Lawika "Dewe" ra tayê varyanti (arshiv ra)
Hawar Tornêcengi
Su yaziya cevaben:
Dewe
Dewe auteur - yazari: M. Tornêğeyali Tarih, gün ve saat : 26.
2005 01:24:32:
Ma ve xêr Bra Tornêğeyali,
mı ke na lawıka „Dewe Dewe“ cor diye, wast ke taê varyantê bini ki
bêrê têlewe u bızoniyê. Na rivat ra ni varyantê cêri arşiv ra ardi
ita. Varyanto en khan, mi guret ver. “ÇAÊ BERVENA ÇAÊ JİVENA” hona
hata nıka mı caê nênusnayvi. Sıfte ita ken eskera.
Cad ken ke wendoği eve na gurey senık bo ki tenê benê wayirê
malumati.
H. Tornêcengi
-------------------
ÇAÊ BERVENA ÇAÊ JİVENA (1)
Çaê bervena, çaê jivena
Derdê to çıko, mara nêvana
To phepugê gılê kouna
To zaranca xas baxçuna
Vana "Sayir mıno tora hewnê diyo
Haq zono ke, tı rew mırena
Cayilê mı tıya rew mırena"
"Çenê tı ke mara haskena
Çaê qıdayê ma nêcêna"
Çaê bervena, çaê jivena
Derdê to çıko, mara nêvana
To phepugê gılê kouna
To zaranca xas baxçuna
Vana "lawo ma ke qıdayê to bije’me
Usar amo,herkes yara xo cêno sono ware
Tıya bınê bonu de manena
Tıya bınê qul’ku de manena"
Çaê bervena, çaê jivena
Derdê to çıko, mara nêvana
To phepugê gılê kouna.
To zaranca xas baxçuna.
Arêker: Hawar Tornêcengi
Vatoğ: Mursa (1985)
DEWE, DEWE (1)
Dewe dewe, dewe dewe
Dewe emser biya khêwe
Çayê bervena, çayê jivena
Derdê to çıko, mara nêvana
Zalıma yare, ewru nêama
Nêkowt çımonê ma, hewnê sewe
Çayê bervena, çayê jivena
Derdê to çıko, mara nêvana
Bonê yare, bonura doto
Yare marê nunê ronêni poto
Çayê bervena, çayê jivena
Derdê to çıko, mara nêvana
Ezo sonu qurvetiye
Cigera m’ torê biye kotiye
Çayê bervena, çayê jivena
Derdê to çıko, mara nêvana.
Qese u Qeyde: Khan
Arêker: Yaşar Adlım (1981)
Vatoğ: Rencber
......................
Dewe Dewe (2)
Dewe dewe, dewe dewe
Dewe esmer bêmı biya khêwe
Zalıma yare, ewro nêama
Nêkot çımunê ma, hewnê sewe
Bonê yare, bonu ra doto
Yare marê nonê rae poto
To cigera mı kerde letey
Xızır sene rındekênia da to
Ezo sonu ğeriviye
Cigera mı torê bena letiye
Ez ke ğeriviye de merdune
Cınaza mı berê Mamekiye
Çayê bervena, çayê jivena
Derdê tı çıko, mıra nêvana
Namê to çıko, mara nêvana
Kılam u Qeyde: Khan
Vatoğ: Rençber (Dewrano, 2004?)
Vano: Na lawike, Yaşar Adlimi ra gureta
..................
Çaê Berbena
Çaê berbena, çaê jibena
Derdê to çıko, mırê nêvana
Kami se kerdo, heredina
Namê to çıko, mırê nêvana –wiy-
Dewê dewê, dewê dewê -wuy wuy-
Dewe emser, biya khêwe
Ezo sonu ğeribiye
Cigera mı torê biya lete
Bonê yarê, bonu ra düriyo -wiy wiy-
Yarê marê nonê rae poto
Oli kena meberbê rê
Berbis marê khılê rind nino
Dewê dewê, dewê dewê -wuy wuy-
Dewe emser biya khêwe
Ezo sonu ğeribiye
Cigera mı torê biya lete
Kılam u Qeyde: Khan
Vatoğ: Hıdır Akgül (1998)
....................................
Dewe Dewe
Dewe dewe, dewe dewe
Dewe emser biya khewe
Zalıma yare ewre niama
Nêkot çımanê ma, hewnê sewe
Bonê yare, bonu ra doto
Yare marê, nunê raê poto
To cigera mı, kerde letey
Xızır senê rındekiya da to?
Ezo sonu ğeriviyê
Cigera mı torê bena letiye
Ez khe ğeriviye de merdune
Cınaza mı berê Mamekiye
Ça bervena, ça jivena
Derdê to çıko, mı ra nêvana?
Çıme: Khan
Vatoğ: Memed Çapan
Not: Ezvaji ni chekuy "Ez khe ğeriviye de merdune
Cınaza mı berê Mamekiye" hetê M. Capani ra vajiyê.
