Hawar Tornęcengi
Hemę Seyi
Çę Hemę Seyi,
Çę Hemę Seyi
Çelę zımıstani de, mezela Hemę Sey serde
Şilani biyę khęweyi
Namę Pirę mı Seydaliyo
Pirę mı vıle de hameliyo
Pirę mı hem Mıhemmedo,
Hem hęjretę Aliyo
Pirę mı bınę dare de roniştiyo
Hawo ara xo keno… (çekuye kęmiya)
Manga mı biya xęğe
Keşi bıne xo nęverdana
Mı vake na manga xo bıroşi
Hawt domanę mı estę
Mı şiyune perskerd ke,
Bavaę esto Qelecuğe de
Ez tekutu şiyune Qelecuğe
Bınę dare de nişto ro, nunę xo weno
Mı va, “mave xęrdi Bavaę mınę bınę dare!”
Vake, “xęr ve sılamet, wayirę manga çara hare!”
Ez şiyune lungu, mı vake, “tı çı zana
manga mına çare, biya hare?”
Vake, “tı ronise, nunę xo bure!”
Mı nunę xo werd, biyune mırdi
Mı vake, “mırę ju laę girę de, xorę şęri”
Vake, “lazım niyo, xorę so,
Çare hęni biya ke, biya çara vırene”
Na kılame, kılama Hemę Seyi
Vane, nęçę cayi de to viyali kerdę khęweyi.
Çıme: Khan
Vatoğe: Elifa Wusdami
Arekerdoğ: Lazę Elifa Wusdami
Nustoğ: Hazar Ali
Ma ve xęr bra Hazar Ali,
serva lawıka newiye wes u war be. Mı nawa nia qeyd kerde. Xora, Bra
Tornęğeyali xeyle kerdvi rasti,- Heq raji bo!
Persę to ke estę; vaze. Ezvaji taę çekuyu de kęmasiye esta.
Mıra gore, na lawıke de en muhim Hemę Seyio. Derheqa dey de zaf
çi nęzoneme. Tı ke zonena marę ita bınusne. Namę „Hemę Seyi“ zovina
lawıku de ki vęreno ra. Mı nęzonıtęne ke Hemę Seyi kamo. Hęn axseno
ke ju Dewreso, belka ki caę de ju mekanę xuyo jirage esto. Jęde derg
mekeri, torę ju lawıka çęrene bınusni, belka beme wayirę malumatę
jędeyi. Na lawıke mı serva Etno-Muzik, Dersim Aşıkları (DVD) qeyd
kerde u çarnę ve tırki. Uza Dewres Ismail na beyita cęrene vano. Eke
kute’ra to dest, tey niadana/gosdana. Lawıkunę binu sero hona
nęgurine, eke tey niada na forum de fin ra.
Bıwane u bınusne weşiye de!
Hawar Tornęcengi
………………………………………
Duzgın
Da-da de sano, de sano
Waxtę ca u gavano
Pirę ma marę de meymano, de meymano
Meymanę de feqirano
Omed omed, wayi wayi
Da-da kesę mı çiniyo, de çiniyo
Dar-budağ ’ro mı bırriyo
Şiyane khemerę Duzgıni
Hiniyę Xızıri sero mı xorę diyo
Omed omed, wayi wayi
Da-da wayirę mı Khuręso, de Khuręso
Hem piro, hem dewreso
Dest esto ve weteg u pęso
Na yetimanę mı serde de bıreso
Omed omed, wayi wayi
Duzgın vanę; kemerę to berzo
Asparę tu weno (yeno) cıxaşi ve lerzo
Ez amane lewę to rıcayi
Ma dergeyę xora, de meerzo
Omed omed, wayi wayi
Duzgın vanę; kemerę to ve vami, de vami
Dest esto ver çıle u lekan u gami, de gami
Ez amane lewę to rıcayi
To ma kena bavokę kami?
Omed omed, wayi wayi
Da-da wayirę mı Khuręso
Duzgın khemero to ve leyi de leyi
Eskerę to xu sanıto de tępeyi, de tępeyi
Marę wayiręn bıkero tabura Hemę Seyi
Wayi wayi, omed omed
Da-da kesę ma çiniyo…..
Qese: Khan
Vatoğ u qeyde: Dewręş (Derviş) İsmail
Çıme: Etno Müzik
......................................