Tubahaye ikaze mwese abasomyi b'amakuru tuzabatangariza kuri uru rubuga rwa Internet. Tugambiriye guharanira amahoro n'ubwumvikane hagati y'abatuye akarere k'Ibiyaga bigari.

 Twebwe rero turi umutwe w'abanyamakuru biyemeje iyo ngingo. Namwe mwese ariko duteganya gukorana mu gihe muzajya mutwoherereza amakuru yanyu ya buri munsi ndetse n'ubuhamya ku bibi bibagirirwa cyangwa bigirirwa abo mubana.

 Tuzakoresha ahanini ururimi rw'igifransa, ariko nyine inkuru tuzajya tubona mu kirundi cyangwa ikinyarwanda tuzajya tuyibagezaho muri urwo rurimi. Twemeza ko abavuga ikirundi n'ikinyarwanda bumvikana bihagije.

 Turateye rero akamo ngo uwo ari wese afite ikimuziga ace atwandikira. Tuzatangaza ibyiyumviro byiwe. Ibindi tuzobitorera inyishu mu nzira y'ibiganiro mpaka, tuzahurizamo abantu baciye akenge baturutse imihanda yose.

Ngaho rero muturungikire kandi inkunga, mudufate mu kagongo uko mubishoboye, kuko hakenewe byinshi kandi ntitwihagije.

 Tubaye tubashimiye ukwigora kwanyu ngo duhumurize akarere kacu kazahajwe n'amagume atagira ingano.

Niba wewe uri nzobere mu buhinga ubu canke buriya, mu mibanire n'abandi, niba ufite ubumenyi buhagije ku karere k'ibaiyaga binini canke ku gihugu iki canke kiriya kikagize (Rwanda, Burundi, Uganda, Ubuseruko bwa RDC), ukaba ukunda imico kama, emwe no kurwanira iyubahirizwa ry'agateka ka muntu, igore uze uturungikira kenshi ibyiyumviro byawe.

Akarere k'ibiyaga bigari kahindutse ikubaniro ry'amarorerwa akabije yo kutita ku burenganzira bw'ikiremwa muntu, akorwa bya kinyamanswa ku buryo burenze urugero. N'utundi turere duhuje ibibazo ku isi ntibihemuka ako kageni! 

Yego ntibyemewe kugereranya amarorerwa dushingiye ku mubare w'abo yahitanye... Gusa twibaze impamvu ubwicanyi bukoranwa urubozo, batwikira abantu mu mazu, bata imirambo mu misarani, bayikoresha za bariyeri, barya abantu nka za makaku, abasirikari bitwara nk'abatagira kiyobora mu gihe bahohotera abana n'igitsina gore, biba imitungo y'abaturage... Tubyamagane.