Anu-anong mga grupo ang kasalukuyang tumatawag sa
pagbibitiw ni Erap at ang kanilang mga dahilan?
a. United Opposition na pinangungunahan ni Bise Presidente Gloria
Macapagal-Arroyo, Cory Aquino, Fidel Ramos at Jaime Cardinal Sin.
Ang mga dahilan nila ay: pagkawala ng tiwala sa administrasyon dahil
sa corruption, cronyism, at incompetence; naging "morally, mentally,
and physically incapable" na siyang mamuno;
b. Bayan - isang militanteng grupo na nagpauso ng mga katagang
"Sobra Nang Pahirap, Patalsikin si Erap." Naglabas sila ng "Agenda ng Bayan." Ito ay ang mga bagay na kailangang gawin ng
magiging bagong pangulo. Una rito ang pagtataguyod ng katarungan,
karapatang pantao at kapayapaan. Ikalawa ay ang paggigiit ng pambansang kasarinlan at pagsulong ng tunay na pang-ekonomikong pag-unlad. Ikatlo ay ang
pagtaguyod sa mga repormang sosyo-pulitikal at ekonomikal.Ikaapat, garantyahin ang mga kahilingan ng iba't ibang mga
sector;
c. Anakbayan - isa sa naging aktibo sa panawagan ng pagbibitiw ni
Erap. Dinadahilan nila ang kabulukan ng administrasyon,
pangungurakot, paglapastangan sa simbahan at panunupil;
d. UP Coalition for the Urgent Resignations of Estrada (CURE)
at iba pang faculty at mga estudyante.
Ang mga dahilan nila ay: ang kabiguan ng Erap administration na pamunuan ang
bansa, ang pagkawala ng kanyang kakayahang moral upang mamuno dahil
sa mga isyung pumapalibot sa kanyang administrasyon, at dahil wala
siyang nagawa para sa mahihirap (Forum, Oktubre 28, 2000);
Nagkakaisa ba ang lahat ng mga grupong ito?
May mga grupong talagang nagkakaisa pero may iba na humihiwalay.
May mga grupo tulad ng Sanlakas at KAMPI na nananawagan ng "resign
all" samantalang ang karamihan sa mga grupo ay ang pagbibitiw lamang
ni Erap ang ninanais.
Kahit na ang sinasabing united opposition ay hindi naman talaga
"united' dahil sa mga personal na interes ng mga myembro nito.
Ang masa ay nabigo na makamit ang kanilang hinihiling na
pagbabago at pagtataas ng kanilang mga karapatan matapos ang
rebolusyon sa EDSA dahil sa sila Cory at Ramos ay walang ginawa kundi
ipagpatuloy ang pulitikal at ekonomikal na kondisyon bago ang 1986.
May basehan ba ang mga argumento ng mga grupong
ito?
Oo. Demokratikong bansa ang Pilipinas at ang bawat isa ay may
kalayaaang magpahayag ng kanilang mga damdamin. Lahat ng kabulukang
ibinubulagar nila ay kitang-kita naman sa kasalukuyang
administrasyon.
Ang problema nga lang ay ang panawagan na "resign all" at "snap
election" ng Sanlakas at Kampi. Paano masisigurong ang gagawing
"snap election" ay hindi na pangungunahan ng mga trapo at paano
isasakatuparan ang binabanggit nilang reporma? Ikalawa, hindi naman
nangangahulugang ang snap election ng tunay na pagbabago at reporma.
Ikatlo, tunay ngang magpapahina sa oposisyon ang "resign all" na ito
dahil may mga trapo rin naman na anti-Erap.