Kalak Karo Sekilas Ø

Arah isi kitab si isuratken J.H.  Neuman *  si eteh ia pe erpengakap maka  nina: “Ndauh ope dengan lit Merga Si Lima  ibas  kalak  (suku)  Karo,   enggo   leben ieteh kalak, maka lit Cakap Karo bage pe lit suku Karo i Taneh   Karo  si  Malem ras I Karo Dusun, …si asalna I  Karo  Gugung nari.   Emaka   kerina  suku – suku Bangsa si lit i sekelewetna ncakapken maka nina: “ Kalak Karo  iakapna  sebage suku asli si terdat ipedalamen Perca Timur (Sumatera Timur) ras cakap Karo pe igejapna cakap asli rehna I gugung nari.

      Janah  maka  jadi   gelar  kalak  Karo  jadi   Batak’s,  iakap  penjajah  Belanda ngeerbahanca.  Jenari  i`terjemahken jadi  Batak Karo, sedangken nai–nai nari labo tersinget bage.

      Kira–kira 200 tahun ope Masehi, enggo i`eteh kalak Toba, maka enggo leben lit idapetina cakap Karo ras  kalak  Karo  I  Pulau  Perca  Timur :  Pulau   Andalas (Sumatera).

      Arah kai si isuratken  Ir. Budi K.  Sinulingga  si ibuatna idur kitab “Benih Yang Tumbuh” Jilid IV si  ipedarat  GBKP tahun  1976  ikatakenna: “Maka suku Karo bengket ku pulau Perca  (Sumatera)  Timur  ibas   imigran si pemena idur Proto Malay nari, kenca ngelewati  India,  Mianmar, Siam, ras Semenjanjung Malaka ndarat arah pantai Timur ope abad Masehi, jenari splinded I Gugung.

Ibas tahun 1958 ibas kitab stensilen si  ibahan `per  Seminar  Adat  &  Budaya Karo * ,  maka  asal  usul  Merga  Silima  jadi  arah  kesusuren  si   tergelari  si Mbiring, Si Perangin–angin, ras si Tarigan, sebage palas Merga Silima ras Orat si waluh ndalanken kekelengen ku kerina Sangkep Nggeluh Perkade–kadenna.

-  Nandangi wari Natal tahun 1993 lit ku aloken  ada kitab si isusun seninangku Bujur Sitepu si  ibahanna  gelarna:  ” Ola  Lupa  Taneh   Karo  Si  Malem  Ras Pijer Podi Karo”, si nina: “Seh ngayak gundari langa lit ieteh payona  ija  nari asal rehna ras mulana maka jadi kalak Karo, bage pe erti si lit ibas kata Karo e. Lit tuhu tersinget ras  si  ngataken,  maka  kalak  Karo  e  rehna  ibas  sada kerajan si mbelin nari, si enggo pernah lit kira-kira ibas tahun 1539 si igelari Kerajaan Hariu,

Si belang kerajanam mulai kin iperbalengen Kerajaen Siak nari seh ku sungai Wampu ……., sebab seh gundari pe kalak Karo lit nge enggo ringan  `i  Asahen, Siak, Simelungen, Singkel, Dairi, Alas (Aceh Tenggara). Karo Jahe:   (  Deli – Serdang – Medan – Langket) ras sidebanna, janah gundari  enggor  me l it  `i lima benua ibabo doni enda pe  

-  Tapi anem bage pe langa bo teridah terombo si tangkas ncidahken dalin ras gelemen man kalak Karo, erkiteken langa bo lit tersinget terombo si tangkas, emaka kerna si e perlu denga i sik-sik terdauhen ras ipelajari,  gelah  dat bagi situhuna ras si payo dat igejapken

      Salah sada contoh si erbahanca   kabur  terombo  sada - sada  suku  si   igelari rumpun Batak (labo sub Batak) emekap bagi kata Tapanuli, si ibahan  penjajah Belanda sebage alat pemecah - belah  antar  suku  i  Indonesia ras  i  Sumatera Utara enda.

-    Tapanuli asalna pe idur kata “Tapian na uli”  nari nge, emekap sada  ingan kalak Eropah Barat nai ndarat i sada kuta si gelarna Tapian Nauli, i teluk Sibolga dalin ku arah Barus. Emaka kerina kuta/kota  si  ingani  si  ngaku keturunen Toba si asalana i Bentock nari, arah  Raja  Isumbaon,  ijadiken penjajah Belanda jadi Keresidenan Tapanuli.

-     Sanga si e Perca Timur  ibas  kekuasaan  Inggris denga, janah  sebagien Malaka   ras   Singapore   ibas  kekuasaan  Belanda.   Erkiteken   Inggris perlupangkalan laut,  janah  Belanda  perlu  ingan  kebun  mbako,  emaka terjadi me pertukaren daerah: Sumatera Timur man Belanda, Malaka  ras Singapore man Inggris,  Sanga `si  e  kerina  kalak  Toba  Batak’s  enggo ngaloken Belanda, jenari ….. minter nggit ijajah/iajari Belanda ngoge  ras nulis surat Latin emaka enggo jadi jajahenna.  Jenari  minter `iajarina jadi Kristen,   seakatan  `Si  Singamangaraja,   Datu’  Parmalim,  sada   Agama pemena-ka, si miser janah  kiam ku  Pakpak (Dairi)   ningen  gundari.  Kenca terjadi pertukaren  daerah,  seh  me  penjajah  Belanda  `i  Toba   nari   ku Sumatera Timur, ibahan Belanda me adu domba antar suku si lit i Sumatera Timur.   Dataran  Tinggi  Karo ` i masukken   Belanda  jadi   Batak  Karo   sedangken kalak Karo si  idusun  idas  taneh  `si mehumur I  Karo Jahe` I masukken Belanda ku bas kedaulaten  Melayu *   si rehna I Taneh Melaka nari; gelah Karo ras Simelungen rubat bage pe Karo ras Melayu pendatang lanai si tabehen.

-     Sanga si e Dataren Tinggi Karo, lnga terjajah Belanda seh tahun 1904, tapi dunia  luar  enggo   nganggap   Karo   keturunen  Toba   Batak’s  sedangken situhuna  lang.  Tapi   pembauren  i  Toba  nari  ku  Karo  lit  (salih) ngikuti merga-merga si lit i Taneh Karo ras i Karo Jahe. Maka  kalak  Karo   pudien meteh surat Latin pe,  erkiteken  Karo  la nggit ijajah  Belanda  nge,  emaka Belanda njajah i Taneh Karo pe ± 37  tahun  ngenca,  sebab  Jepang  masuk tanggal 15 Maret 1942.

-     Emaka perlu i peterangi, maka “Kalak (suku) Karo” labo keturunen Toba. Tapi keturunen nini (moyang) tergelar si “Karo” bekas panglima singkawal rombongen raj pengembara i sekitar India Selatan nari, janah labo keturunen Dewa bagi si kataken kalak Toba **) ras jepang, labo bagi turi-turien rakyat Toraja i Sulawesi Selatan singataken maka: nenek moyang suku Toraja asalna I Kayangen nari.***)

      Entah piga ratus ribu tahun dekahna keturunen nini Karo ndube enggo nggeluh ngiani kutana bagi si nerap-nerapken bana, perban langa enterem kalak si reh ku kuta e. bage pe anak kuta, merak-rak denga si nadingken kuta guna ndarami pencarien kukuta sideban, emaka adat Karo e enggo jadi dareh daging man tiap jelma si ringan ije. Dungna piah enggo enteguh I jemak/ipakena adat Karo e, janah lanai murah sambar.

      Tambah dekahna enggo ka lit kalak Karo si eggo netapenda ndai idahi kalak si deban. Bagi si ikataken Poortmann *) ibas kesimpulenna kenca ia meneliti keadaan penduduk, ija i enggo pernah ertugas sebage alat penjajah i Singkel, Alas, Sipirok, Jambi ras i Sumatera Timur, Kabanjahe, erbahan kesimpulen nina:

-     Kalak Gayo, Alas ras-ras reh nge, i Teluk Martaban (Birma/Mianmar) nari ras sebagien kalak Karo-Kalak Pakpak, Boang, Kalasen si jadi Kabupaten Dairi pe sanga ndarat deheren nge ku Toba si enggo ndarat i muara sungai Sorkam. Tapi erkiteken ipinterkenna dalinna ngikuti sungai Simpang Kanan maka kalak e lanai ergabung ku Toba, …………. tapi enggo ergabung mulihken ku kalak Karo si enggo leben ngiani pertengahen antara pantai Timur ras Barat pulau Perca (Sumatera) eme Dataren Tinggi Karo (tanah Karo Simalem). Emaka kalak Karo si tangtangna ndarat arah pantai Timur nai e enggo ka jumpa ras kalk si ndarat i pantai Barat ras kalak Alas, Gayo ras Karo bage pe ras kalak Aceh.

      Si nusun kitab enda tuhu labo peneliti, labo pengarang, janah Ia sarjana, tapi ersura-sura encidahken kebenaren si enggo pernah   megiken turi-turien ` si ituriken nini bulang nai, gelah banci jadi bahan pehuli Terombo Karo,si enggo ibelokken kalak ku si la tuhu. Alu pengarapen tah ija gia kurang `tah   lebihna kata-kata `si tersusun i jenda la bagi sura-surandu, mari ras-ras  kita ngukuri ras nambahi ibas kekurangen e, Janah ibas lebihna `e kurangi,  gelah ras-ras kita ngenanami kebenaren pagi keduen enda

      Janah gelah jelas ieteh maka suku Karo labo keturunen Toba tah pe sebalikna ibas halaman 8,9 ilampirken pe Terombo kalak Toba, maka arah Terombona `e labo lit garis keturunen ku Suku Karo Sibar Em !

***

.

.