Ma bê xerdi Bra Havar Tornecengi
Piye Xelil Beg gineno pure mireno.Cira ju lawek juki çeneke
manena.Name Laweki Xelil name çeneke ki Xezere bena.
Heyder beg serba milk xer domanu nêkeno.Xelil beg yeno Dewa Ustam çe
Ibrahim agaye ustamde sere lewe ni merikte maneno.Ibrahim aga vano
mêso Fême ,ni çareku bebexte tu kisene.Tu bê vatenami bike,Fême biro$ime.Cawemi
este hete Terzande so pê qailbe ,kamci Dewe cena awe todi.Xore so
tede vinde.
Xelil beg vatena Ibrahim agay nêkeno.Vano çütürboke vaze çe Saw$en
agayra tersa xora bi vatenederine.Saneno ci sone Fême.Naraki cire
Mordemi rusnene,tu derezawe mawa bêmimewere.Sonde sone $eniyeagu Qom
resenopê,Kewraen kene worte.
çena Heyder beg Asma xatune ,cire saataxu rusnena.Vanake mire na
saate viraze.Peyser na saate cire rusneno.Vanoke saate gurina.Asma
xatune reyna rusnena.Uncena cire rusneno.Famnekenoke bine destra
mire xebere rusnenake ti kene vind.
Peydena qankene bene sola koreke de ebe deste Meme Elya$ dane
kistene.No mehrik $awne(xizmekare)Heyder beg beno.Heyder beg destane
ni mehrikra zaf milet dano kistene.Peydena vano,nuke mi hortede
verda ,sono siremi vano.Ceno çenaxu dano ni $ani.Nu Meme Elyasi piye
Ü$ni beg (çanaxci )yo.Lazeni ki Ismet çanaxçiyo.Zamane Anqarade
Belediye reizi bi.Weradimeki lewe Deniz Baykal cire rind
laweno.Ruesawe terba qurule C.H.P dero.Ni sawelane.Sevetane
Werezawenra ,Perginiye.çanaxçiye.Bardaxçiye ninure menda. Meme elyas
tawe Xezna çe saw$en begik tey tireno beno.
Waa Xelil beg,kincane birawexuye goninu cena cabe ca fetelina.Eke
herca risbet do kerde mird.Kes hete çeneke ne ceno.Te$eliya xu kuna
,naraki sona Astamol,lewe Padisay.Uzaki kerdo hetexu.Qe ri çeneke nê
dane.Naraki he$ina peke,no Mefiyo.Vidindero(hete Bulgaristan)sona
uzade vejina.Uzaki perskena pile itay kamo.çe dide bena meyman.Sonde
cire nun nanero.hemgen ane.çeneke waire çeira perskena?.Vana no
hemgene kotiyo?.Vano hemgene Dêsmano.Vana ax itaki risbet do.Hawo
hemgen mira raver amo.Te$eliya xu kuna,vanake niki hêfe mi
necene.Aede Heyder he$ino pêke,na midimawa.O sirede waire çewi
vineno ,agu kene nun daneci .Uazaki awe(xezere)dane kistene.Ce
saw$en beg zaf zulumkar biye .Qomexore heqerato ke kerdo vejiyaybe
er$.Vere çevere dinude dara ke milet dardekene dara biya.Piye Mêrali
Alos kene sole sonde horte malde nanero,södur soneke tawa cira têpa
nêmendo. Vatenami awake sahr na vano,serba solere .Rastenaxu esta
çina nezon.Benoke ,seveta zalimenra milet xore veto.Dinura ki Lutfi
$ahin mendo o ki nika kokimo.Iki xeyle sehr C.H.P de Mepusen kerde.
Bimane we$iyede
Ma xeylo waxto ke jubinde qaytnêkeme.Selamemi xunde hawt kowu tore
>MİRO MİRO (Hewa Xelil Begê Fême)
>Hawar Tornêcengi
>Hirıs u hêşti ra ravêr Goneliye bêştayê Fême biya. Fême ki hondê ju
qeza gırs u gure biya. Maê nıkayêni, Fême Lawıka XÊLİL BÊGİ (MİRO
MİRO) ra zoneme. Derheqa Xêlil Begê Fême de xeyle çi qeseybiyo,
vajiyo, hama zaf çi nêamo nustene. Ezvaji mordemi ke heqa çiyê de
wast bınustno, ravêr şêro; zanoğ u sarrê dormi ra perskero, raste
çıka ayê rınd bıheşiyo pê, zovina cau ra ki a mesela sero varyantu
arê do. Welatê made adeto; tı ke serva çiyê jüyi ra perskena, eke ke
- dosto, cıra has keno, yaki aşira eyi rao; des hetu ra qesunê rındu
ano pêser sımarê vano. Hama, eke cıra has nêkeno ya ki dısmenêna
khane werte de biya/esta; o waxt çıxaşi ke na mesela raste bo, ya ki
muhime bo; o mordem oncia qesa xuya ğelete vano.
>Ezvaji na usıl ravêri ra nia nêbiyo. Çıke mılet 've itiqat biyo.
Çıtur ke qesa dê mawa pile de vajino "Ma, ez çaê nêbiyaiye cı soyni!"
ya ki "...çayê ğelet/jür vaji, o ita niyo Heqê xo itaro" vano. Ma
oncia bêrime mesela xuya Xelil Begê Fême ser.
>Verêcoy mı Hesen Efendi (Pancıras/Çakirkaya) ra ke servA Xelil Beg
u Sa-Heyderi pers kerd, ey va “kamci Xelil Beg?” Ey raver qalê Xelil
Begê lazê Ağayê Baqi kerd, dıma ki derheqa Xelil Begê Fême de nia
qesey kerd. Na qesa ey marê zaf muhima, çı ke;
>- Ju: Na mordem fêl ra düriyo, ğelet nêvano, mesela ra xeverdaro.
>- Dı: Dewa na mordêmi Fême ra zaf nêjdiya. Eve lıngu nêjdiyê saat u
nêm oncena. Bêrime vatena Hesen Efendiyê Pancıraşi:
>"...Jü ki Xelil Ağayê Fême bi. Xelil Ağayê Fême 've Heyder Begi ra
pia arê xo çinebi. Xêyle jümin fetelna, se ke kerdı Heyder Beg şi
têy bi mısayıv. Deke qurmıskerde, inqrar kerd wertê xo. Zeke şi pia
Bağıre de qurvanê xo sarebırnay! Qurvana xo werde, «- ke gere wertê
made qesase çinebo!» uzara amê çê Heyder Begi. Asma Xanıme waa
Heyder Begi biye. Sata xo rusnê Xelil Ağayê Fême, vake; "sata mı
bozmıs biya (biya xırave H.T)". Xelil Beg şêrkerd tey (sate de), -eyi
satu de vetêne- şêrkerd vake; sata xo rında. Thawa cayê bozıxêni
tede çina. Berde dê. Aye reyna peyser rusnê, hama ey fam nêkerd.
Çıke aye wast ke vazo; «arê sıma u bırayê mıra bozmıs biyo, xevera
to bıbo». Uzara dariya we tekıt şi 've Sola Koreke. Mudırê Sola
Koreke ki Heyder Begi rısvet dayvi cı, zerni dayvi cı. Memedê İlaşi
ve çar-phonc tenu ra rusnay lewe. Nişti ro pia reqi sımıt, bado ke
merediay ra; tufangê dêy sera guret, uza hewnde na pa Xelil Beg
kist. Waa xo Xezer Xanıme kote dawa, feteliye ca've ca. Her ca ra ke
feteliye, peyniye de şiye İstamol de taê zaman mende. Dora dıme
İstamol de şiye lewê Padişay serva qesasê bırayê xo. Peyniye de şiye
koti ke, Heyder Begi vıreniye gureta, (ey) rısvet do mamuru, mamuri
mamela nêkenê. Kerdena Heyder Begi endi hên cırê mende..."
Perskerdena mı u na Lawıka Xêlil Begê Fême xêyle ca u mordemunê
zanoğu ra nia amê pêser:
>
>MİRO MİRO(Hewa Xelil Begê Fême)
>Ax de Mire Mire bêbexto Miro
>Bêbexteni meke xısmê to Xızıro
>Xelil begê mı kistene mede, dısmenê to Xızıro
>Kam ke ebe kino, xayin gıneno pıro
>Hala urze Memê ilaşi çhêki guretê, kistena Xelil Begê mırê fırr
cêrino,
>Begê mı diki vengdanê, nao sodıro
>Ax de Mire Mire xayin bêbext Miro.
>
>Ax de Fême Fême, Xelil Begê mı verde hêniyo
>Astorê bırayê mı nao dota yêno, suwariyê seri sero niyo
>Mı va; " Astor şuwariyê serê to kuyo?
>Vake; "Çê Miri de meser biyo".
>Mı nêzona ke bırayê mı şiyo, Sola Koreke de kişiyo
>De Mire Mire adır 've çê to kuyo.
>Qemişiye’ro Xelil Begê mı meke, bırayê mı mısayivê tuyo
>Axıri wertê sımade iqrarê Eliyo
>Ğeznê çê Sawşên Begi zafê, Haq zalimi vira şiyo
>Ax de Mire Mire zalım bêbext Miro.
>Ax de Fême Fême, Xelil Begê mı pêyra sona weke
>Miri xevere rusna, mamurê Sola Koreke
>Vano, “Xelil Begi uza idare ke, ewro sonde eyle ke”
>Memur çêvesaye xayineni meke, bırayê mı mebe çê xode meyman meke
>Memê İlaşi mordemi rusnê, bırayê mı sero kerda hasrete kardi u
çheke
>Destê bırayê mı ke bıkewtêne’ra çheke,
>Hala pêrodêne; kam biyêne vosno qer, kam biyêne voreke
>Ax de Miro Miro, zalımo bêbext Mire.
>Ax de derdo derdo, Xelil Begê mı derdo
>Xelil Begê mı şiyo Mama-Xatune, uza rıyê xo terdo
>Miri berdo xapıto, Xelil Begê mı qankerdo
>Bağıra Sıpiye sero, hurdimine pia sondi werdo
>“Miro to bırayê mı xapıto, Haq qesasê mı torê nêverdo”
>Vano; "Xelil Begi kistene dine, araziyê Fême mırê caverdo"
>Bırayê mı ke amo kiştene - kiştene nêamo,
>Çêverê qonağu Fême de mı sero zerze kerdo
>Ax de Miro Miro zalımo bêbext Mire.
>
>Ax de Fême Fême, Xelil Begê mı pêyra tırr u kaşi
>Xete yazmıskerda (nusna), bırayê mırê rusna ewro Bakê paşi
>Vano; "Xelil Beg hayrê xo vınde, Mir dısmenê Xızıriyo,
>xonde ke sondi marê werdi aqılê sarê ma şi."
>Zalımê Miri mordemo jê Xelil Begi kisto, kerdo qolındê Memê İlaşi
>Heq adırê merdena bırayiye wedaro, ez kerdune wayirê merax u taşi
>Taê mara dayi kistene, xortê merxas u bornebaşi
>Ax de Miro Miro zalımo bêbext Mire.
>
>Ax de Fême Fême, Xelil Begê mı vera cado
>Astorê Xelil Begê mı b’oncê tever, reyê cıniso rado
>Rey'na bezna xuya derga rındeke, astorê kimeti sero tado
>Mire Haq roza ke da've to, cıra helmê mado
>Xelil Begê mı kistene mede, cıra ne domano, ne ewlado
>To bırayê mı do kistene, çêverê qonağu Fême de ma sero cado
>Ax de Mire Mire, zalımo bêbext Mire.
>Ax de Fême Fême, Xelil Begê mı peyra kemer u rıso
>Astorê bırayê mı biyarê gêm u jên kerê, meraxliyo helmê cıniso
>Jênê astorê bırayê mı persenê, zerno zalalo, şêm u gumiso
>Xelil Begê mı perskenê, Haq bo eve xo zerno xaliso
>Meyitê Xelil Begê mı ardo tever, roz u sewi marê biyê jê hepısu
>Kıla na Comerdi, warê zalımê Miri ra niso
>Mordem çıtur kiseno, mordemê jê Xelil Begi yê kom u meclisu
>Ax de Miro Miro zalım bêbext Mire.
> ***
>
>Na şuare sıfte Xezer Xanıme (Waa Xelil Begi) vata
>Arêker: Hawar Tornêcengi
>Not: 1-Vatena Sayirê ma Sılemanê Qıji u varyantê bin ê na lawıke
de, namê waa Xelil Begi, Emina Xanıme vajina. Beno ke ğelet
bıvajiyo.
>Not: 2-No nuste, serra '89 de guretvi qeleme, sıfte perloda
Berhem'e de vejiya.
>-------------------------------------------------------