Nagtiwala ba ang mga grupong ito sa impeachment
process?
Sa simula pa lamang ng impeachment process ay wala ng tiwala ang
mga grupong ito sa magiging resulta ng trial dahil sa paniniwalang
maninipulahin lamang ng mga pro-Erap senators ang trial. Pero
sinubaybayan pa rin nila ang impeachment process habang
kinukonsyensya sa pamamagitan ng rally ang mga pro-Erap senators
tulad nina Miriam Santiago, Juan Ponce Enrile, Tessie Aquino-Oreta,
atbp.
Ano ang nangyari sa trial?
Nahinto ang trial dahil sa pagbibitiw ng 11 prosecutors.
Ano ang naging reaksyon ng sambayanan sa nangyari sa
impeachment trial?
Magkahalong galit at lungkot ang nanaig sa mga tao. Lungkot,
dahil sa pagkamatay ng demokrasya at galit dahil sa pagsasaya ng 11
senador lalo na si Tessie Aquino-Oreta. Matapos marinig ang 11-10
votes, kumalat sa mga text messages ang panghihikayat sa mga tao na
pumunta sa EDSA Shrine. Sinimulan ang protesta ng mga 11pm sa
pamamagitan ng noise barrage ng mga sasakyan na bumubusina habang
umiikot sa Manila.
Ano naman ang naging reaksyon ng gobyerno?
Katulad ng dati, iginiit pa rin ng Malacanang na hindi majority
ng mga Pilipino ang nasa EDSA. Nanawagan din ang Malacanang sa mga
raliyista na maging mahinahon at huwag agad husgahan ang pangulo.
Bakit hindi nagpalabas si Erap ng "letter of
resignation?"
Sinasabing sinadya ito ng kampo ni Erap o isa itong taktika upang
pagdudahan ang constitutionality ng pag-upo ni Gloria dahil
"officially", hindi siya nagresign at ibinatay lamang sa sinasabing
ruling ng Supreme Court.
Ano pa ang ang ibang kasalukuyang mga
pangyayari?
Tulad ng inaasahan, kinuwestyon ng defense lawyer na si Raul Daza
ang constitutionality ng pag-upo ni Gloria. Sinabi pa ng defense na
kung ibabatay sa Seksyon II ng Artikulo VII ng Konstitusyon, si
Gloria ay naluklok bilang "acting president" nang bumaba sa pwesto
si Erap dahil nakita nyang wala na siyang kakayahang mamuno. Ibig
sabihin, maaaring bumalik si Erap sa pwesto kapag sinabi niyang kaya
na ulit nyang mamuno at bilang isang "on-leave na presidente",
maaari siyang bigyan ng proteksyon sa mga kaso (Philippine Star,
Enero25, 2001).
Marami ring mga civic organizarions ang natatakot sa
paninuiwalang gagamitin ni Erap ang mga kinitang pera upang
pinansyahan ang kanyang pagbabalik sa pwesto. Isang balita nga nga
ang lumabas na magwiwithdraw daw si Erap ng $3M mula sa account nya
sa Citibank sa Viramall, Greenhills para sa isang kudeta, na
panabulaan naman nya.