M. Tornęğeyali
KILAMA HESE
Nę dayę dayę, dayę dayę
Khılę mayę, Selę wayę
Mıno raę vete, kerde lete
Hese amę, vıreniya mı de vınıte [1]
Herme u sarę mıra goni vete.
Sate waę sate, deqa waę deqa
Bomi hewarę xo kerdo Mıhemedę Homete, lo!
Nę dayę dayę dayę dayę
Khılę mayę, Selę wayę
Yastuğe ver ra sonę leyi
Kafıre vejiye khe khudıkę xuyę teyi
Mı va ‘tersam çıke, na Memę Bomi buro’
Cafeliyę mı, bımano seyi, [2].
Sate waę sate, deqa waę deqa
Memi hewarę xo do qılawızę Hemę Seyi, lo! [3]
Nę dayę dayę dayę dayę
Khılę mayę, Selę wayę
Yastuğe vera sona dırrıke
Zalıme Bom fişto ve vırrıke
Niştaro mı ser, mı çermey kena
Ję qesavanę suke!
Sate waę sate, deqa waę deqa
Memi hewarę xo do qılawızę hewsę Diyarebıke, lo! [4]
Çıme: Memo Bom [5]
Vatoğ: Mıstafaę Keşki [6]
Arekerdoğ, qeydkerdoğ u nustoğ: M. Tornęğeyali
Miandonıke/Mazra Sılemanu [7], Amnan 2002
[1] Lawıke de, “vınete” vajino. Vınıtene ra yeno, mı yizna Vatoği ra
“vınıte” nusnę.
[2] Cafeli name lazę Memę Bomiyo. Wo vaxt xona qız biyo, belka wo
taw, teyna jükek biyo.
[3] Hemę Sey, Khuresızo. Ewliya qebul beno. Hewısę Hemę Sey,
mazra Miandonıke’de qevul beno. Caę mezelu ra se mętroy duriyo. Verę
kemerę gırşi de, zu kemero de qızo. Cıra Nisangę Hemę Seyi ki vajino.
Beno khe, hewıs niyo teyna nisangeo. Zovina cau de ki nisangę Hemę
Sey estę. Mesela wertę mazra Dapi u dewa Yarbaşi de Jiara Şęvze esta.
Namę ra Jiara Hemę Sey ya ki Nisangę Hemę Sey ki vajino. Çę Hemę Sey,
taxımę piranę Sılemananę. Sılemanu, pęrra de aşira Balavanana (Balabanu
).
[4] Diyarebıke (Diyarevıke) Derę Balavanu de zu dewa. Vırende
Erzıngani serę biye. Nıka Cimine (Üzümlü) ra giredayıya. Raa xo,
Derę Arey (Değirmendere) de, lewę Pırdę Cıvıze (Cibice) ra bırina
ra. Pęyę Reskę Menku de ra. Hewısę Diyarebıke ki, zu jiara.
Derezaenę Çę Hemę Sey ra, Çę Xırxi (Çę Bava Memliyę Xırxi) wuza
mendene u wayır vejiyenę. Darebıke/Darevıke ki vajina.
[5] Memo Bom, sayıro de gırso. Dey serę, Munzur Cömerti xeyle
çiyo rındek nusnayvi. Xeyle
çi ki mı dest de esto. Xo ra bi naşiv ninu nusnonu.
[6] Mıstafa Keşki sayir niyo. Hama xundę sayirę hunerbendo. Xona
weso, seşti ra nejdiyo.
[7] Miandonıke, dewa Mazra Sılemanu ra giredayiya. Derę Balavanu
de, Pılemoriye serewa.
