Mula Rumah Adat Karo «

Kenca nini (Moyang) Karo enda nai netap ije, ietehna me maka lit ka nge idapetina ije bekas Jelma muat kayu kitik ras bekas jelma mentas, si igelarina “Umang”.

Si pemena ibahanna me sopana idur kayu si lit ije.  Ipantemkenna  kayu  ndai  ku taneh, dingding`na ibahanna Kedeng   Pola, atapna rih denga. Dapurna  ibahanna i tengah rumah. Dalikanna ibahanna 5 (lima). Sapo e i  bagina dua.  Sada   bagien ibahanna 5 kalak ia nginganisa, emekap: Karo ras ndeharana ras  si  Tarlon  anak mama ngudana ndai; jenari 2 dayang - dayang si Miansari kin. L@njut !

MENAKEN ERBAHAN RUMAH ADAT KARO

PERSIKAPEN

Ope denga erbahan rumah adat Karo, maka ibahan lebe runggun si mada rumah, sangkep nggeluh (sangkep si telu). Kenca arihna enggo sue maka idarami tapak rumah. Kenca dat ingan pertapaken, emaka idahi me pengulu. Adi pengulu pe labo keberaten, emaka itentukan wari pesai ras ngumbung pertapaken e. warina isungkun guru si meteh wari telu puluh. L@njut !

M A H A T

Kerna dahin mahat enda, tiap jabu maba kade – kadena 5 kalak si lit pahatna. Perlebe si mahatsa eme guru (dukun). Ope ipahatna ibanna lebe cibal – cibalen si tamaken ibas amak, janah icibalken deher kayu sini pahat. Kayu si enggo ibenaken pande, mahatsa la banci lolo, arus diungi ibas wari si e. ibas mahat enda pe iras – rasken. Lit ka pe deba maka majekken rumah itama pemangka eme takal jelma, entahpe takal kerbo. L@njut !

ATUREN PERLAKON IBAS MENGKET RUMAH MBARU.

Ibas wari mata kerja si enggo itentuken e, sope denga matawari pultak kerina, anak
jagu si jadi sukut ras temue si enggo reh ersikap – sikap. Sukut rose, siangket kenca
eme kalimbubuna simada dareh, rikut pe kalimbubu bena–bena. Kenca enggo dung rose kerina, banci berkat, emaka tiap anak jabu berkat ras – ras ku rumah. I lebe –
lebe ture ngadi. Jenari L@njut !

MENGKET RUMAH MBARU SI DEKAH

Ope denga ibahan acara mengket rumah mbaru maka arih lebi si mada rumah nentuken belin kerja (adi lit sekalak si la ngasup muat adangenna, sienda i rungguken uga jalan keluarna. Biasana si la ngasup enda ipelebeken si pitu jabu, jenari pago igelarina dung peranin). Ndigan ibahan warina. I sungkun guru si beluh niktik wari. Ibas arih enda ikut ka nge anak beru senina tiap jabu. Biasa i bahan kerja mengket rumah ibas wari Aditia Naik, Beras Pati tah pe Cukra Dua Puluh.

L@njut !