KAM ÇI VO! * ZONÊ MA III * © HEYDER
Copyright
ZONÊ MA III
HEYDER
KAM ÇI VO
Piyo ke esqê veyva ho vo
Bı çholoşiyo ke, laze ho kolığ
kero
Horê veyva ho bıjêro
*
Bıra bıra
O solle vo
Solle ra çıve vo
Çive ra, hime vo
Hime ra xırğe vo
Xırğe ra kêmer vo
Kêmer ra aşê vo
Aşê ra nike vo
Nike ra rıs vo
Rıs ra çhırr vo
Çhırr ra çhırtanê vo
Çhırtanê ra jında vo
Jinda ra çhengel vo
Gındır vo bêro wertê
Hot rau ro gıno
Noletme vo
*
Uyo ke mıletê ho nas nêkeno
Aslê ho inkar keno
Nawa ke barbaru ’ve ma kerda
Bêveng vındeno
*
O ki kuri vo
Kuri ra şipe vo
Şipe ra her vo
Her ra qatır vo
Qatır ra beygir vo
Beygir ra ostor vo
Afçhar sarede vo
Gêm fekte vo
Semere po vo
Zengi pa vo
Poldım bınê dimiya vo
Kaşıng bınê pijira vo
Moreka nêzeri vılede vo
San u sodırê Haqi
Pasay rê bıgureo
*
Apo apo
Uyo ke verde nê
Peyde qesey keno
Doze u fizıleni keno
Goçên cêno
Qulê bini dıme fetelino
Keno ke, hata koke pede kero
Derjêni ra ki vışêno pêro
remeno
Welenge keno
*
O derjên vo
Derjên ra Pınçhırar vo
Pınçhırar ra goçên vo
Goçên ra teli vo
Teli ra sınçhık vo
Sınçhık ra herogop vo
Heregop ra salp vo
Salp ra min vo
Min ra qint vo
Qint ra koli vo
Koli ra dos vo
Dos ra qile vo
Qile ra qonçhe vo
Lozına çê bakılê ho de
Payız u zumustu
Son u sodırê Haqi bıvêso
*
Wae wae
Uyo ke pê zonê ho huyino
Zonê hora ayv keno
Qulê bini ra terseno
Zonê ho qesey nêkeno
Hora sermayeno
Mıletê horê bêbextiye ‘ve
Xayneni keno
*
O ki rıske vo
Rıske ra aspıze vo
Aspıze ra kêke vo
Kêke ra qırnık vo
Qırnık ra kerzik vo
Kerzik ra pende vo
Pende ra mere vo
Mındar vo murdar vo
Qav u qezaxê çê bakılê
Horo gıno
Bı herevno
*
Najni najni
Uyo ke ho gırs cêno
Tawa nêkeno
Dawa pileni keno
Gıraneni ano ho
Xılmışêni keno
Torê ho ni
Torê sari rameno
Zernê ho ni
Ciyê sari goyneno
*
O ki pısqıle vo
Pısqıle ra qanqole vo
Qanqole ra sı1 vo
Sı1 ra fısqi vo
Fısqi ra tiiz vo
Tiiz ra fıse vo
Fıse ra gênde vo
Gênde ra tırre vo
Tırre ra vırre vo
Vırre ra ci vo
Ci ra riye vo
Riye ra rıxe vo
Rıxe ra rıtıke vo
Rıtıke ra Cırtkın vo
Khênkın vo pıxarın vo
Gımarın vo, qertisin vo
Zuxun vo
Uza ra sulope vo
Sulope ra tulope vo
Çê bakılê hora vo
Badana vo
*
Na duwa ke HEYDERİ wenda
Şêro dest u ro reso
Pêro piya vazê:
"Qewul vo"
Zonê Ma III
© HEYDER Copyright 1995
Gulane, Selbstverlag Alamanya
