ADA T KARO IBAS ERJUMA Ø  
Ngumbung Juma/Pola (Erbahan Salep)

Lit dua erbage pengkaan kerna ngumbung ibas Karo `si  dekah.  Sada  pengangkaan eme erbahan tanda-tanda entahpe salep maka barang si ibahan tandana e enggor lit si ndahisa lit ka pe atena ia empurna. Pengangkaan  sideban  eme  arah  kenjulu,  lit kerja aron si iktaken ngumbung. Ija enda ilakoken nandangi aron  erdahin  ku  juma piga-piga wari nari.  Kerja  ngumbung  enda,  tiap-tiap  terpuk  aron  erbahan  sada ingan si ikoko alu lambe. 

Ibas ingan eme ia erbahan cimpa  entahpe nggule  nurung, `si  dilaki  motong.  Enca jenari kerina si bahanna ije ibagi-bagina ras-ras, Eme ibabana mulih ku rumah  man luahna ku nande-bapana ras kade-kadena kerina bas kuta e.  Ngumbung juma ,  eme erbahan tanda (salep) ibas sada juma terulang si ia rempu, alu sura - sura  maka `si ngumbung enda empuna ras ndahisa.

Ngumbung ilakoken alu ngerentes juma e piga - piga depa i tengah. Jenari  isuanken sada batang kayu entahpe galuh.  Ideherna iban salep, ertina ipajekken  kayu  ntah buluh, isangkutken ije lambe pola. Dung `sie  maka mulih ku rumah, ijumpai  pengulu (anak taneh) ikataken bana kerna sie.

Adi Ia  ia  keberaten  ras  kalak  `si  deban,  maka  juma `e  enggor  banci  idahina (ibuatna). Sepuluhlima wari e nca `sie,  juma `e  enggor  mulai  idahina  ras  ibanna duruna, eme si jadi baleng. Belang juma banci `asa  gegeh menter batu ku lawes, ku kemuhen, ku lebe tahpe ku pudi.

Ngumbung  pola  ertina  erbahan  tanda  maka  pola `e  enggor  lit  sindahisa.  Enda ilakoken alu ngiketken lambe bas batangna  entahpe ` i  lislis  kelewet  batangna  e. Jemaka man si perpola i kuta e, isehken maka ola siaku-akun ndahisa.  Biasana  pola si isalep eme si enggor mendeki (nandangi nampur) tanna.  Enca bage  maka  enggor banci pola e itumbuki si erbahan  salep. Seterusna nampur, er rirang.  Enggo  kenca rirangna lebih setengah tua mulaime ibal-bal.

***

.

.