SINAGIWANG LANGIB
sinaingsing yang sinagiwa
langib ning mipaldan sugat
a mabasang mimulagat
kanitang pepasibaywan
mukung pinilit pekipaten.
|
kinayud meng makutkut
ing malalam at makiput
balugang lunggang malumut
na karin ya makasalikut
kalame ubing pagkaymut.
na minunang mesarul
libutad benging makaburul
dimla mung mamuluput
pignasan meng ginamus
king kakung mapaling angus.
maluwat nang mepalut ing
pale
kilub ning mitambak-tambuk are
libutad ning palayan malwalas
magumpisa ne namang maliswas
ining kutil-butil a matatdas.
kapilan me pakipate
pasibayu wari
ing dimla mung limbag e mipakali
kening matatdas sisingo kung pali
susulput king makiput a yungib
ban sagiwa ne naman ing langib?
|