CRITERIOS DE AVALIACIÓN DO PROXECTO CURRICULAR
PARA BIOLOXÍA E XEOLOXÍA

   1.     Coñecer diversas técnicas que se utilizan para realizar investigacións en Xeoloxía e Bioloxía e aplicar algunhas, aproximándose ó traballo científico, como estudios ó microscopio, contraste de hipóteses, etc.

   2.     Resolver exercicios e problemas relacionados coa dinámica da Terra, aplicando estratexias propias do traballo científico.

   3.     Traballar con mapas topográficos para coñecer e representa-las características xeolóxicas do contorno próximo de Galicia.

   4.     Explica-las idades xeolóxicas da Terra e as características principais que as diferencian, utilizando as escalas temporais para ordena-la historia do planeta.

   5.     Explica-las diferentes morfoloxías que xorden como consecuencia das accións xeolóxicas sobre a Terra.

   6.     Identifica-los axentes xeolóxicos dominantes no relevo do contorno próximo, elaborando un informe sobre as características dos relevos cársticos e graníticos.

   7.     Explica-la teoría da tectónica de placas, identificando as diferentes interpretacións sobre a orixe da Terra ó longo da historia.

   8.     Elaborar un traballo sobre a distribución dos volcáns e terremotos, identificando as diversas placas litosféricas e a súa situación actual.

   9.     Identifica-los depósitos fósiles existentes na península Ibérica, concretamente en Galicia, sinalando a súa importancia no coñecemento do proceso de hominización.

10.     Valora-la relación constante e ás veces polémica da ciencia, a tecnoloxía e a sociedade a partir da experimentación e a aplicación do método científico ás cuestións e problemas de cada época.

11.     Valora-lo desenvolvemento teórico e práctico da Bioloxía e a Xeoloxía ó longo dos tempos, así como o seu carácter aberto e cambiante.

12.     Elaborar un traballo de síntese que integre as concepcións e teorías da orixe da vida, a evolución e a adaptación biolóxica ó longo da historia.

13.     Distingui-los procesos de meiose e mitose, explicando as súas diferentes funcións e compoñentes.

14.     Defini-la función e os compoñentes do ADN, valorando a importancia e as implicacións do coñecemento do código e a expresión xenética no desenvolvemento de novos avances e aplicacións no mundo da medicina e da ciencia.

15.     Realizar un traballo sobre as leis da herdanza, establecendo as características e formulacións das leis de Mendel e da teoría cromosómica.

16.     Elaborar un traballo sobre as aplicacións e limitacións da manipulación xenética a partir dos novos coñecementos biolóxicos, valorando as súas  implicacións éticas e sociais, analizando en concreto a investigación do xenoma humano e a súa aplicación na prevención de enfermidades hereditarias.

17.     Establece-las relacións conceptuais entre ecoloxía, ecosistema e medio ambiente.

18.     Coñece-los diferentes instrumentos e métodos de medida que se utilizan para experimentos de campo coma a medición do pH do solo, velocidade da auga, etc.

19.     Identifica-los elementos que conforman os diferentes ecosistemas terrestres e mariños españois, concretamente os de Galicia, describindo os seus ciclos bioxeoquímicos e cadeas e redes tróficas.

20.     Explica-las distribución xeográfica dos seres vivos, elaborando unha clasificación e un mapa dos diferentes sistemas ecolóxicos do territorio español e especialmente de Galicia.