Duzgınê Kemeri
Auteur - yazari: M.
Tornêğeyali Tarih, gün ve saat : 14. 2005 23:10:54:
Su yaziya cevaben:
Duzgin bava î serê ju deîse auteur - yazari: Hazar Ali Tarih,
gün ve saat : 14. 2005 17:54:01:
Auteur - yazari: Hazar Ali Tarih, gün
ve saat : 14. 2005 17:54:01:
Duzgınê Kemeri
Cano cano, name Duzgıni gırano
Kes ni namê gırani, we nêdano
Duzgın piyê feqır u fıqarano
Qılawuzê jiar u diyrano
Bêro comerdiye, marê çêverê pano
Caê to fırfırıki
Ez şüne khe wanenê, gorgeçin u milçıki
Mı hawarê xo kerd khe
Xızıro khe niseno re qırê qiçkêki
Vejiya re mêravê seri (1)
Caê to şiye, mı qayt kerd khe,
Gurreana heliye Sultan Duzgıni vejiye (2)
Duzgın to daima marê bê comerdiye
Caru mede keder u ilaiye
Duzgıni pêrs kena, lazê Khuresê Khurri
Mal keno tever, beno, pi dıma sono
Vano “no lazê mi se keno?”
Sono khe, çüye dano vas ro, vas beno khewe,
Dano dare rê, velg beno khewe
Hama zımıstano, vora, çeleo
Mal phırr keno, Duzgın vano khe,
Khurêso khurr sıma de vejiya, sıma phırr kenê
Şêr keno khe, piyê xuyo pêy dero
Ae de sermayino, ferq beno
Xatır wazeno sono kemer
Pi dıma sono, endi nino
Pi vano khe, “sırrê dêy mı ra zafê”
Çime: Elifa Wustami
Doskerdoğ: Lazê Elifa Wustami
Nustoğ: Hazar Ali
Areze kerdene:
1.Mêrav: Cao en seren, en qato seren, niçık, seveta vejiyayisê
roji şêr kerdene, vejinê rê mêrav. Mesela Bağıre de.
2).Gurreane/Gurr(e)ayıs: Vengo gurr vetene, jê tiyari. Yita de perrê
heli gurrenê.
