|
Paano Isinasagawa ang Wudhu at
Tayammum
Posted: September
20,
2006
“O kayong mga
naniniwala! Kapag kayo ay humanda para sa
pagdarasal, hugasan ang inyong mga mukha at
kamay hanggang sa siko, at punasan ang inyong
mga ulo at paa hanggang sa bukungbukong… at [kapag]
hindi kayo makahanap ng tubig, kumuha ng
malinis na lupa at punasan nito ang inyong mga
mukha at kamay.”
(Qur’an: Kabanata 5, Bersikulo 6)
Bago isinasagawa ang araw-araw na
pagdarasal, at bilang itinatagubilin o
ipinag-uutos na kailanganin sa ibang mga
debosyon, ang mga Muslim ay nararapat na linisin
ang kanilang mga sarili. Ito ay madalas na
isinasagawa sa pamamagitan ng tubig. Ang
madaling paraan ng paglilinis na ito sa
pamamagitan ng tubig ay tinatawag na wudhu,
samantala ang pangunahing paraan nito ay
tinatawag na ghusl. Kapag walang tubig,
ang paglilinis ay isinasagawa sa pamamagitan ng
malinis na lupa, at ito ay tinatawag na
tayammum.
Kailan isinasagawa ang
Wudhu
Ang bawat Muslim ay nararapat na nasa katayuan
ng kalinisang espiritwal bago magsagawa ng
obligadong araw-araw na pagdarasal. Nararapat
din siyang nasa ganoong katayuan ng kalinisan sa
pagsasagawa ng iba pang mga debosyon tulad ng
pagsasagawa ng mga itinatagubiling dasal,
paghawak ng manuskripto ng Qur’an and
pagsasagawa ng mga ritwal ng peregrinasyong
Hajj. Maraming pagkakataon na ang
pagsasagawa ng wudhu ay sapat upang
makamit ang kalinisang kinakailangan. Subalit
may pagkakataon din na kinakailangang maisagawa
ang ghusl. Mapupuna na ang ghusl
ay hindi nasasaklaw sa maikling kasulatang ito.
Paano isinasagawa ang
Wudhu
Niyyah:
Paghahangad na, “Nagsasagawa ako ng wudhu
para sa kaluguran ng Allah at aking hinahangad
na maging malapit sa Kanya”.
Paghugas ng mukha:
Una-una, tanggalin ang anumang nasa mukha (at
mga kamay) na na magiging sagabal sa pagkabasa
ng balat bago sisimulan ang wudhu (mga
bagay-bagay tulad ng
 relo, singsing, at iba pa,
at ibang mga bagay tulad ng pintura na magiging
hadlang sa pagkabasa ng balat). Kumuha ng
sandakot na tubig sa pamamagitan ng kanang kamay
at ibuhos ito sa mukha mula noo. Pagkatapos,
ipahid ang kanang kamay sa mukha mula sa
pinakamataas na bahagi ng noo hanggang sa
pinakamababang bahagi ng baba. Pagkatapos,
basahin sa pamamagitan ng kanang kamay ang mukha
mula sa taas kung saan tumutubo ang buhok
hanggang sa dulo ng baba kung saan nararapat na
mabasa ang lahat ng mga bahagi mula pinakamataas
na bahagi ng noo hanggang dulo ng baba at ang
buong mukha pahalang na maaabot ng hinlalato at
hinlalaki. Upang masiguro na ang lahat ng mga
bahagi ay mabasa, basahin din ang ilang mga
panloob na bahagi ng ilong, labi at mata.
Subalit, hindi kinakailangang basahin ang lahat
ng panloob ng mga bahagi ng mga ito. Isang beses
na pahuhugas ayon sa inilarawan ay ipinag-uutos
(wajib). Ang pangalawang beses na
paghuhugas ay inirerekomenda (mustahabb)
subalit higit pa rito ay ipinagbabawal.
  Paghugas
ng mga kamay:
Magbuhos ng tubig sa pamamagitan ng kaliwang
kamay sa kanang braso mula sa siko hanggang dulo
ng mga daliri at pagkatapos, sa pamamagitan din
ng kaliwang kamay, ipahid ang tubig sa dalawang
bahagi ng braso upang matiyak na ang lahat ng
mga bahagi ay mabasa. Pagkatapos, gawin din ito
sa kaliwang kamay sa pamamagitan ng kanang kamay.
Ang paghuhugas ay nararapat ng magsisimula sa
mga siko patungong dulo ng mga daliri at hindi
ang kabaliktaran. Magbuhos ng tubig mula sa
medyo lampas pa sa siko upang matiyak na ang
buong braso ay masaklaw. Sa paghugas, tiyakin na
hindi lamang ang balahibo kundi ang balat ay
mabasa. Isang beses na pahuhugas ayon sa
inilarawan ay ipinag-uutos (wajib). Ang
pangalawang beses na paghuhugas ay
inirerekomenda (mustahabb) subalit higit
pa rito ay ipinagbabawal.
Hinggil sa paghugas ng mukha at
mga kamay:
*
Hugasan ng mga
bahaging ito sa pamamagitan ng pagbuhos ng tubig
mula taas pababa. Ang
paghuhugas
mula baba pataas ay magpawalang halaga sa iyong
wudhu.
*
Sa
kabuuan, hugasan ang pinakamalapit na mga bahagi
na hindi kinakailangan upang matiyak na ang
lahat ng mga bahaging kinakailangang mahugasan
ay masaklaw.
Pagpahid sa ulo:
Pagkatapos, ipahid ang kanang kamay na basa pa
sa pinakaharapang bahagi
 ng ulo. Gawain ito mula
sa mataas na bahagi pababa (mula likuran ng ulo
patungo sa mukha). Inirerekomenda na ang
pagpahid ay may isang daliring haba man lamang.
Ang pagpahid ay maaring sa pamamagitan ng isang
daliri lamang subalit mas mainam kung tatlong
daliri ang gagamitin (ang hinlalato, hintuturo
at palasingsingan). Ang basa ng kamay ay
nararapat na maipahid sa mismo anit. Subalit
kapag ang buhok ay lubusang maikli na hindi
nasusuklayan, sapat nang sa buhok maipahid ang
basa ng kamay. Habang isinasagawa ang pagpahid
na ito sa ulo, ang kamay ay hindi dapat na
mapasagi sa noo dahil ang tubig sa noo ay
maihalo sa basa ng kamay, at ang pangyayaring
ito ay magpasawalang-saysay sa pagpahid sa iyong
kanang paa dahil ang pagpahid ay dapat na
maisagawa sa pamamagitan ng basa ng tubig sa
kamay lamang.
Pagpahid sa mga paa:
Pagkatapos, ipahid sa mga paa ang nananatiling
halumigmig sa mga kamay. Ang pagpahid ay
magsimula sa dulo ng daliri ng paa hanggang sa
kasukasuan ng bukungbukong. Ipahid ang kanang
kamay sa kanang paa at ang kaliwang kamay sa
kaliwang paa. Mas mabuti na ang pagpahid ay may
tatlong daliring magkaka-ugnay (hinlalato,
hintuturo at palasingsingan) ang lapad, at mas
lalo pang mabuti kapag ang buong kamay ay
gagamitin sa pagpahid sa buong paa. Sa oras ng
pagpahid sa paa, talagang batakin ang kamay mula
sa mga daliri ng paa hanggang sa kasukasuan ng
bukungbukong (ayon sa paglalarawan sa itaas) sa
habang dulo ng mga daliri ng paa hanggang mga
bukubukong. Huwag lang basta ilagay ang buong
kamay sa paa at bumatak ng kaunti. Dapat na
tandaan na ang pagpahid sa paang may medyas o
sapatos ay hindi tama maliban lang sa ilang di
karaniwang mga pangyayari.
Hinggil sa pagpahid ng ulo at mga
paa:
* Habang
pinapahid ang ulo at mga paa, batakin ang kamay
sa mga ito. Ang di pagbatak ng kamay at sa halip,
ang ulo o mga paa ang ipapagalaw ay
magpasawalang-saysay sa iyong wudhu.
Subalit, walang kaso kapag ang iyong ulo at mga
paa ay gumalaw nang kaunti sa oras ng pagpahid.
*
Ang mga bahagi ng
katawan kung saan ipapahid ang kamay ay
nararapat na hindi basa sa oras ng pagpahid, at
kapag ang mga ito ay lubusang basa kung saan ang
halumigmig ng iyong palad ay walang halaga sa
mga ito, ang pagpahid ay walang saysay. Ang
kaunting halumigmig sa mga bahaging ito ng
katawan ay pinahihintulutan sa kondisyon na ang
halumigmig ng palad ay kaagad na maihalo dito sa
oras ng pagpahid.
*
Ang pagpahid ay dapat na isagawa sa pamamagitan
ng natitirang halumigmig sa mga palad pagkatapos
ng paghugas. Huwag muling basain ang mga kamay,
o di kaya ay ihalo ang halumigmig ng mga palad
sa mga tubig sa ibang bahagi ng katawan. Kapag
ang mga palad ay natuyo, ang mga ito ay maaring
mabasa sa pamamagitan ng mga natitirang tubig sa
balbas, bigote, kilay, o ibang mga bahagi ng
katawan na nababasa sa oras ng pagsasagawa ng
wudhu.
Kailan isinasagawa ang
tayammum
Isinasagawa ang tayammum sa halip na
wudhu o ghusl kapag:
1. Walang
sapat na tubig para sa pagsagawa ng wudhu
o ghusl.
2. Pagkuha
ng tubig para sa wudhu ay mapanganib para
sa iyong buhay o ari-arian, o hindi ka makakuha
sa pamamagitan ng anumang paraan.
3. Ang
paggamit ng tubig ay magdudulot ng kakulangan ng
tubig para inumin at panganib na kamatayan dahil
sa pagkauhaw o sakit, o magdudulot ng matinding
kahirapan sa iyo at iyong pamilya.
4.
Ang paghugas ng
iyong mukha at mga kamay ay mapanganib para sa
iyong kalusugan.
5.
May tubig subalit
wala kang pahintulot na gamitin ito.
6.
May posibilidad na
ang pagsasagawa ng wudhu o ghusl
ay magdudulot ng kakulangan ng sapat na oras
para sa pagsasagawa ng buo o bahagi ng dasal.
7. Ang
katawan o kasuotan ng tao ay ritwal na marumi (najis)
at ang tubig ay sapat lang para sa paglilinis ng
kanyang katawan or damit.
Paano isinasagawa ang
tayammum
Niyyah:
Paghahangad na, “Ako ay nagsasagawa ng
tayammum sa halip na wudhu (o
ghusl) para sa kaluguran ng Allah at aking
hinahangad na maging malapit sa Kanya”.
Ika-1 hakbang:
Kasabay na ihampas nang mahinay ang dalawang mga
palad sa lupa, buhangin o bato (sa ganoong
pagkakasunod) na malinis at hindi basa. (Larawan
1).
Ika-2 hakbang:
Kasabay na ilagay ang dalawang mga palad mula sa
pinakamataas na bahagi ng noo kung saan tumutubo
ang buhok hanggang sa balingusan ng ilong. Ang
dalawang bahagi ng noo na nag-uugnay sa dalawang
tainga at mga kilay ay nasasaklaw. (Larawan 2
at 3)
Ika-3 hakbang:
Pagkatapos, ilagay ang kaliwang palad sa buong
likuran ng kanang kamay mula sa pupulsuhan
hanggang dulo ng mga daliri. (Larawan 4)
Ika-4 na hakbang:
Pagkatapos, ilagay ang kanang palad sa buong
likuran ng kaliwang kamay.
Ika-5 hakbang:
Kasabay na ihampas nang mahinay ang dalawang mga
palad sa lupa, buhangin o bato sa ikalawang
pagkakataon tulad ng ika-1 hakbang.
Ika-6 na hakbang:
Ulitin ang ika-3 hakbang.
Ika-7 hakbang:
Ulitin ang ika-4 na hakbang.
Para sa karagdagang kaalaman hinggil sa mga
aspetong ritwal at espiritwal ng wudhu,
tayammum, at ghusl, dumalaw sa:
http://al-islam.org/ritualandspiritual/
| 
