多自然，最後咪落坑囉。雖然係咁，但總算過足癮吧！
玩完之後，陪個他的朋友仔去買MP3機！跟住就會合去一齊到"小肥羊"吃火煱！食完之後，就乘火車轉地鐵返家了！
2006 年 4 月 4 日 (TUE) 首日返旺角工作........
一開始，返旺角，就要由九點做到差唔多七點！除了午飯時間，真係由頭做到尾。很久很久沒有做到咁夜。很累啊！
2006 年 3 月 6 日 (MON) 放補鐘假....
今日返工經理又話出左MEMO，要放埋D補鐘假！好啦，但我得六個鐘，七個鐘先一日！咁經理就叫我放一日，負鐘唔緊要啦！有鐘就一定要放晒佢。好啦！咁放囉！有得放咁緊係放啦！放埋明天的補鐘假，就無架啦！好啦.......一於盡情放假。
2006 年 3 月 6 日 (MON) 放大假....
上星期放大假..........足足放左一個星期！不過只係取左五日大假而巳。這假期本來都幾好......但因為放假前病！感冒未清，咳又未清！本來他話上大陸話探麻麻，但後來又話凍，最後沒有返上去！好啦！最後我們留港消費！睇下戲、BOOK場打下羽毛球、唱LUNCH K.......就係咁不經不覺就放左一個星期的假！
講開睇戲：我睇左一套叫"犀照"的戲！我覺得港產片來講，這套算唔錯！有劇情，又有少少驚嚇！有興趣可以不妨一看！
2006 年 2 月 21 日 (TUE) 工作的轉變
今日經理出去開會！下午返來，叫我入房！其實當時我都心裏有數，知道係乜事！結果就是我將會調出旺角分行了！
一開始於旺角TRAINING完幾日，跟住就轉左到長沙灣分行，直到現在不經不覺巳經七年幾了！聽到這個消息，真係有少少唔捨得！初初我都係估自己會調過去，但後來，D同事又話會調個打得快既人去，跟住我咪以為唔會調自己囉！到最後原來都係我！
聽有個同事講，遲D仲可能有變！調過旺角反而仲好，仲穩陣！如無意外，應該會四月開始返十點放六點..........又或者直到做完晒手頭上既野！
希望過了旺角分行之後，但願能夠人際關係好一點！工作會順順利利。
2006 年 2 月 19 日 (SUN) 睇戲"野蠻秘芨"
這天，下午我去左睇戲！妹妹個朋友比左兩張"野蠻秘笈"的贈卷給她，但她說無興趣睇！於是比左我！本來係昨日星期六同GI GI睇，但點不知得兩場時間，一係兩點幾，一係十點幾！OH！當時兩點幾巳經過左了。咁跟住翌日，咪同他睇囉！呵呵，點不知我打比他話飲完荼差唔多一點到，完來佢剛剛醒。他聽到我話會兩點十先睇，於是咪同埋阿媽去順利邨飲荼。點不知我去到買飛，先知原來係兩點兩個字就開始睇戲！OH！我即刻打比佢，佢話比我聽係果度飲荼，我話比佢聽係兩點十分呀！叫佢快D到........跟住收線！跟住我諗諗下！唔係喎！兩點十分，但佢唔係即時有得睇架麻......通常賣下廣告先做！於是我再打比佢！叫佢唔好咁急..........但係他當時巳經搭左的士了！
本來唔洗錢睇戲！但點不知要他搭左的士($50)。即係變相要比錢睇戲添！哈哈！小虎妹真係烏龍啦！
講開睇這套"野蠻秘芨"，個內容真係好無聊！講得好誇張，乜野都比佢講到天花龍鳳咁！不過王晶既戲，係咁上緊架啦。唯一，很久沒有看"古巨基"做戲，今次我們可以睇到他演攪笑戲！都幾得意呀！
2006 年 2 月 19 日 (SUN) 我和妹妹預早慶祝媽咪生日！
夜晚，我和他一同到"仕德福酒店"食自助餐！起初，本來揀"京港酒店"食！但後來阿媽又話見同事食過下午自助餐！佢又話想試下！跟住最後就選擇了這間位於旺角豉油街"仕德福酒店"。
一入到去，就見到無乜人！野食既款式比想像中小！我地都知一百五十幾蚊位(包埋加一)唔會咁大期望，但真係極小款！三文魚、生蠔、壽司、CAKE..........基本的都有既！如果你只是想靜靜地傾下計，但又想食下自助餐！咁都可以不妨揀下這間酒店食！一但你想食多款式，就不要選擇這間了！
2006 年 2 月 16 日 (THU) 情人節
今年情人節諗住買件厚褸比他作禮物！但點不知仲攪到我唔開心添！情人節的前一晚，我到左波鞋街揀禮物！行左成條街，我終於最後決定係揀左件厚褸！本來想揀背囊，但最後都睇唔岩。初初問黑色，佢話沒有大碼，咁最後為有揀左杏加黃邊！我買之問下老闆娘，係咪唔岩可以換，她話可以，咁跟住咪買左佢啦！但買左之後諗諗下他都會唔係咁鐘意！
到左情人節啦！好緊張！我地約左觀塘APM等！諗住睇下食乜，點知到到都好爆！咁最後揀左花園餐廳。好啦，食完野佢見我件禮物就講，如果我無買禮物咁點呀！跟住我咪話無咪無囉！佢跟住轉頭就拿禮物出來，哈，原來係PATRICK COX既銀包！其實我都唔係話好鐘意這個牌子，但就可以接受！好啦，跟住我問佢睇唔睇住份禮物！佢話返屋企先睇！好啦！跟住去APM滿記買糖水返佢屋企食，跟住佢順便問埋佢媽咪吃不吃，佢又話是但，跟住就買左榴槤pancake！
我同佢一路行，佢就一路問果份有關禮物.....又問下幾錢，問下係買果件褸係乜野牌子！我同佢講驚佢唔鐘意！所以問定老闆娘可否換！佢話可以！我講講下佢開始估到係乜野牌子！跟住返到去試，果真係麻麻地好睇！加上原來佢係最唔鐘意這個(THE NORTH FACE)既牌子！第一,個色佢又唔鐘意，第二,唔鐘意有帽,第三,試上身又好似唔係咁好睇.........唉！當時真係好唔開心！不開心係因為買唔到一樣合心水的禮物給他！我話明要佢講真心話，點知真係講晒出黎！我話如果唔鐘意就要換，廢事第日唔著收埋浪費左。
好啦！昨日所以放左工約埋一齊出旺角換！本來想每人換一對波鞋，但點不知果間野好少少既款都無！波鞋既新款色又無乜，唉！揀錯舖頭買野。無辦法一定要揀.......揀來揀去最後他揀到一對NIKE波鞋，而我就揀左一件Adidas綿樓加一對nike襪！之後額外補番十幾蚊。
唉.........我以後都唔會揀果間(登夆)買野！好揀唔揀比我選中一間乜野靚鞋款都無！攪到揀左好耐.......最後他都揀左一對佢認為最好的波鞋！離開左果間舖之後，佢話我仲以後買唔買到咁貴！佢話一件衫既價錢可以買到三樣野，佢仲話幾咁唔抵！雖然我都有份揀埋一份，但真係好唔開心囉！因為原來自己今次咁失誤，又唔打探下佢鐘意乜野先買。唉！失敗！
其實之前都唔係未試過，但今次又係咁..........好失敗呀！我竟然唔係好了解男朋友鐘意D乜。如果我見到他滿心歡喜的樣子，我會比較開心囉！都唔知係佢揀擇，定係我唔了解佢囉.....
2006 年 2 月 11 日 (SAT) 新年回憶記
年廿九 : 那天下午GI GI約左我去行街街！夜晚返屋企！他約朋友去玩！唔理我！下年他再係咁！以後唔睬佢！
跟住再到十一點幾我D表哥表弟表妹來我家玩！但點不知表哥話係佢屋企附近租左隻磼！佢話帶埋黎
一齊睇，但點不知其中兩個就睇睇下訓左覺！我就都有全程睇這套戲，戲名係"搞鬼甲蟲車"！套戲其
實都幾誇張，講架砵砵車識感應我們人類所講既野！知人頪諗乜..........又講架車可以駕駛得要幾快有
幾快！真的很誇張！
最後我們就係睇完這套戲都巳經兩點幾！因此乜野都無玩就話走了！真的掃興！仲話上黎玩打麻雀！
最終都沒有玩就走了。
初一 : 一起身就同爸媽同麻麻拜年。跟住下午"開姑媽"過來同我麻麻拜年。接著，就係我伯父、伯娘、堂家
姐&堂阿哥，過來同麻麻拜年！跟住他們走左之後，我，爸爸和妹妹，一起玩鋤大D，跟住五點幾，
我妹妹就話出街！夜晚所以得番我同爸爸同麻麻，三個人一齊食飯！
食完飯休息一陣之後，我打給他看看他過唔過來同我屋企人拜年！因為之前佢同爸爸一起到何文田姑
姐到拜年！佢話食完飯，如果早的話就過來！跟住佢都成九點幾過到來！好啦！佢黎到，我同爸爸加
埋他又開戰啦！又玩鋤大D.........一玩玩到十二點幾阿妹先返到屋企！本來有四個人就想打麻雀！但廢
事嘈住媽媽同麻麻訓覺！到最後都係繼續玩鋤大D，而妹妹就加入戰團！
嘩！本來我一開始三個人係輸得好勁！但妹妹加入之後，就反而嬴！真的意想不到的結果！不經不覺
巳經玩到零晨四點幾！最後他就做左大嬴家，一個嬴三個！差唔多嬴左成百蚊！不過，佢嬴左D錢，
就用左來搭的士返屋企囉！
初二 : 每年初二我們一家都會過婆婆"筲箕灣"到拜年！而麻麻就等佢D仔女孫兒過黎我屋企同她拜年！而他果
晚佢就被同事們約左佢到香港仔家中果邊玩！
那日是我們豆得最多利是的一日，因為去婆婆果邊又豆利是，返到屋企佢地親戚們仲未走，所以又豆埋
姑姐姑丈的利是！真開心呀！哈哈！你話未結婚幾好呀，可以唔洗派利是之餘，仲可以豆利是，你話幾
好呢？嘻嘻！
初三 : 那天要返馬會！果日本來係叫左GI GI，後來佢又唔係咁想返，跟住咪搵人代替她！好彩最後都搵到人代
替她！那人就是我們大嶼山的朋友，本來佢咁遠都無諗住搵佢，但GI GI巳經打左比佢，佢話返喎！佢話
想試下喎！
果日真係很多人入場！馬會統計那天差唔多有八萬人入場！我們係十二點半到一點半果段時間，有很多人
入場！馬迷進入沙田馬場時，均可獲贈「鴻運福袋」一個，內 有「運財小馬掛飾」一件、金至尊購物
現金券（50元）、雅蘭購物現金券（100元）及指定產品買一送一優惠券、SmarTone-Vodafone博彩王
優惠券以及「賀歲勁賞三重奏遊戲卡」一張。我想最多人想要的莫過於果個小馬掛飾！
做完之後，我，妹妹，我的大嶼山朋友，我的表弟，一齊到沙田既扒王之王食下午茶餐！而我的表哥就
就去朋友家拜年，所以做完馬會就巳經自己走左了！食完之後都四點差唔多五點！我們就各散東西！我
跟住就乘車去APM觀塘商場，本來想睇下有無飛睇"魔幻王國"，但點不知七點幾果場爆滿！無計啦！咁
佢個朋友又打比佢，話過來一齊食晚飯！於是行住APM商場，等佢兩個過來啦！一等，就等到佢兩個七
點幾，接著揀地方食飯！最終選擇左一間普普通通的日式拉麵。吃完晚飯之後，跟住他就送我返屋企了。
新年的日子就是如此過了四日紅色的假期！新年通常我想都係玩下麻雀、鋤下大D、廿一點....等等的娛樂活動！而
我今年就只係玩左鋤大D！哈哈！仲豆左利是添！但最唔開心莫過於年廿九他唔陪人，約左朋友去玩！好衰架！
2006 年 2 月 11 日 (SAT) 惡魔在身邊
我最近妹妹買左套台灣劇集！人就真係好得意，睇開就好想追果套劇集。果套劇集有廿集，前晚終於睇晒啦！不過好多都飛左黎睇，因為今次果套台灣劇集又好似流星花園！形式差唔多，只係人物唔同！成日講男女主角諗番以前，一係就發白日夢！有時覺得睇睇下有點覺得拖！但唔睇完就唔心息！追開個頭，就想睇埋最尾個結局！睇睇下男女主角都幾靚女靚仔！哈哈！如果你們有興趣，可以問我謝架！先到先得！嘻嘻！
2006 年 2 月 10 日 (FRI) 公司面臨大改革
自從大老細副總栽退休之後，另一個新老細上任！公司就開始了好多改革！新官上任，我們公司各階層都面臨多方面改革。第一改革巳經二月份開始生效，就係OT完連補鐘都無埋，要直至做到工作完成為止！還有，無左九點半時段！本來我們都可以隔個月分成兩組，一組返九點，一組返九點半！現在又取消了！
唉！唯一的辦法！就係面對現實！除非你離開公司啦..........不過，做左咁多年，始終都有感情！
於未來的日子，我們公司還有許多許多的改革還是未知數！其中一樣，就現正改革，將會實施。經理之前開會，返來報告給我們：每間分行將會調動一個人到旺角做野！唉............所以最近同事們紛紛議論緊那一個會被經理選中落旺角分行。同事們問我：如果經理選中你，你會點呢？我話，唉！選中我都要去架，除非你唔做啦！我的心態就係順其自然啦。
點解個個同事都唔願落旺角，因為旺角同事多好多，人事多自然是非多；第二，老細又大部份工作於旺角！因為做細分行係無咁大壓力，做大分行係大壓很多的..........唉！唔知經理揀定人選未呢？如果揀定，快D公報，等各同事都有個心理準備！
2006 年 2 月 10 日 (FRI) 馬仔&羊咩仔
我於麥當奴加錢換左這隻馬仔同羊咩仔！得唔得意呢？
2006 年 1 月 29 日 (SUN) 新年快樂！
今日係大年初一，首先同大家拜年：恭喜發財！新年快樂！
今年屋企人買左兩盆蘭花！你地睇下靚唔靚呢？
2006 年 1 月 14-15 日 (SAT-SUN) 陽江溫泉兩天遊！
很久沒有一家去旅行！今次我們一家人去大陸浸溫泉玩兩日！
地點 : 陽江溫泉
住宿 : 陽江溫泉渡假村 (五星級)
我們選擇這個地方，原來係中山仲要上少少！乘旅遊巴都要差唔多三個鐘！第一次去到那個渡假的地方，感覺好靚！不過最衰就係要踏咁長途先到達目的地！如果不是踏咁耐車先到達，我想這個都是一個理想的渡假地方。
今次是參加中旅，好彩這個團沒有帶你去甚麼地方買野！一兩個亦算正常！那個團主要係浸溫泉！第二日朝候早其實都有時間比我們浸溫泉，但是我們沒有浸！只因驚唔夠時間，只是圍繞渡假村到處行下，影下相。
2006 年 1 月 8 日 (SUN) 麻麻八十歲大壽
唔經唔覺又一個十年了，還記得對上一次麻麻七十歲大壽，她亦擺左五圍酒席，今年八十大壽亦不例外。她有兩個仔，四個女，六家一齊夾錢同麻麻做大壽。平時每年同她慶祝生日，其實都巳經有三圍酒席，現在只擺多兩位而巳！那天晚上，麻麻全程簡直笑到四萬咁口，她有咁多仔女、子孫、親烕一齊同她慶祝，咁緊係開心到爆啦。
我和妹妹一起夾份訂左個六磅大蛋糕送姶她。
.............靚唔靚呢！哈哈！
2006 年 1 月 2 日 (TUE) 打麻雀....
那天無心話想打麻雀！點知下午他問佢媽媽，妹妹係咪放假喎..........叫她過來一齊食飯！跟住佢媽咪打去問原來要返工，不過收工就可以過來一齊食飯！佢放左工過來，我地就開枱，打麻雀，起初我都好旺，跟住輸返落去.........最後原來輸左廿幾蚊！
講開佢妹妹，佢無係屋企住了！如果你問我點解佢無係屋企住，SORRY！我都唔係好清楚呀！可能喜歡想獨立掛！
2006 年 1 月 1 日 (SUN) 大嶼山燒烤記
新的一年。第一日去的地方竟然係大嶼山！那天由於我地遲左出門口，我地去到諗住搭一點船！點知去到中環只剩下五分鐘！咁我地為有由天橋勁跑到碼頭！OH！緊緊趕得切！不往我地跑得咁辛苦！跟住上船他竟然遇見他的同事，跟住我地一起坐！我係船上訓左一覺！他就由開船傾到去大嶼山！
終於去到他的同事屋企了。嘩！之前我都唔知佢原來無女仔到那裏一起燒烤，除左屋主個老婆之外，只得我一個咋！係就係悶D，不過算啦！哈哈.......罰佢全程燒野食比我！嘻嘻！其實係全部男士們堆晒係燒烤爐，我無位燒野食囉！咁咪罰佢燒野比我食囉。
食到差不多飽........我就打比大嶼山的朋友，問佢係邊！點知原來佢係碼頭果邊幫朋友看舖！跟住他叫我過去搵她。搵到她.......幫佢一齊看左一陣舖！跟住他同佢同事過來接我返回佢屋企繼續燒烤。
夜晚他其中一個同事話走啦。咁我地就搭快船走，其餘的人話搭慢船走。嘩！原來我地入一入大嶼山的車船費，都幾貴架！差唔多七十蚊！不過唔緊要啦！做人最緊要開心者！活得開心，便是福！