2005
自我介紹 談情說愛 Forever Friends 天地 商品介紹 文章分享 談天說地 留言天地 禮物相記 小虎妹篇
2005 年 12 月 31 日 (SAT) 倒數日
12月31日係2005年的最後一日！我和GI GI & FLORA 一同去倒數！地點選擇了觀塘APM，我們大約七點幾出到去！因為時間太早，又未肚餓，我地咪想睇下有無戲飛賣囉！由於我地臨時臨急，所以甚麼戲都爆晒！為有搵地方坐食飯！我地食完飯都還有很多時間剩餘。為有大家互相影下相！我等等下，點知反而比人地罷晒位添！為有落地下睇！
開始啦！開始啦！首先出場係THE PANCAKES，我真係唔係好知有這位歌手。反而GI GI就知道，我就真係唔UPDATE啦！第一次佢現場唱歌，但感覺唔係幾好，唔知係咪因為支咪的問題，都聽唔到佢唱乜，可能佢把聲唔夠入咪掛！跟住到林一峰都係一樣，個聲好微弱，實在又聽唔到佢唱乜！到AT 17啦........這組合我反而感覺唔錯，可能始終係兩個人唱，個聲都大D啦！不過佢這隊組合，現場唱都唔錯！
好啦！終於到倒數啦！十、九、八、七、六、五、四、三、二、一.................新年快樂！
講真呀！我的願望反而係好想好姊妹能夠早日搵番自己的人生目標，跟住開開心心過她的每一天！
2005 年 12 月 24 ~27日 聖誕有乜好去處.......
12月24日 平安夜 :下午同朋友(GI GI)行街街，其後食晚飯就各自各精采！
那晚同男朋友加埋佢既朋友，一行四個人一齊食飯！初初諗住去旺角食PIZZA HAT但後來改左地點去沙田食PIZZA HAT，但因為實在太多人食，為有轉軚求其揀一間，最後選擇左EURO GO GO食PIZZA！也許你會問果間好唔好食：我覺得一般啦！唯一覺得最好未係焗薯皮。
跟住去左沙田公園影相！影完相便各散東西！
12月25日 星期日 ：下午約左GI GI去我男朋友屋企打麻雀！我同GI GI加埋我男朋友同佢朋友仔一齊打牌！跟住由兩點幾一打就打到六點幾..........跟住本來約左FLORA 同大嶼山的朋友仔係九龍公園等！點知我地遲到！攪到佢地兩個等左好耐，嘻嘻！係到講聲唔好意思先！講開打麻雀：他的朋友真係好旺，竟然一個嬴我地三個！不過三個加埋佢都係嬴左百五蚊者！咁我地玩左成日都抵返啦........哈哈！自我安慰下都好架。
之後我們一行六個人一齊揀地點食晚飯！點知到到都咁多人！唯一最快搵到位的地方係"紅螞蟻"，最後就係選擇左這地方食飯！食飯之後我們四女孩一齊玩抽禮物，而那兩個男孩因沒有準備下，為有睇住我地玩啦！飯局之後，我男朋友既FRIEND話唔去影聖誕燈色，咁唯有我地幾個女仔加埋我男朋友一齊去影：第一個地方我地去左海港城影燈色；第二個地方就乘搭小輪去到中環果邊影相，其後去左"聖誕歡樂小鎮"，但我地排左一大個圈，入到去果度原來只有剩餘五分鐘！真係有點失望。
12月26日 BOXING DAY : 去左我男朋友個舊同事新入伙的屋企大食會！我第一眼望佢間屋企個裝修感覺係好舒服！簡單得來又幾靚！很想有一個dream-house，不過唔知幾時先可以實現自己的夢想呢？雖然現在買左屋，始終不是自己住！感覺就好似有等於沒有！我想暫時又或者將來都未必可以有自己的dream-house，想要有真真正正的二人世界，睇怕都唔知要等到何時！我想最大的問題莫過於錢！
12月27日 星期二 : 他有特別工作在身，所以我在家中休息。
今個聖誕就是這樣過了！為一遺憾的是..........今年她不能夠出來和我們一起過聖誕！
2005 年 12 月 16 日 (FRI) 大老細副總栽退休
原來不經不覺大老細副總裁在這間公司做左三十八年，今年退休！因此今年我們全公司夾錢同佢一齊攪FAREWELL食餐飯！我們那天放工到太子聯邦酒樓食晚飯！哈哈，估唔到有抽獎！因為他們有些經理夾多少少錢出來玩抽獎！今次反而比我抽到獎，雖然係少少200蚊萬寧cash dollars。但總算係幸運的一次吧。比左三百蚊食飯，回贈番二百蚊，總算不錯了！
2005 年 12 月 9 日 (FRI) 公司食飯
一年一度的公司ANNUAL DINNER，尤記得上年我大病一場，都有參加那次聚會。點解上年度咁想參加，皆因這些一年一次的聚會，巳經停左好幾年！我第一年入到這間公司，剛剛係十二月中，所以有得食那年的聚餐！跟住話經濟不景，就停到2004年了！2005年的上年度先開始繼續有番這一年一次的大聚餐！
這些聚餐，最興奮的莫過於抽獎部份。但上年度只係得TABLE獎咋！今年又如是！我想都係無乜抽奬運架啦！次次叫號碼的獎品總是沒有的！希望來年有運氣啦！
2005 年 12 月 4 日 (SUN) 妹妹終於畢業了！恭喜！恭喜！
妹妹其實讀完大學巳差唔多成年了！不過現在先正式領取畢業証書！這日她約埋一班親戚到嶺大一齊影畢業相！跟住下午訂左位飲荼！夜晚一齊食飯。
2005 年 11 月 21-23日 (MON-WED) 放假......唱K兼睇戲
由於年尾，所以我要放晒D大假！今個星期有三日假期！第一日，同他去左觀塘NEWAY，唱LUNCH K差不多十二點唱到四點幾！很久沒有盡情咁唱K！第二日，去左觀塘APM 睇戲，今次係睇左"殺破狼"。又係一套講警察與黑社會的仇殺的片種！不知男仔點解多麼喜歡這些片種呢？或者可能夠刺激啦！
2005 年 11 月 20 日 (SUN) 馬會兼職&睇戲
這日我和妹妹同好友GI GI，一行三人一同做馬會兼職，直至三點鐘解散！跟住GI GI話她有三張免費贈卷戲飛，本來想同埋我妹妹去，但她說:沒有興趣！跟住咪打給男朋友問他看不看！佢話OK無問題，跟住約佢六點出旺角新寶戲院睇戲。睇完戲，跟住一行三人去"金太郎"食壽司，食完之後，大家各自回家。
今次睇這套戲，名叫"猛龍"。係一套警察與黑社會的片種！很多槍戰場面！有D血腥鏡頭！整體來說，可以接受，但這套片我都覺得有好多辨駁的地方。
2005 年 11 月 19 日 珍惜眼前人
今日聽到過不好的消息！就係我同事媽咪患血癌！好慘！她一路哭一路同我同事講唔捨得她媽咪走！我聽到都好心酸！
她自小媽咪同爸爸離婚！她同姊姊同埋媽咪一齊住！後來她家姐結左婚！佢就只有同佢媽咪住！因此她同佢媽咪感情很要好！她係一個很容易哭的女孩子！曾經亦係我們同事面前哭過！我想今次對她打擊很大！希望她能夠堅強一點，因為她還有媽咪要照顧！
2005 年 11 月 16 日 過往的生日
說起以往他的生日，我都唔係好記得送過乜野比他！我看回自己過往的日記，先知自己原來無寫"送過甚麼禮物給他。其實寫日記，都有個好處，可以看回自己過往的生活片段！如果我無寫日記的話，真係唔記得自己細微的生活情景！看回過往的日記，先知自己，原來寫得最多的是拍拖紀念日！哈哈，唔通女仔係最著重這個日子！
最記得第一年生日，我係送銀包給他！跟住以往的節日送過甚麼禮物次序，我想自己巳經唔係咁記得！只知自己送過:：銀包、散子包、衫、背囊、手提電話、擺設…………最特別莫過於上年他的生日，他的朋友同佢慶祝生日，我突然間出現，比左一個驚喜給他！但我沒有送禮物！我覺得唔一定送禮物給他先開心，可以花一點心思安排與他一起慶祝！我想還好過送禮物！不過要驚喜真的不容易，一年係咁，第二年唔通又係咁咩！送禮物都有好處的，可以作為一個紀念！但唔一定要貴重的！可以送一些有心思的禮物給他。
2005 年 11 月 9 日 (WED) 繼續努力工作
每年這個時候，每個分行的經理都會煩緊點樣比分D職員。最高就有五分，最低我想都有三分。我今年竟然有四點五。不過每年公司都要以每個分行的收入計算，如果分行收入好，個分就可以比高一點 ！聽經理的語氣講，今年我地分行的成績都算唔錯。一講到比分數，個個同事都好緊張，因為個分係會影響分花紅的。人就真係好現實的，佢地表面好齊心，但我覺得她們總是亙相比較。不過我都知道出到來社會工作，人與人之間實會有比較。如果人沒有比較，很難令到自己會有進步！這幾年來的工作，我亦慢慢開始感覺到壓力的存在。但這些壓力，可以令我更加用心的去做，警惕自己不斷進步。無論怎樣，未來的日子我也會以工作為先！工作巳經佔了我生活的一部份！我會繼續努力！
2005 年 11 月 5 日 新電腦紀念
前幾個月我和妹妹買左部自己砌的電腦，砌的當然不是我們，而是他。其實好早他巳經叫我買，不過遲遲都未買，最後都忍不住之前部電腦實在太慢，跟住我和妹妹商量下，比錢他和我們買零件砌機。初時都唔係幾順利的，到現在我們巳經處理妥當。也許買組合機同砌機的價錢都差不多，但零件上可以自己自由選擇，機件上又或者會好些少吧。我對電腦的硬件的認識不多，直至他帶我一齊去選擇，先稍為認識多一點。
本來我都覺得好肉痛，但直至他砌好擺放到我們的枱面！真的令我有一種耳目一新的感覺。我本想都選擇淺色系列，但到最後都決擇揀了黑色系列。無辦法，屋企實在太大塵，揀淺色好難打理。
2005 年 11 月 1 日 (TUE) 交左"學徒費"
這幾天我放大假，正岩我兩個姑姐都黎同我阿麻飲茶！跟住本來想話去其它地方逛下，但最後話唔去行，話無乜野買，跟住其中有個姑姐提意話打麻雀，跟住問我好唔好，跟住我為有話好啦！因為無左我又欠左一隻麻雀腳！最後，我咪做輸家囉，交左"學徒費"。我可以話叫做識打，但少玩，打麻雀技巧唔係咁純熟，所以好容易交學費囉。
2005 年 10 月 31 日 (MON) 食"大閘蟹"
我係很少食蟹類的海產，一, 來屋企都麻麻地，好少整黎食，二 , 其實我都係麻麻地！哈哈可能怕麻煩，要拆蟹殼啦。今天他打比我，話佢媽咪整大閘蟹，叫埋我過去一齊食喎。咁她叫到，咁一定比面要去！我食左一隻"大閘蟹"，但都OK啦。可能我自己係麻麻地，感覺無乜特別，又或者D"大閘蟹"係比一般蟹係多膏D，肉質係甜D！算吧，我都係唔係咁識欣賞蟹類海產。
2005 年 10 月 30 日 (SUN) "海天一色"燒烤場
很久沒有燒烤，今次燒烤的場地我係未去過！名叫"海天一色"燒烤場！這個地方係屬於屯門區，近住大欖！但小巴入到去都要行入去少少先到，不過都係多少少路啫。但我和表兄妹燒到黃昏至夜晚，出番來都唔係咁方便！我想龍鼓灘會方便些少！
2005 年 10 月 29 日 (SAT) 容祖兒演唱會
今次係第一次睇容視兒的演唱會，感覺幾新鮮同特別。她為著這個演唱會，真的瘦了不少，可見她付出了好多勞力！值得一讚的是，她有兩個特別環節：一、她在觀眾席上遨請一位出來，須要唱容視兒的歌。仲要表演得好要祖兒話OK，觀眾席認同先可以！(嬴左仲有一部SONY EERICSSON手提電話一部)。二、叫做"KISS KISS大聯盟" 營慕上有個心型，當射燈影住果一部份觀眾，而攝影機又影住果兩個人，咁就要互相鍚一啖！只要你係咁多對裏面鍚得至情深同激烈的一對！跟住被祖兒挑選出來，咁跟那一對人就有一卡讚石送架啦，仲要係即時比呀，真係羡慕！我地坐二百蚊，就無咁既著數，佢只係會照住四百蚊果批的人群咋！不過算啦，就算選中，都未必挑選到，哈哈，因為我地咁怕醜！
2005 年 10 月 21 日 (THU) 拍拖四週年紀念
這天是我們〝拍拖四週年紀念〞，我和他放左工之後，一起到旺角〝和民"食飯。簡簡單單在那兒食左餐晚飯。不過唔知點解我地食左二百幾蚊都唔係咁鉋，可能我地叫左魚生沙律，亦叫左芝士火煱(不過原來係無乜野食架)，又叫一蝶有八粒壽司(好細，不過好好食)。............原來去"和民"都咁貴！可能我地兩個咁食法，真係唔係幾化算啦。下年唔揀這間...........試過第二間！
2005 年 10 月 9 日 (SUN) 〝電車男〞
這天他因為昨晚應承左請我麻麻飲茶，所以一旱過來同我和麻一起飲荼。很久他沒有請麻飲荼了，今次順道請我麻飲荼！飲荼之後，我和他一起到觀塘apm睇戲！初時都唔知睇乜戲架，後來上去睇下有乜好戲睇，最後選擇左"電車男"。講起這套戲，初時我會覺得驚悶架！後來，他提意話睇這一套！佢聽講過話幾好睇架喎！咁..........最後買飛睇啦！
嘩！看完這部戲之後，感覺又幾好！
劇情介紹網路真實的「電車男」純愛故事，去年10月在日本集結成書後，一舉榮登日本亞馬遜網路書店暢銷排行冠軍，不僅在網路上發燒，引發媒體探討，延燒出一股「電車男」流行話題現象。這次決定改編成電影，更是讓話題沸騰到了頂點。 劇情描述一位集「御宅族」、「秋葉男」等身份於一身的網路系統工程師（山田孝之飾），與父母同住，平日主要開銷是買動漫畫、電玩與模型玩具，偶爾參加同人誌聚會，活到22歲還沒交過女友，當然更沒經歷過初吻與初體驗。某日見義勇為，在電車上救了被中年醉漢騷擾的年輕女性，人生從此不一樣！ 
兩天後，在電車上被搭救的女性，寄給他高級的愛瑪仕對杯作為謝禮，連高檔名牌都認不出來的他，慌亂的不曉得該怎麼處理。為了回禮，他想約這位「愛瑪仕」小姐吃飯，但是從來沒有與女性約會的經驗，更沒有在高級餐廳用餐過，不知如何是好的他，索性用「電車男」的化名，向沒網路留言板發出求救訊號！ 
「要去哪吃飯？拜託啦！」就因為「電車男」 這句話，一群同病相憐、感同身受的網友們 紛紛留言為他打氣加油，並且絞盡腦汁幫他 出主意。其中有被男友拋棄的護士提出女性 的建議，還有閒得發慌的主婦也加入討論， 在家中自閉的青年則猛潑冷水，以及成日泡網咖的「毒男三人組」把「電車男」當成自己夢想般熱心加油，受到了這些網友的真誠鼓舞，「電車男」終於與「愛瑪仕」一步步地縮短了距離。 這期間，整個留言板上眾家網友的情緒，也隨著「電車男」求愛過程中的希望與挫折而起伏，歡笑與淚水交織下，彼此間的友誼也更加堅定。他們不斷鼓舞著「電車男」。而「電車男」願意為愛成長的勇氣，也深深打動了他們。 |
||
個人感想：這部戲，既有攪笑位，亦有感動位！尤其係年青一代最適合觀看的！
今次一係唔睇戲，一睇今個月巳經睇左兩部戲。仲有一些戲仲想睇，"再一次說我愛你" 同埋 "怪物"。
"再一次說我愛你" : 點解想睇！我看過故事內容，好似幾感人..........唔知又係咪真呢？
"怪物" : 這部戲係一部驚悚片。胡事講述林嘉欣因一場大火燒爛了俏臉，更因
與兒子失散，變成「怪物」潛伏大廈，引發連串怪事。 我睇左預告片之
有少少心郁郁想去睇這套戲！因為感覺好似幾嚇人。
2005 年 10 月 7 日 (FRI) 唔開心........
今日因為一些小事做錯左，跟住有個客投訴！攪到我好唔開心！唔好以為一些小事做錯左，就以為無乜事！一有客投訴，就大件事！正所謂做甚麼都要以客為先！無論個客係錯定對，你都要面對現實！經理會覺得個客永遠是對的！今次我承認自己要負上責任，我認係疏忽左！經理雖然無點話我，但我當時都知出左事！好彩講講下個客都無乜野！但經理事後都提醒番D同事，以免下次會再發生！因為有客投訴係可大可小的！事實經理當時係要咁做的，但唔知點解我當時心情好沈重！
我唔開心的是，因為我連咁小既事都做錯，我心裏面不段咁責怪自己，攪到成日個人DOWN晒！我個心另一邊不段亦安慰自己，唔錯又邊有進步呀！但個心另一邊又話比我聽，你都好似做左幾年架啦，咁點解又會錯呢？咁又點解無留意到個客原來係多左一張報關！我竟然出錯左當佢兩張咁入！事後個客再返來，但巳經來遲左，因為巳 SEND走左了！跟住只可退番報關費，但服務費就無得扣番囉。我心裏面真係有些少內疚！好彩個客後來都無乜野，唔係就慘啦！今次真係要自我反省下！
在我生命裏，總有一些不愉快的事發生！尤其係工作方面，唔好睇少我一份小小的職位，其實責任都好大！自從我坐COUNTER之後，我都感覺有壓力！特別係做錯野的時候，我就更加害怕！害怕無左份工，害怕無左錢...........無左錢，就養唔到家，將來更加不用講！
我希望"我和他"，可以齊心D儲多一點錢！目的係為著將來，為著大家都有一個幸福的家庭！但這個目標唔多唔少都令到我有些少壓力！攪到我就黎有些少精神分裂症！我不知這個病是甚麼，但只知道自己越去想，就越係比到自己壓力。
今日放左工，返到屋企終於忍唔住喊左出來！很想放聲大喊........但屋企有人！
如果他睇到這篇日記之後，這兩日不用打給我！因為我心情就好似陰天咁！我很想反省下自己！別要找我。
2005 年 10 月 1 日 (SAT) 睇戲兼睇煙花........
很久沒有買飛睇戲，今次係睇"童夢奇綠"！
劇情係講述：
看罷童夢奇緣，感受良多。
也許人大了，不再介意流淚；亦因為電影真的感動了我，走出電影院，原來四週都是眼紅鼻酸的人。
電影不煽情，沒有大力去激動人心，但不知不覺間，自己感覺很酸溜溜的。也不知是那一場那一景，只知是感動了。
很喜歡它的點到即止，沒有太多的道理，沒有太多的對白，但簡單的故事也已能深深的觸動人心，亦給人留下思想的空間。
我想，有點人生經驗的人，都可有所得著。
談一下自己的感受吧。
先是「家」，有家的時候，有少人珍惜？多少人像光仔一樣，只在家外的樹上看家中，從沒有回家？和家人的關係，永遠只從自己的角度看？「一家人」三個字說得容易，但真做得到嗎？有屋沒有家，是很多人的處境吧。
馮小剛說得好，生命是一個過程，開始了便不能回頭，可喜的也是你無需從頭開始。所以，每一天都要好好的活。其實，要珍惜的何止是時間，還有週遭的人。
步出戲院，覺得自己其實也像光仔：年少時不知珍惜，不知不覺，由小女孩到現在.........回頭再看，還不是感到像一覺醒來，不覺已過了二多十年？活在當下，好好的珍惜，真的不易。
再說成年人之苦。黃日華與林家棟打機的一段，真道出了多少成年人（男人）的心聲。無奈、無助、沒方向，好一個困局。
童夢奇緣的確能令人反思。
國慶睇煙花：
晚上，我和他一同去睇煙花！由於我同事送了兩張免費飛，因此我們比原定時間早到左個幾兩個鐘，想霸個好位！那兒是海港城停車場天台！由天台遠望過去，我見到尖沙咀大笨鐘對面的四週環境！當時還未夠鐘睇煙花，唯有吃住買來的麵包和零食。真至九點..........終於等到有煙花睇啦！但好失望的是煙霞太大，散唔到咁快，煙花有些都看不清！好彩後來都有些少風，那刻開始感覺煙花特別熣燦。希望下再睇.........天氣可否不要那麼的悶熱呢？
2005 年 9 月 18 日 (SUN) 玩通宵...
這天我和屋企人一起做節，麻麻仲叫埋幾家人一齊食飯！晚上，跟住凌晨十二點九先出門口，成一點幾先到達！我們一班表哥表妹一齊到尖沙咀CEO NEWAY唱卡啦OK，直至朝早六點！很久沒有見表哥表妹佢地，一見就玩到通宵。不過咁樣玩法，真係好辛苦，其實係好眼訓，但比左錢無理由唔唱到抵架麻！今次一係唔唱K，一唱K，就貴到飛起！成晚每人起碼二百蚊埋單！不過唔緊要咁難得一大班表哥表妹一齊玩，緊係要盡興架啦！
2005 年 9 月 3 日 (SAT) 迪士尼紀念日
這期待的日子終於等到了！那天我一早與他去迪士尼，一起吃麥當奴早餐！跟住接著坐地鐵直達到迪士尼樂園！正好去到還早，我與他坐到頭車於迪士尼專車影下相。之後就開始迪士尼樂園之旅。
在這夢想世界裏面，我一開始就玩左巴斯光年射槍，不過好失敗，我兩個都竟然唔記得，可以敢中間果個制來搖控架車，因此唔係咁多分。不過這遊戲都幾過癮，可以自己控制玩射槍。其後就玩過山車，初時都唔敢玩，後期都比人捉左去玩！這遊戲沒有我想像中咁刺激，不過入面個環境好靚，有好多夜光的景象！我之前睇雜誌話好勁，必玩..............到停車時，企係到只覺有少少頭暈。
其後同好幾隻DISNEY公仔影相
(WINNIE THE POOH
，跳跳虎
，米奇
，同巴斯光年
.......)，跟住食下午，之後睇巡遊！接著，睇左獅子王慶典，3D米奇(值得一提，這個係必睇)！
跟住排左隊玩winne the pooh，但這個沒有我想像中咁好睇！這個排左好耐，足足等左個幾鐘先有得玩！最失望就係掛住排這個，唔記得左睇少一個表演節目添！同事仲要話比我聽幾好睇架，真激死呀！
睇完winnie the pooh，跟住逛下米奇紀念品，我睇岩一對米奇耳環，他話送給我，咁當然好啦，有禮物收喎！之後食完晚飯差不多九點，我地霸位睇煙花！那時播著一首好悅耳的歌，城堡又襯托著射燈同夜光，在這咁浪漫的環境下，一邊睇煙花，另一邊人群就一聽到煙花聲，就嘩聲四起！此時此刻，另我很想回味多一次！有機會或者可以再去這個夢想之都，到時再玩番未睇過的表演吧！
2005 年 8 月 25 日 (THU) 睇譚詠倫演唱會！
這晚我和他一起去睇演唱會！嘻嘻！嘉賓係"劉德華呀！仲係第一場黎架！其實我係因為有華仔做嘉賓先去睇阿倫的演唱會！哈哈！真係好鬼衰！那晚ALAN，大部份都係唱一些好懷舊的歌曲，懷舊到我地都唔識果首歌是甚麼！跟住第二日比D歌迷投訴，之後ALAN就挑選番一些歌迷以熟能詳的金曲。那晚最精采的片段 : 我想是阿倫和華仔一齊合唱一首"無間道"。同埋他們一齊楝篤笑娛樂觀眾。
2005 年 7 月 9 日 (SAT) 他約我去迪士尼
他約我去迪士尼
原曲作者: kellyjackie @ Royals
原曲作詞: 海藍 @ Royals ／ 庭 @ Royals
原曲編曲: 林柿 @ Royals
兜過幾個圈 看木馬旋轉 美夢似是遙遠 仍埋藏著繾綣
快樂旅途中 有沒有熱戀 看著這入場券 如同尋獲溫暖
笑問你 你話連夜候票再多的困倦 也不怨 似在平靜地說出 絲絲的愛戀
畢生也願記起 香港迪士尼 煙火璀璨夜晚定會很美
坐咖啡杯 溫馨記憶 旋轉中細味 天邊星宿也沒法比
今天心碎或痛悲 只需要記住陪伴在你身邊有米妮
始終可以幸福地 沉迷在美夢裡希冀
要是你 決定明日伴我去闖天與地 會很美 故事延續下世紀 一生都記起
不必理是與非 不需要顧忌 穿梭堡壘內陪伴我嬉戲
米老鼠 比精品店的美 輕輕靠近 都可使我快樂跳起
當 身邊掛著相機 假使到最後還未望到不准你別離
可知心裡正準備 無緣合照亦抱緊你
公主與白雪都 不需要羨慕 因可跟你在長夜裡擁抱
見阿拉丁 本想說聲坐飛氈 卻又不可媲美你待我好
星空不算是太高 假使有你在旁陪伴我一起每段路
可將一切記心內 明日共你愉快傾訴
在這個版版，我加左一首 "他約我去迪士尼" MID，請慢慢靜心聆聽。
2005 年 6 月 25 日 (SAT) 等待著的迪士尼！
很久沒有聽到好消息，今日在公司經理收到memo,話我們職員有兩張票免費去香港迪士尼。我聽到真的很開心又很驚訝，之前睇報紙仲羡慕那些迪士尼試玩，點知今日我公司又有喎。我做左咁多年，公司終於都有番D貢獻比我們D職員！哈哈，我今次咁大個女第一次去迪士尼咋，那天我地亦可以當我和他去左一個小旅行！
九月三這日子，其實仲未正式開幕，只係比D特別團體試玩，係一個
REHEARSAL DAY。很可能會見到好多同事，到時我就慘，因為D同事好八掛，佢地未見過我男朋友，只係其中有兩三個見過。但現在這個
BRANCH只有一個見個咋。見完之後，實有排講啦。
2005 年 6 月 22 日 慶祝他生日
昨日是他的生日，他本來有問我佢會約埋D朋友出去慶祝生日，問我去唔去，跟住我答他唔啦。你約朋友，我出埋去，你地咪傾唔到計囉。跟住我同埋佢其中一個朋友夾計，話我會去食飯，仲買左個蛋糕同他慶祝。我預先到左食飯的地方先，跟住他就約左朋友一齊上去，他當時嚇左一跳，因為我話唔出，我突然間出現左喎！今次仲唔到我整鬼番佢，哈哈！
2005 年 6 月 15 日 (WED) 好消息！
今日收到消息，他話又有人租啦！不過要七月二號先開始租。今次他終於肯自自動動講晒D程序比我聽。那租客係兩公婆有一個讀中二女兒，佢話租果度既原因，係因為想就近佢爸爸果邊樂華村那兒。今次希望那住客順順利利，而我們又一切順利啦！
每次有不愉快事件之後，佢都肯嘗試改過！今次希望佢改改下唔好唔改，唔係又遲早出事。
2005 年 6 月 14 日 (TUE) 嗚嗚嗚！
昨晚因為有D唔明白問多兩句他關於租客0既事，點知最後都係攪到不愉快收場！初初問他一兩句，後來他開始覺得我煩！開始我係無事，仲叫佢沖涼添！後來佢再打來，我咪開始忍唔住喊囉。唔開心既係佢竟然講錯說話，問多兩句就厭人地煩！
每次我喊親我都係收唔聲，他問我仲乜，佢當時都知我仲乜事。我放低左電話，跟住無幾耐無端端CUT左線，他再次打來！他開始向我講對唔住，話自己剛剛先放工，當時巳經十一點幾；他放左工，又比佢媽媽煩住佢，話要攪番個屋企電話，跟住佢咪再次搵番果間公司投訴！跟住我咪應佢係咩.......唉，次次都係咁，緊係出左事，先乜野都講比我聽！他成日都係咁，做完D野又晤講下比人地聽，到最後先要我問問問，攪到我好似罪人咁，真係比佢激死呀！跟住依家咪知衰，係到解釋哄番人囉。
2005 年 6 月 3 日 (FRI) 求婚記！
今日好開心呀！因為有人比個驚喜我！同我求婚兼慶祝生日！他夜晚十二點打比我，我以為他返左大陸去飲，點知原來佢整鬼我！他話比個surprise我！他首先同我講生日快樂，然後送份生日禮物給我！跟住再向我求婚，送左一束粉紅玫瑰花同鑽石戒指。不過我問佢想幾時，佢話兩年到啦，好奇怪，兩年後先結婚，但又咁早求婚，唔會好怪咩！可能近排成日暗示他，你都無求過婚，點結婚喎！我成日暗示比佢聽，佢咪話要搵個機會先喎！原來就係要搵我生日這天求婚。
2005 年 4 月 21 日 交吉日！
今日係我們買樓的交吉日子！YEAH...希望一切順順利利啦。
2005 年 3 月 12 日 (SAT) 實在令人擔心！
近排公司實在太靜，D同事都開始擔心！其實近一兩年公司競爭都好大，今年更為明顯。七位同事之中，我想是最唔驚既一位！點解？她們都比我年資大，人工又高，分分鐘比人踢走左，再走番出去都無搵得咁多。而我由一九九年尾請入去果一班係比較低人工！就算我走左，出番去搵，都係咁上下！最多可能損失少少！話時話我點解在這兒做左咁耐：都係因為這兒算是大公司，福利尚算OK，假期都唔錯！不過人工就一般！如果做一些專業D既工作，可能人工就唔錯。雖然我唔係最驚果個，但都有少許擔心！攪到人地人心惶惶咁，真係好鬼驚！
2005 年 3 月 9 日 (WED) 回憶記
情人節 : 那天好奇怪他和他的爸爸同媽媽，帶同我一齊睇樓！而正好他大陸的表弟同佢女朋友，又黎左香港，睇完樓所以亦同埋一齊吃飯。這個情人節真係夠晒溫韾囉！
事業 : 初初出來工作的時候，有很多都唔識，所以甚麼都想學！大多主要入DATA，但之前都做得唔長！而現在這份工作，我巳經做了五年幾，要負責的工作，都巳學識了！但其實有很多我都係表面認識，但實際係未深入去認識。其實都好想去認識，但有時又覺得自己太依賴，所以有很多都未能深入認識，我承認這是我的缺點。每每同事分付我做既工作，我都會樂於去做！但這種性格我覺得並不好，因為於工作上，係應該分付人做到野先代表好，這代表有權力。可能自己要求唔高，我認為只要做好本份，那就可以了！至於，同事與同事之間，由初初唔熟，到熟，跟住進入了解階段，但很多事越了解，問題就開始越大，總之一句講晒，唔好太過多事，唔係好容易出事。
2005 年 2 月 1 日 (TUE) 舞台劇幾特別...
上星期六，我與他一同睇舞台劇，這是我們的第一次！那晚的主題是 "大娛樂家"，其中最熟悉的莫過於女歌星 "梁詠琪"，其二係 ~~ "詹瑞文"！最初，我睇以為係麻麻地，但竟然出乎我遇料之外喎！他演起攪笑角色，又幾了得，就好似楝篤笑咁。整體黎講都算ok，不過其中有一兩part都幾無聊，帶不出個主題！如果下次再有機會的話，我都會再嘗試欣賞 "詹瑞文" 的戲劇班子。
2005 年 1 月 25 日 (TUE) KELLEY HAPPY BIRTHDAY
今日與她一起共渡生日！今年到PIZZE HUT 慶祝，感覺好特別，因為有幾個侍應一齊同我們唱生日歌，還特別與我們影一幅即影即有的相片。在此祝福她永遠幸福快樂！早日尋覓到一份理想工作！
