Ka bêje, teyriko, yê ku ji dilbera min re li ser evînê distirî:
Çima ew min bi evînê şkence dike?
Teyrikî bersiv da: Ger xwe li ber jana evînê negirî, pa dê bi çi dilbera xwe bievînî?
Dilberê agirê evînê di dildarî de gurr kir û dil pê neşewitî çiku wisan yê dildar hê pirrtir ew evand. Û di perîşaniya xwe deew agir li dildarî bû derd û derman.
Yekî dildar digirî û wiha li der dilbera xwe distirî:
Bileztir evînê dilê dildar digire ji ku birq di çavan de geş dibe yan birûsk di guhan de digurme.
Û xurttir e ava çavan ji ya pêlên deryayan
û axîn pirrtir dişibe evînê ji ku berf dişibe spîtiyê.
Yekî dildar tikîtenê li ber siya darek delal bû. Xelk di ber re borîn û jê pirsîn ka çima ew bitenê ye. Û yê dildar bersiv: Niha, ku min hûn dîtin û guhdariya we kir, bitenê me. Berî hingê bi dilbera xwe re bûm.
