2004
自我介紹 談情說愛 Forever Friends 天地 商品介紹 文章分享 談天說地 留言天地 禮物相記 小虎妹篇
2004 年 12 月 28 日 (TUE) 聖誕節後記
今年平安夜，沒有甚麼地方去！只去了他的屋企打麻雀。翌日就同他的媽媽飲茶，跟住就返屋企吃飯。到左第二日紅色假，我就去左將軍澳新都城睇HELLO KITTY聖誕樹，仲睇左一個好趣志的表演。第三日，就約左一班親戚到"大尾篤"燒烤，一行有十七人，真係陣容鼎盛，十分熱鬧！ (11:00PM)
2004 年 12 月 18 日 (SAT) 大病了...
今年，不知怎樣病個好幾次.......不過我想今次是病得最耐的一次！我十二月四日開始小感冒，睇醫生，但可能之後那晚出夜街睇燈飾，再一次冷病，加上又轉涼，著唔夠衫.......跟住就開始越來越嚴重，睇完一次又一次醫生，我還是持續發燒，加上又成日咳！後來又去睇中醫，不過到最後，我經同事介紹下，再睇番西醫.......我講說我的病徵給醫生知道，他說我有機會可能肺炎，要照肺，到第日返到去睇報告，他話你真的患了肺炎，要好好休息！到第日，我媽媽緊張到要我去廣華醫院睇急証，跟住又同我再照多一次肺，他話這張比較清些少，跟住我再取藥，再等下一次複診........其後經理打比我叫我放到星期二，複診之後再打算吧。好啦！我唯有乖乖在家中休息。各位朋友，你們記住唔好好似我咁，要小心保重身體呀！ (11:55PM)
2004 年 10 月 28 日 (SUN) 工作繁多
近排，因為個個同事都逼晒年尾放大假，攪到差不多每日放左一個人，工作量自然多左。加上，這幾天經理又放假，其她同事又放左一個，攪到成組都忙個不停！我這個分行現在得七個人，一放左一個人，咁就巳經多左野做，如果再放多個，咁就更加慘！
2004 年 10 月 28 日 (THU) 簡單的紀念日
十月廿一日，那天，我和他只到元氣食餐飯昨慶祝拍拖三週年紀念日。這是我作的決定，因為我想簡簡單單就算吧了！
2004 年 9 月 15 日 (TUE) 唉..
最近我的朋友，感情出現問題。今日看到她的日記，那男人留了一篇很長的留言！看他寫的留言，總覺得他很可憐，很想同情他！不過愛情往往不能與同情混為一體的。女的會認為愛應該有感覺，一旦沒有了感覺，愛就沒有了！當男的有錯，女的自然給與他機會到改善，但男的一而再再而三，也改掉不了他自巳為是的性格。她也忍受不了那男人的生活模式，決定放棄。到現在，男人才將自己的心底話一一訴說出來，可是女人亦下定決心，不再給與機會了。機會是有時限的，而不是永無此境的！為何男人總是將自己的心事收收埋埋，未到最後關頭，也不訴說其心底話！男女之間要維繫感情，最重要是溝通，一旦溝通上出現問題，感情就開始有隙縫，如果不及早修補，一切都無法挽留了。
男女一開始拍拖，感覺當然是最好的！不過相處一段日子後，往往大家就忽略了溝通上的問題。男初初追女仔，往往都是很踴躍，但到追到手之後，就甚麼都沒有了。男人忙於工作是應該的，男人關心女人也是應該的。
2004 年 9 月 15日 (TUE) 華仔演唱會...
星期天，睇左華仔的演唱會！不過今年不夠突出，但是他三年也沒開演唱會，所以睇得特別興奮，加上今年第一次與他看華仔演唱會！我很相再次睇華仔一些特別的舞姿，可是沒有我想看的舞蹈！記得三年前華仔與一位女舞蹈員跳舞，真的很精采。期望下一次演唱會他可以有些更嶄新的嘗試啦！ (8:50PM)
2004 年 8 月 15 日 (SUN) 對經理的感覺！
原來唔經唔覺，計下計下，現在的經理巳經掉左黎長沙灣分行巳經有兩年幾了。嘩！真係唔覺唔覺啦！初時對他的感覺沒有甚麼，但到現在我發覺他不會讓新人學習多一點，只會讓舊人做！不過他有個好處，就係自己都會幫人打埋証！缺點就是不能讓唔識既人，學習多一點東西，只顧自己做！這樣的經理，對舊人就好，但對新人想學多一點東西的同事，就不是那麼好。
2004 年 8 月 15 日 (SUN) 他忙於工作！
這星期，他忙於工作！因此有時連傾計的時間也沒有！星期四那天，我病了，早上我告他會去睇醫生！我心想：他會幾時打給我呢？點知成日無打過來！好夜先有一個電話。我也知他很忙，所以無講比佢知那天我早走了！到了晚上，我告訴他。於是，他第日才多一點打給我！難道男人往往要別人提點嗎？ (00:35 AM)
2004 年 6 月 20 日 (SUN) 父親節快樂！
今日一大朝早就請爸爸飲茶！跟住到他家，諗住同佢吃午飯。點知他的朋友又話過來一起吃午飯，佢駕駛車過來接埋我地。首先去到土瓜灣整番車牌，然後到附近吃午飯。
講開昨晚真係黑仔，他同佢的朋友一齊駕車到西頁燒烤。到走他的朋友車埋我地返屋企，點知佢女朋友話要買野飲，咁到士多買，買完之後走啦......點知於停車場轉出大街的時候，後邊的私家車撞到我地車尾，放心啦，無乜事只係車牌爛左，於是我地下車同佢講數，哈哈，初時，佢唔肯賠錢，跟住佢朋友話要報警，點知話口未完真係有警察到，佢地問我地係咪可以私下解決到，我地仲未傾完，跟住警察同雙方駕車的人報案。初初他的朋友一講就話二千蚊，跟住他們唔多願意，最後傾成千二蚊攪掂。攪左一陣都成點幾，我返到屋企成兩點幾......
2004 年 6 月 6 日 (SUN) 泰國布吉島之旅
第一天，六月一日那天四時四十分，起飛去布吉島！到達那兒巳經係泰國時間六點四十分(慢香港一個鐘)。跟住去市中心食晚飯，然後帶我們去芭東行街街！
第二天，乘快艇到哈哈島暢泳。那兒有好多水上活動玩！(有浮潛，香蕉船，深海潛水，滑水)。其後安排在島上餐廳食午飯。跟住返酒店自由活動至五點。這段時間，我和妹妹一齊出去扎辮仔。到夜晚，去左"帝王"吃自助晚餐！地方好大，食物方面亦有好多款色。之後就帶我們一起去全身按摩。
第三天，去左騎大象，餵香蕉給它們吃！睇猴子表演，烹調泰國菜....仲有玩獨木舟，好驚險萬分。夜晚，我們全團有八個預訂做"SPA"。嘩，我都係第一次做，要除晒衫做，有乾STEAM，濕STEAM，水療按摩，跟住做全身按摩泥，再做全身按摩油。
第四天，當日係自由活動！本來去鳥蛋島，但因為落雨，取消左！真可惜！唯有下次再去啦！領隊提意我們去這兒，因為真係好靚，簡直係水清沙幼！於是我們在酒店吃完午飯，再去做全身按摩。夜晚我們一家人去左食當地海鮮。
第五天，一朝早就返香港啦！ (2:00AM)
2004 年 5 月 23 日 (SUN) 海南島之旅
第一天，五月十七日那天的黃昏，我們準備出發去海南島，去到當地巳經成十點幾，返到酒店成十一點。四天的旅行，其實只有三天吧！
第二天，我們出發去一處"野人族"的地方，他們穿著的衣服真的好似野人，連同他們打招呼都以打呵欠的方式，真攪笑！跟住有一個項目仲捉人出來玩聚新娘子，哈哈，他也被野人族捉了出去，我就幫他拍下video，影下相。跟住去睇，熱帶植物園，鴕鳥園及黑熊居！再往"黎苗族村寨"，欣賞少數民族歌舞。而晚上我們就返"南山溫泉渡假村"，那兒有得浸溫泉同游水，我們一起去嘗試下，不過地方真的好細，它的計設是游水連浸溫泉的。不喜歡浸溫泉的，也可以走到另一處游水！而我們主要是浸溫泉！雖則那裏不是正式的溫泉地方，但我也很高興初嘗這種浸溫泉的滋味。
第三天，導遊帶我們去三亞"亞龍灣"游水，這個是我們其中一個自己出錢去的地方。我們有兩餐唔包，所以導遊就提意加錢食埋果兩餐，帶我們去多五個景點。其中一餐以生果做主題，而另外一餐以海鮮作主題。他說：要加人民幣二百八十蚊一位，當時好多團友都嘩聲四起，為何要加成那麼多的錢？最後我們都決定加錢，而其他團友都有參與，全團總共有廿九人，只有六個沒有參加。 "亞龍灣"真的很迷人，那兒有好多各種不同的水上活動，還有潛水添.....不過我們只選擇游水，難得可以享受沙灘上的日光浴，又怎可以錯過這個大好的機會呢！不過那兒換衫比較不方便，沒有一個一個隔著的更衣室！連沖淡水也要比十蚊，但設備好簡陋，還要見到一些好開放的女人沖身，我這個沒有身材的傢伙，立時變得很自卑！不過我自知身材差，都無辦法，天生是這樣吧！因為我覺得每個人都有自己的優點同缺點，世界上沒有十全十美的，用平常心去善待自己，我想一定會有人欣賞和認同的！哈哈！講講下講左第二樣添！唔好意思！ 我們游完水跟住去一間"關鍵"的指定酒店到飲下野，那處的酒店真係好靚，有一個私人海灘架！不過我們當然唔係住這裏啦，因為住一晚酒店都要二千幾蚊，真的好昂貴！我們在這兒歎下野飲，影下相，都巳經是一大享樂！
跟住我們去"西島"，本來這個景點是我們報團時的指定游水地方！不過導遊話在這兒有好多珊瑚，如果游水就唔係咁方便！跟住他就提出去"亞龍灣"，但"西島"同樣要去，因為那處地方是當地政府指定的旅遊地區。到"西島"就必須乖快艇，所以有些團友沒有去。嘩！快艇即是快艇，十幾分鐘就好快到達對面的島仔。我們在那兒只是逛下影下相，食下雪糕，飲下凍果汁，最後到碼頭買魚糧餵下魚仔。
第四天，簡直係購物日！最先，我們去"實彈射擊場"。最初我諗住不試的，跟住他嚷著要我試下，咁咪嘗試下囉！每發子彈六蚊......我們每人射左兩發子彈！射完之後，我反而覺得幾有趣喎！其後到一個"海南士特產店"類似超級市場的地方買守信。我們買左好多食物(餅乾、椰子糖...)，椰奶咖啡飲品，和當地出產的辣椒醬！跟住一路去的地方都係帶我們去買野.....(珍珠文化館、水晶中心、玉器市場、茶葉館)！其後領隊收到一個不好的消息，就係要延遲上機，足足兩個鐘！我們本來巳經係夜機走(八點四十分)，後來要延至到(十點四十分)。返到香港差唔多成十二點！我們選擇港龍安排的專線巴士到達旺角，然後我就乘的士返屋企！嘩！我成點先返到屋企，不過都算快架啦！
總括來說，我們今次去海南鳥，最寫意的莫過於陽光與海灘！好難得行程不太緊迫，而時間又充裕，可算是舒適休閒的旅程！ (7:05PM)
2004 年 4 月 25 日 (SUN) 真慘呀！
星期三那天，我竟然唔小心整爛自己的眼鏡鼻托，結果要買個一副新的眼鏡，而舊的只有換一個新眼鏡框，用作後備。好心痛呀，兩樣眼鏡用品加埋成千幾蚊。嗚！嗚！嗚！都未出糧就巳經洗左咁多錢添。唉，無辦法啦，我返工望電腦一定要用眼鏡，如果唔咪就好慘，望到眼都朦。 (1:25AM)
2004 年 4 月 25 日 (SUN) 工作天......
這個月幾個星期日，他也未放個假！見他那麼辛苦，都不忍心埋怨他沒有時間陪我！況且他辛苦極夜晚都抽時間陪我食一頓飯，我也感到很滿足吧！ (1:49AM)
2004 年 4 月 13 日 (TUE) 可惡呀！
昨晚因為有些少問題，諗住想與他傾談下改幾時放假！點知換來就係他語帶煩燥的對待。我亦明白他幾日來復活節假都要開工好辛苦，不過我也很體諒他吧！我沒有怨他喎........他反過來憫憎！我心想：唔通你疲倦辛苦大晒咩！為何男的常常以辛苦昨藉口呢？跟住我咪發佢脾氣，話唔放假唔去囉！之後他打給我都未知乜野事架！我話心情唔好，唔去啦！跟住他就開知自己激嬲左我囉！一邊解釋一邊哄番我！今次都算佢.........有同我講對唔住！
2004 年 3 月 23 日 (TUE) 激死人！
妹妹最近要UPDATE部NOTEBOOK電腦，她竟然未問我就將我所有FILE剷走晒！我有部份的相放左這NOTEBOOK到，現在無晒了。真係好心痛呀。因為我第一次收花的的相無晒，真係好唔開心呀！於是我向他訴苦，仲傻到喊左出來。雖然這網頁，有影關於這束花的相，但我其實都影左好多，現在只有兩張咋，真陰功呀！
2004 年 2 月 14 日 (SAT) 情人節
情人節，我們一起到和民吃晚飯，跟住一同去睇"花好月圓"。睇完戲之後，跟他的朋友到九龍城吃燒夜(糖水)。
今年我收到的禮物竟然係一支香水。品牌係CHANEL！我還傻到也不知道這是名貴的牌子！而我就送了一盒自己包裝的朱古力給他！