Web orri honetan eskaintzen ditugun irteerak azaltzerakoan, ondoren ohartxoak garrantzitsuak direla uste dugu. Hori dela eta,
irteerak jarraitu baino lehen lerro hauek irakur ditzazun eskatzen dizugu.
-
Irteeren deskribapenik zaharrenak 1992. urtekoak dira. Nahiko deskribapen zaharrak izaki, azaltzen duten ingurua erabat
eraldatuta egon daitekela kontuan har ezazu. Desagertutako (moztutako) pinudia, jarri duten alanbre-hesia (L. P. Peña
Santiagok aipatzen ohi zuena), ireki den autobidea edo itxi den zidorra, gerta daitezkeen adibideak eta gure deskribapenetan
azaltzen ez diren datuak dira. Hori dela eta, deskribapen zaharrenek berriek baino fideragarritasun urriagoa eskaintzen dutela
kontuan har.
-
Deskribapen hauek Ostadar M. T.-ak aurreko urteetan antolatutako irteerenak dira. Orohar, irteera guztiak zeharkaldi gisa
antolatuak izan dira, hau da, irteera eta amaiera desberdinak dituzte. Ibilbideen bataz besteko iraupena 5-6 ordukoa da, bakar
batzuk luzeagoak direlarik. Beraz, etapa osoa egin nahi izanez gero, ibilbideak egiteko beharrezko denbora luzea dela-eta, bi
auto, edo itzultzeko edo joateko beste zerbitzuren bat behar izango duzu. Halako aukera posible ez bada, ibilaldi erdia egin eta
atzera buelta egin daiteke.
-
Mendian orientatzeko beharrezkoak diren mapa eta ipar-orratza (eta altimetroa) eraman itzazu. Web orri honetan, deskribapenen
mapen irudiak jartzeko aukera ez dugu baztertzen. Bitartean, irteeren deskribapenek maparik ez duten artean, egin behar duzun
ibilaldiaren deskribapena irakurri ondoren, ibilbidea mapan marraz ezazu.
-
Mendian eguraldiak izan ditzakeen aldaketak kontuan har.
-
Ostadar M. T.-ak ez du web orri honetako deskribapenen zuzentasunik bermatzen; Ostadar M. T.-ak ez du, web orri honetako
deskribapen baten ez-zuzentasuna dela medio, mendian gerta litezken istripu edo bestelako gertakarien erantzukizunik hartzen.
|