KALAMNAN
Homepage
Ing Sasabyan Da 1
Ing Sasabyan Da 2
Kaul Mung Matalik
Amanung Sisuan
Mataram A Laram
Bibingka Nang Kaka
Sagakgak Ning Akdak
Sinta King
Mumunang Pamikit
(Love At First Sight)
Palapat A Mepatpat
Simbulu Ning
Simboryu
Ing Menatbus
(The Passion of The Christ)
Karing Minuli Na
(An All Saints’ Day Offering)
Nukarin Ka Munta?
Pamintuan Ing Lub
Mu
Angus Ning Gabun
Balik-Alikabuk
Tutu Pin Ating
Dios?
Balik-Balen
Sulsi-Sulsing Isip,
Tagpi-Tagping Paninap
Ing Tigri Mepunge Ne Bangis
Pamaglalang II (Regenesis)
Abe, E na Ka Maglumbe
Ninu Y
Ninoy?
Manyawad Tawad
Abe Eba
Pakibat Kang Papa Osmubal
Lagyu Ning Bagyu
Sinagiwang Langib
Dipa
Ning Alti
Dinugpa Ya Ing Alti
Kawe Ning Lenguaje
Kawewe Lenguaje
Kuwadradung Mabilug
Kawe Ning Lenguaje
(Kapampangan Idioms & Colloquials)
tulak namung bulu ing kanakung kalma
metung nyang bulati ing e pa migpirma
kening saingsing ning bulsa ku't katawan
kabilyan paldak-sikaran kakalulwan.
anggat maranun nung e mupa tuknangan
kending ning balakang lantung maglintugan
gigutan meng mani mu nganang sinalabat
ning gaindung matuwang mimwang memalatbat.
ikwa mung miglakbe
lagpas yatu't bulan
ngening masakit kang sumangid king dalan
karing siping bale makidaup-palad
mekaba ka bulsa, sati mu mekuyad.
myagkatan katang sarul kalame ubi
pangakung mipaku pala ing milyari
keng pamanenaya buak menamuti
tangu namung Berung mepakling sinabi.
nung e ka mitikdo karing
adwang bitis
mataram ya laram kuskus ning balungus
tanam mung kamuti absikan lang purus
manyubling kandila relasyun mung galus.
abyas kang malabsa, yapsa na ning dila
e ka lutu pusad, bukal mu mababa
matni ka panamdam potang ating samsam
maklak ing kati mu karing bisang mandam.
manibat king ibat kaladwa kang sasyo
e tantung kakabsi kabuksi kang dapo
e me nanu balang ing metung kalulu
balu da ring sabla tilbug ka mung gintu.
nung batibatyan ka kening iking page
dila mu na rugu yang alang kalate
nung sukdan kalalam kekang kautangan
miras sakal batal, arung misanapan.
masyas ka matulid potang mangamanu
belwan ding mangatwa pamalugbug mumu
pangalandakan mung panaun nang Alistu
nasbuk mung gulisak, aliwa na'y Kristu!