tambayan  mga MANGYAN ng mindoro doon po sa amin WOW na pinoy!  nat ol pinoys are ok!  mga nakakabwiset na pinoy  sa mindoro lang  pangiliti 

sa Mindoro lang po!

 

Wag nga po pala kayong magtataka kung bakit umiikot lamang sa Oriental Mindoro ang mga kwento ko... eh kase po.. taga-Oriental Mindoro po ako! at di ko pa gaanong na e-explore ang Occidental Mindoro... hmmm.. assignment ko yan ha! pero sigurado ako, kase ayun sa mga kwento sa akin,  katulad ng Oriental eh me katangi-tangi ring kagandahan ang Occidental Mindoro.

Kahit ilang ulit ata akong lumabas o umalis ng Mindoro eh sa Mindoro pa rin talaga ako babalik. Hinde dahil sa, para masabi lang na makabayan ako, hinde rin para makita ng mga kababayan ko don na me konting pag-unlad din ako, in short, magyabang; hinde rin para makita ko yung mga past syota ko (ilan ba sila... la ata eh!). At lalong hinde rin dahil tatakbo akong konsehal ng bayan o Meyor o kahit anumang pwesto sa gobyerno; lam mo naman kapatid, marami sa ating mga kababayan ang babalik lang sa sariling probinsya kase me ambisyong pampulitikal. Yun bang nawala ng napakatagal na panahon tapos babalik lang kase eleksyon at nabalitaang malaki ang makukurakot sa bayan... wag nang mag-deny... marami talaga sa atin ang ganyan. Mga tipo ng taong, nanirahan na sa ibang bansa o di kaya'y ibang lugar sa Pilipinas pero dahil nakapag-ipon na ng panggastos sa pag-kandidato eh babalik na uli, take note ha, "panggastos", ibig sabihin eh namuhunan, tapos pag nanalo na eh babawi ng 3 doble, minsan nga eh higit pa... hehehe... nakatulong nga sa bayan ang Kumag na 'to.

Pero bakit nga ba, gustong-gusto ko sa Mindoro.

Maaring sa ibang mga probinsya eh iisa ang dahilan kung bakit nais nga ng mga umalis na rito na mag-balik probinsya pansamantala man o permanente na. Iba kase talaga kapag nasa sarili kang lugar, yun bang kakilala mo ang mga tao, hinde lang sa baryo o barangay ninyo kundi, me nakikilala ka o me nakakakilala sa yo sa buong bayan... di katulad sa Manila kung san ako nanirahan ng me katagalan din....sus! Walang pakialaman ang mga tao, kapitbahay mo ng 3 taon di mo alam kung ilang magkakapatid, kung sino ang panganay, na namatay na pala si ganito... yeah... merong ganyan ha!

Di ba ansarap noong.... tanghalian eh, dudulog ka na lang sa hapag eh me kakatok pa at maghahatid sa yo ng ulam na mula sa kapitbahay, at pinatitikman sa yo, tikim lang eh pang-ulam na ang dala. Yun bang me makikita ka pang mataas na puno ng mangga na hitik sa bunga. Me ilog ka pang matatawiran na di ka mandidiri sa amoy at dumi ng tubig nito; sa Manila mahulog ka lang sa ilog, tulad sa ilog sa min sa me depot station ng LRT sa Baclaran, mababaw ang tubig, baka di pa umabot sa tuhod, pero kapag nahulog ka eh siguradong kundi pandidiri, eh sakit o baka ikamatay mo pa ang mangyari sa yo.. Ansarap di ba nong makakapaglakad ka sa kalye na di ka mag-aalalang me basta na lang hahablot ng kwintas mo o di kaya'y hand-bag ng esmi mo?

Isa sa mga ipinagmamalaki ko na From mindoro talaga eh... lam mo naman dito sa Sawdi,  basta nagkakwentuhan tungkol sa buhay sa Pinas... ang pagbibida ko agad eh yung buhay sa Mindoro at di yung buhay-Manila (teka, me maganda ba sa buhay Manila, sabagay depende yan sa pananaw mo!). Ipinanganak ako sa Puerto Galera, syempre, sino ba ang di nakakaalam ng Puerto Galera eh lugar ito ng mga magagandang resorts, isa sa mga paborito kong panoorin sa lugar na ito eh ang mga disenyo ng mga cottages, bilib ako sa galing ng mga designs nila. 'Yung mga beaches eh ok din, basta me kabayan ako dito sa sawdi na magbabakasyon eh recommended ko lagi na pasyalan nila ang Puerto(o Yan Mayor ng Puerto,  nagpro-promote ako ng bayan natin ha!). Sana nga lang eh mapanatili ng mga kababayan ko sa Puerto ang kalinisan ng Paligid at yaman ng bayang ito, ang dagat, ang mga beaches at ang mga lupain. Teka, itong larawan sa kaliwa nga pala ang Maria Christina Falls, sa Puerto Galera din ito.

Ano ba yung "Tamaraw o Anoa Mindorensis"... ito ang pride ng Mindoro, ang tanging uri ng Kalabaw na tanging sa isla lamang ng Mindoro matatagpuan, as in... wala kang makikitang tamaraw sa ibang dako ng daigdig, kung bakit? Siguro eh me favoritism din si God no.. hehehe... biro lang po Lord....

Maraming mga lugar na maipagmamalaki ang Mindoro. Di ko ipagpapalit ang lakatang saging na pwede mo lang mahingi sa kapitbahay mo, o ang rambutan na kapag panahon ng ani eh mas marami pa ang hiling (give-away) kesa sa isang kilong binili mo, ganun din ang lansones. Nakatikim ka na ba ng sinturis (dalandan ng Mindoro... hmmm.... malupittt ang katamisan nito, sintamis ng mga kadalagahan ng Mindoro. Natikman mo na ba ang mabangong bigas ng Mindoro?..wow.... amoy pa lang eh pwede ka nang di mag-ulam.

Mayaman ang Mindoro sa Aquaculture at Agriculture. Sariwa at mura ang mga isda at iba pang yamang-dagat, mura at matataba ang mga alimango at sugpu... bagama't me mga kababayan pa rin akong walang pagpapahalaga sa kinabukasan ng mga bata.. yun bang namumutol ng puno, mga GANID sa yaman.. mga TAMAD at ang gusto eh madali ang pagyaman.... mga SWAPANG.... MAMATAY na sana kayo! Kayo ang UOD na sumisira sa probinsya naming mahal. Kung pwede lang manawagan sa lahat ng mga engkanto at lamang-lupa sa Kabundukan ng Mt. Halcon... (meron nga ba?).. sana eh parusahan ang mga walanghiyang illegal loggers na ito.... dumumi sana kayo ng pako!

Sana naman eh mapanatili ang ganda, hinde lang ng Mindoro kundi ang iba pang mga probinsya para naman yung mga susunod na henerasyon eh me mga kwento ring magaganda katulad nitong mga kwento ko.

balik sa taas ng peyds

 

 

 

 
 
 
 
 
 
 
 
 
 
Hosted by www.Geocities.ws

1